ՀՀ գիտությունների ազգային ակադեմիա
ՀԱՅ  ENG  РУС
Home academy [@] sci.am Facebook Page
Գլխավոր էջ Ակադեմիայի մասին Բաժանմունքներ Կազմակերպություններ Անդամներ Կապ մեզ հետ
COVID-19
Կառուցվածք
Նախագահության անդամներ
Փաստաթղթեր
Ինովացիոն առաջարկներ
Հրատարակություններ
Հիմնադրամներ
Գիտաժողովներ
Մրցույթներ
Լուսանկարներ
Տեսադարան
Վեբ ռեսուրսներ
Այլ ակադեմիաներ
«Գիտություն» թերթ
«Գիտության աշխարհում» հանդես
Հրապարակումներ մամուլում
Ազդեր
Հոբելյաններ
Համալսարաններ
Նորություններ
Գիտական արդյունքներ
Սփյուռքի բաժինը ներկայացնում է
Երիտասարդ գիտնականի ամբիոն
Մեր երախտավորները
Հայտարարություններ
Լինդաու քաղաքում Նոբելյան մրցանակի դափնեկրի հետ հանդիպում
Կայքի քարտեզ
Երիտասարդ գիտնականի ամբիոն
Արմեն Սարգսյան

«Միշտ ձեռքը պահել համաշխարհային գիտության զարկերակին և պատրաստ լինել վերափոխվելու»

ՀՀ Գիտությունների ազգային ակադեմիայի «Հայկենսատեխնոլոգիա» գիտաարտադրական կենտրոնի գիտաշխատող Արմեն Սարգսյան. «Գիտության ոլորտում հաջողելու համար պետք է լինել հետաքրքրասեր, ստեղծարար, ձգտել առաջինն իմանալ այն, ինչը դեռ հայտնի չէ, առաջինն անել այն, ինչն արված չէ և, իհարկե, սիրել ու նվիրվել գիտությանը»:

Արմեն Սարգսյանը Երևանից է, 33 տարեկան, մասնագիտությամբ՝ կենսաբան: Սովորել է Հայաստանի ազգային ագրարային համալսարանի Անասնաբուժական բժշկագիտության և անասնաբուծության ֆակուլտետում, այնուհետև ՀՀ ԳԱԱ «Հայկենսատեխնոլոգիա» գիտաարտադրական կենտրոնում: Այստեղ նա պաշտպանել է թեկնածուական ատենախոսություն՝ «Միտոգենով ակտիվացվող р38 պրոտեին կինազի և պրոտեինազների նոր ցածրամոլեկուլային արգելակիչների ընտրություն և հետազոտություն» թեմայով: Ներկայում Արմենը կենտրոնի Էկոլոգիական անվտանգության լաբորատորիայի ավագ գիտաշխատող է, 21 գիտական հոդվածի և 40 թեզիսի հեղինակ: «2006 թվականն էր, Հայաստանի ազգային ագրարային համալսարանում էի սովորում, երբ ստացա առաջարկ միանալ գիտական աշխատանքներին Գիտությունների ազգային ակադեմիայի Կենսաքիմիայի ինստիտուտում: Այդտեղից սկսվեց իմ գիտական ուղին և շարունակվում է մինչ օրս», - պատմեց Արմեն Սարգսյանը:

Գիտական արդյունքի մասին

- Աշխատանքիս հիմնական ուղղվածությունը ֆերմենտաբանությունն է: Ներկայում երկու դրամաշնորհային ծրագիր եմ ղեկավարում՝ Գիտության կոմիտեի թեմատիկ և Գիտության և կրթության հայկական ազգային հիմնադրամի: Ուսումնասիրում ենք դեղաբանական թիրախ հանդիսացող ֆերմենտների ակտիվության վրա ազդման հնարավոր ուղիները, մոդելավորում և փորձարկում կարգավորիչներ: Ծրագրերի շրջանակներում համագործակցում ենք ԱՄՆ-ի, Լեհաստանի և Իտալիայի գիտնականների հետ: Ես ընդգրկված եմ եղել Օքսֆորդի կենսամոդելավորման և կենսականխատեսման առանձնացված ծրագրերում, նաև համագործակցել եմ դեղագործական «Նովարտիս» ընկերության հետ: 

Գիտության ոլորտը կարգավորող օրենսդրական դաշտի մասին

- Հայաստանում գիտության ոլորտում հատկապես շտկումների կարիք ունի օրենսդրական դաշտը: Դժվար թե գտնեք գիտնական, ով չբողոքի «Գնումների մասին» օրենքից: Գիտության ոլորտում անհրաժեշտ է ամբողջ տարվա համար գնումների պլան մշակել տարեսկզբին: Ստացվում է, որ տարեսկզբին գիտնականը պետք է հստակ իմանա իր հետազոտությունների արդյունքը, որը կատարելու է 6 ամիս հետո և նախապես հստակ պլանավորի իր գնումները: Դա հաճախ բերում է անիմաստ գնումների, իսկ միջոցները սուղ են, և մենք նման ճոխություն չենք կարող թույլ տալ: Օրենքի պատճառով երկարաձգվում է անհրաժեշտ պարագաների մատակարարման տևողությունը՝ հաճախ գերազանցելով 8-9 ամիսը: 

Գիտության և երիտասարդ գիտնականների մասին

- Երիտասարդները գիտության ոլորտ գալիս են էնտուզիազմով, բայց հետո հեռանում են այլ ոլորտներ: Երիտասարդ գիտնականին գիտությամբ զբաղվելու համար պետք են սոցիալական երաշխիքներ, վստահություն ապագայի նկատմամբ, մասնագիտական աճի հնարավորություն, աշխատանքային բարենպաստ պայմաններ: Հետևաբար, գիտության ոլորտում առանց ներդրումների, օրենսդրական բարենպաստ դաշտի ստեղծման առաջ գնալ չենք կարող: Գիտության կոմիտեն և Գիտությունների ազգային ակադեմիան մեծ ջանքեր են գործադրում դրական փոփոխություններ իրականացելու ուղղությամբ: Հուսով եմ, դրանք կլինեն շարունակական: Պետք է բարձրացել գիտության վարկանիշը, որի վրա ազդում են կրթվածության ընդհանուր մակարդակը, պետական կառավարման համակարգի վերաբերմունքը և մեդիան: Շատ կարևոր է նաև գիտական հաղորդակցությունը, միջազգային համագործակցությունը: Պետք է միշտ ձեռքը պահել համաշխարհային գիտության զարկերակին և պատրաստ լինել վերափոխվելու:

Կիրառական գիտության և ներդրումների մասին  

- Ներդրումներ ներգրավել հիմնարար հետազոտությունների համար ավելի դժվար է, քան կիրառական: Հայաստանում, իմ կարծիքով, կա ներուժ կիրառական խնդիրների լուծման համար: Ձեռք բերելով համագործակցության փորձ և վստահություն՝ հնարավոր է հասնել ծավալուն ներդրումների, որը պետք է ուղեկցվի որակյալ կառավարմամբ:

Հայաստանում հետթեկնածուական կարգավիճակի (PostDoc) համակարգի ներդրման մասին

- PostDoc-ն ազդեցիկ գործոն կարող է դառնալ կատարելագործվելու, մասնագիտական շարունակական աճի համար: Դա հետաքրքիր գաղափար է, սակայն ամեն ինչ կախված է իրականացման ձևից:   

«Գիտուժ»-ի մասին

- Գիտական ոլորտում ձևավորվել են տարբեր նախաձեռնություններ՝ «Գիտական համայնք», «Պահանջում ենք գիտության ֆինանսավորման ավելացում» և այլն, որոնց գործունեության արդյունքում եղել են դրական տեղաշարժեր: «Գիտուժ»-ին հաջողվեց ստեղծել հանրային ռեզոնանս թիմային կազմակերպված աշխատանքի շնորհիվ: Ինքս աջակցում եմ գիտության զարգացմանն ուղղված գործունեությանը և կիսում եմ նպատակները:

Մոնիկա Երիցյան


Ազդեր








Հունիսի 24-ին, ժամը 14։00-ին, ՀՀ ԳԱԱ Հր. Բունիաթյանի անվ. կենսաքիմիայի ինստիտուտի դահլիճում տեղի կունենա ինստիտուտի կողմից կազմակերպած սեմինարների շարքի առաջին հանդիպումը

ԵՄ-բիզնեսի համար նախաձեռնության «Նորարական տուրիզմի և տեխնոլոգիաների զարգացում Հայաստանի համար» ծրագրի շրջանակներում Գերմանական միջազգային համագործակցության ընկերության և «Գիտական և նորարարական գործընկերությանն աջակցման կենտրոն» հիմնադրամի հետ համագործակցությամբ հայտարարվում է «Հորիզոն Եվրոպա» ԵՄ շրջանակային ծրագրի հայաստանյան հնարավոր մասնակիցների նախագծերի նախապատրաստման աջակցության ծրագրի մեկնարկը

Международный инновационный центр нанотехнологий СНГ (МИЦНТ СНГ) при поддержке Межгосударственного фонда гуманитарного сотрудничества государств-участников СНГ (МФГС) и Объединенного института ядерных исследований (ОИЯИ) с 19 июня по 19 июля 2022 г. проводит очередную 15-ю Стажировку молодых ученых и специалистов из стран Содружества в Дубне (Россия)

ՀՀ գիտությունների ազգային ակադեմիան, Համաշխարհային հայկական կոնգրեսը և Ռուսաստանի հայերի միությունը հայտարարում են «Լավագույն գիտական աշխատանք» մրցույթ երիտասարդ գիտնականների համար

Международный инновационный центр нанотехнологий СНГ (МИЦНТ СНГ) при поддержке Межгосударственного фонда гуманитарного сотрудничества государств - участников СНГ (МФГС) и Объединенного института ядерных исследований объявляет о проведении конкурса на соискание грантов на разработку проектов в рамках деятельности МИЦНТ СНГ в 2022 году

ՀՀ կառավարությունը հաստատել է 2022 թվականին իրականացվելիք գիտական և գիտատեխնիկական պետական նպատակային ծրագրերը

Աջակցություն պոտենցիալ հայ դիմորդներին` «Հորիզոն Եվրոպա» ծրագրի շրջանկներում նախագծերի առաջարկների մշակման համար

ՀՀ գիտության և տեխնիկայի զարգացման 2020-2024թթ. գերակայության ՀՀ կառավարության որոշման նախագիծ

Հրապարակումներ մամուլում
21/06/2022

Հայաստանից տաղանդավոր գիտնականների արտահոսքը նույնպես կապված է ցածր աշխատավարձերի հետ․ Անի Մարկոսյան
news.am
21/06/2022

Հաճույքով պատրաստ եմ համագործակցել Հայաստանից ասպիրանտների հետ. STARMUS-ի կազմակերպիչ
news.am
20/06/2022

Մենք ընտանիքում առաջին հերթին որպես հայ ենք մեծացել. Նոբելյան մրցանակակիր
1lurer.am
19/06/2022

2021 թ. գիտության ֆինանսավորման ավելացման շնորհիվ իրականացվել են նոր ծրագրեր. Վահրամ Դումանյան
1lurer.am
Կայքը հաճախել են
6 186 796

անգամ սկսած 01.01.2005թ.
National Academy of Sciences of the Republic of Armenia
ՀՀ ԳԱԱ պատկերանիշ (սև, կապույտ)
Ճիշտ տառատեսակի արտապատկերման համար ներբեռնեք և տեղադրեք Arian AMU.ttf
Դեպի վեր Կայքը վերջին անգամ թարմացվել է՝  17:32, 24/06/2022 Դեպի վեր
Գլխավոր էջ - Ակադեմիայի մասին - Բաժանմունքներ - Կազմակերպություններ - Անդամներ - Կապ մեզ հետ - Կառուցվածք - COVID-19
Նախագահության անդամներ - Փաստաթղթեր - Ինովացիոն առաջարկներ - Հրատարակություններ - Հիմնադրամներ - Գիտաժողովներ - Մրցույթներ
Լուսանկարներ - Տեսադարան - Վեբ ռեսուրսներ - Այլ ակադեմիաներ - «Գիտություն» թերթ - «Գիտության աշխարհում» հանդես - Հրապարակումներ մամուլում
Ազդեր - Հոբելյաններ - Համալսարաններ - Նորություններ - Գիտական արդյունքներ - Սփյուռքի բաժինը ներկայացնում է - Երիտասարդ գիտնականի ամբիոն
Մեր երախտավորները - Հայտարարություններ - Լինդաու քաղաքում Նոբելյան մրցանակի դափնեկրի հետ հանդիպում - Կայքի քարտեզ
© Copyright 1998-2022 Բոլոր հեղինակային իրավունքները պաշտպանված են:
Կայքը պատրաստված է և սպասարկվում է Հայաստանի ակադեմիական գիտահետազոտական կոմպյուտերային ցանցի կողմից (ASNET-AM):
Հարցերի կամ առաջարկությունների համար կարող եք ուղարկել նամակ webmaster {[ at ]} sci.am էլեկտրոնային փոստին: