ՀՀ գիտությունների ազգային ակադեմիա
ՀԱՅ  ENG  РУС
Home academy [@] sci.am Facebook Page
Գլխավոր էջ Ակադեմիայի մասին Բաժանմունքներ Կազմակերպություններ Անդամներ Կապ մեզ հետ
Երվանդ Զորյան
դոկտոր, պրոֆեսոր
COVID-19
Կառուցվածք
Նախագահության անդամներ
Փաստաթղթեր
Ինովացիոն առաջարկներ
Հրատարակություններ
Հիմնադրամներ
Գիտաժողովներ
Մրցույթներ
Լուսանկարներ
Տեսադարան
Վեբ ռեսուրսներ
Այլ ակադեմիաներ
«Գիտություն» թերթ
«Գիտության աշխարհում» հանդես
Հրապարակումներ մամուլում
Ազդեր
Հոբելյաններ
Համալսարաններ
Նորություններ
Գիտական արդյունքներ
Սփյուռքի բաժինը ներկայացնում է
Երիտասարդ գիտնականի ամբիոն
Մեր երախտավորները
Հայտարարություններ
Լինդաու քաղաքում Նոբելյան մրցանակի դափնեկրի հետ հանդիպում
Կայքի քարտեզ
Երիտասարդ գիտնականի ամբիոն
Լուսինե Մկրտչյան

«Գիտությունը չպետք է ունենա սահմաններ»

   Լուսինե Մկրտչյանը 25 տարեկան է, մասնագիտությամբ՝ կենսաքիմիկոս: Սովորել է Երևանի պետական համալսարանի կենսաբանության ֆակուլտետում: Այժմ ՀՀ ԳԱԱ Բունիաթյանի անվան կենսաքիմիայի ինստիտուտի ասպիրանտ է և կրտսեր գիտաշխատող: Լուսինեն 9 գիտական հոդվածների ու ամփոփումների (abstract) հեղինակ է, համագործակցում է Ռուսաստանի (պրոֆեսոր Վ. Տուչին, Սարատովի պետական համալսարան), Բելառուսի (պրոֆեսոր Բ. Ջագարով, Բելառուսի ԳԱԱ ֆիզիկայի ինստիտուտ), Ֆրանսիայի (պրոֆեսոր Ժ. Գասեր, Կյանքի ու առողջության քիմիայի ինստիտուտ) գիտական խմբերի հետ:

   Ի՞նչ արդյունքների եք հասել ձեր հետազոտություններում:

   ՀՀ ԳԱԱ կենսաքիմիայի ինստիտուտում կենսաինժեներիայի խմբում իրականացնում եմ հետազոտություններ պորֆիրինների ու ֆոլաթթվի կոմպլեքսների ստացման նպատակով։ Հաջողվել է ստանալ կայուն կոմպլեքսներ, որոնք հեռանկարային է կիրառել քաղցկեղի թիրախային ֆոտոդինամիկ թերապիայում՝ հաշվի առնելով այն, որ քաղցկեղային բջիջների ֆոլաթթվային ռեցեպտորներն առողջ բջիջների համեմատությամբ 100-300 անգամ ավելի են։ Այս կոմպլեքսների ստացումը հետազոտության առաջին քայլն է, որից և բխում են հետագա քայլերը, որոնք կօգնեն բարելավել ֆոտոդինամիկ թերապիայի գործընթացը և ապագայում կնպաստեն քաղցկեղով հիվանդների կյանքի որակի բարելավմանը և բուժմանը։ 

   Ձախից՝ Լուսինե Մկրտյանը, գիտական ղեկավար Գրիգոր Գյուլխանդանյանը, գիտաշխատող Աննա Զաքոյանը


   Ի՞նչն է ազդում գիտության վարկանիշի վրա և ինչպե՞ս է պետք բարձրացնել այն:

   Գիտական արդյունքները պետք է պատշաճ ներկայացվեն միջազգային հարթակներում, որը հնարավոր է ազդեցության գործակցով ամսագրերում տպագրությունների միջոցով: Միջազգային հարթակ դուրս գալու համար անհրաժեշտ է գիտական թեմաների արդիականացում: Կա տեսական ու փորձարարական մեծ բազա, նոր և արդի արգասիքների ստացման հեռանկար, ինչի շնորհիվ հայ գիտնականները մեծ հաջողությամբ կարողանում են դժվար պայմաններում ստեղծել միջազգային համագործակցութուն։ Իմ բնագավառում առաջնահերթ եմ համարում կենսատեխնոլոգիայի ու բժշկության ոլորտներում իրականացվող հետազոտությունները։ Առանձնահատուկ խնդիր է ստացված արդյունքների ապրանքայնացումը։

   Ինչպե՞ս պետք է համագործակցեն ԲՈՒՀ-երը և ԳԱԱ համակարգի կազմակերպությունները:

   Միևնույն ուղղությամբ հետազոտություններ իրականացնող տարբեր գիտական խմբերը պետք է համախմբվեն էլ ավելի լավ տվյալներ ստանալու, խնդիրը բազմակողմանի դիտարկելու համար: Գիտությունը չպետք է ունենա սահմաններ։ Այդ ամենի կազմակերպման նպատակով շատ օգտակար կլիներ տեղեկատվական բազայի ստեղծումը, ինչպես նաև հատուկ դրամաշնորհային ծրագրեր՝ ուղղված ԲՈՒՀ-գիտահետազոտական ինստիտուտ համագործակցությանը։ Հետաքրքիր կլիներ նպաստել ոչ միայն Երևանի, այլև մարզերի գիտական ու կրթական հաստատությունների համատեղ համագործակցությանը, որպեսզի գիտությունը Հայաստանում զարգանա համաչափ։

   Իսկ ի՞նչ է անհրաժեշտ երիտասարդ գիտնականին գիտությամբ զբաղվելու համար:

   Անհրաժեշտ աշխատանքային պայմաններ ու գիտության արժևորում պետական մակարդակով։  

   Ըստ ձեզ, ի՞նչն է խոչընդոտում գիտության զարգացմանը Հայաստանում:
 
   Երիտասարդների համար չկա գիտությամբ զբաղվելու բավարար մոտիվացիա: Աշխատավարձը ցածր է, կադրերի թարմացումն ընթանում է դանդաղ: Բավարար ներդրումներ չկան, ինչի արդյունքում հայ գիտնականը փորձում է լուծել 21-րդ դարի արդի խնդիրը հին մեթոդներով, լավագույն դեպքում համագործակցության միջոցով արտասահմանյան գիտական խմբերի հետ։ Անհրաժեշտություն կա ներդնել նոր մեթոդներ և սարքավորումներ, որոնք չկան Հայաստանում, սակայն անհրաժեշտ են աշխատանքների ամբողջականացման համար։

   Ինչպե՞ս եք վերաբերվում Հայաստանում հետթեկնածուական կարգավիճակի (PostDoc) համակարգի ներդրմանը:

   PostDoc համակարգը ստեղծում է հնարավորություն երիտասարդ գիտնականների առաջխաղացման համար:

   Ինչպե՞ս եք գնահատում «Գիտուժ»-ի գործունեությունը:

   Աջակցում եմ և համարում, որ նման նախաձեռնությունը մեծապես նպաստում է գիտնականների համախմբմանը, հանրությանը գիտության ճիշտ անկյամբ ներկայացմանը ու խնդիրների բարձրաձայնմանը։ 

   Ի՞նչ կարգախոսով եք առաջնորդվում:

   Գիտությունը իրականության պոեզիան է (Science is the Poetry of Reality - Richard Dawkins):

   Մոնիկա Երիցյան


Ազդեր








Սույն թվականի փետրվարի 21-ին Հր. Աճառյանի անվան լեզվի ինստիտուտը սիրով հրավիրում է մասնակցելու «Հայոց լեզվի ուսումնասիրության և ուսուցման արդի խնդիրներ» խորագրով միջազգային գիտաժողովին: Գիտաժողովը տեղի կունենա Լեզվի ինստիտուտում

Ս.թ. փետրվարի 23-ին ժ. 15:00-ին ՀՀ ԳԱԱ նիստերի դահլիճում (Բաղրամյան պող., 24) տեղի կունենա «Չընդհատված ծածկագիր. հայեր» գիտական ֆիլմի ցուցադրությունը և քննարկումը

ՀՀ ԳԱԱ Շիրակի հայագիտական հետազոտությունների կենտրոնը սկսում է «Գիտական աշխատություններ» պարբերականի 2024թ.1 (27) հատորի հոդվածների ընդունումը: Առաջնահերթությունը տրվում է անգլերեն և ռուսերեն լեզուներով հոդվածներին: Հոդվածների ընդունման վերջնաժամկետն է՝ 2024թ. մարտի 1-ը

Международный инновационный центр нанотехнологий СНГ (МИЦНТ СНГ) при поддержке Межгосударственного фонда гуманитарного сотрудничества государств - участников СНГ (МФГС) и Объединенного института ядерных исследований объявляет о проведении конкурса на соискание грантов на разработку проектов в рамках деятельности МИЦНТ СНГ в 2024 году и очередной Стажировки молодых ученых и специалистов стран СНГ в Дубне в апреле - мае 2024года

2024թ․ մարտի 28-30-ը ՀՀ գիտությունների ազգային ակադեմիան և Երևանի պետական համալսարանը անցկացնելու են «Հայաստանը որպես քաղաքակրթական խաչմերուկ․ պատմամշակութային առնչություններ» թեմայով միջազգային գիտաժողով

ՀՀ գիտության և տեխնիկայի զարգացման 2020-2024թթ. գերակայության ՀՀ կառավարության որոշման նախագիծ

Հրապարակումներ մամուլում
20/02/2024

«Գիտուժի» ներկայացուցիչների հետ քննարկվել են գիտահետազոտական ոլորտում պետական պատվերների ձևակերպման հարցեր
1lurer.am
19/02/2024

Երբ գիտության մեջ ես, շարժման մեջ ես. Լուսինե Համբարյան
ankakh.com
19/02/2024

Սևանի ձկնային պաշարները վտանգված են. իշխանի 2 տեսակ արհեստական պայմաններում է բազմացվում
1lurer.am
16/02/2024

Հայաստանը ես եմ. Նարինե Հայրապետյան
1tv.am
Կայքը հաճախել են
6 848 042

անգամ սկսած 01.01.2005թ.
National Academy of Sciences of the Republic of Armenia
ՀՀ ԳԱԱ պատկերանիշ (սև, կապույտ)
Ճիշտ տառատեսակի արտապատկերման համար ներբեռնեք և տեղադրեք Arian AMU.ttf
Դեպի վեր Կայքը վերջին անգամ թարմացվել է՝  17:17, 20/02/2024 Դեպի վեր
Գլխավոր էջ - Ակադեմիայի մասին - Բաժանմունքներ - Կազմակերպություններ - Անդամներ - Կապ մեզ հետ - Կառուցվածք - COVID-19
Նախագահության անդամներ - Փաստաթղթեր - Ինովացիոն առաջարկներ - Հրատարակություններ - Հիմնադրամներ - Գիտաժողովներ - Մրցույթներ
Լուսանկարներ - Տեսադարան - Վեբ ռեսուրսներ - Այլ ակադեմիաներ - «Գիտություն» թերթ - «Գիտության աշխարհում» հանդես - Հրապարակումներ մամուլում
Ազդեր - Հոբելյաններ - Համալսարաններ - Նորություններ - Գիտական արդյունքներ - Սփյուռքի բաժինը ներկայացնում է - Երիտասարդ գիտնականի ամբիոն
Մեր երախտավորները - Հայտարարություններ - Լինդաու քաղաքում Նոբելյան մրցանակի դափնեկրի հետ հանդիպում - Կայքի քարտեզ
© Copyright 1998-2024 Բոլոր հեղինակային իրավունքները պաշտպանված են:
Կայքը պատրաստված է և սպասարկվում է Հայաստանի ակադեմիական գիտահետազոտական կոմպյուտերային ցանցի կողմից (ASNET-AM):
Հարցերի կամ առաջարկությունների համար կարող եք ուղարկել նամակ webmaster {[ at ]} sci.am էլեկտրոնային փոստին: