ՀՀ գիտությունների ազգային ակադեմիա
ՀԱՅ  ENG  РУС
Home academy [@] sci.am Facebook Page
Գլխավոր էջ Ակադեմիայի մասին Բաժանմունքներ Կազմակերպություններ Անդամներ Կապ մեզ հետ
Երվանդ Զորյան
դոկտոր, պրոֆեսոր
COVID-19
Կառուցվածք
Նախագահության անդամներ
Փաստաթղթեր
Ինովացիոն առաջարկներ
Հրատարակություններ
Հիմնադրամներ
Գիտաժողովներ
Մրցույթներ
Լուսանկարներ
Տեսադարան
Վեբ ռեսուրսներ
Այլ ակադեմիաներ
«Գիտություն» թերթ
«Գիտության աշխարհում» հանդես
Հրապարակումներ մամուլում
Ազդեր
Հոբելյաններ
Համալսարաններ
Նորություններ
Գիտական արդյունքներ
Սփյուռքի բաժինը ներկայացնում է
Երիտասարդ գիտնականի ամբիոն
Մեր երախտավորները
Հայտարարություններ
Լինդաու քաղաքում Նոբելյան մրցանակի դափնեկրի հետ հանդիպում
Կայքի քարտեզ
Երիտասարդ գիտնականի ամբիոն
Շահեն Շահինյան

«Եթե կարողացել է մեկը, կարող եմ նաև ես։ Եթե չի կարողացել ոչ ոք, ապա կլինեմ առաջինը»

    Շահեն Շահինյանը Երևանից է, 29 տարեկան, մասնագիտությունը՝ ինժեներական գեոդեզիա և կադաստր: Շահենը տեխնիկական գիտությունների թեկնածու է, 16 գիտական հոդվածի հեղինակ: Աշխատում է ՀՀ ԳԱԱ Նազարովի անվան երկրաֆիզիկայի և ինժեներային սեյսմաբանության ինստիտուտի  հիդրոերկրադինամիկայի և էկոերկրաֆիզիկայի լաբորատորիայում: 2016 թ-ից Գեոդեզիստների միջազգային ասոցիացիայի (International Association of Geodesists) անդամ է:


   Ձեր ստացած ո՞ր գիտական արդյունքն է ամենակարևորը և ինչո՞ւ: 

   Ամենակարևոր գիտական արդյունքը Հայաստանի տարածքի համար մեր կողմից ստեղծված քվազիգեոիդի մոդելն է:  Այդ աշխատանքի շրջանակում հնարավոր է դարձել Հայաստանի տարածքում գլոբալ նավիգացիոն համակարգերով ամբողջական աշխատանքներ իրականացնել և սանտիմետրի ճշգրտությամբ ստանալ բարձրությունը ծովի մակարդակից:  Մինչ մեր հետազոտությունը, այդ ցուցանիշը ստանում էին մոտ կես մետրի ճշգրտությամբ: Հենց այս հետազոտության հիման վրա էլ մշակել և հետագայում պաշտպանել եմ իմ թեկնածուական ատենախոսությունը։ Ներկայում մեր մաթեմատիկական երկրաֆիզիկայի և գեոինֆորմատիկայի գիտական խումբն աշխատում է երկրադինամիկական պրոցեսների ուսումնասիրության ոլորտում, մասնավորապես՝ խորացված գեոդեզիական մեթոդներով հետազոտում է երկրաշարժերի նախապատրաստման փուլերը: Խմբի աշխատանքներն իրականացվում են լաբորատորիաների աջակցության ծրագրի շրջանակներում՝ Գիտության կոմիտեի ֆինանսավորմամբ:


   Ըստ ձեզ, որո՞նք են Հայաստանում գիտության զարգացման համար առաջնահերթ քայլերը: 

   Հայաստանում գիտության ոլորտն ունի բազում խնդիրներ, որոնք, կարծում եմ, պետք է լուծվեն համալիր քայլերով։ Գիտության ոլորտի զարգացման համար պետք է ներգրավել երիտասարդներին հայեցակարգերի, ծրագրերի մշակման և իրականացման գործընթացներում: Հայաստանում գիտնականներն առաջին հերթին պետք է կենտրոնանան Հայաստանի խնդիրների լուծման վրա։

   Որո՞նք են Հայաստանում գիտության զարգացման ռեսուրսները: 

   Հիմնական ռեսուրսը երկրի ներսում առկա գիտական միտքն է: Պետք է ավելի ամրապնդել կապը Հայաստանում գործող գիտական հաստատությունների միջև: Եթե ամբողջապես օգտագործենք մեր երկրում առկա գիտական ներուժը, ավելի մեծ նշանակության գիտական արդյունքներ կստանանք:

   Ինչպե՞ս է պետք բարձրացնել գիտության վարկանիշը:

   Հիմնական ազդեցությունը գալիս է հենց գիտնականից: Եթե մարդը գիտնական է միայն ի պաշտոնե, այլ ոչ էությամբ, դա բերում է գիտության արժեզրկման։ Վարկանիշը պետք է բարձրացվի նվիրյալների միջոցով, որոնք պետք է ունենան աջակցություն պետության կողմից:

   Ի՞նչ բարեփոխումներ կցանկանայիք տեսնել գիտության ոլորտում:

   Կցանկանայի, որպեսզի Հայաստանում յուրաքանչյուր մասնագիտության համար լիներ առնվազն մեկ ամսագիր՝ ընդգրկված միջազգային ճանաչում ունեցող շտեմարաններում, օրինակ, Scopus, Web of Science: Ճիշտ է, այսօր գիտության լեզուն անգլերենն է, բայց, իմ կարծիքով, պետք է լինեն նաև այնպիսի ամսագրեր, որոնք կունենան հայերեն կրկնօրինակը: Սա օգտակար կլիներ հատկապես դպրոցականների, ուսանողների համար, որոնց անգլերենի իմացության մակարդակը դեռևս շատ բարձր չէ: Կցանկանայի, որ պետական մոտեցումը գիտության նկատմամբ փոխվեր, պետությանը դառնար ոչ միայն ֆինանսավորող, այլ նաև պատվեր իջեցնող և արտադրանքի տեր։ Նաև պետք է խստացվի պայքարը գրագողության դեմ:


   Ինչպե՞ս եք տեսնում ԲՈՒՀ-երի և ԳԱԱ-ի համագործակցությունը: 

   ԲՈՒՀ-երը պետք է լինեն ԳԱԱ կադրերի հիմնական մատակարարը, բայց դրա համար նախ պետք է, որ ԲՈՒՀ-ում կրթությունը հասնի նորմալ մակարդակի և դերակատարություն ունենա գիտական կյանքում։

   Ի՞նչ է անհրաժեշտ երիտասարդ գիտնականին գիտությամբ զբաղվելու համար:

   Երիտասարդ գիտնականի կյանքում ժամանակի 80%-ը պետք է զբաղեցնի գիտությունը։ Իսկ այսօր գիտաշխատողը ստիպված է աշխատել 2 վայրում և ժամանակ ծախսել այլ աշխատանքի վրա, որն ընդհանրապես կապ չունի գիտության հետ: Այս դեպքում գիտնականի աշխատանքի արդյունավետությունն ընկնում է։ Եթե երիտասարդն ունենա իր արդյունքներին համարժեք երաշխիքներ, կկարողանա ավելի արդյունավետ աշխատել։

   Ինչպե՞ս եք գնահատում «Գիտուժ»-ի գործունեությունը, մասնակցո՞ւմ եք «Գիտուժ»-ի նախաձեռնություններում կամ աջակցո՞ւմ եք նրանց:

   Շատ դրական, ինքս մասնակցել եմ «Գիտուժ»-ի որոշ նախաձեռնություններում: «Գիտուժ»-ը կարևոր ազդեցություն ունի ակադեմիական համակարգում բարեփոխումների, գիտության հանրայնացման գործում:

   Շահեն, ի՞նչ կարգախոսով եք առաջնորդվում:

   «Եթե կարողացել է մեկը, կարող եմ նաև ես։ Եթե չի կարողացել ոչ ոք, ապա կլինեմ առաջինը»:

   Մոնիկա Երիցյան


Ազդեր








Սույն թվականի փետրվարի 21-ին Հր. Աճառյանի անվան լեզվի ինստիտուտը սիրով հրավիրում է մասնակցելու «Հայոց լեզվի ուսումնասիրության և ուսուցման արդի խնդիրներ» խորագրով միջազգային գիտաժողովին: Գիտաժողովը տեղի կունենա Լեզվի ինստիտուտում

Ս.թ. փետրվարի 23-ին ժ. 15:00-ին ՀՀ ԳԱԱ նիստերի դահլիճում (Բաղրամյան պող., 24) տեղի կունենա «Չընդհատված ծածկագիր. հայեր» գիտական ֆիլմի ցուցադրությունը և քննարկումը

ՀՀ ԳԱԱ Շիրակի հայագիտական հետազոտությունների կենտրոնը սկսում է «Գիտական աշխատություններ» պարբերականի 2024թ.1 (27) հատորի հոդվածների ընդունումը: Առաջնահերթությունը տրվում է անգլերեն և ռուսերեն լեզուներով հոդվածներին: Հոդվածների ընդունման վերջնաժամկետն է՝ 2024թ. մարտի 1-ը

Международный инновационный центр нанотехнологий СНГ (МИЦНТ СНГ) при поддержке Межгосударственного фонда гуманитарного сотрудничества государств - участников СНГ (МФГС) и Объединенного института ядерных исследований объявляет о проведении конкурса на соискание грантов на разработку проектов в рамках деятельности МИЦНТ СНГ в 2024 году и очередной Стажировки молодых ученых и специалистов стран СНГ в Дубне в апреле - мае 2024года

2024թ․ մարտի 28-30-ը ՀՀ գիտությունների ազգային ակադեմիան և Երևանի պետական համալսարանը անցկացնելու են «Հայաստանը որպես քաղաքակրթական խաչմերուկ․ պատմամշակութային առնչություններ» թեմայով միջազգային գիտաժողով

ՀՀ գիտության և տեխնիկայի զարգացման 2020-2024թթ. գերակայության ՀՀ կառավարության որոշման նախագիծ

Հրապարակումներ մամուլում
20/02/2024

«Գիտուժի» ներկայացուցիչների հետ քննարկվել են գիտահետազոտական ոլորտում պետական պատվերների ձևակերպման հարցեր
1lurer.am
19/02/2024

Երբ գիտության մեջ ես, շարժման մեջ ես. Լուսինե Համբարյան
ankakh.com
19/02/2024

Սևանի ձկնային պաշարները վտանգված են. իշխանի 2 տեսակ արհեստական պայմաններում է բազմացվում
1lurer.am
16/02/2024

Հայաստանը ես եմ. Նարինե Հայրապետյան
1tv.am
Կայքը հաճախել են
6 848 021

անգամ սկսած 01.01.2005թ.
National Academy of Sciences of the Republic of Armenia
ՀՀ ԳԱԱ պատկերանիշ (սև, կապույտ)
Ճիշտ տառատեսակի արտապատկերման համար ներբեռնեք և տեղադրեք Arian AMU.ttf
Դեպի վեր Կայքը վերջին անգամ թարմացվել է՝  17:17, 20/02/2024 Դեպի վեր
Գլխավոր էջ - Ակադեմիայի մասին - Բաժանմունքներ - Կազմակերպություններ - Անդամներ - Կապ մեզ հետ - Կառուցվածք - COVID-19
Նախագահության անդամներ - Փաստաթղթեր - Ինովացիոն առաջարկներ - Հրատարակություններ - Հիմնադրամներ - Գիտաժողովներ - Մրցույթներ
Լուսանկարներ - Տեսադարան - Վեբ ռեսուրսներ - Այլ ակադեմիաներ - «Գիտություն» թերթ - «Գիտության աշխարհում» հանդես - Հրապարակումներ մամուլում
Ազդեր - Հոբելյաններ - Համալսարաններ - Նորություններ - Գիտական արդյունքներ - Սփյուռքի բաժինը ներկայացնում է - Երիտասարդ գիտնականի ամբիոն
Մեր երախտավորները - Հայտարարություններ - Լինդաու քաղաքում Նոբելյան մրցանակի դափնեկրի հետ հանդիպում - Կայքի քարտեզ
© Copyright 1998-2024 Բոլոր հեղինակային իրավունքները պաշտպանված են:
Կայքը պատրաստված է և սպասարկվում է Հայաստանի ակադեմիական գիտահետազոտական կոմպյուտերային ցանցի կողմից (ASNET-AM):
Հարցերի կամ առաջարկությունների համար կարող եք ուղարկել նամակ webmaster {[ at ]} sci.am էլեկտրոնային փոստին: