ՀՀ գիտությունների ազգային ակադեմիա
ՀԱՅ  ENG  РУС
Home academy [@] sci.am Facebook Page
Գլխավոր էջ Ակադեմիայի մասին Բաժանմունքներ Կազմակերպություններ Անդամներ Կապ մեզ հետ
Երվանդ Զորյան
դոկտոր, պրոֆեսոր
COVID-19
Կառուցվածք
Նախագահության անդամներ
Փաստաթղթեր
Ինովացիոն առաջարկներ
Հրատարակություններ
Հիմնադրամներ
Գիտաժողովներ
Մրցույթներ
Լուսանկարներ
Տեսադարան
Վեբ ռեսուրսներ
Այլ ակադեմիաներ
«Գիտություն» թերթ
«Գիտության աշխարհում» հանդես
Հրապարակումներ մամուլում
Ազդեր
Հոբելյաններ
Համալսարաններ
Նորություններ
Գիտական արդյունքներ
Սփյուռքի բաժինը ներկայացնում է
Երիտասարդ գիտնականի ամբիոն
Մեր երախտավորները
Հայտարարություններ
Լինդաու քաղաքում Նոբելյան մրցանակի դափնեկրի հետ հանդիպում
Կայքի քարտեզ
Երիտասարդ գիտնականի ամբիոն
Աստղիկ Մարգարյան

«Պետք է հնարավորություն տալ գիտության մարդկանց ուժեղացնել պետության կարողությունները»

   ՀՀ ԳԱԱ ֆիզիկայի կիրառական պրոբլեմների ինստիտուտի կրտսեր գիտաշխատող Աստղիկ Մարգարյան. «Ես վստահ եմ՝ մեր երկրի ապագան գիտությունն է: Պետք է հնարավորություն տալ գիտության մարդկանց ուժեղացնել պետության կարողությունները, Հայաստանի ձայնը լսելի դարձնել աշխարհում»:

   Աստղիկ Մարգարյանը Գյումրիից է, 29 տարեկան, մասնագիտությամբ՝ ֆիզիկոս, մաթեմատիկոս: Սովորել է Երևանի պետական համալսարանի ֆիզիկայի ֆակուլտետում, այնուհետև Հայկական պետական մանկավարժական համալսարանի մաթեմատիկայի ֆակուլտետում: Ներկայում ՀՀ ԳԱԱ ֆիզիկայի կիրառական պրոբլեմների ինստիտուտի կրտսեր գիտաշխատող է: Նաև դասավանդում է ֆիզիկա առարկա Հովհաննես Թումանյանի անվան թիվ 32 դպրոցում:

   
   Գիտական արդյունք

   «Ուսումնասիրված է դիֆրակցիայի օպտիկական երևույթը ճեղքից անթափանց էկրանի վրա, որը գտնվում է վակուումի և համասեռ անիզոտրոպ միջավայրի միջև։Ընդհանրացված է դիֆրակցիայի հայտնի բանաձևը, որը ներառում է միառանցք միջավայրի դեպքը, երբ կլանումը բացակայում է: Ստացված է բանաձև, որը հնարավորություն է տալիս որոշել դիֆրակցիոն մաքսիմումների և մինիմումների ուղղությունները կլանման առկայության դեպքում։ Մեր աշխատանքները նոր են սկսվել և պահանջվում են փորձարարական ուսումնասիրություններ։ Այս ուսումնասիրության արդյունքները հնարավոր է կիրառելի լինեն տարբեր անիզոտրոպ միջավայրերի ուսումնասիրության հետ», - ասում է Աստղիկ Մարգարյանը։
   ֆիզիկայի կիրառական պրոբլեմների ինստիտուտում Աստղիկը ներգրավված է «Արևային էներգիայի վերափոխման համար հեռանկարային հիբրիդային նոր նյութեր» ծրագրում. «Արևային էներգետիկայի ոլորտում նոր տեխնոլոգիա ենք առաջարկում. փորձում ենք արևային էներգիայից մոտ 4-5 անգամ ավելի էժան էներգիա ստանալ: Հույս ունեմ, որ կկարողանանք իրականացնել մեր ծրագիրը և կդառնանք էժան էներգիա արտադրող երկիր, մեր արտադրանքը դուրս կբերենք նաև միջազգային շուկա»:

   Զարգացած գիտություն, զարգացած պետություն

                       2016 թ. ՌԴ, Դուբնա, երիտասարդ գիտնականների վերապատրաստում

   «Ես վստահ եմ՝ մեր երկրի ապագան գիտությունն է:  Մենք, ցավոք, չունենք հզոր տնտեսություն, հզոր ռազմական ռեսուրսներ, պետք է մեր ուղեղով առաջ գնանք: Պետք է հնարավորություն տալ գիտության մարդկանց ուժեղացնել պետության կարողությունները, Հայաստանի ձայնը լսելի դարձնել աշխարհում: Դրա համար գիտնականին պետք է գնահատել ըստ արժանվույն, կոտրել հասարակության մեջ նրանց նկատմամբ ձևավորված կարծրատիպերը, ապահովել այնպես, որպեսզի նա զբաղվի միայն գիտությամբ: Այսօր շատ երիտասարդ գիտնականներ ստիպված են զբաղվել այլ աշխատանքներով ևս, որպեսզի լուծեն կենցաղային խնդիրները, ինչը շեղում է գիտնականին իր աշխատանքից: Գիտությանը, գիտնականին պատշաճ վերաբերմունք և ֆինանսավորում է պետք: Հուսանք 2022 թ-ից նախատեսված բարեփոխումները կիրագործվեն, - ասում է Աստղիկ Մարգարյանը, - պետք է հնարավորություններ ստեղծել երիտասարդների համար իրենց դրսևորել միջազգային հարթակներում: Նաև շատ կարևոր  է գիտության ոլորտի հանրայնացումը, գիտնականների կատարած հայտնագործությունների, գիտափորձերի ներկայացումը, նորարարությունների համար համապատասխան ռեսուրսների տրամադրումը»: 

   ԳԱԱ-ի և ԲՈՒՀ-երի համագործակցության մասին
 
   Ըստ Աստղիկ Մարգարյանի՝ ԳԱԱ կազմակերպությունների փորձառու աշխատակիցների կողմից կարող են կազմակերպվել անվճար դասընթացներ, դասախոսություններ, որոնցում կներգրավվեն տվյալ մասնագիտությունն ընտրած տարբեր բուհերի ուսանողներ. «Դա նախ կնպաստի տարբեր բուհերի ուսանողների շփմանը, փորձի ու տեսակետների փոխանակման հնարավորություն կտա: Նաև ակադեմիայի կազմակերպությունները ցանկալի է վճարովի աշխատանքային պրակտիկա առաջարկեն ուսանողին: Դա կմեծացնի ուսանողի հետաքրքրությունը տվյալ գիտության կամ աշխատանքի հանդեպ»:
 
   Գենդերային անհավասարության մասին
 
   «Ոլորտում ունենք գենդերային անհավասարության խնդիր: Դա առաջին հերթին մեր հասարակության մեջ ձևավորված կարծրատիպերի հետևանք է: Դեռ երկար ժամանակ կպահանջվի, մինչև հասնենք այն կետին, երբ մասնագետներին համեմատելիս շեշտը կդնենք մասնագիտական հմտությունների ու պատրաստվածության, այլ ոչ թե սեռի վրա։  Միջազգային հարթակներում կանայք նույնպես կարող են  տպավորիչ արդյունքներ ցույց տալ։  Աշխարհը ծնել է Մարի Կյուրի, և դեռ շատ այդպիսի կանայք կբացահայտվեն, եթե նախապատվությունը միայն տղամարդկանց չտրվի», - կարծում է Աստղիկ Մարգարյանը:

    Մոնիկա Երիցյան


Ազդեր








Սույն թվականի փետրվարի 21-ին Հր. Աճառյանի անվան լեզվի ինստիտուտը սիրով հրավիրում է մասնակցելու «Հայոց լեզվի ուսումնասիրության և ուսուցման արդի խնդիրներ» խորագրով միջազգային գիտաժողովին: Գիտաժողովը տեղի կունենա Լեզվի ինստիտուտում

Ս.թ. փետրվարի 23-ին ժ. 15:00-ին ՀՀ ԳԱԱ նիստերի դահլիճում (Բաղրամյան պող., 24) տեղի կունենա «Չընդհատված ծածկագիր. հայեր» գիտական ֆիլմի ցուցադրությունը և քննարկումը

ՀՀ ԳԱԱ Շիրակի հայագիտական հետազոտությունների կենտրոնը սկսում է «Գիտական աշխատություններ» պարբերականի 2024թ.1 (27) հատորի հոդվածների ընդունումը: Առաջնահերթությունը տրվում է անգլերեն և ռուսերեն լեզուներով հոդվածներին: Հոդվածների ընդունման վերջնաժամկետն է՝ 2024թ. մարտի 1-ը

Международный инновационный центр нанотехнологий СНГ (МИЦНТ СНГ) при поддержке Межгосударственного фонда гуманитарного сотрудничества государств - участников СНГ (МФГС) и Объединенного института ядерных исследований объявляет о проведении конкурса на соискание грантов на разработку проектов в рамках деятельности МИЦНТ СНГ в 2024 году и очередной Стажировки молодых ученых и специалистов стран СНГ в Дубне в апреле - мае 2024года

2024թ․ մարտի 28-30-ը ՀՀ գիտությունների ազգային ակադեմիան և Երևանի պետական համալսարանը անցկացնելու են «Հայաստանը որպես քաղաքակրթական խաչմերուկ․ պատմամշակութային առնչություններ» թեմայով միջազգային գիտաժողով

ՀՀ գիտության և տեխնիկայի զարգացման 2020-2024թթ. գերակայության ՀՀ կառավարության որոշման նախագիծ

Հրապարակումներ մամուլում
20/02/2024

«Գիտուժի» ներկայացուցիչների հետ քննարկվել են գիտահետազոտական ոլորտում պետական պատվերների ձևակերպման հարցեր
1lurer.am
19/02/2024

Երբ գիտության մեջ ես, շարժման մեջ ես. Լուսինե Համբարյան
ankakh.com
19/02/2024

Սևանի ձկնային պաշարները վտանգված են. իշխանի 2 տեսակ արհեստական պայմաններում է բազմացվում
1lurer.am
16/02/2024

Հայաստանը ես եմ. Նարինե Հայրապետյան
1tv.am
Կայքը հաճախել են
6 847 991

անգամ սկսած 01.01.2005թ.
National Academy of Sciences of the Republic of Armenia
ՀՀ ԳԱԱ պատկերանիշ (սև, կապույտ)
Ճիշտ տառատեսակի արտապատկերման համար ներբեռնեք և տեղադրեք Arian AMU.ttf
Դեպի վեր Կայքը վերջին անգամ թարմացվել է՝  17:17, 20/02/2024 Դեպի վեր
Գլխավոր էջ - Ակադեմիայի մասին - Բաժանմունքներ - Կազմակերպություններ - Անդամներ - Կապ մեզ հետ - Կառուցվածք - COVID-19
Նախագահության անդամներ - Փաստաթղթեր - Ինովացիոն առաջարկներ - Հրատարակություններ - Հիմնադրամներ - Գիտաժողովներ - Մրցույթներ
Լուսանկարներ - Տեսադարան - Վեբ ռեսուրսներ - Այլ ակադեմիաներ - «Գիտություն» թերթ - «Գիտության աշխարհում» հանդես - Հրապարակումներ մամուլում
Ազդեր - Հոբելյաններ - Համալսարաններ - Նորություններ - Գիտական արդյունքներ - Սփյուռքի բաժինը ներկայացնում է - Երիտասարդ գիտնականի ամբիոն
Մեր երախտավորները - Հայտարարություններ - Լինդաու քաղաքում Նոբելյան մրցանակի դափնեկրի հետ հանդիպում - Կայքի քարտեզ
© Copyright 1998-2024 Բոլոր հեղինակային իրավունքները պաշտպանված են:
Կայքը պատրաստված է և սպասարկվում է Հայաստանի ակադեմիական գիտահետազոտական կոմպյուտերային ցանցի կողմից (ASNET-AM):
Հարցերի կամ առաջարկությունների համար կարող եք ուղարկել նամակ webmaster {[ at ]} sci.am էլեկտրոնային փոստին: