ՀՀ գիտությունների ազգային ակադեմիա
ՀԱՅ  ENG  РУС
Home academy [@] sci.am Facebook Page
Գլխավոր էջ Ակադեմիայի մասին Բաժանմունքներ Կազմակերպություններ Անդամներ Կապ մեզ հետ
COVID-19
Կառուցվածք
Նախագահության անդամներ
Փաստաթղթեր
Ինովացիոն առաջարկներ
Հրատարակություններ
Հիմնադրամներ
Գիտաժողովներ
Մրցույթներ
Լուսանկարներ
Տեսադարան
Վեբ ռեսուրսներ
Այլ ակադեմիաներ
«Գիտություն» թերթ
«Գիտության աշխարհում» հանդես
Հրապարակումներ մամուլում
Ազդեր
Հոբելյաններ
Համալսարաններ
Նորություններ
Գիտական արդյունքներ
Սփյուռքի բաժինը ներկայացնում է
Երիտասարդ գիտնականի ամբիոն
Մեր երախտավորները
Հայտարարություններ
Լինդաու քաղաքում Նոբելյան մրցանակի դափնեկրի հետ հանդիպում
Կայքի քարտեզ
Երիտասարդ գիտնականի ամբիոն
Ռաֆֆի Քարամյան

«Պետք է զարգացնել նոր ու արդիական գիտական ուղղություններ, որոնք կնպաստեն Հայաստանի տնտեսության զարգացմանը»

ՀՀ գիտությունների ազգային ակադեմիայի Նազարովի անվան երկրաֆիզիկայի և ինժեներային սեյսմաբանության ինստիտուտի գիտաշխատող Ռաֆֆի Քարամյան. «Գիտության ոլորտում անհրաժեշտ է առաջ շարժվել և զարգացնել նոր ու արդիական գիտական ուղղություններ, որոնք կնպաստեն Հայաստանի տնտեսության զարգացմանը»:

Ռաֆֆի Քարամյանը Երևանից է, 32 տարեկան, մասնագիտությամբ՝ երկրաֆիզիկոս: Ավարտել է Երևանի պետական համալսարանի աշխարհագրության և երկրաբանության ֆակուլտետը՝ ստանալով երկրաֆիզիկոսի մասնագիտություն, այնուհետև ընդունվել է ասպիրանտուրա: 2016 թվականին Երևանի պետական համալսարանում պաշտպանել է «Երկրաֆիզիկական մեթոդների կիրառման առանձնահատկությունները և արդյունավետությունը քրոմի հանքագոյացումների հայտնաբերման նպատակով (ՀՀ-ԼՂՀ հանքավայրերի օրինակով)» թեմայով թեկնածուական ատենախոսությունը՝ ստանալով երկրաբանական գիտությունների թեկնածուի գիտական աստիճան: Ներկայում ՀՀ ԳԱԱ Նազարովի անվան Երկրաֆիզիկայի և ինժեներային սեյսմաբանության ինստիտուտի Հիդրոերկրադինամիկայի և էկոերկրաֆիզիկայի լաբորատորիայի գիտաշխատող է: Ռաֆֆին ունի 22 գիտական հոդված՝ տպագրված տեղական և միջազգային հեղինակավոր ամսագրերում՝  «Geology and Geophysics of the South of Russia», «European Geophysical Union», «International Multidisciplinary Scientific GeoConference-SGEM»: 

Ռաֆֆի Քարամյանի աշխատանքները վերաբերում են երկրաֆիզիկական համալիր մեթոդների կիրառմանը, քրոմիտային հանքավայրերի որոնմանը և հետախուզմանը ՀՀ և ԼՂՀ տարածքներում, ստորերկրյա ջրերի ուսումնասիրություններին ՀՀ հրաբխային տարածքներում և ջրամբարների անվտանգ շահագործման նպատակով: «Այս գիտական ուղղություններն ունեն ռազմավարական նշանակություն: Նման հետազոտությունները կարող են նպաստել Հայաստանի տարածքի ջրային ռեսուրսների ճիշտ օգտագործմանը, հանքարդյունաբերության ոլորտում երկրաֆիզիկական նոր մեթոդների կիրառմանը», - նշում է Ռաֆֆի Քարամյանը:

Ռաֆֆին մասնակցել է Սևանա լճի հատակի և ափամերձ տարածքի էկոերկրաֆիզիկական ուսումնասիրություններին, որոնք իրականացվել են Ռուսաստանի Դաշնության Կազանի ֆեդերալ համալսարանի և ՀՀ ԳԱԱ Նազարովի անվան Երկրաֆիզիկայի և ինժեներային սեյսմաբանության ինստիտուտի համատեղ ծրագրի շրջանակներում: Ծրագիրը ֆինանսավորվել է ՀՀ գիտության կոմիտեի կողմից:  «Ստացվել են բացառիկ տվյալներ, որոնք հետագայում կարող ենք օգտագործել երկրաբնապահպանական եզրակացություններ կատարելու ժամանակ: Կա պայմանավորվածություն շարունակելու նշված աշխատանքներն ավելի մեծ ծավալներով՝ նպատակ ունենալով ստանալ Սևանա լճի հատակի 3D ռելիեֆը՝ օգտագործելով համալիր երկրաֆիզիկական մեթոդները, մասնավորապես, սեյսմաակուստիկ եղանակը», - ասում է երիտասարդ գիտնականը:


Գիտական արդյունք


«Իմ կողմից իրականացված գիտական աշխատանքի հիման վրա տրված են առաջարկություններ՝ կապված Հայաստանում Շորժա և Արցախում Տափասար-Նիկոլաևսկ տեղամասերում քրոմի հանքավայրերի որոնման հետ: Հիմնավորված է մեթոդաբանությունը, որոնողահետազոտական աշխատանքների կիրառումը նմանատիպ երկրաբանաերկրաֆիզիկական տարածքների պայմաններում: Այժմ այդ եղանակները հաջողությամբ կիրառվում են Հայաստանում շահագործվող այլ հանքավայրերում», - նշում է Ռաֆֆի Քարամյանը:

 
Գիտության երիտասարդացում

«Երիտասարդ գիտնականին գիտությամբ զբաղվելու համար անհրաժեշտ են ժամանակակից սարքավորումներով հագեցած լաբորատորիաներ,  պայմաններ, որոնք հնարավորություն կտան առաջ գնալ և մրցունակ լինել միջազգային հարթակներում: Անհրաժեշտ է ստեղծել պայմաններ, որպեսզի երիտասարդ գիտնականը լիարժեքորեն զբաղվի գիտահետազոտական աշխատանքներով, համագործակցի միջազգային կառույցների հետ: Ներկայում իրականացվում են բարեփոխումներ, որոնք, իմ կարծիքով, պետք է լինեն շարունակական և ավելի մեծ ծավալներով: Այս առումով դրական եմ գնահատում «Գիտուժ»-ի գործունեությունը, որն ուղղված է գիտության ֆինանսավորման, գիտության վարկանիշի բարձրացմանը», - ասում է երիտասարդ գիտնականը:


Ռաֆֆի Քարամյանի կարծիքով՝ գիտահետազոտական աշխատանքների արդյունքը պետք է ունենա կիրառական նշանակություն. «Մեր ինստիտուտում իրականացվում են կիրառական մշակումներ: Տեսական հետազոտություններն ամփոփվում են և դառնում շոշափելի արդյունքներ ու ներդրվում տնտեսության մեջ: Երկրաֆիզիկայի ոլորտում իրականացնում ենք տնտեսական պայմանագրեր: Դրանք վերաբերվում են տարածքների սեյսմիկ վտանգի գնահատմանը, ջրային ռեսուրսների որոնմանը, շենքերի տեխնիկական վիճակի հետազննությանը»:

Ռաֆֆի Քարամյանի կարգախոսն է՝ «Ցանկացած խոչընդոտ հաղթահարելի է, եթե կա առաջ գնալու նպատակ և ցանկություն»:

Մոնիկա Երիցյան


Ազդեր








Հունիսի 24-ին, ժամը 14։00-ին, ՀՀ ԳԱԱ Հր. Բունիաթյանի անվ. կենսաքիմիայի ինստիտուտի դահլիճում տեղի կունենա ինստիտուտի կողմից կազմակերպած սեմինարների շարքի առաջին հանդիպումը

ԵՄ-բիզնեսի համար նախաձեռնության «Նորարական տուրիզմի և տեխնոլոգիաների զարգացում Հայաստանի համար» ծրագրի շրջանակներում Գերմանական միջազգային համագործակցության ընկերության և «Գիտական և նորարարական գործընկերությանն աջակցման կենտրոն» հիմնադրամի հետ համագործակցությամբ հայտարարվում է «Հորիզոն Եվրոպա» ԵՄ շրջանակային ծրագրի հայաստանյան հնարավոր մասնակիցների նախագծերի նախապատրաստման աջակցության ծրագրի մեկնարկը

Международный инновационный центр нанотехнологий СНГ (МИЦНТ СНГ) при поддержке Межгосударственного фонда гуманитарного сотрудничества государств-участников СНГ (МФГС) и Объединенного института ядерных исследований (ОИЯИ) с 19 июня по 19 июля 2022 г. проводит очередную 15-ю Стажировку молодых ученых и специалистов из стран Содружества в Дубне (Россия)

ՀՀ գիտությունների ազգային ակադեմիան, Համաշխարհային հայկական կոնգրեսը և Ռուսաստանի հայերի միությունը հայտարարում են «Լավագույն գիտական աշխատանք» մրցույթ երիտասարդ գիտնականների համար

Международный инновационный центр нанотехнологий СНГ (МИЦНТ СНГ) при поддержке Межгосударственного фонда гуманитарного сотрудничества государств - участников СНГ (МФГС) и Объединенного института ядерных исследований объявляет о проведении конкурса на соискание грантов на разработку проектов в рамках деятельности МИЦНТ СНГ в 2022 году

ՀՀ կառավարությունը հաստատել է 2022 թվականին իրականացվելիք գիտական և գիտատեխնիկական պետական նպատակային ծրագրերը

Աջակցություն պոտենցիալ հայ դիմորդներին` «Հորիզոն Եվրոպա» ծրագրի շրջանկներում նախագծերի առաջարկների մշակման համար

ՀՀ գիտության և տեխնիկայի զարգացման 2020-2024թթ. գերակայության ՀՀ կառավարության որոշման նախագիծ

Հրապարակումներ մամուլում
21/06/2022

Հայաստանից տաղանդավոր գիտնականների արտահոսքը նույնպես կապված է ցածր աշխատավարձերի հետ․ Անի Մարկոսյան
news.am
21/06/2022

Հաճույքով պատրաստ եմ համագործակցել Հայաստանից ասպիրանտների հետ. STARMUS-ի կազմակերպիչ
news.am
20/06/2022

Մենք ընտանիքում առաջին հերթին որպես հայ ենք մեծացել. Նոբելյան մրցանակակիր
1lurer.am
19/06/2022

2021 թ. գիտության ֆինանսավորման ավելացման շնորհիվ իրականացվել են նոր ծրագրեր. Վահրամ Դումանյան
1lurer.am
Կայքը հաճախել են
6 186 771

անգամ սկսած 01.01.2005թ.
National Academy of Sciences of the Republic of Armenia
ՀՀ ԳԱԱ պատկերանիշ (սև, կապույտ)
Ճիշտ տառատեսակի արտապատկերման համար ներբեռնեք և տեղադրեք Arian AMU.ttf
Դեպի վեր Կայքը վերջին անգամ թարմացվել է՝  17:32, 24/06/2022 Դեպի վեր
Գլխավոր էջ - Ակադեմիայի մասին - Բաժանմունքներ - Կազմակերպություններ - Անդամներ - Կապ մեզ հետ - Կառուցվածք - COVID-19
Նախագահության անդամներ - Փաստաթղթեր - Ինովացիոն առաջարկներ - Հրատարակություններ - Հիմնադրամներ - Գիտաժողովներ - Մրցույթներ
Լուսանկարներ - Տեսադարան - Վեբ ռեսուրսներ - Այլ ակադեմիաներ - «Գիտություն» թերթ - «Գիտության աշխարհում» հանդես - Հրապարակումներ մամուլում
Ազդեր - Հոբելյաններ - Համալսարաններ - Նորություններ - Գիտական արդյունքներ - Սփյուռքի բաժինը ներկայացնում է - Երիտասարդ գիտնականի ամբիոն
Մեր երախտավորները - Հայտարարություններ - Լինդաու քաղաքում Նոբելյան մրցանակի դափնեկրի հետ հանդիպում - Կայքի քարտեզ
© Copyright 1998-2022 Բոլոր հեղինակային իրավունքները պաշտպանված են:
Կայքը պատրաստված է և սպասարկվում է Հայաստանի ակադեմիական գիտահետազոտական կոմպյուտերային ցանցի կողմից (ASNET-AM):
Հարցերի կամ առաջարկությունների համար կարող եք ուղարկել նամակ webmaster {[ at ]} sci.am էլեկտրոնային փոստին: