ՀՀ գիտությունների ազգային ակադեմիա
ՀԱՅ  ENG  РУС
Home academy [@] sci.am Facebook Page
Գլխավոր էջ Ակադեմիայի մասին Բաժանմունքներ Կազմակերպություններ Անդամներ Կապ մեզ հետ
Մկրտիչ Թումանյան
Մ.գ.դ., պրոֆեսոր
Կառուցվածք
Նախագահության անդամներ
Փաստաթղթեր
Ինովացիոն առաջարկներ
Հրատարակություններ
Հիմնադրամներ
Գիտաժողովներ
Մրցույթներ
Միջազգային համագործակցություն
Երիտասարդական ծրագրեր
Լուսանկարներ
Տեսադարան
Վեբ ռեսուրսներ
Այլ ակադեմիաներ
«Գիտություն» թերթ
«Գիտության աշխարհում» հանդես
Հրապարակումներ մամուլում
Ազդեր
Հոբելյաններ
Համալսարաններ
Նորություններ
Գիտական արդյունքներ
Սփյուռքի բաժինը ներկայացնում է
Երիտասարդ գիտնականի ամբիոն
Մեր երախտավորները
Հայտարարություններ
Կայքի քարտեզ
COVID-19
Երիտասարդ գիտնականի ամբիոն
Հռիփսիմե Խաչատրյան

«Մեր երկրի շարժիչ ուժը պետք է դառնան գիտելիքով զինված երիտասարդները և տեխնոլոգիական զարգացումը»

ՀՀ Գիտությունների ազգային ակադեմիայի Բունիաթյանի անվան կենսաքիմիայի ինստիտուտի գիտաշխատող Հռիփսիմե Խաչատրյան. «Հայաստանում գիտության զարգացման համար պետք է հաղթահարել բոլոր խոչընդոտները, արագ գտնել նոր լուծումներ և շարժվել առաջ: Իսկ շարժիչ ուժ մեր երկրում պետք է դառնան գիտելիքով զինված երիտասարդները և տեխնոլոգիական զարգացումը»: Հռիփսիմե Խաչատրյանը Արարատ քաղաքից է, 33 տարեկան, մասնագիտությամբ՝ անասնաբույժ, սանիտարական, սննդամթերքի անվտանգության փորձագետ: Սովորել է Հայաստանի ազգային ագրարային համալսարանի Անասնաբուժական բժշկության և անասնաբուծության ֆակուլտետում և Պարենամթերքի տեխնոլոգիա ֆակուլտետում: Հռիփսիմեն ցանկանում է իր մասնագիտական ներդրումն ունենալ բնակչության առողջության պահպանման գործում: «Մի շարք հիվանդությունների առաջացման պատճառներից են սխալ սնվելը և կենդանիների հետ շփումը: Այս խնդիրների լուծման համար էլ ընտրեցի իմ մասնագիտությունները», - ասում է Հռիփսիմեն: Ներկայում նա աշխատում է ՀՀ ԳԱԱ Բունիաթյանի անվան կենսաքիմիայի ինստիտուտում. «Ժամանակի սլաքներն աշխատեցին իմ օգտին, ճիշտ պահին հայտնվեցի ճիշտ վայրում»: Հռիփսիմեն 8 գիտական հոդվածի և 6 թեզիսի հեղինակ է: «Յուրաքանչյուր արված աշխատանք հետաքրքիր է եղել, սպասումով լի: Հատկապես կարևոր եմ համարում Արցախում 44-օրյա պատերազմում նահատակված ուսանող-ազատամարտիկների հիշատակին նվիրված գիտաժողովի անցկացումը», - նշում է նա: 

Գիտության և գիտնականի մասին

- Գիտությունը պահանջում է երկար աշխատանք: Այդ աշխատանքի յուրաքանչյուր հաղթահարված փուլը, որը տալիս է արդյունք, կարելի է անվանել հաջողություն: Գիտությամբ զբաղվող մարդու համար պետության աջակցությունը շատ կարևոր է: Հարկավոր է խրախուսել գիտնականներին և ստեղծել պայմաններ նրանց առաջխաղացման համար: 

Կարևոր եմ համարում ակադեմիական կառույցների և ԲՈՒՀ-երի համագործակցությունը: ԲՈՒՀ-երը ոչ միայն պատրաստում են աշխատաշուկայի համար մասնագետներ, այլ նաև ուղղորդում են նրանց զբաղվել գիտությամբ:

Ի՞նչ կցանկանայիք փոխվեր գիտության ոլորտում:

- 35 տարին լրացած գիտնականները հաճախ հանդիպում են արգելքների գիտաժողովներին մասնակցելու համար: Իմ կարծիքով՝ հարկավոր է փոխել այդ տարիքային շեմը՝ հասցնելով 45-ի:

Հայաստանում գիտությունն ինչպե՞ս կարող է հետաքրքիր դառնալ ներդրումների համար:

- Այսօր գիտնականը չպետք է սահմանափակվի հոդված գրելով և գիտաժողովներին մասնակցելով: Պետք է գրանցել հաջողություններ կիրառական գիտության ոլորտում, արտադրանք տալ և գնալ դեպի գիտական արտադրանքի առևտրայնացում: 

Ինչպե՞ս եք գնահատում «Գիտուժ»-ի գործունեությունը:

- Կիսում եմ «Գիտուժ»-ի գաղափարները: Այո, հզոր պետության կողքին պետք է լինի հզոր գիտություն: Սակայն շատ կարևոր է նաև պետության աջակցությունը գիտական մտքի գաղափարների իրականացման գործում: Պետությունը պետք է հիմք ստեղծի գիտության զարգացման համար, դառնա կամուրջ պետություն-գիտություն-տնտեսություն կապի համար: Այդ ժամանակ ուժեղ պետության կողքին կլինի նաև ուժեղ և մրցունակ գիտություն։

Ո՞վ է ձեր կուռքը գիտության մեջ և ինչո՞ւ:

- Կուռքեր չունեմ, կան մարդիկ, որոնց ձգտում եմ հասնել, նրանցից օրինակ վերցնել: Կառանձնացնեմ Մարի Կյուրիին, ով ապացուցեց, որ գիտելիքով և համարձակությամբ կարելի է հասնել  հաջողության:

Ի՞նչ կարգախոսով եք առաջնորդվում:

- Կարգախոս չունեմ, պարզապես կան մտքեր, որոնք օգնում են առաջ շարժվել: Օրինակ՝ «Տապանը կառուցել են սկսնակները, իսկ Տիտանիկը՝ պրոֆեսիոնալները»:

Ի՞նչ նախասիրություններ ունեք, ինչո՞վ եք զբաղվում ազատ ժամանակ:

- Սիրում եմ ընթերցել, շատ հոգեհարազատ են Պարույր Սևակի գործերը։ Յուրաքանչյուր տարի պարտադիր վերընթերցում եմ Անտուան դը Սենտ-Էքզյուպերիի «Փոքրիկ իշխան»-ը:Երազկոտ չեմ, նախընտրում եմ գործել։ Ունեմ նպատակ, որին ձգտում եմ հասնել։ 

Մոնիկա Երիցյան


Ազդեր








Ս.թ. ապրիլի 23-ին ժ. 13:00-ից ԳԱԱ տարեկան ընդհանուր ժողովի շրջանակներում ՀՀ ԳԱԱ նախագահության նիստերի փոքր դահլիճում կկայանան գիտական զեկուցումներ,որի ընթացքում ելույթ կունենան ԳԱԱ արտասահմանյան անդամներ՝ Գերմանիայից, Մեծ Բրիտանիայից, Շվեդիայից, Ֆրանսիայից և Ռուսաստանի Դաշնությունից

Ս/թ. ապրիլի 26-ին, ժամը 12.00-ին, ՀՀ ԳԱԱ մոլեկուլային կենսաբանության ինստիտուտը և Հայկական տիեզերական ֆորումը անց են կացնում «Science in Space Analog Missions: AMADEE-24 Mars Simulation Results and the Future Prospects» աշխատաժողով (ՀՀ գիտությունների ազգային ակադեմիայի կլոր դահլիճ, Բաղրամյան պ., 24)

2025թ. ապրիլի 28-30-ը ՀՀ ԳԱԱ Մաթեմատիկայի ինստիտուտը և ՌԴ Հարավային տարածաշրջանային գիտակրթական մաթեմատիկական կենտրոնը անց են կացնում «Օպերատորների տեսություն և հարմոնիկ անալիզ» միջազգային գիտաժողովը (Երևան, Հայաստան)

Ս․թ․ ապրիլի 29-ին ՀՀ ԳԱԱ-ն, ՀՀ ԿԳՄՍՆ-ը, ՀՀ ԳԱԱ ԳԿՄԿ-ը, ՀՐ. Աճառյանի անվան լեզվի ինստիտուտը և Մ. Աբեղյանի անվան գրականության ինստիտուտը ՀՀ ԳԱԱ-ում կազմակերպում են «Հայոց լեզու և հայ գրականություն․ զարգացման միտումները, հանրամատչելիացման հնարավորությունները և դրանց արտացոլումը ուսումնական գործընթացում» համահայկական գիտաժողով

Ս.թ. մայիսի 5-8-ը ՀՀ ԳԱԱ Կենդանաբանության և հիդրոէկոլոգիայի գիտական կենտրոնը և Երևանի պետական համալսարանը համատեղ կազմակերպում են «Կենսաբազմազանություն, պահպանություն և կլիմայի փոփոխություն» խորագրով միջազգային գիտաժողով (ք.Երևան, ՀՀ ԳԱԱ նախագահության շենք)

2025թ. մայիսի 5-9 ՀՀ ԳԱԱ Վ.Համբարձումյանի անվ. Բյուրականի աստղադիտարանը Բյուրականում անց է կացնում 17-րդ հայ-վրացական աստղագիտական կոլոքվիումը

Ս.թ մայիսի 6-ին՝ ժամը 15․00-ին ՀՀ ԳԱԱ հնագիտության և ազգագրության ինստիտուտի գրադարանում տեղի կունենա ՀԱԻ սոցիալական գործընթացների և ինստիտուտների մարդաբանության բաժնի «Պատերազմ և հիշողություն. Արցախյան երկրորդ պատերազմի հուշարձանացման հիմնախնդիրը» գրքի շնորհանդեսը

2025թ. hունիսի 16-21-ը ՀՀ ԳԱԱ ֆիզիկայի կիրառական պրոբլեմների ինստիտուտը կազմակերպում է Ակադեմիկոս Ալպիկ Մկրտչյանի անվան «Ճառագայթային ֆիզիկա և հարակից կիրառություններ» 4-րդ միջազգային գիտական դպրոցը Երևան քաղաքում

2025թ․ սեպտեմբերի 8-11 ՀՀ ԳԱԱ ֆիզիկական հետազոտությունների ինստիտուտը Երևանում անց է կացնում «Մագնիսական և գերհաղորդիչ նյութեր» XIII միջազգային գիտաժողովը (MSM25)

Ս.թ սեպտեմբերի 26-27-ը ՀՀ ԳԱԱ ՇՀՀ կենտրոնը հրավիրում է Ձեզ Գյումրի՝ առկա և հեռավար կարգով մասնակցելու «Շիրակի պատմամշակութային ժառանգությունը. հայագիտության արդի հիմնահարցեր» խորագրով 12-րդ միջազգային գիտաժողովի աշխատանքներին

Международный инновационный центр нанотехнологий СНГ (МИЦНТ СНГ) объявляет о проведении в 2025 году очередного Конкурса на соискание грантов и 18-й научной Стажировки для молодых ученых и специалистов из стран СНГ

ՀՀ գիտության և տեխնիկայի զարգացման 2020-2024թթ. գերակայության ՀՀ կառավարության որոշման նախագիծ

Հրապարակումներ մամուլում
05/05/2025

Կյանքից հեռացել է ԳԱԱ նախկին նախագահ, ակադեմիկոս Ռադիկ Մարտիրոսյանը
armenpress.am
05/05/2025

Մահացել է ՀՀ ԳԱԱ ակադեմիկոս Ռադիկ Մարտիրոսյանը
factor.am
05/05/2025

Կյանքից հեռացել է ՀՀ ԳԱԱ ակադեմիկոս Ռադիկ Մարտիրոսյանը
hesc.am
05/05/2025

Կյանքից հեռացել է ԳԱԱ նախկին նախագահ Ռադիկ Մարտիրոսյանը
livenews.am
Կայքը հաճախել են
7 323 451

անգամ սկսած 01.01.2005թ.
National Academy of Sciences of the Republic of Armenia
ՀՀ ԳԱԱ պատկերանիշ (սև, կապույտ)
Ճիշտ տառատեսակի արտապատկերման համար ներբեռնեք և տեղադրեք Arian AMU.ttf
Դեպի վեր Կայքը վերջին անգամ թարմացվել է՝  00:02, 09/05/2025 Դեպի վեր
Գլխավոր էջ - Ակադեմիայի մասին - Բաժանմունքներ - Կազմակերպություններ - Անդամներ - Կապ մեզ հետ - Կառուցվածք - Նախագահության անդամներ
Փաստաթղթեր - Ինովացիոն առաջարկներ - Հրատարակություններ - Հիմնադրամներ - Գիտաժողովներ - Մրցույթներ - Միջազգային համագործակցություն
Երիտասարդական ծրագրեր - Լուսանկարներ - Տեսադարան - Վեբ ռեսուրսներ - Այլ ակադեմիաներ - «Գիտություն» թերթ - «Գիտության աշխարհում» հանդես
Հրապարակումներ մամուլում - Ազդեր - Հոբելյաններ - Համալսարաններ - Նորություններ - Գիտական արդյունքներ - Սփյուռքի բաժինը ներկայացնում է
Երիտասարդ գիտնականի ամբիոն - Մեր երախտավորները - Հայտարարություններ - Կայքի քարտեզ - COVID-19
© Copyright 1998-2025 Բոլոր հեղինակային իրավունքները պաշտպանված են:
Կայքը պատրաստված է և սպասարկվում է Հայաստանի ակադեմիական գիտահետազոտական կոմպյուտերային ցանցի կողմից (ASNET-AM):
Հարցերի կամ առաջարկությունների համար կարող եք ուղարկել նամակ webmaster {[ at ]} sci.am էլեկտրոնային փոստին: