ՀՀ գիտությունների ազգային ակադեմիա
ՀԱՅ  ENG  РУС
Home academy [@] sci.am Facebook Page
Գլխավոր էջ Ակադեմիայի մասին Բաժանմունքներ Կազմակերպություններ Անդամներ Կապ մեզ հետ
Վարդան Գրեգորյան
դոկտոր, պրոֆեսոր
COVID-19
Կառուցվածք
Նախագահության անդամներ
Փաստաթղթեր
Ինովացիոն առաջարկներ
Հրատարակություններ
Հիմնադրամներ
Գիտաժողովներ
Մրցույթներ
Լուսանկարներ
Տեսադարան
Վեբ ռեսուրսներ
Այլ ակադեմիաներ
«Գիտություն» թերթ
«Գիտության աշխարհում» հանդես
Հրապարակումներ մամուլում
Ազդեր
Հոբելյաններ
Համալսարաններ
Նորություններ
Գիտական արդյունքներ
Սփյուռքի բաժինը ներկայացնում է
Երիտասարդ գիտնականի ամբիոն
Մեր երախտավորները
Հայտարարություններ
Լինդաու քաղաքում Նոբելյան մրցանակի դափնեկրի հետ հանդիպում
Կայքի քարտեզ
Երիտասարդ գիտնականի ամբիոն
Յուրի Բլեյան

ԵԳԱԾ-ի «Գիտական հոդվածների տպագրության համար երիտասարդ գիտնականներին խրախուսման մրցույթի» շահառու

Հայ-Ռուսական համալսարանի (ՀՌՀ) Ընդհանուր ֆիզիկայի և քվանտային նանոկառուցվածքների ամբիոնի, ՀՀ Գիտությունների ազգային ակադեմիայի Նալբանդյանի անվան քիմիական ֆիզիկայի ինստիտուտի գիտաշխատող, ֆիզիկամաթեմատիկական գիտությունների թեկնածու Յուրի Բլեյանը «Երիտասարդ գիտնականների աջակցության ծրագրի» շրջանակներում իրականացվող «Գիտական հոդվածների տպագրության համար երիտասարդ գիտնականներին խրախուսման» մրցույթի շահառու է։

Յուրի Բլեյանը շահառու է ճանաչվել «Scimago Journal & Country Ranking (SJR)»-ում ամսագրերի դասակարգման ավելի բարձր քառորդում առաջին անգամ տպագրության համար։ Ներկայացրել է «Non-linear optical properties of biexciton in ellipsoidal quantum dot» («Բիէքսիտոնի ոչ գծային օպտիկական հատկությունները էլիպսարդային քվանտային կետում») հոդվածը, որը տպագրվել է «Nanomaterials» ամսագրում։ Հոդվածի համահեղինակներն են ՀՌՀ Ընդհանուր ֆիզիկայի և քվանտային նանոկառուցվածքների ամբիոնի վարիչ, դոցենտ Դավիթ Հայրապետյանը, գիտաշխատող Պայծառ Մանթաշյանը, ՀՌՀ գլխավոր գիտական խորհրդական, պրոֆեսոր Էդուարդ Ղազարյանը, ՀՌՀ Ինժեներաֆիզիկական ինստիտուտի տնօրեն, պրոֆեսոր Հայկ Սարգսյանը, Իտալիայի ազգային հետազոտական կենտրոնի պրոֆեսոր Ջանլուկա Ակորսին, Հունաստանի Պատրասի համալսարանի պրոֆեսոր Սոտիրիս Բասկուտասը։

Ո՞րն է Ձեր աշխատանքի կարևորությունն ու արդիականությունը:

- Առաջին անգամ որոշվել են բիէքսիտոնի էներգիաները հիմնական և մինչև 12-րդ գրգռված վիճակների համար վարիացիոն մեթոդի շրջանակներում: Ստացվել է բիէքսիտոնի էներգիական դիագրամն էլիպսարդի երկրաչափական պարամետրերի տարբեր արժեքների համար: Ցույց են տրվել էներգիայի մակարդակների շեղումները՝ պայմանավորված քվանտային կետի չափերով: Բիէքսիտոնի և էքսիտոնի միջև քվանտային անցումները դիտարկվել են միայն առաջին երեք մակարդակների համար: Դիտարկվել են էքսիտոնային անցումների համապատասխան օսցիլյատորային ուժերը, մասնավորապես, բիէքսիտոն-էքսիտոն, էքսիտոն-հիմնական վիճակ: Ուսումնասիրվել են բիէքսիտոնի հիմնական և գրգռված վիճակների համար երրորդ կարգի ոչ գծային ընկալունակությունների իրական և կեղծ մասերը մեկֆոտոնային, ինչպես նաև երկֆոտոնային ռեզոնանսային հաճախությունների համար:

Ի՞նչ նշանակություն ունեն նմանատիպ ծրագրերը երիտասարդ գիտնականների համար: 

- Նմանօրինակ ծրագրերը, առաջին հերթին, նպաստում են երիտասարդ գիտնականների մոտիվացիայի աճին։ Հատկապես կարևոր է խրախուսել բարձր ազդեցության գործակից ունեցող միջազգային գիտական ամսագրերում տպագրումը։ Ինքս «Scopus» գիտատեղեկատվական շտեմարանի ամսագրերում ընդգրկված 10 հոդվածի հեղինակ և համահեղինակ եմ։ Մեր օրերում առավել կարևոր է ոչ թե տպագրված հոդվածների քանակը, այլ որակը։ Կարևոր է ստեղծել արտերկրի գիտնականների հետ համատեղ հարթակ փոխհամագործակցության, վերապատրաստումների և փորձի փոխանակման համար։ 

Ինչպե՞ս ընտրեցիք Ձեր մասնագիտությունը։

- Արտաշես Շահինյանի անվան ֆիզմաթ դպրոցն ավարտելուց հետո տատանվում էի ֆիզիկայի և ծրագրավորման միջև։ Ի վերջո, ընտրեցի ֆիզիկան, որի համար չեմ փոշմանում ոչ մի վայրկյան։ Ֆիզիկան եղել է, կա և կլինի ամենաարդիական ուղղություններից մեկը, քանի որ այն հանդիսանում է մարդկության զարգացման լոկոմոտիվ։

Ինչպե՞ս եք գնահատում պետության աջակցությունը երիտասարդ գիտնականներին:

- Վերջին տարիներին Գիտության կոմիտեի կողմից ավելացել է գիտական տարբեր ծրագրերի և դրամաշնորհների քանակը, ինչը նպաստում է երիտասարդ մասնագետների հոսքի աճին դեպի գիտություն։ 

Բացի մասնագիտականից, ի՞նչ հմտություններ կարող են մրցակցային առավելություն տալ երիտասարդ գիտնականին Ձեր ոլորտում: 

- Կարծում եմ, որ 21-րդ դարում, բացի մասնագիտական գիտելիքներից, անհրաժեշտ է տիրապետել օտար լեզուների, ունենալ ծրագրավորման որոշակի գիտելիքներ։ Ժամանակակից գիտնականը պետք է լինի նպատակասլաց և ճկուն՝ պայմանավորված հետազոտության մեթոդների, մոտեցումների և տեխնոլոգիաների արագ փոփոխմամբ։ 

Իտալիայի ազգային հետազոտական կենտրոն 

Հայաստանում գիտության զարգացման համար ի՞նչ դերակատարում ունեն «Գիտուժ»-ը և այլ գիտական նախաձեռնությունները: 

- «Գիտուժ»-ը միտված է Հայաստանում գիտական միջավայրի զարգացմանը, ինչպես նաև գիտության հանրայնացմանը։ Նմանօրինակ նախաձեռնությունները նպաստում են Հայաստանում գիտության և տեխնոլոգիաների զարգացմանը, ինչը, իհարկե, ոգևորիչ է։

Ի՞նչ նախասիրություններ ունեք։ 

- Ազատ ժամանակ զբաղվում եմ սպորտով, հաճախում եմ լողի և մարզասրահ։ Ժամանակի սղության պատճառով կարդում եմ միայն մասնագիտական գրականություն։

Կբնութագրեք Ձեզ մեկ նախադասությամբ:

- Նպատակասլաց և աշխատասեր մարդ։

Ո՞րն է Ձեր գիտական երազանքը։

- Գիտական երազանքս է, անխոս, ստանալ Նոբելյան մրցանակ։ Կարծում եմ, որ այս երազանքն ունի գիտությամբ զբաղվող մարդկանց մեծ մասը։

Ի՞նչ կարգախոսով եք առաջնորդվում:

- Ձևակերպել նպատակներն ու անելիքները և անշեղորեն հասնել դրանց:

Մոնիկա Երիցյան


Ազդեր








2024թ.-ի ապրիլի 23-ին՝ ժամը 10:30-ին, ՀՀ Գիտությունների ազգային ակադեմիայում տեղի կունենա տարեկան ընդհանուր ժողով՝ նվիրված ՀՀ ԳԱԱ 2023թ.-ի գիտական և գիտակազմակերպական գործունեության հիմնական արդյունքներին: Գիտությունների բաժանմունքների տարեկան ընդհանուր ժողովները կանցկացվեն ապրիլի 22-ին՝ ժամը 10:00-ին

ՀՀ ԳԱԱ ՖՀԻ-ը IPR Armenia Optica Student Chapter-ի հետ միասին հայտարարում են «Լույսը լուսանկարչի աչքերով» խորագրով ֆոտոմրցույթ՝ նվիրված Լույսի միջազգային օրվան: Մրցույթին գրացման վերջնաժամկետն է՝ ս.թ. մայիսի 1-ը

Ս.թ. ապրիլի 10-ին ժ. 15:00-ին ՀՀ ԳԱԱ նիստերի դահլիճում (Բաղրամյան պող., 24) տեղի կունենա սեմինարների շարքի երրորդ հանդիպումը՝ «Հավաքում ենք փաթիլ. ատոմներից դեպի մոլեկուլ և բյուրեղ» խորագրով: Որպես մոդերատոր հանդես կգա անվանի քիմիկոս, SKOLKOVO-ի գիտության և տեխնոլոգիաների ինստիտուտի պրոֆեսոր Արտեմ Օհանովը

Ս.թ. ապրիլի 5-ին, ժամը 12:00-ին ՀՀ ԳԱԱ Նախագահության նիստերի դահլիճում տեղի կունենա «Կանալացման նորագույն տեխնոլոգիաներ։ Չեզոք և լիցքավորված փնջեր ուղղորդող հզոր արտաքին էլեկտրամագնիսական դաշտեր» թեմայով սեմինար, որը կներկայացնի Միջուկային ֆիզիկայի ազգային ինստիտուտի (Իտալիա) պրոֆեսոր Սուլտան Դաբագովը

Ս.թ. ապրիլի 1-ին, ժամը 12:00-ին ՀՀ ԳԱԱ Նախագահության նիստերի դահլիճում տեղի կունենա «Մագնիսաչափությունը՝ միջուկային սպին-բևեռացված 14N-ով ադամանդում NV-կենտրոնների հիման վրա» թեմայով սեմինար, որը կներկայացնի Լատվիայի համալսարանի պրոֆեսոր Մարցիս Աուզինշը

ՀՀ ԳԱԱ Շիրակի հայագիտական հետազոտությունների կենտրոնը սկսում է «Գիտական աշխատություններ» պարբերականի 2024թ.1 (27) հատորի հոդվածների ընդունումը: Առաջնահերթությունը տրվում է անգլերեն և ռուսերեն լեզուներով հոդվածներին: Հոդվածների ընդունման վերջնաժամկետն է՝ 2024թ. մարտի 1-ը

Международный инновационный центр нанотехнологий СНГ (МИЦНТ СНГ) при поддержке Межгосударственного фонда гуманитарного сотрудничества государств - участников СНГ (МФГС) и Объединенного института ядерных исследований объявляет о проведении конкурса на соискание грантов на разработку проектов в рамках деятельности МИЦНТ СНГ в 2024 году и очередной Стажировки молодых ученых и специалистов стран СНГ в Дубне в апреле - мае 2024года

ՀՀ գիտության և տեխնիկայի զարգացման 2020-2024թթ. գերակայության ՀՀ կառավարության որոշման նախագիծ

Հրապարակումներ մամուլում
15/04/2024

Ֆինանսական փոխհատուցում կտրամադրվի գիտական աշխատանքների հրատարակության համար․ նոր կարգ
escs.am
12/04/2024

Մեկնարկել է «Երկակի նշանակության գիտական նախագծեր 2024» մրցույթը
escs.am
12/04/2024

Նոր կարգ՝ ուղղված արշավախմբերի կազմակերպանը, գիտական գործուղման ճանապարհածախսի փոխհատուցմանը
hesc.am
11/04/2024

Արցախի՝ աղվանական ներկայացվող կոթողները որևէ կապ չունեն աղվանների և կովկասյան բնիկ հանրույթների հետ․ Monument Watch
news.am
Կայքը հաճախել են
6 956 752

անգամ սկսած 01.01.2005թ.
National Academy of Sciences of the Republic of Armenia
ՀՀ ԳԱԱ պատկերանիշ (սև, կապույտ)
Ճիշտ տառատեսակի արտապատկերման համար ներբեռնեք և տեղադրեք Arian AMU.ttf
Դեպի վեր Կայքը վերջին անգամ թարմացվել է՝  20:07, 23/04/2024 Դեպի վեր
Գլխավոր էջ - Ակադեմիայի մասին - Բաժանմունքներ - Կազմակերպություններ - Անդամներ - Կապ մեզ հետ - Կառուցվածք - COVID-19
Նախագահության անդամներ - Փաստաթղթեր - Ինովացիոն առաջարկներ - Հրատարակություններ - Հիմնադրամներ - Գիտաժողովներ - Մրցույթներ
Լուսանկարներ - Տեսադարան - Վեբ ռեսուրսներ - Այլ ակադեմիաներ - «Գիտություն» թերթ - «Գիտության աշխարհում» հանդես - Հրապարակումներ մամուլում
Ազդեր - Հոբելյաններ - Համալսարաններ - Նորություններ - Գիտական արդյունքներ - Սփյուռքի բաժինը ներկայացնում է - Երիտասարդ գիտնականի ամբիոն
Մեր երախտավորները - Հայտարարություններ - Լինդաու քաղաքում Նոբելյան մրցանակի դափնեկրի հետ հանդիպում - Կայքի քարտեզ
© Copyright 1998-2024 Բոլոր հեղինակային իրավունքները պաշտպանված են:
Կայքը պատրաստված է և սպասարկվում է Հայաստանի ակադեմիական գիտահետազոտական կոմպյուտերային ցանցի կողմից (ASNET-AM):
Հարցերի կամ առաջարկությունների համար կարող եք ուղարկել նամակ webmaster {[ at ]} sci.am էլեկտրոնային փոստին: