ՀՀ գիտությունների ազգային ակադեմիա
ՀԱՅ  ENG  РУС
Home academy [@] sci.am Facebook Page
Գլխավոր էջ Ակադեմիայի մասին Բաժանմունքներ Կազմակերպություններ Անդամներ Կապ մեզ հետ
Ազիզյան Ռուբեն Իլյիչի
Բժշկ.գ.դ., պրոֆեսոր
Կառուցվածք
Նախագահության անդամներ
Փաստաթղթեր
Ինովացիոն առաջարկներ
Հրատարակություններ
Հիմնադրամներ
Գիտաժողովներ
Մրցույթներ
Միջազգային համագործակցություն
Երիտասարդական ծրագրեր
Լուսանկարներ
Տեսադարան
Վեբ ռեսուրսներ
Այլ ակադեմիաներ
«Գիտություն» թերթ
«Գիտության աշխարհում» հանդես
Հրապարակումներ մամուլում
Ազդեր
Հոբելյաններ
Համալսարաններ
Նորություններ
Գիտական արդյունքներ
Սփյուռքի գիտնականները
Երիտասարդ գիտնականի ամբիոն
Մեր երախտավորները
Հայտարարություններ
Կայքի քարտեզ
Երիտասարդ գիտնականի ամբիոն
Անուշ Թումանյան

«Պետության զարգացման համար գիտության զարգացումը բացարձակ պայման է»

ՀՀ Գիտությունների ազգային ակադեմիայի Օրբելու անվան Ֆիզիոլոգիայի ինստիտուտի Մարդու հոգեֆիզիոլոգիայի լաբորատորիայի գիտաշխատող Անուշ Թումանյանի կարգախոսն է. «Առաջընթաց, զարգացում՝ ուժեղ գիտությամբ»:

Անուշ Թումանյանը Երևանից է, 33 տարեկան, մասնագիտությամբ՝ կենսաբան: Սովորել է Ռուսաստանի Դաշնության Դերժավինի անվան Տամբովի պետական համալսարանի կենսաբանության ֆակուլտետում, այնուհետև ՀՀ ԳԱԱ Օրբելու անվան ֆիզիոլոգիայի ինստիտուտում: Ներկայում ինստիտուտի Մարդու հոգեֆիզիոլոգիայի լաբորատորիայի գիտաշխատող է։ Անուշը կենսաբանական գիտությունների թեկնածու է, 15 գիտական հոդվածի հեղինակ:

Ձեր ստացած ո՞ր գիտական արդյունքն է ամենակարևորը և ինչո՞ւ:

- Իմ ատենախոսական աշխատանքը՝ «Գլխուղեղի ֆունկցիոնալ վիճակի ուսումնասիրությունը զգայաշարժողական և վեգետատիվ կարգավորման ոլորտների գնահատմամբ» թեմայով: Այն իրականացվել է Ֆիզիոլոգիայի ինստիտուտում՝ կենսաբանական գիտությունների թեկնածու Նարինե Թադևոսյանի ղեկավարմամբ: Աշխատանքը նվիրված է գլխուղեղի ֆունկցիոնալ վիճակի համալիր ուսումնասիրմանը տարբեր տարիքային խմբերի անհատների մոտ մտավոր ծանրաբեռնվածության պայմաններում։ Աշխատանքում կիրառվել են այնպիսի մեթոդական մոտեցումներ, որոնք հնարավորություն են տվել իրականացնել զգայաշարժողական` ռեֆլեքսոմետրիկ թեստ, և վեգետատիվ կարգավորման` սրտային ռիթմի փոփոխականության մաթեմատիկական վերլուծություն, ոլորտների միաժամանակյա ուսումնասիրություն: 

Ի՞նչ նոր տեխնոլոգիաներ եք կիրառում ձեր ոլորտում:

- Հոգեֆիզիոլոգիկան հետազոտություններում այժմ կիրառվում է վիրտուալ իրականության տեխնոլոգիան՝ ոչ ինվազիվ, որով հետազոտվողը ընկղմվում է այնպիսի միջավայր, որն առաջացնում է տարբեր հուզական վիճակներ։ Դրանք գնահատվում են տարբեր գերզգայուն տվիչներից ստացված հոգեֆիզիոլոգիական ցուցանիշների վերլուծությամբ։ Հաջորդիվ հետազոտվողների մոտ հուզական վիճակները կարգավորվում են այդ նույն վիրտուալ իրականության և աուդիովիզուալ խթանիչի միջոցով։ Այս տեխնոլոգիաների կիրառումը կարևոր նշանակություն ունի տարբեր հուզական վիճակներում հայտնված անձանց վիճակի շտկման, բարելավման համար։

Ըստ ձեզ, որո՞նք են Հայաստանում գիտության զարգացման համար առաջնահերթ քայլերը:

- Անհրաժեշտ է քայլեր ձեռնարկել նորագույն տեխնոլոգիաների զարգացման ուղղությամբ։ Մենք կարիք ունենք բարձրացնելու մեր գիտատեխնիկական հագեցվածության մակարդակը, հեշտացնելու նոր սարքավորումների և նյութերի ձեռքբերման գործընթացը: Անհրաժեշտ է ստեղծել բավարար պայմաններ հիմնարար գիտության զարգացման և դրա կիրառական գործարկման համար: Գիտաշխատողներն էլ իրենց հերթին պետք է բարձրացնեն իրենց աշխատանքի նկատմամբ պատասխանատվությունը, ընդլայնեն միջազգային համագործակցության շրջանակները: 

Ի՞նչ է անհրաժեշտ երիտասարդ գիտնականին գիտությամբ զբաղվելու համար:

- Երիտասարդ գիտնականն առաջին հերթին պետք է ունենա մոտիվացիա: Երիտասարդներին պետք է ճիշտ ուղղորդել և ապահովել ժամանակակից գիտատեխնիկական բազայով, ներգրավել նրանց ակտիվ գիտական գործունեության մեջ։  

Հայաստանում գիտությունն ինչպե՞ս կարող է հետաքրքիր դառնալ ներդրումների համար:

- Գաղափարների շուկա դուրս բերման, կիրառական նշանակություն ունեցող առաջարկների միջոցով, որոնք հետագայում կփոխակերպվեն արտադրանքի: 

Ինչպե՞ս եք վերաբերվում Հայաստանում հետթեկնածուական կարգավիճակի (PostDoc) համակարգի ներդրմանը:

- Դրական և կարծում եմ, որ այն հնարավորություն կտա բարձրացնել մասնագետների որակավորումը և խթանել Հայաստանի գիտական ներուժի զարգացումը: 

Ինչպե՞ս եք գնահատում «Գիտուժ»-ի գործունեությունը, մասնակցո՞ւմ եք «Գիտուժ»-ի նախաձեռնություններին կամ աջակցո՞ւմ եք նրանց:

- «Գիտուժ» նախաձեռնությունը, իմ կարծիքով, կարևոր դեր է խաղում մեր երկրում գիտության ոլորտի առաջընթացի գործում։  «Գիտուժ»-ի կողմից առաջ է քաշվում գիտության զարգացման տեսլականը, բարձրաձայնվում են գիտական համայնքին հուզող հարցեր, ներկայացվում են գիտության ոլորտում առկա խնդիրները և դրանց լուծման ուղիները, ամփոփվում են զարգացման հեռանկարները։ Հետևում եմ «Գիտուժ»-ի աշխատանքներին և աջակցում եմ նրանց գործունեությանը:

Մոնիկա Երիցյան


Ազդեր








2025թ. սեպտեմբերի 15–19-ը ՀՀ ԳԱԱ Բյուրականի աստղադիտարանում կանցկացվի միջազգային գիտաժողով «Աստղագիտական շրջահայություններ և մեծ տվյալներ – 3» (ASBD-3)

2025թ. սեպտեմբերի 16-19-ը ՀՀ ԳԱԱ ֆիզիկայի և աստղաֆիզիկայի բաժանմունքը և ՀՀ ԳԱԱ ֆիզիկական հետազոտությունների ինստիտուտը կազմակերպում են ամենամյա «Լազերային ֆիզիկա 2025» միջազգային գիտաժողովը: Գիտաժողովի բացման արարողությունը և առաջին օրվա գիտական նիստերը նվիրված Քվանտային գիտությանը և տեխնոլոգիաներին կկայանան ՀՀ ԳԱԱ նախագահության շենքում

Ս.թ. սեպտեմբերի 21-ից 25-ը ՀՀ ԳԱԱ օրգանական և դեղագործական քիմիայի գիտատեխնոլոգիական կենտրոնը, Երևանի պետական համալսարանը և ՌԳԱ Ն.Դ.Զելինսկու անվ. օրգանական քիմիայի ինստիտուտը կազմակերպում են «Նոր զարգացող միտումները քիմիայում» (NewTrendsChem-2025) միջազգային գիտաժողով

2025թ. սեպտեմբերի 22-26-ը ՀՀ ԳԱԱ Ինֆորմատիկայի և ավտոմատացման պրոբլեմների ինստիտուտը անց է կացնում «Համակարգչային գիտություն և ինֆորմացիոն տեխնոլոգիաներ՝ CSIT-2025» 15-րդ միջազգային գիտաժողով (Երևան, Հայաստան)

2025թ. սեպտեմբերի 22-26-ը ՀՀ ԳԱԱ Մեխանիկայի ինստիտուտը կազմակերպում է «Հոծ միջավայրի մեխանիկայի արդի խնդիրներ» IX միջազգային գիտաժողովը (Ծաղկաձոր, Հայաստան)

Ս.թ սեպտեմբերի 26-27-ը ՀՀ ԳԱԱ ՇՀՀ կենտրոնը հրավիրում է Ձեզ Գյումրի՝ առկա և հեռավար կարգով մասնակցելու «Շիրակի պատմամշակութային ժառանգությունը. հայագիտության արդի հիմնահարցեր» խորագրով 12-րդ միջազգային գիտաժողովի աշխատանքներին

Ս.թ. սեպտեմբերի 30-ին , ժամը 14:00-ին ՀՀ ԳԱԱ Նախագահության նիստերի դահլիճում տեղի կունենա «ՌՖԷԻ. համագործակցություն» թեմայով սեմինար, որը կներկայացնի ՀՀ ԳԱԱ ռադիոֆիզիկայի և էլեկտրոնիկայի ինստիտուտի տնօրեն՝ ֆ.-մ.գ.թ. Տիգրան Զաքարյանը

2025թ. հոկտեմբերի 6–10-ը ՀՀ ԳԱԱ Վ․Համբարձումյանի անվ․ Բյուրականի աստղադիտարանում ՅՈՒՆԵՍԿՕ-ի հովանու ներքո կանցկացվի «Մերձավոր Արևելքի աստղագիտական ժառանգությունը – 2» (AHME-2) միջազգային գիտաժողովը

Ս․թ․ հոկտեմբերի 17-18-ը ՀՀ ԳԱԱ-ն, ՀՀ ԿԳՄՍՆ-ը, ՀՀ ԳԱԱ ԳԿՄԿ-ը ՀՀ ԳԱԱ-ում կազմակերպում են «Բնագիտությունը, մաթեմատիկան, տեխնիկան, ինֆորմատիկան XXI դարում. հանրամատչելիացման և ուսուցման հիմնախնդիրներ ու լուծումներ» խորագրով համահայկական 8-րդ կրթական գիտաժողով

Մեկնարկել է 2026-2027 ուստարվա ասպիրանտուրայի առկա և հեռակա ընդունելության տեղերի ձևավորման գործընթացը։ Հայտերի ներկայացնելու վերջնաժամկետը՝ 2025թ․ հոկտեմբերի 20, ժամը 18:00 (Բարձրագույն կրթության և գիտության կոմիտեի grants.hesc.am համակարգի միջոցով)

2025թ. հոկտեմբերի 22-25-ին ՀՀ ԳԱԱ Մ. Աբեղյանի անվան գրականության ինստիտուտը, ՀՀ ԳԱԱ հայագիտության և հասարակական գիտությունների բաժանմունքը, ՌԳԱ Ա. Մ. Գորկու անվան համաշխարհային գրականության ինստիտուտը, Մխիթարյան միաբանությունը, Երևանի պետական համալսարանը, Ավետիք Իսահակյանի տուն-թանգարանը, ՀՀ ԳԱԱ հիմնարար գիտական գրադարանը հրավիրում են մասնակցելու Ավետիք Իսահակյանի ծննդյան 150-ամյակին նվիրված հոբելյանական միջազգային գիտաժողովին

Հրապարակումներ մամուլում
01/09/2025

От человека разумного к человеку покорному?
golosarmenii.am
25/08/2025

ՀՀ ԳԱԱ «Գիտություն» հրատարակչությունը լույս ընծայեց Կոմիտասի Երկերի ժողովածուի երկրորդ հրատարակության երկրորդ հատորը, որն ընդգրկում է Կոմիտասի խմբերգերը
aravot.am
29/07/2025

Համագործակցության հուշագիր՝ միտված պատմամշակութային ժառանգության հանրահռչակմանը
1lurer.am
26/07/2025

Գիտաշխատողները քարտեզագրում են դարավանդային այգիները
1lurer.am
Կայքը հաճախել են
7 447 887

անգամ սկսած 01.01.2005թ.
National Academy of Sciences of the Republic of Armenia
ՀՀ ԳԱԱ պատկերանիշ (սև, կապույտ)
Ճիշտ տառատեսակի արտապատկերման համար ներբեռնեք և տեղադրեք Arian AMU.ttf
Դեպի վեր Կայքը վերջին անգամ թարմացվել է՝  17:22, 18/09/2025 Դեպի վեր
Գլխավոր էջ - Ակադեմիայի մասին - Բաժանմունքներ - Կազմակերպություններ - Անդամներ - Կապ մեզ հետ - Կառուցվածք - Նախագահության անդամներ
Փաստաթղթեր - Ինովացիոն առաջարկներ - Հրատարակություններ - Հիմնադրամներ - Գիտաժողովներ - Մրցույթներ - Միջազգային համագործակցություն
Երիտասարդական ծրագրեր - Լուսանկարներ - Տեսադարան - Վեբ ռեսուրսներ - Այլ ակադեմիաներ - «Գիտություն» թերթ - «Գիտության աշխարհում» հանդես
Հրապարակումներ մամուլում - Ազդեր - Հոբելյաններ - Համալսարաններ - Նորություններ - Գիտական արդյունքներ - Սփյուռքի գիտնականները
Երիտասարդ գիտնականի ամբիոն - Մեր երախտավորները - Հայտարարություններ - Կայքի քարտեզ
© Copyright 1998-2025 Բոլոր հեղինակային իրավունքները պաշտպանված են:
Կայքը պատրաստված է և սպասարկվում է Հայաստանի ակադեմիական գիտահետազոտական կոմպյուտերային ցանցի կողմից (ASNET-AM):
Հարցերի կամ առաջարկությունների համար կարող եք ուղարկել նամակ webmaster {[ at ]} sci.am էլեկտրոնային փոստին: