ՀՀ գիտությունների ազգային ակադեմիա
ՀԱՅ  ENG  РУС
Home academy [@] sci.am Facebook Page
Գլխավոր էջ Ակադեմիայի մասին Բաժանմունքներ Կազմակերպություններ Անդամներ Կապ մեզ հետ
Վարդան Գրեգորյան
դոկտոր, պրոֆեսոր
COVID-19
Կառուցվածք
Նախագահության անդամներ
Փաստաթղթեր
Ինովացիոն առաջարկներ
Հրատարակություններ
Հիմնադրամներ
Գիտաժողովներ
Մրցույթներ
Լուսանկարներ
Տեսադարան
Վեբ ռեսուրսներ
Այլ ակադեմիաներ
«Գիտություն» թերթ
«Գիտության աշխարհում» հանդես
Հրապարակումներ մամուլում
Ազդեր
Հոբելյաններ
Համալսարաններ
Նորություններ
Գիտական արդյունքներ
Սփյուռքի բաժինը ներկայացնում է
Երիտասարդ գիտնականի ամբիոն
Մեր երախտավորները
Հայտարարություններ
Լինդաու քաղաքում Նոբելյան մրցանակի դափնեկրի հետ հանդիպում
Կայքի քարտեզ
Երիտասարդ գիտնականի ամբիոն
Անահիտ Խլղաթյան

ԵԳԱԾ-ի «Երիտասարդ գիտնականների վերապատրաստման ծրագրի» հաղթող և «Գիտական սարքերի և նյութերի ձեռքբերման մրցույթ»-ի շահառու

ՀՀ Գիտությունների ազգային ակադեմիայի Էկոլոգանոոսֆերային հետազոտությունների կենտրոնի Աշխարհագրական տեղեկատվական համակարգի և հեռազննում բաժնի լաբորանտ-հետազոտող, ասպիրանտ Անահիտ Խլղաթյանը «Երիտասարդ գիտնականների աջակցության ծրագրի» շրջանակներում իրականացվող երկու ծրագրերի շահառու է: «Երիտասարդ գիտնականների վերապատրաստման ծրագրի» շրջանակներում Անահիտը մեկնելու է Գերմանիա, իսկ «Գիտական սարքերի և նյութերի ձեռքբերման մրցույթի» շրջանակներում Հայաստանում կատարելու է քաղաքային տարածքներում ջերմային կղզիների ուսումնասիրություն՝ կիրառելով հեռազննման տեխնոլոգիաները: 

«‎Նման ծրագրերը երիտասարդ գիտնականների համար նոր գաղափարների գեներացման և մտահորիզոնի մեծացման հնարավորություն են», - ասում է Անահիտ Խլղաթյանը‎։

Ի՞նչ թեմա եք իրականացնելու «Երիտասարդ գիտնականների վերապատրաստման ծրագրի» շրջանակներում, ո՞ւմ հետ եք համագործակցելու: 

- Վերապատրաստվելու եմ գերմանական «Earth Observation & Environmental Services»  (EOMAP) կազմակերպությունում: EOMAP-ը և ՀՀ ԳԱԱ Էկոլոգանոոսֆերային հետազոտությունների կենտրոնը «SEVAMOD2-Հայաստանում Սևանա լճի գիտահեն կառավարման գործիքակազմի հզորացում» նախագծի մասնակից կազմակերպություններ են: Հրավիրող կողմը Գերմանիայի Շրջակա միջավայրի հետազոտությունների Հեմհոլցի կենտրոնի լճային հետազոտությունների բաժնի ղեկավար, դոկտոր Կառստեն Ռինկեն է, ով SEVAMOD2 «Սևանա լճի համար գիտության վրա հիմնված կառավարման գործիքների ստեղծում» ծրագրի ղեկավարն է: Վերապատրաստման այս ծրագիրն օժանդակելու է միջազգային SEVAMOD2 և տեղական «Լեռնային լճերի ջրի որակի տարածաժամանակային փոփոխությունների գնահատում հեռազննման տվյալների մշակման տեխնոլոգիաների կիրառմամբ» ծրագրերին և հնարավորություն է տալու ստեղծել Սևանա լճի ջրի որակի հեռազննման մոնիթորինգային գործիք:

Իմ թեման վերաբերում է Սևանա լճի ջրի որակի գնահատման համակարգ ստեղծելուն: Վերապատրաստումը հնարավորություն կտա ուսումնասիրել EOMAP կազմակերպության հաջողված փորձը նմանատիպ վեբ-պլատֆորմների մշակման ուղղությամբ (eoApp, eoPortal), տեղում ծանոթանալ նմանատիպ համակարգերի ստեղծման առանձնահատկություններին ու հմտություններին: Արդյունքում ստեղծվելու է արբանյակային նկարներից Սևանա լճի ջրի որակի որոշ պարամետրեր ստանալու դեմո-գործիք:

 

«Գիտական սարքերի և նյութերի ձեռքբերման մրցույթի» շրջանակներում ի՞նչ գիտահետազոտական աշխատանքի համար եք դիմել, ի՞նչ սարքեր կամ նյութեր եք ձեռք բերելու: 

- Նախատեսվում է ձեռք բերել սարքերի հավաքածու (Регистратор температуры TR-2L (-40…+85)°C, δ≤±0.5(с поверкой)(20 шт), Капсула защитная Thermochron protector(20 шт), Устройтво обслуживания регистраторов автономное Термохрон Аудитор (1шт)), որը կիրառվում է մթնոլորտային օդի ջերմաստիճանը գրանցելու և ջերմաստիճանային տվյալների շարունակական շարք ապահովելու համար: Հավաքածուն օգտագործվելու է «Գիտական խմբերի կամ լաբորատորիաների ամրապնդմանն աջակցության գիտական թեմաների հայտերի ընտրության մրցույթի» 20TTCG-1E009 ծածկագրով «Երկրաէկոլոգիական հետազոտություններում երկրատարածական տվյալների մշակման գործում մեքենայական ուսուցման կիրառման կարողությունների հզորացում» ծրագրի շրջանակներում կատարվող հետազոտությունների ընթացքում: Սարքերի միջոցով կիրականացվի քաղաքային տարածքների ջերմային դաշտերի հեռազննման մեթոդի ստուգաչափում: 

Ովքե՞ր են մասնակցելու աշխատանքների իրականացմանը, կա՞ համագործակցություն գիտական այլ կառույցների հետ Հայաստանում և արտերկրում:

- Մրցույթին դիմել եմ մեր բաժնի երկու աշխատակիցների հետ համատեղ՝ կենտրոնի լաբորանտ-հետազոտող, առաջին կուրսի ասպիրանտ Գրիգոր Այվազյանի և կենտրոնի լաբորանտ-հետազոտող, բակալավրիատի երրորդ կուրսի ուսանող Ռիմա Ավետիսյանի: Մեր բաժնի ղեկավարն աշխարհագրական գիտությունների թեկնածու Շուշանիկ Ասմարյանն է: Հետազոտության շրջանակներում համագործակցելու ենք Իտալիայի Պավիայի համալսարանի հետ: 

Ի՞նչ գիտական արդյունք եք ակնկալում ստանալ:

- Ակնկալվում է բարելավել ջերմաստիճանային տվյալների միջոցով ներկայում իրականացվող ուսումնասիրությունները և մշակել քաղաքային տարածքում ջերմային պայմանների գնահատման հեռազննման մեթոդ:

Կպատմեք՝ ինչպե՞ս ընտրեցիք Ձեր մասնագիտությունը:  

- Այս ոլորտում հայտնվել եմ աշխարհագրական տեղեկատվական համակարգի և հեռազննման տեխնոլոգիաների հանդեպ ունեցած հետաքրքրության շնորհիվ։ Եղել են նաև հիասթափություններ, բայց դրանք կարճատև են։ Այսօր կարող եմ ասել, որ սպասելիքներս առավել քան արդարացված են:

Ինչպե՞ս եք վերաբերվում արհեստական բանականությանը, կարո՞ղ է այն փոխարինել Ձեզ Ձեր աշխատանքում:

- Դրական եմ վերաբերվում: Մոտ ապագայում, կարծում եմ, այդպիսի բան հնարավոր չէ:

Մոնիկա Երիցյան


Ազդեր








2024թ.-ի ապրիլի 23-ին՝ ժամը 10:30-ին, ՀՀ Գիտությունների ազգային ակադեմիայում տեղի կունենա տարեկան ընդհանուր ժողով՝ նվիրված ՀՀ ԳԱԱ 2023թ.-ի գիտական և գիտակազմակերպական գործունեության հիմնական արդյունքներին: Գիտությունների բաժանմունքների տարեկան ընդհանուր ժողովները կանցկացվեն ապրիլի 22-ին՝ ժամը 10:00-ին

ՀՀ ԳԱԱ ՖՀԻ-ը IPR Armenia Optica Student Chapter-ի հետ միասին հայտարարում են «Լույսը լուսանկարչի աչքերով» խորագրով ֆոտոմրցույթ՝ նվիրված Լույսի միջազգային օրվան: Մրցույթին գրացման վերջնաժամկետն է՝ ս.թ. մայիսի 1-ը

Ս.թ. ապրիլի 10-ին ժ. 15:00-ին ՀՀ ԳԱԱ նիստերի դահլիճում (Բաղրամյան պող., 24) տեղի կունենա սեմինարների շարքի երրորդ հանդիպումը՝ «Հավաքում ենք փաթիլ. ատոմներից դեպի մոլեկուլ և բյուրեղ» խորագրով: Որպես մոդերատոր հանդես կգա անվանի քիմիկոս, SKOLKOVO-ի գիտության և տեխնոլոգիաների ինստիտուտի պրոֆեսոր Արտեմ Օհանովը

Ս.թ. ապրիլի 5-ին, ժամը 12:00-ին ՀՀ ԳԱԱ Նախագահության նիստերի դահլիճում տեղի կունենա «Կանալացման նորագույն տեխնոլոգիաներ։ Չեզոք և լիցքավորված փնջեր ուղղորդող հզոր արտաքին էլեկտրամագնիսական դաշտեր» թեմայով սեմինար, որը կներկայացնի Միջուկային ֆիզիկայի ազգային ինստիտուտի (Իտալիա) պրոֆեսոր Սուլտան Դաբագովը

Ս.թ. ապրիլի 1-ին, ժամը 12:00-ին ՀՀ ԳԱԱ Նախագահության նիստերի դահլիճում տեղի կունենա «Մագնիսաչափությունը՝ միջուկային սպին-բևեռացված 14N-ով ադամանդում NV-կենտրոնների հիման վրա» թեմայով սեմինար, որը կներկայացնի Լատվիայի համալսարանի պրոֆեսոր Մարցիս Աուզինշը

ՀՀ ԳԱԱ Շիրակի հայագիտական հետազոտությունների կենտրոնը սկսում է «Գիտական աշխատություններ» պարբերականի 2024թ.1 (27) հատորի հոդվածների ընդունումը: Առաջնահերթությունը տրվում է անգլերեն և ռուսերեն լեզուներով հոդվածներին: Հոդվածների ընդունման վերջնաժամկետն է՝ 2024թ. մարտի 1-ը

Международный инновационный центр нанотехнологий СНГ (МИЦНТ СНГ) при поддержке Межгосударственного фонда гуманитарного сотрудничества государств - участников СНГ (МФГС) и Объединенного института ядерных исследований объявляет о проведении конкурса на соискание грантов на разработку проектов в рамках деятельности МИЦНТ СНГ в 2024 году и очередной Стажировки молодых ученых и специалистов стран СНГ в Дубне в апреле - мае 2024года

ՀՀ գիտության և տեխնիկայի զարգացման 2020-2024թթ. գերակայության ՀՀ կառավարության որոշման նախագիծ

Հրապարակումներ մամուլում
15/04/2024

Ֆինանսական փոխհատուցում կտրամադրվի գիտական աշխատանքների հրատարակության համար․ նոր կարգ
escs.am
12/04/2024

Մեկնարկել է «Երկակի նշանակության գիտական նախագծեր 2024» մրցույթը
escs.am
12/04/2024

Նոր կարգ՝ ուղղված արշավախմբերի կազմակերպանը, գիտական գործուղման ճանապարհածախսի փոխհատուցմանը
hesc.am
11/04/2024

Արցախի՝ աղվանական ներկայացվող կոթողները որևէ կապ չունեն աղվանների և կովկասյան բնիկ հանրույթների հետ․ Monument Watch
news.am
Կայքը հաճախել են
6 956 745

անգամ սկսած 01.01.2005թ.
National Academy of Sciences of the Republic of Armenia
ՀՀ ԳԱԱ պատկերանիշ (սև, կապույտ)
Ճիշտ տառատեսակի արտապատկերման համար ներբեռնեք և տեղադրեք Arian AMU.ttf
Դեպի վեր Կայքը վերջին անգամ թարմացվել է՝  20:07, 23/04/2024 Դեպի վեր
Գլխավոր էջ - Ակադեմիայի մասին - Բաժանմունքներ - Կազմակերպություններ - Անդամներ - Կապ մեզ հետ - Կառուցվածք - COVID-19
Նախագահության անդամներ - Փաստաթղթեր - Ինովացիոն առաջարկներ - Հրատարակություններ - Հիմնադրամներ - Գիտաժողովներ - Մրցույթներ
Լուսանկարներ - Տեսադարան - Վեբ ռեսուրսներ - Այլ ակադեմիաներ - «Գիտություն» թերթ - «Գիտության աշխարհում» հանդես - Հրապարակումներ մամուլում
Ազդեր - Հոբելյաններ - Համալսարաններ - Նորություններ - Գիտական արդյունքներ - Սփյուռքի բաժինը ներկայացնում է - Երիտասարդ գիտնականի ամբիոն
Մեր երախտավորները - Հայտարարություններ - Լինդաու քաղաքում Նոբելյան մրցանակի դափնեկրի հետ հանդիպում - Կայքի քարտեզ
© Copyright 1998-2024 Բոլոր հեղինակային իրավունքները պաշտպանված են:
Կայքը պատրաստված է և սպասարկվում է Հայաստանի ակադեմիական գիտահետազոտական կոմպյուտերային ցանցի կողմից (ASNET-AM):
Հարցերի կամ առաջարկությունների համար կարող եք ուղարկել նամակ webmaster {[ at ]} sci.am էլեկտրոնային փոստին: