ՀՀ գիտությունների ազգային ակադեմիա
ՀԱՅ  ENG  РУС
Home academy [@] sci.am Facebook Page
Գլխավոր էջ Ակադեմիայի մասին Բաժանմունքներ Կազմակերպություններ Անդամներ Կապ մեզ հետ
Վարդան Գրեգորյան
դոկտոր, պրոֆեսոր
COVID-19
Կառուցվածք
Նախագահության անդամներ
Փաստաթղթեր
Ինովացիոն առաջարկներ
Հրատարակություններ
Հիմնադրամներ
Գիտաժողովներ
Մրցույթներ
Լուսանկարներ
Տեսադարան
Վեբ ռեսուրսներ
Այլ ակադեմիաներ
«Գիտություն» թերթ
«Գիտության աշխարհում» հանդես
Հրապարակումներ մամուլում
Ազդեր
Հոբելյաններ
Համալսարաններ
Նորություններ
Գիտական արդյունքներ
Սփյուռքի բաժինը ներկայացնում է
Երիտասարդ գիտնականի ամբիոն
Մեր երախտավորները
Հայտարարություններ
Լինդաու քաղաքում Նոբելյան մրցանակի դափնեկրի հետ հանդիպում
Կայքի քարտեզ
Երիտասարդ գիտնականի ամբիոն
Հենրիկ Պարսամյան

ԵԳԱԾ-ի «Գիտական սարքերի և նյութերի ձեռքբերման մրցույթ»-ի շահառու

ՀՀ Գիտությունների ազգային ակադեմիայի Նալբանդյանի անվան քիմիական ֆիզիկայի ինստիտուտի գիտաշխատող Հենրիկ Պարսամյանը ճանաչվել է «Երիտասարդ գիտնականների աջակցության ծրագրի» շրջանակներում իրականացվող «Գիտական սարքերի և/կամ նյութերի ձեռքբերման մրցույթի» շահառու։  

Ծրագրի շնորհիվ ՀՀ ԳԱԱ Նալբանդյանի անվան քիմիական ֆիզիկայի ինստիտուտի Նանոգիտության և նանոտեխնոլոգիաների նորարարական կենտրոնի համար ձեռք է բերվել բարձր հաճախային գեներատոր, որը կբարձրացնի քիմիական գոլորշենստեցման սարքի գործառնականությունը։ Այն թույլ կտա պլազմայի միջոցով իրականացնել տարատեսակ նյութերի բարակ թաղանթների սինթեզ։ Հենրիկ Պարսամյանն աշխատանքներն իրականացնում է իր գործընկերների՝ Ավետիս Սիմոնյանի ու Վարդան Հայրապետյանի հետ՝ ֆիզիկամաթեմատիկական գիտությունների թեկնածու Մկրտիչ Երանոսյանի ղեկավարմամբ։ «Մեր կենտրոնը համագործակցում է մի շարք գիտական հաստատությունների հետ Հայաստանում և Գերմանիայում», - նշում է երիտասարդ գիտնականը։

Շնորհավորում ենք Ձեզ մրցույթի արդյունքներով շահառու ճանաչվելու կապակցությամբ: Ի՞նչ գիտական արդյունք եք ակնկալում ստանալ, ո՞րն է դրա կարևորությունը:

- Վերջին 15 տարիների ընթացքում, ոգեշնչված գրաֆենի հայտնագործմամբ, գիտական հանրության ուշադրությունն են գրավել մեկ կամ մի քանի ատոմական շերտեր պարունակող, այսպես կոչված, երկչափ նյութերը։ Մասնավորապես գրաֆենը, որն իրենից ներկայացնում է մեկ ատոմական շերտ պարունակող, հեքսագոնալ (վեցանկյուն) բյուրեղացանցով ածխածնի ալլոտրոպ (միևնույն քիմիական տարրի տարբեր ձևերով հանդես գալն է, որոնք կարող են տարբերվել բյուրեղային ցանցում ատոմների դասավորվածությամբ)։ Այն ունի բարձր էլեկտրական և ջերմային հաղորդականություն, մեխանիկական ամրություն, ճկունություն, մեծ մակերևույթ-ծավալ հարաբերակցություն և փոքր զանգված։ 

Սարքի միջոցով նախատեսվում է սինթեզել գրաֆեն և մոլիբդենի դիսուլֆիդի բարակ թաղանթներ, որոնք կօգտագործվեն կենսաբանական սենսորներում և ֆոտոդետեկտորներում։ Պլազմայի միջոցով քիմիական գոլորշենստեցման եղանակով նյութերի սինթեզը կարևորվում է նրանով, որ դրա շրջանակներում ստացված օպտիմալ պարամետրերը՝ վակուումի մակարդակ, ճնշում, ժամանակ, ջերմաստիճան, կիրառելի են նաև կոնվերային արտադրությունում։ Ինստիտուտում և գործընկեր կազմակերպություններում առկա տարատեսակ չափիչ սարքերը թույլ կտան բնութագրել սինթեզված թաղանթները և ամբողջացնել հետազոտությունները։

Ունե՞ք հրապարակումներ արտասահմանյան ամսագրերում:

- Scopus» գիտական շտեմարանի ամսագրերում ընդգրկված 10 հոդվածի համահեղինակ եմ։ 

Հարավային Կորեայի Սեուլի Սոգանգ համալսարանի ֆիզիկայի ֆակուլտետի Միկրոալիքային ֆոտոնիկայի լաբորատորիայի ղեկավար, պրոֆեսոր Քիջին Լիի հետ

Ինչպե՞ս եք գնահատում պետության աջակցությունը երիտասարդ գիտնականներին: Ի՞նչ է պետք, որպեսզի երիտասարդը զբաղվի գիտությամբ: 

- Պետությունը վերջին տարիներին էապես ավելացրել է նյութատեխնիկական բազայի թարմացմանը, միջազգային համագործակցությունների աջակցությանն ուղղված միջոցները։ Այս գործոնները կնպաստեն նաև Հայաստանում հետթեկնածուական կարգավիճակի (PostDoc) համակարգի ներդրմանը, ինչը շատ ողջունելի է։ 

Հայաստանում գիտության զարգացման համար ի՞նչ դերակատարում ունեն «Գիտուժ»-ը և այլ գիտական նախաձեռնությունները: 

- Գիտեմ «Գիտուժ»-ի նպատակների մասին և հետևում եմ նախաձեռնության աշխատանքների ընթացքին։ Գիտական նախաձեռնությունները մեծ դեր են կատարում գիտության ոլորտում խնդիրները վերհանելու գործում։

Ի՞նչ գրքեր եք կարդում։ 

- Հիմնականում կարդում եմ մասնագիտական գրականություն։ Վերջին ոչ մասնագիտական գիրքը, որ կարդացել եմ, Վլադիմիր Ցվետովի «Пятнадцатый камень сада Рёандзи» գիրքն է։ Ճապոնիան ճիշտ բարեփոխումների շնորհիվ դարձել է աշխարհի տեխնոլոգիական առաջատարներից մեկը, և հեղինակը ներկայացնում է ճապոնացիների աշխարհայացքը, աշխատանքային մշակույթը։

Մոնիկա Երիցյան

Գլխավոր լուսանկարը՝ ԵՊՀ պաշտոնական կայքից


Ազդեր








ՀՀ ԳԱԱ ՖՀԻ-ը IPR Armenia Optica Student Chapter-ի հետ միասին հայտարարում են «Լույսը լուսանկարչի աչքերով» խորագրով ֆոտոմրցույթ՝ նվիրված Լույսի միջազգային օրվան: Մրցույթին գրացման վերջնաժամկետն է՝ ս.թ. մայիսի 1-ը

Ս.թ. ապրիլի 10-ին ժ. 15:00-ին ՀՀ ԳԱԱ նիստերի դահլիճում (Բաղրամյան պող., 24) տեղի կունենա սեմինարների շարքի երրորդ հանդիպումը՝ «Հավաքում ենք փաթիլ. ատոմներից դեպի մոլեկուլ և բյուրեղ» խորագրով: Որպես մոդերատոր հանդես կգա անվանի քիմիկոս, SKOLKOVO-ի գիտության և տեխնոլոգիաների ինստիտուտի պրոֆեսոր Արտեմ Օհանովը

Ս.թ. ապրիլի 5-ին, ժամը 12:00-ին ՀՀ ԳԱԱ Նախագահության նիստերի դահլիճում տեղի կունենա «Կանալացման նորագույն տեխնոլոգիաներ։ Չեզոք և լիցքավորված փնջեր ուղղորդող հզոր արտաքին էլեկտրամագնիսական դաշտեր» թեմայով սեմինար, որը կներկայացնի Միջուկային ֆիզիկայի ազգային ինստիտուտի (Իտալիա) պրոֆեսոր Սուլտան Դաբագովը

Ս.թ. ապրիլի 1-ին, ժամը 12:00-ին ՀՀ ԳԱԱ Նախագահության նիստերի դահլիճում տեղի կունենա «Մագնիսաչափությունը՝ միջուկային սպին-բևեռացված 14N-ով ադամանդում NV-կենտրոնների հիման վրա» թեմայով սեմինար, որը կներկայացնի Լատվիայի համալսարանի պրոֆեսոր Մարցիս Աուզինշը

ՀՀ ԳԱԱ Շիրակի հայագիտական հետազոտությունների կենտրոնը սկսում է «Գիտական աշխատություններ» պարբերականի 2024թ.1 (27) հատորի հոդվածների ընդունումը: Առաջնահերթությունը տրվում է անգլերեն և ռուսերեն լեզուներով հոդվածներին: Հոդվածների ընդունման վերջնաժամկետն է՝ 2024թ. մարտի 1-ը

Международный инновационный центр нанотехнологий СНГ (МИЦНТ СНГ) при поддержке Межгосударственного фонда гуманитарного сотрудничества государств - участников СНГ (МФГС) и Объединенного института ядерных исследований объявляет о проведении конкурса на соискание грантов на разработку проектов в рамках деятельности МИЦНТ СНГ в 2024 году и очередной Стажировки молодых ученых и специалистов стран СНГ в Дубне в апреле - мае 2024года

ՀՀ գիտության և տեխնիկայի զարգացման 2020-2024թթ. գերակայության ՀՀ կառավարության որոշման նախագիծ

Հրապարակումներ մամուլում
12/04/2024

Մեկնարկել է «Երկակի նշանակության գիտական նախագծեր 2024» մրցույթը
escs.am
12/04/2024

Նոր կարգ՝ ուղղված արշավախմբերի կազմակերպանը, գիտական գործուղման ճանապարհածախսի փոխհատուցմանը
hesc.am
11/04/2024

Արցախի՝ աղվանական ներկայացվող կոթողները որևէ կապ չունեն աղվանների և կովկասյան բնիկ հանրույթների հետ․ Monument Watch
news.am
09/04/2024

Ակադեմիական, քաղաքական եւ դիվանագիտական պայքարները պետք է միասին ընթանան. Գիտնական
aravot.am
Կայքը հաճախել են
6 950 205

անգամ սկսած 01.01.2005թ.
National Academy of Sciences of the Republic of Armenia
ՀՀ ԳԱԱ պատկերանիշ (սև, կապույտ)
Ճիշտ տառատեսակի արտապատկերման համար ներբեռնեք և տեղադրեք Arian AMU.ttf
Դեպի վեր Կայքը վերջին անգամ թարմացվել է՝  01:44, 16/04/2024 Դեպի վեր
Գլխավոր էջ - Ակադեմիայի մասին - Բաժանմունքներ - Կազմակերպություններ - Անդամներ - Կապ մեզ հետ - Կառուցվածք - COVID-19
Նախագահության անդամներ - Փաստաթղթեր - Ինովացիոն առաջարկներ - Հրատարակություններ - Հիմնադրամներ - Գիտաժողովներ - Մրցույթներ
Լուսանկարներ - Տեսադարան - Վեբ ռեսուրսներ - Այլ ակադեմիաներ - «Գիտություն» թերթ - «Գիտության աշխարհում» հանդես - Հրապարակումներ մամուլում
Ազդեր - Հոբելյաններ - Համալսարաններ - Նորություններ - Գիտական արդյունքներ - Սփյուռքի բաժինը ներկայացնում է - Երիտասարդ գիտնականի ամբիոն
Մեր երախտավորները - Հայտարարություններ - Լինդաու քաղաքում Նոբելյան մրցանակի դափնեկրի հետ հանդիպում - Կայքի քարտեզ
© Copyright 1998-2024 Բոլոր հեղինակային իրավունքները պաշտպանված են:
Կայքը պատրաստված է և սպասարկվում է Հայաստանի ակադեմիական գիտահետազոտական կոմպյուտերային ցանցի կողմից (ASNET-AM):
Հարցերի կամ առաջարկությունների համար կարող եք ուղարկել նամակ webmaster {[ at ]} sci.am էլեկտրոնային փոստին: