ՀՀ գիտությունների ազգային ակադեմիա
ՀԱՅ  ENG  РУС
Home academy [@] sci.am Facebook Page
Գլխավոր էջ Ակադեմիայի մասին Բաժանմունքներ Կազմակերպություններ Անդամներ Կապ մեզ հետ
Երվանդ Զորյան
դոկտոր, պրոֆեսոր
COVID-19
Կառուցվածք
Նախագահության անդամներ
Փաստաթղթեր
Ինովացիոն առաջարկներ
Հրատարակություններ
Հիմնադրամներ
Գիտաժողովներ
Մրցույթներ
Լուսանկարներ
Տեսադարան
Վեբ ռեսուրսներ
Այլ ակադեմիաներ
«Գիտություն» թերթ
«Գիտության աշխարհում» հանդես
Հրապարակումներ մամուլում
Ազդեր
Հոբելյաններ
Համալսարաններ
Նորություններ
Գիտական արդյունքներ
Սփյուռքի բաժինը ներկայացնում է
Երիտասարդ գիտնականի ամբիոն
Մեր երախտավորները
Հայտարարություններ
Լինդաու քաղաքում Նոբելյան մրցանակի դափնեկրի հետ հանդիպում
Կայքի քարտեզ
Երիտասարդ գիտնականի ամբիոն
Նելլի Կարապետյան

«Լեզուների իմացությունը՝ գիտության ոլորտում կայանալու գրավական»

   «Ծանոթանալով մրցույթի կարգին և պահանջներին՝ որոշեցի առանց ժամանակ կորցնելու պատրաստվել TOEFL քննությանը և անպայման դիմել»,- խոսքը Գիտության կոմիտեի անցկացրած «Ասպիրանտների և երիտասարդ հայցորդների հետազոտությունների աջակցության ծրագիր – 2021» մրցույթի մասին է: ՀՀ ԳԱԱ հնագիտության և ազգագրության ինստիտուտի ասպիրանտ Նելլի Կարապետյանը մրցույթում հաղթողներից է: Իրականացնում է «Դպրոցը ժամանակակից Հայաստանի սոցիալ-մշակութային տարածքում» թեման։
   Ըստ 2-րդ ենթածրագրի, որին դիմել էր Նելլի Կարապետյանը, պահանջվում էր TOEFL-ի [1] հավաստագիր նվազագույնը 79 միավորով. «Անգլերենի իմացության B2 մակարդակով կարողացա հավաքել 85 միավոր։ Ռուսերենի առումով ծրագիրը չէր ենթադրում որևէ պայման, բայց ինքս կարևորում եմ լեզուների իմացությունը: Գիտեմ ռուսերեն, իսկ սկսնակի մակարդակի՝ նաև իտալերեն: Մասնագիտական գրականությանը հաղորդակից լինելու առումով անհրաժեշտ է»։

   Թեմայի ընտրությունը իրենն է: Մասնագիտական հետաքրքրություններն են ոչֆորմալ կրթության առանձնահատկությունները և Կրթության սոցիալ-մշակութային ասպեկտները գյուղական համայնքներում: Կրթության ոլորտի հետ կապված իր հետաքրքրությունները գալիս են դեռ բակալավրի տարիներից (կուրսային, դիպլոմային)։ Այն նաև իր դիսերտացիայի թեման է։
   Ժամանակակից միջնակարգ դպրոցը սոցիալ-մշակութային համատեքստում։ Ուսումնասիրությունը վերաբերում է գյուղական համայնքների դպրոցներին: Լինելով կրթական համակարգի հիմնարար ինստիտուտ՝ դպրոցը սոցիալական կարևորագույն միավոր է։ Հետազոտության խնդիրն է պարզելու կրթական համակարգի և սոցիալական միջավայրի փոխազդեցության ուղիները, հասկանալու դպրոց-համայնք հարաբերությունները: Հասկանալով ուսուցիչ-աշակերտ, ուսուցիչ-ծնող հարաբերությունների սոցիալական ու մշակութային ասպեկտներն ու գործոնները՝ փորձ է արվելու դրանք դիտարկել սոցիոքաղաքական իրավիճակների/ռեժիմների և դրանց փոփոխման համատեքստում։
   Նելլի Կարապետյան. «Արդյունքում ենթադրվում է պատասխանել մի շարք հետազոտական հիմնահարցերի: Կարևոր հարցերից է, թե ինչպես փոփոխվող քաղաքական ռեժիմները կարող են ազդել դպրոցի և կրթության սոցիոմշակութային դերի վրա»:

   Նախասիրությունները: Գիտելիքները զարգացնելու համար որպես կամավոր աշխատել է պետական թանգարաններում: Զբաղվել է նաև թարգմանչական գործով: Ներկայում  աշխատում է Հայաստանի պատմության թանգարանում. գիտաշխատող-ֆոնդապահ է:
   Նելլի Կարապետյանի գիտական ղեկավարն է պատմական գիտությունների թեկնածու Յուլիա Անտոնյանը: Գիտական հետաքրքրությունն է Կրոնի մարդաբանությունը [2]: Մասնակցել է բազմաթիվ տեղական ու միջազգային գիտաժողովների: Դասախոսել է Մադրիդի, Զալցբուրգի, Ֆրիբուրգի, Յենայի համալսարաններում և Թբիլիսիի Իլիայի անվան համալսարանում՝ գերմանացի ուսանողների համար կազմակերպված ամառային դպրոցում (2017): Հրապարակել է 40 ավելի հոդված երեք լեզվով։ Մրցույթի [3] վերաբերյալ հայտարարության մասին իր ուսանողին տեղեկացրել է հենց նա:
   Նելլի Կարապետյան. «Ծրագրի պահանջներում պարտադիր համապատասխանության կետեր կան նաև գիտական ղեկավարի համար, ով առաջնահերթ պետք է ունենա հրապարակված հոդվածներ ազդեցության գործակից ունեցող հեղինակավոր ամսագրերում: Այսպիսի ղեկավարը փորձառո՛ւ մասնագետ է, ով կարող է ուղղություն ցույց տալ այնտեղ, որտեղ դժվարությունների ես հանդիպում»։

   Հատկանշական է, որ հաջորդող երկու տարիների ընթացքում Նելլի Կարապետյանը պետք է հրապարակի 3-4 գիտական հոդվածներ, մասնակցի 1-2 գիտաժողովների: Լեզուների իմացությունը հնարավորություն կտա նրան հետազոտությունների արդյունքները արտասահմանյան գիտական ամսագրերում ներկայացնելու համար։ Ծրագրի պահանջներից է նաև գիտահանրամատչելի նյութերի պատրաստումն ու հրապարակումը: Նպատակը գիտական արդյունքի հանրայնացումն է: 

   Ծանոթագրություններ

    Հերմինե Օհանյան


Ազդեր








Սույն թվականի մարտի 6-ին ժամը 15.00-ին ՀՀ ԳԱԱ նիստերի դահլիճում (Բաղրամյան պող., 24) տեղի կունենա Նովա Գորիցայի համալսարանի (Սլովենիա, ԵՄ) դոցենտ Արտեմ Բադասյանի «Ջրում սպիտակուցների կոնֆորմացիաների տեսական և փորձառական հարցեր» թեմայով գիտական զեկուցումը

ՀՀ ԳԱԱ Շիրակի հայագիտական հետազոտությունների կենտրոնը սկսում է «Գիտական աշխատություններ» պարբերականի 2024թ.1 (27) հատորի հոդվածների ընդունումը: Առաջնահերթությունը տրվում է անգլերեն և ռուսերեն լեզուներով հոդվածներին: Հոդվածների ընդունման վերջնաժամկետն է՝ 2024թ. մարտի 1-ը

Международный инновационный центр нанотехнологий СНГ (МИЦНТ СНГ) при поддержке Межгосударственного фонда гуманитарного сотрудничества государств - участников СНГ (МФГС) и Объединенного института ядерных исследований объявляет о проведении конкурса на соискание грантов на разработку проектов в рамках деятельности МИЦНТ СНГ в 2024 году и очередной Стажировки молодых ученых и специалистов стран СНГ в Дубне в апреле - мае 2024года

2024թ․ մարտի 28-30-ը ՀՀ գիտությունների ազգային ակադեմիան և Երևանի պետական համալսարանը անցկացնելու են «Հայաստանը որպես քաղաքակրթական խաչմերուկ․ պատմամշակութային առնչություններ» թեմայով միջազգային գիտաժողով

ՀՀ գիտության և տեխնիկայի զարգացման 2020-2024թթ. գերակայության ՀՀ կառավարության որոշման նախագիծ

Հրապարակումներ մամուլում
28/02/2024

Բելգիայում տեղի կունենա Մարի Սկլոդովսկա-Կյուրի գործողություններ ծրագրի վարպետության դաս
hesc.am
27/02/2024

Հովակիմ Զաքարյան. Կառավարությունն իրավունք չունի մեր հարկերով ձևավորվող բյուջեից միլիարդներ ծախսել մեգանախագծերի վրա
panorama.am
27/02/2024

STEM ոլորտում կանանց հնարավորությունների ընդլայնում. Բրիտանական խորհրդի կրթաթոշակային ծրագիրը
hesc.am
27/02/2024

Գիտարբուք Արսեն Առաքելյանի հետ․ Մոլեկուլային կենսաբանությունն ու հիվանդությունները
infocom.am
Կայքը հաճախել են
6 860 249

անգամ սկսած 01.01.2005թ.
National Academy of Sciences of the Republic of Armenia
ՀՀ ԳԱԱ պատկերանիշ (սև, կապույտ)
Ճիշտ տառատեսակի արտապատկերման համար ներբեռնեք և տեղադրեք Arian AMU.ttf
Դեպի վեր Կայքը վերջին անգամ թարմացվել է՝  17:12, 01/03/2024 Դեպի վեր
Գլխավոր էջ - Ակադեմիայի մասին - Բաժանմունքներ - Կազմակերպություններ - Անդամներ - Կապ մեզ հետ - Կառուցվածք - COVID-19
Նախագահության անդամներ - Փաստաթղթեր - Ինովացիոն առաջարկներ - Հրատարակություններ - Հիմնադրամներ - Գիտաժողովներ - Մրցույթներ
Լուսանկարներ - Տեսադարան - Վեբ ռեսուրսներ - Այլ ակադեմիաներ - «Գիտություն» թերթ - «Գիտության աշխարհում» հանդես - Հրապարակումներ մամուլում
Ազդեր - Հոբելյաններ - Համալսարաններ - Նորություններ - Գիտական արդյունքներ - Սփյուռքի բաժինը ներկայացնում է - Երիտասարդ գիտնականի ամբիոն
Մեր երախտավորները - Հայտարարություններ - Լինդաու քաղաքում Նոբելյան մրցանակի դափնեկրի հետ հանդիպում - Կայքի քարտեզ
© Copyright 1998-2024 Բոլոր հեղինակային իրավունքները պաշտպանված են:
Կայքը պատրաստված է և սպասարկվում է Հայաստանի ակադեմիական գիտահետազոտական կոմպյուտերային ցանցի կողմից (ASNET-AM):
Հարցերի կամ առաջարկությունների համար կարող եք ուղարկել նամակ webmaster {[ at ]} sci.am էլեկտրոնային փոստին: