ՀՀ գիտությունների ազգային ակադեմիա
ՀԱՅ  ENG  РУС
Home academy [@] sci.am Facebook Page
Գլխավոր էջ Ակադեմիայի մասին Բաժանմունքներ Կազմակերպություններ Անդամներ Կապ մեզ հետ
Երվանդ Զորյան
դոկտոր, պրոֆեսոր
COVID-19
Կառուցվածք
Նախագահության անդամներ
Փաստաթղթեր
Ինովացիոն առաջարկներ
Հրատարակություններ
Հիմնադրամներ
Գիտաժողովներ
Մրցույթներ
Լուսանկարներ
Տեսադարան
Վեբ ռեսուրսներ
Այլ ակադեմիաներ
«Գիտություն» թերթ
«Գիտության աշխարհում» հանդես
Հրապարակումներ մամուլում
Ազդեր
Հոբելյաններ
Համալսարաններ
Նորություններ
Գիտական արդյունքներ
Սփյուռքի բաժինը ներկայացնում է
Երիտասարդ գիտնականի ամբիոն
Մեր երախտավորները
Հայտարարություններ
Լինդաու քաղաքում Նոբելյան մրցանակի դափնեկրի հետ հանդիպում
Կայքի քարտեզ
Երիտասարդ գիտնականի ամբիոն
Լիլիթ Արշակյան

ԵԳԱԾ-ի «Գիտական սարքերի և նյութերի ձեռքբերման մրցույթ»-ի շահառու

«‎Երիտասարդ գիտնականն իրեն վստահ է զգում և հավատում է իր գաղափարների իրագործմանը, եթե ձեռքի տակ ունի ժամանակակից սարքավորումներ, որոնք գաղափարը կդարձնեն իրականություն», - ասում է «Երիտասարդ գիտնականների աջակցության ծրագրի» շրջանակներում իրականացվող «Գիտական սարքերի և նյութերի ձեռքբերման մրցույթ»-ի շահառու Լիլիթ Արշակյանը: Լիլիթն աշխատում է ՀՀ Գիտությունների ազգային ակադեմիայի Օրգանական և դեղագործական քիմիայի գիտատեխնոլոգիական կենտրոնում:

Ի՞նչ գիտահետազոտական աշխատանք կատարելու նպատակով եք դիմել սարքավորումներ և նյութեր ձեռք բերելու համար:

- Այս դրամաշնորհի շրջանակներում նախատեսվում է ձեռք բերել Ջերմային ցիկլեր Պոլիմերազային շղթայական ռեակցիայի (ՊՇՌ) մեթոդի գործարկման համար, Հորիզոնական էլեկտրոֆորեզի սարքավորում, Վորտեքս խառնիչ և անհրաժեշտ որոշ ռեագենտներ: Իմ գիտական թեման վերաբերվում է լյարդի ցիռոզի նախնական ախտորոշմանը, հիվանդության զարգացմանը և բուժման տեմպի ուսումնասիրմանը: Սարքավորումների ձեռք բերումը հնարավորություն կտա նոր մոտեցումներ մշակել այդ ուսումնասիրությունների համար՝ ընդհուպ մինչև գենային մակարդակով: 

Ովքե՞ր են ներգրավված ձեր գիտական թեմայում, կա՞ համագործակցություն այլ գիտական կառույցների հետ:

- Հետազոտությունների ընթացքում օգտվում ենք տարբեր մասնագետների օգնությունից, փորձում ենք ստեղծել կապեր, որոնք ծնում են նոր գաղափարներ: Այս թեմայում ընդգրկված են մեր լաբորատորիայի ևս երկու աշխատակից՝ Լուսինե Հարությունյանը և Սրբուհի Բաղդասարյանը, իսկ թեմայի ղեկավարը ես եմ: Իմ ատենախոսական աշխատանքի ղեկավարը ՀՀ ԳԱԱ Մնջոյանի անվան նուրբ օրգանական քիմիայի ինստիտուտի «Դեղաբանության և պաթոհիստոլոգիայի» լաբորատորիայի վարիչ, կենսաբանական գիտությունների թեկնածու Հրաչիկ Գասպարյանն է:

Ո՞րն է եղել Ձեր մոտիվացիան, որը դրվել է մրցույթին ներկայացրած հայտի հիմքում:

- Երբ սկսեցի իմ գիտահետազոտական աշխատանքները, խնդիր էր դրված ուսումնասիրել Ֆլամին-Սիլիմարին բուսական խառնուրդի հոպատոպրոտեկտոր հատկությունները լյարդի տոքսիկ ցիռոզի պայմաններում:  Լյարդի ցիռոզը, որպես լյարդի հիվանդությունների վերջնական փուլ, տարեկան գրանցում է 1.3 միլիոն մահվան դեպք ամբողջ աշխարհում: Հանդիպում ունեցա բժիշկ Օնիկ Սարգսյանի հետ, և նրա կողմից հնչեցրած հարցադրումները ստիպեցին ինձ վերանայել գիտական հետաքրքրություններս՝ կապված իմ թեմայի հետ: Առաջացավ  նոր գիտական գաղափար՝ լյարդի ցիռոզի պատճառահետևանքային կապերի գնահատումը  ցիռոզի նախնական ախտորոշման, ցիռոզի զարգացման դինամիկայի և նոր հեպատոպրոտեկտորների բուժական արդյունավետության գնահատման համար: Դա դարձավ մոտիվացիա նորը հայտնաբերելու և իրագործելու համար: Իսկ ներկայիս դարաշրջանում ժամանակակից տեխնոլոգիաներով հագեցվածությունը գիտական գաղափարների առավել արդյունավետ վերծանման հիմքն է:

Քանի՞ հրապարակումներ ունեք, կա՞ն դրանց թվում «Scopus»-յան հոդվածներ: 

- Ընդհանուր 17 գիտական հրապարակում՝ ներառյալ թեզիսները: Վերջին թեզիսը, որը տպագրվել է մոտ մեկ ամիս առաջ, «Scopus»-յան Q1 քառորդում ընդգրկված պարբերականում է: 

Հայաստանում գիտության զարգացման համար ի՞նչ դերակատարում ունեն գիտական նախաձեռնությունները, օրինակ՝ «Գիտուժ»-ը: 

- «Գիտուժ»-ն ակտիվորեն բարձրաձայնում է գիտությանն առնչվող խնդիրները, առաջարկում է լուծումներ, ինչը շատ կարևոր է գիտության զարգացման գործում: 

Ինչի՞ մասին եք մտածում, երբ զբաղված չեք աշխատանքով:

- Գիտությունն ինձ համար աշխատանք չէ, իսկ այս շրջանում միայն զբաղվում եմ գիտությամբ:

Կբնութագրեք Ձեզ մեկ նախադասությամբ:

- Նպատակին հասնել ցանկացած փորձություններով, իսկ փորձությունները դարձնել իմացություն:

Ի՞նչ գրքեր եք կարդում: Ո՞վ է Ձեր սիրելի հեղինակը: 

- Վերջին շրջանում միայն գիտական և մասնագիտական գրականություն եմ ընթերցում: Իհարկե, ունեմ սիրելի հեղինակներ, սակայն ինձ համար կարևոր է այն ասելիքը, որը զետեղված է ստեղծագործության մեջ: 

Իրականացվե՞լ է Ձեր գիտական երազանքը, թե այն դեռ առջևում է: 

- Յուրաքանչյուր գիտական հաջողություն նոր երազանքի սկիզբ է:

 Մոնիկա Երիցյան


Ազդեր








Սույն թվականի մարտի 6-ին ժամը 15.00-ին ՀՀ ԳԱԱ նիստերի դահլիճում (Բաղրամյան պող., 24) տեղի կունենա Նովա Գորիցայի համալսարանի (Սլովենիա, ԵՄ) դոցենտ Արտեմ Բադասյանի «Ջրում սպիտակուցների կոնֆորմացիաների տեսական և փորձառական հարցեր» թեմայով գիտական զեկուցումը

ՀՀ ԳԱԱ Շիրակի հայագիտական հետազոտությունների կենտրոնը սկսում է «Գիտական աշխատություններ» պարբերականի 2024թ.1 (27) հատորի հոդվածների ընդունումը: Առաջնահերթությունը տրվում է անգլերեն և ռուսերեն լեզուներով հոդվածներին: Հոդվածների ընդունման վերջնաժամկետն է՝ 2024թ. մարտի 1-ը

Международный инновационный центр нанотехнологий СНГ (МИЦНТ СНГ) при поддержке Межгосударственного фонда гуманитарного сотрудничества государств - участников СНГ (МФГС) и Объединенного института ядерных исследований объявляет о проведении конкурса на соискание грантов на разработку проектов в рамках деятельности МИЦНТ СНГ в 2024 году и очередной Стажировки молодых ученых и специалистов стран СНГ в Дубне в апреле - мае 2024года

2024թ․ մարտի 28-30-ը ՀՀ գիտությունների ազգային ակադեմիան և Երևանի պետական համալսարանը անցկացնելու են «Հայաստանը որպես քաղաքակրթական խաչմերուկ․ պատմամշակութային առնչություններ» թեմայով միջազգային գիտաժողով

ՀՀ գիտության և տեխնիկայի զարգացման 2020-2024թթ. գերակայության ՀՀ կառավարության որոշման նախագիծ

Հրապարակումներ մամուլում
28/02/2024

Բելգիայում տեղի կունենա Մարի Սկլոդովսկա-Կյուրի գործողություններ ծրագրի վարպետության դաս
hesc.am
27/02/2024

Հովակիմ Զաքարյան. Կառավարությունն իրավունք չունի մեր հարկերով ձևավորվող բյուջեից միլիարդներ ծախսել մեգանախագծերի վրա
panorama.am
27/02/2024

STEM ոլորտում կանանց հնարավորությունների ընդլայնում. Բրիտանական խորհրդի կրթաթոշակային ծրագիրը
hesc.am
27/02/2024

Գիտարբուք Արսեն Առաքելյանի հետ․ Մոլեկուլային կենսաբանությունն ու հիվանդությունները
infocom.am
Կայքը հաճախել են
6 860 967

անգամ սկսած 01.01.2005թ.
National Academy of Sciences of the Republic of Armenia
ՀՀ ԳԱԱ պատկերանիշ (սև, կապույտ)
Ճիշտ տառատեսակի արտապատկերման համար ներբեռնեք և տեղադրեք Arian AMU.ttf
Դեպի վեր Կայքը վերջին անգամ թարմացվել է՝  16:19, 04/03/2024 Դեպի վեր
Գլխավոր էջ - Ակադեմիայի մասին - Բաժանմունքներ - Կազմակերպություններ - Անդամներ - Կապ մեզ հետ - Կառուցվածք - COVID-19
Նախագահության անդամներ - Փաստաթղթեր - Ինովացիոն առաջարկներ - Հրատարակություններ - Հիմնադրամներ - Գիտաժողովներ - Մրցույթներ
Լուսանկարներ - Տեսադարան - Վեբ ռեսուրսներ - Այլ ակադեմիաներ - «Գիտություն» թերթ - «Գիտության աշխարհում» հանդես - Հրապարակումներ մամուլում
Ազդեր - Հոբելյաններ - Համալսարաններ - Նորություններ - Գիտական արդյունքներ - Սփյուռքի բաժինը ներկայացնում է - Երիտասարդ գիտնականի ամբիոն
Մեր երախտավորները - Հայտարարություններ - Լինդաու քաղաքում Նոբելյան մրցանակի դափնեկրի հետ հանդիպում - Կայքի քարտեզ
© Copyright 1998-2024 Բոլոր հեղինակային իրավունքները պաշտպանված են:
Կայքը պատրաստված է և սպասարկվում է Հայաստանի ակադեմիական գիտահետազոտական կոմպյուտերային ցանցի կողմից (ASNET-AM):
Հարցերի կամ առաջարկությունների համար կարող եք ուղարկել նամակ webmaster {[ at ]} sci.am էլեկտրոնային փոստին: