ՀՀ գիտությունների ազգային ակադեմիա
ՀԱՅ  ENG  РУС
Home academy [@] sci.am Facebook Page
Գլխավոր էջ Ակադեմիայի մասին Բաժանմունքներ Կազմակերպություններ Անդամներ Կապ մեզ հետ
Ազիզյան Ռուբեն Իլյիչի
Բժշկ.գ.դ., պրոֆեսոր
Կառուցվածք
Նախագահության անդամներ
Փաստաթղթեր
Ինովացիոն առաջարկներ
Հրատարակություններ
Հիմնադրամներ
Գիտաժողովներ
Մրցույթներ
Միջազգային համագործակցություն
Երիտասարդական ծրագրեր
Լուսանկարներ
Տեսադարան
Վեբ ռեսուրսներ
Այլ ակադեմիաներ
«Գիտություն» թերթ
«Գիտության աշխարհում» հանդես
Հրապարակումներ մամուլում
Ազդեր
Հոբելյաններ
Համալսարաններ
Նորություններ
Գիտական արդյունքներ
Սփյուռքի գիտնականները
Երիտասարդ գիտնականի ամբիոն
Մեր երախտավորները
Հայտարարություններ
Կայքի քարտեզ
Երիտասարդ գիտնականի ամբիոն
Հասմիկ Եգորյան

ԵԳԱԾ-ի «Գիտական հոդվածների տպագրության համար երիտասարդ գիտնականներին խրախուսման մրցույթի» շահառու

ՀՀ Գիտությունների ազգային ակադեմիայի Օրգանական և դեղագործական քիմիայի գիտատեխնոլոգիական կենտրոնի գիտաշխատող Հասմիկ Եգորյանը «Երիտասարդ գիտնականների աջակցության ծրագրի» շրջանակներում իրականացվող «Գիտական հոդվածների տպագրության համար երիտասարդ գիտնականներին խրախուսման մրցույթի» շահառուներից է։

Հասմիկ Եգորյանը մրցույթում ներկայացրել է «Synthesis of 1-Amino-3-oxo-2,7-naphthyridines via Smiles Rearrangement: A New Approach in the Field of Chemistry of Heterocyclic Compounds» հոդվածը։ Այն տպագրվել է «International Journal of Molecular Sciences» ամսագրում, որը «Scimago Journal & Country Ranking (SJR)»-ում ըստ տվյալ կատեգորիայի ամսագրերի դասակարգման առաջին (Q1) քառորդի ամսագրերից է։ Հոդվածի համահեղինակներն են՝ քիմիական գիտությունների դոկտոր Սամվել Սիրականյանը, Սալոնիկի Արիստոտելի անվան համալսարանի պրոֆեսոր Աֆինա Գերոնիկակին, Բոլոնիայի համալսարանի պրոֆեսոր Դոմենիկո Սպինելլին, Ռուսաստանի բնական գիտությունների ակադեմիայի ակադեմիկոս Վիկտոր Կարցևը, ՀՀ ԳԱԱ Օրգանական և դեղագործական քիմիայի գիտատեխնոլոգիական կենտրոնի գիտաշխատողներ Անուշ Հովակիմյանը և Էլմիրա Հակոբյանը:

«Այս մրցույթի շահառու դառնալը շատ ոգևորիչ է և խթան հետագա մրցույթներին մասնակցելու համար, որոնք կտան հնարավորություն գիտական հետազոտություններն ավելի արդյունավետ կատարելու և միջազգայնացնելու», - նշում է Հասմիկ Եգորյանը։ 

Ո՞րն է Ձեր աշխատանքի նորույթը, ինչ կարևորություն ունի այն։ 

- Մարդկությունն իր գոյության ընթացքում պարբերաբար առնչվում է զանազան հիվանդությունների, վարակների և համաճարակների հետ, և նոր դեղամիջոցների ու պատվաստանյութերի փնտրտուքը միշտ անհրաժեշտ և արդիական է։ Մեր գիտական խումբը զբաղվում է ալիցիկլո[c]- և հետերոցիկլո[c]պիրիդինների նոր ածանցյալների սինթեզով և դրանց հատկությունների ուսումնասիրությամբ՝ նպատակ ունենալով հայտնաբերել նոր, ավելի արդյունավետ, ընտրողաբար ազդող և քիչ թունավոր դեղամիջոցներ: Մրցույթին ներկայացված աշխատանքը մեր լաբորատորիայում իրագործվող գիտական հետազոտությունների ուղղություններից մեկն է։ Աշխատանքի նորույթն այն է, որ առաջին անգամ սինթեզվել են 1-ամինո-3-օքսո-2,7-նաֆթիրիդիններ, որոնք հնարավորություն են տալիս իրականացնել նոր, պոտենցիալ կենսաբանորեն ակտիվ հետերոցիկլիկ համակարգերի՝ ֆուրո[2,3-c]-2,7-նաֆթիրիդինների ածանցյալների սինթեզ: Այսինքն, մենք սինթեզել ենք բարձր հակավիրուսային ազդեցությամբ միացություններ, որոնք ունեն լավ հնարավորություն վերածվելու ավելի արդյունավետ դեղամիջոցների:

Ինչո՞ւ ընտրեցիք հենց քիմիկոսի մասնագիտությունը։ 

- Քիմիան ինձ համար ամեն ինչ է, այն ամենուր է։ Դպրոցն ավարտելուց հետո առանց տատանվելու ընտրել եմ Երևանի պետական համալսարանի քիմիայի ֆակուլտետը։ Ներկայում ունեմ չորս գիտական հոդված, որոնք տպագրվել են «Mendeleev Communications», «International Journal of Molecular Sciences», «Molecules, Arkivoc» միջազգային հեղինակավոր ամսագրերում և երեք միջազգային թեզիս:

Ի՞նչ դժվարությունների հետ է բախվում երիտասարդ գիտնականը Հայաստանում: Ինչպե՞ս եք գնահատում պետության աջակցությունը երիտասարդ գիտնականներին:

- Դժվարությունները հիմնականում կապված են ֆինանսավորման հետ, նորագույն սարքերի՝ մեր դեպքում քիմիական ռեակտիվների և լուծիչների բացակայության հետ: Վերջին տարիներին բարձրացվել է գիտնականների աշխատավարձը, ինչը, կարծում եմ, գիտության զարգացման առաջնահերթ քայլերից է: Գիտության կոմիտեի կողմից կազմակերպվում են բազմաթիվ մրցույթներ, որոնց շնորհիվ հնարավոր է ձեռք բերել ժամանակակից սարքավորումներ, ինչը նպաստում է գիտական հետազոտությունների որակի բարձրացմանը:

Հայաստանում գիտության զարգացման համար ի՞նչ դերակատարում ունեն «Գիտուժ»-ը և այլ գիտական նախաձեռնությունները: 

- Գիտական նախաձեռնությունների դերը գիտության զարգացման, հանրայնացման գործում մեծ է, և ինքս շատ արժևորում եմ այն։

Ո՞րն է Ձեր գիտական գործունեության ընթացքում ամենատպավորիչ իրադարձությունը։

- 2022 թվականին Թբիլիսիում կայացած միջազգային գիտաժողովում «Լավագույն պոստեր» մրցանակին արժանանալը:

Ինչո՞վ եք զբաղվում աշխատանքից դուրս, ի՞նչ նախասիրություններ ունեք։ 

- Ուսումնասիրում եմ մասնագիտական գրականություն, օտար լեզուներ։ Սիրում եմ ճանապարհորդել, ազատ ժամանակ ֆիլմեր դիտել: 

Ի՞նչն է Ձեզ համար ամենակարևորը կյանքում և գիտության մեջ։

- Թե՛ կյանքում, թե՛ գիտության մեջ ամենակարևորը հաջողակ լինելն է։ Իմ պատկերացմամբ դա նպատակների և երազանքների մեծ մասին հասնելն է:

Ի՞նչ կարգախոսով եք առաջնորդվում:

- Երբեք կանգ չառնել դժվարությունների առաջ և հասնել իմ նպատակներին։

Մոնիկա Երիցյան


Ազդեր








2025թ․ սեպտեմբերի 8-11 ՀՀ ԳԱԱ ֆիզիկական հետազոտությունների ինստիտուտը Երևանում անց է կացնում «Մագնիսական և գերհաղորդիչ նյութեր» XIII միջազգային գիտաժողովը (MSM25)

2025թ. սեպտեմբերի 8-12-ը ՀՀ ԳԱԱ Վ․Համբարձումյանի անվ․ Բյուրականի աստղադիտարանում կանցկացվի 4-րդ Բյուրականյան տարածաշրջանային ամառային դպրոցը՝ «Աստղագիտությունը և տվյալագիտությունը» խորագրով (4RASS)

2025թ. սեպտեմբերի 15–19-ը ՀՀ ԳԱԱ Բյուրականի աստղադիտարանում կանցկացվի միջազգային գիտաժողով «Աստղագիտական շրջահայություններ և մեծ տվյալներ – 3» (ASBD-3)

2025թ. սեպտեմբերի 16-19-ը ՀՀ ԳԱԱ ֆիզիկայի և աստղաֆիզիկայի բաժանմունքը և ՀՀ ԳԱԱ ֆիզիկական հետազոտությունների ինստիտուտը կազմակերպում են ամենամյա «Լազերային ֆիզիկա 2025» միջազգային գիտաժողովը: Գիտաժողովի բացման արարողությունը և առաջին օրվա գիտական նիստերը նվիրված Քվանտային գիտությանը և տեխնոլոգիաներին կկայանան ՀՀ ԳԱԱ նախագահության շենքում

Ս.թ. սեպտեմբերի 21-ից 25-ը ՀՀ ԳԱԱ օրգանական և դեղագործական քիմիայի գիտատեխնոլոգիական կենտրոնը, Երևանի պետական համալսարանը և ՌԳԱ Ն.Դ.Զելինսկու անվ. օրգանական քիմիայի ինստիտուտը կազմակերպում են «Նոր զարգացող միտումները քիմիայում» (NewTrendsChem-2025) միջազգային գիտաժողով

2025թ. սեպտեմբերի 22-26-ը ՀՀ ԳԱԱ Ինֆորմատիկայի և ավտոմատացման պրոբլեմների ինստիտուտը անց է կացնում «Համակարգչային գիտություն և ինֆորմացիոն տեխնոլոգիաներ՝ CSIT-2025» 15-րդ միջազգային գիտաժողով (Երևան, Հայաստան)

2025թ. սեպտեմբերի 22-26-ը ՀՀ ԳԱԱ Մեխանիկայի ինստիտուտը կազմակերպում է «Հոծ միջավայրի մեխանիկայի արդի խնդիրներ» IX միջազգային գիտաժողովը (Ծաղկաձոր, Հայաստան)

Ս.թ սեպտեմբերի 26-27-ը ՀՀ ԳԱԱ ՇՀՀ կենտրոնը հրավիրում է Ձեզ Գյումրի՝ առկա և հեռավար կարգով մասնակցելու «Շիրակի պատմամշակութային ժառանգությունը. հայագիտության արդի հիմնահարցեր» խորագրով 12-րդ միջազգային գիտաժողովի աշխատանքներին

2025թ. հոկտեմբերի 6–10-ը ՀՀ ԳԱԱ Վ․Համբարձումյանի անվ․ Բյուրականի աստղադիտարանում ՅՈՒՆԵՍԿՕ-ի հովանու ներքո կանցկացվի «Մերձավոր Արևելքի աստղագիտական ժառանգությունը – 2» (AHME-2) միջազգային գիտաժողովը

Ս․թ․ հոկտեմբերի 17-18-ը ՀՀ ԳԱԱ-ն, ՀՀ ԿԳՄՍՆ-ը, ՀՀ ԳԱԱ ԳԿՄԿ-ը ՀՀ ԳԱԱ-ում կազմակերպում են «Բնագիտությունը, մաթեմատիկան, տեխնիկան, ինֆորմատիկան XXI դարում. հանրամատչելիացման և ուսուցման հիմնախնդիրներ ու լուծումներ» խորագրով համահայկական 8-րդ կրթական գիտաժողով

Մեկնարկել է 2026-2027 ուստարվա ասպիրանտուրայի առկա և հեռակա ընդունելության տեղերի ձևավորման գործընթացը։ Հայտերի ներկայացնելու վերջնաժամկետը՝ 2025թ․ հոկտեմբերի 20, ժամը 18:00 (Բարձրագույն կրթության և գիտության կոմիտեի grants.hesc.am համակարգի միջոցով)

2025թ. հոկտեմբերի 22-25-ին ՀՀ ԳԱԱ Մ. Աբեղյանի անվան գրականության ինստիտուտը, ՀՀ ԳԱԱ հայագիտության և հասարակական գիտությունների բաժանմունքը, ՌԳԱ Ա. Մ. Գորկու անվան համաշխարհային գրականության ինստիտուտը, Մխիթարյան միաբանությունը, Երևանի պետական համալսարանը, Ավետիք Իսահակյանի տուն-թանգարանը, ՀՀ ԳԱԱ հիմնարար գիտական գրադարանը հրավիրում են մասնակցելու Ավետիք Իսահակյանի ծննդյան 150-ամյակին նվիրված հոբելյանական միջազգային գիտաժողովին

Հրապարակումներ մամուլում
01/09/2025

От человека разумного к человеку покорному?
golosarmenii.am
25/08/2025

ՀՀ ԳԱԱ «Գիտություն» հրատարակչությունը լույս ընծայեց Կոմիտասի Երկերի ժողովածուի երկրորդ հրատարակության երկրորդ հատորը, որն ընդգրկում է Կոմիտասի խմբերգերը
aravot.am
29/07/2025

Համագործակցության հուշագիր՝ միտված պատմամշակութային ժառանգության հանրահռչակմանը
1lurer.am
26/07/2025

Գիտաշխատողները քարտեզագրում են դարավանդային այգիները
1lurer.am
Կայքը հաճախել են
7 440 876

անգամ սկսած 01.01.2005թ.
National Academy of Sciences of the Republic of Armenia
ՀՀ ԳԱԱ պատկերանիշ (սև, կապույտ)
Ճիշտ տառատեսակի արտապատկերման համար ներբեռնեք և տեղադրեք Arian AMU.ttf
Դեպի վեր Կայքը վերջին անգամ թարմացվել է՝  14:18, 12/09/2025 Դեպի վեր
Գլխավոր էջ - Ակադեմիայի մասին - Բաժանմունքներ - Կազմակերպություններ - Անդամներ - Կապ մեզ հետ - Կառուցվածք - Նախագահության անդամներ
Փաստաթղթեր - Ինովացիոն առաջարկներ - Հրատարակություններ - Հիմնադրամներ - Գիտաժողովներ - Մրցույթներ - Միջազգային համագործակցություն
Երիտասարդական ծրագրեր - Լուսանկարներ - Տեսադարան - Վեբ ռեսուրսներ - Այլ ակադեմիաներ - «Գիտություն» թերթ - «Գիտության աշխարհում» հանդես
Հրապարակումներ մամուլում - Ազդեր - Հոբելյաններ - Համալսարաններ - Նորություններ - Գիտական արդյունքներ - Սփյուռքի գիտնականները
Երիտասարդ գիտնականի ամբիոն - Մեր երախտավորները - Հայտարարություններ - Կայքի քարտեզ
© Copyright 1998-2025 Բոլոր հեղինակային իրավունքները պաշտպանված են:
Կայքը պատրաստված է և սպասարկվում է Հայաստանի ակադեմիական գիտահետազոտական կոմպյուտերային ցանցի կողմից (ASNET-AM):
Հարցերի կամ առաջարկությունների համար կարող եք ուղարկել նամակ webmaster {[ at ]} sci.am էլեկտրոնային փոստին: