ՀՀ գիտությունների ազգային ակադեմիա
ՀԱՅ  ENG  РУС
Home academy [@] sci.am Facebook Page
Գլխավոր էջ Ակադեմիայի մասին Բաժանմունքներ Կազմակերպություններ Անդամներ Կապ մեզ հետ
Երվանդ Զորյան
դոկտոր, պրոֆեսոր
COVID-19
Կառուցվածք
Նախագահության անդամներ
Փաստաթղթեր
Ինովացիոն առաջարկներ
Հրատարակություններ
Հիմնադրամներ
Գիտաժողովներ
Մրցույթներ
Լուսանկարներ
Տեսադարան
Վեբ ռեսուրսներ
Այլ ակադեմիաներ
«Գիտություն» թերթ
«Գիտության աշխարհում» հանդես
Հրապարակումներ մամուլում
Ազդեր
Հոբելյաններ
Համալսարաններ
Նորություններ
Գիտական արդյունքներ
Սփյուռքի բաժինը ներկայացնում է
Երիտասարդ գիտնականի ամբիոն
Մեր երախտավորները
Հայտարարություններ
Լինդաու քաղաքում Նոբելյան մրցանակի դափնեկրի հետ հանդիպում
Կայքի քարտեզ
Երիտասարդ գիտնականի ամբիոն
Նարինե Հայրապետյան

ԵԳԱԾ-ի «Երիտասարդ գիտնականների վերապատրաստման ծրագրի» հաղթող

Ամփոփվել են «Երիտասարդ գիտնականների աջակցության ծրագրի» (ԵԳԱԾ) շրջանակներում իրականացվող «Երիտասարդ գիտնականների վերապատրաստման ծրագրի» մրցույթի արդյունքները: ԵԳԱԾ մասնագիտական փորձագիտական խորհրդի կողմից ընտրվել և ֆինանսավորման է երաշխավորվել 15 հայտ: ՀՀ Գիտությունների ազգային ակադեմիան ներկայացնում է հարցազրույցների շարք մրցույթի հաղթող երիտասարդ գիտնականների հետ: 

Մեր զրուցակիցը ՀՀ ԳԱԱ Թախտաջյանի անվան բուսաբանության ինստիտուտի ասպիրանտ և գիտաշխատող Նարինե Հայրապետյանն է. «‎Իմ ոգեշնչանքի աղբյուրը բույսերն են։ Ուսանող ժամանակ կամավորություն էի անում Բուսաբանության ինստիտուտի հնէաբուսաբանության բաժնում։ Այդ ընթացքում հասկացա, որ գտել եմ այն, ինչն ինձ շատ հոգեհարազատ է: Այսօր ես ինձ համարում եմ այն երջանիկ մարդկանցից մեկը, ով գտել է իր սիրելի աշխատանքը»։

Նարինեն զբաղվում է բրածո ծաղկափոշու ուսումնասիրությամբ. «‎Ծաղկափոշու վրա հիմնված անալիզները կարևոր մեթոդներից են, որոնք հնարավորություն են տալիս պատկերացում կազմել անցյալի կլիմայի և շրջակա միջավայրի վրա մարդու ազդեցության մասին: Ծաղկափոշու վրա հիմնված իմ վերլուծությունների նորությունն այն է, որ տարածաշրջանում առաջին անգամ տորֆի շերտն ուսումնասիրվում է յուրաքանչյուր սանտիմետրով»‎։

Որքանո՞վ է արդիական Ձեր մասնագիտությունը 21-րդ դարում: 

- Մեր ուսումնասիրությունների շնորհիվ մենք կարող ենք պատկերացում կազմել անցյալի բուսական աշխարհի մասին, կլիմայական պայմանների մասին։ Դա մեզ հետագայում թույլ կտա ավելի ճիշգրիտ կանխատեսումներ անել կլիմայի փոփոխության վերաբերյալ, ինչը ներկայում լուրջ մարտահրավեր է մարդկության համար: Մեր ինստիտուտը համագործակցում է Գերմանիայի Հայդելբերգի գիտությունների ակադեմիայի Սենկենբերգի գիտահետազոտական ինստիտուտի հետ, նաև Վրաստանի Ազգային թանգարանի, որտեղ չորս ամիս վերապատրաստվել եմ Հնէամարդաբանության և հնէակենսաբանության հետազոտության ինստիտուտի լաբորատորիայում՝ դոկտոր Էլիսո Կվավաձեի ղեկավարությամբ, ով ինձ սովորեցրեց տորֆից ծաղկափոշու տարանջատման և որոշումներ կայացնելու մեթոդները:

Ո՞ր գիտական կենտրոնում պետք է անցնեք վերապատրաստում և ի՞նչ թեմայով: 

- Երբ իմացա ծրագրի մրցույթի մասին, անմիջապես  որոշեցի բաց չթողնել այդ հնարավորությունը: Մեր ոլորտում շատ կարևոր է մշտապես կապի մեջ լինել այլ երկրներում գործող նույն ոլորտի գիտական կենտրոնների հետ: Ներկայացրել եմ «‎Սևանա լճի տորֆային նստվածքների բրածո ծաղկափոշու անալիզի տվյալների հիման վրա անցյալի կլիմայի և բուսականության վերակառուցումը» (Reconstruction of past climate and vegetation based on fossil pollen data from the Lake Sevan peat bog sediments) գիտական թեման։  Այս ուսումնասիրությունը հնարավորություն կտա հասկանալ, թե ինչպիսի բուսականություն և կլիմայական պայմաններ է եղել Սևանի ավազանում Միջին և Ուշ Հոլոցենում (մ․թ․ա․ 6000- մ․թ․1000 տարի)։ Իմ հայտով նախատեսել եմ բացահայտել բնության պատմության վերակառուցումը՝ հիմնված Սևանի ավազանում Ծովինար գյուղի տորֆավայրի բրածո ծաղկափոշային անալիզի վրա և Սևանա լճի մակարդակի տատանումների և կլիմայական փոփոխությունների միջև կապի ստեղծումը: Մեկնելու եմ Հայդելբերգի գիտությունների ակադեմիայի Սենկենբերգի գիտահետազոտական ինստիտուտ: Այնտեղի մասնագետները հսկայական փորձ ունեն պալեոբուսաբանության և պալեոկլիմայական ուսումնասիրությունների ոլորտներում: Բացի այդ, Թախտաջյանի անվան բուսաբանության ինստիտուտը երկար տարիներ համագործակցում է այս ինստիտուտի հետ։ Կարծում եմ, ծրագիրը նոր շունչ կհաղորդի այդ համագործակցությանը։

Ինչո՞վ է այս ծրագիրը կարևոր Ձեզ համար: 

- Հիանալի հնարավորություն ձեռք բերելու ավելի գործնական փորձ և գիտելիքներ հնէաբուսաբանության զարգացման և առաջխաղացման գործում:  Հնէաբուսաբանության մեջ օգտագործվող նոր մեթոդների կիրառումն ավելի կբարձրացնի իմ թեկնածուական թեզի գիտական արժեքը և կնպաստի դրա վերջնական ամփոփմանը:

Ըստ Ձեզ, Հայաստանում գիտության զարգացման համար ի՞նչ դերակատարում ունեն գիտական նախաձեռնությունները, օրինակ, «Գիտուժ»-ը: 

- Նման գիտական նախաձեռնությունների շնորհիվ երիտասարդները սկսել են ավելի շատ գիտությամբ զբաղվել, գիտությունը դարձել է ավելի նորաձև, և դա շատ ողջունելի է։ 

Ի՞նչ գրքեր եք կարդում: Ո՞վ է Ձեր սիրելի հեղինակը:

- Կյանքի տարբեր շրջաններում տարբեր գրքեր եմ կարդում։ Իմ սիրելի հեղինակներն են՝ Օսկար Ուայլդ, Վլադիմիր Նաբոկով, Էռնեստ Հեմինգուեյ, Էրիխ Մարիա Ռեմարկ, Գաբրիել Գարսիա Մարկես, Լև Տոլստոյ, Ջեյն Օսթին, Էմիլի Բրոնտե, Օնորե դը Բալզակ, Ագաթա Քրիստի, Րաֆֆի, Ալեքսանդր Շիրվանզադե, Նար-Դոս, Ավետիք Իսահակյան, Ակսել Բակունց, Վարդգես Պետրոսյան։

Ի՞նչ նպատակ ունեք Ձեր առջև դրված: 

- Իմ ամենամեծ նպատակն այս պահին հնէաբուսաբանական լաբորատորիա հիմնելն է։

Ի՞նչ կարգախոսով եք առաջնորդվում:

- Երբեք մի հանձնվիր:

Մոնիկա Երիցյան


Ազդեր








Սույն թվականի մարտի 6-ին ժամը 15.00-ին ՀՀ ԳԱԱ նիստերի դահլիճում (Բաղրամյան պող., 24) տեղի կունենա Նովա Գորիցայի համալսարանի (Սլովենիա, ԵՄ) դոցենտ Արտեմ Բադասյանի «Ջրում սպիտակուցների կոնֆորմացիաների տեսական և փորձառական հարցեր» թեմայով գիտական զեկուցումը

ՀՀ ԳԱԱ Շիրակի հայագիտական հետազոտությունների կենտրոնը սկսում է «Գիտական աշխատություններ» պարբերականի 2024թ.1 (27) հատորի հոդվածների ընդունումը: Առաջնահերթությունը տրվում է անգլերեն և ռուսերեն լեզուներով հոդվածներին: Հոդվածների ընդունման վերջնաժամկետն է՝ 2024թ. մարտի 1-ը

Международный инновационный центр нанотехнологий СНГ (МИЦНТ СНГ) при поддержке Межгосударственного фонда гуманитарного сотрудничества государств - участников СНГ (МФГС) и Объединенного института ядерных исследований объявляет о проведении конкурса на соискание грантов на разработку проектов в рамках деятельности МИЦНТ СНГ в 2024 году и очередной Стажировки молодых ученых и специалистов стран СНГ в Дубне в апреле - мае 2024года

2024թ․ մարտի 28-30-ը ՀՀ գիտությունների ազգային ակադեմիան և Երևանի պետական համալսարանը անցկացնելու են «Հայաստանը որպես քաղաքակրթական խաչմերուկ․ պատմամշակութային առնչություններ» թեմայով միջազգային գիտաժողով

ՀՀ գիտության և տեխնիկայի զարգացման 2020-2024թթ. գերակայության ՀՀ կառավարության որոշման նախագիծ

Հրապարակումներ մամուլում
28/02/2024

Բելգիայում տեղի կունենա Մարի Սկլոդովսկա-Կյուրի գործողություններ ծրագրի վարպետության դաս
hesc.am
27/02/2024

Հովակիմ Զաքարյան. Կառավարությունն իրավունք չունի մեր հարկերով ձևավորվող բյուջեից միլիարդներ ծախսել մեգանախագծերի վրա
panorama.am
27/02/2024

STEM ոլորտում կանանց հնարավորությունների ընդլայնում. Բրիտանական խորհրդի կրթաթոշակային ծրագիրը
hesc.am
27/02/2024

Գիտարբուք Արսեն Առաքելյանի հետ․ Մոլեկուլային կենսաբանությունն ու հիվանդությունները
infocom.am
Կայքը հաճախել են
6 858 721

անգամ սկսած 01.01.2005թ.
National Academy of Sciences of the Republic of Armenia
ՀՀ ԳԱԱ պատկերանիշ (սև, կապույտ)
Ճիշտ տառատեսակի արտապատկերման համար ներբեռնեք և տեղադրեք Arian AMU.ttf
Դեպի վեր Կայքը վերջին անգամ թարմացվել է՝  17:12, 01/03/2024 Դեպի վեր
Գլխավոր էջ - Ակադեմիայի մասին - Բաժանմունքներ - Կազմակերպություններ - Անդամներ - Կապ մեզ հետ - Կառուցվածք - COVID-19
Նախագահության անդամներ - Փաստաթղթեր - Ինովացիոն առաջարկներ - Հրատարակություններ - Հիմնադրամներ - Գիտաժողովներ - Մրցույթներ
Լուսանկարներ - Տեսադարան - Վեբ ռեսուրսներ - Այլ ակադեմիաներ - «Գիտություն» թերթ - «Գիտության աշխարհում» հանդես - Հրապարակումներ մամուլում
Ազդեր - Հոբելյաններ - Համալսարաններ - Նորություններ - Գիտական արդյունքներ - Սփյուռքի բաժինը ներկայացնում է - Երիտասարդ գիտնականի ամբիոն
Մեր երախտավորները - Հայտարարություններ - Լինդաու քաղաքում Նոբելյան մրցանակի դափնեկրի հետ հանդիպում - Կայքի քարտեզ
© Copyright 1998-2024 Բոլոր հեղինակային իրավունքները պաշտպանված են:
Կայքը պատրաստված է և սպասարկվում է Հայաստանի ակադեմիական գիտահետազոտական կոմպյուտերային ցանցի կողմից (ASNET-AM):
Հարցերի կամ առաջարկությունների համար կարող եք ուղարկել նամակ webmaster {[ at ]} sci.am էլեկտրոնային փոստին: