ՀՀ գիտությունների ազգային ակադեմիան  հայտարարում է «Մագիստրոսական կրթաթոշակների տրամադրման» մրցույթ

Մրցույթի շրջանակներում Ակադ․ Վ․ Համբարձումյանի անվան միջազգային գիտական պետական մրցանակի դրամական միջոցներից կհատկացվեն կրթաթոշակներ՝ յուրաքանչյուր ուսանողին 300 000 ՀՀ դրամ։

Բնագավառը. աստղաֆիզիկա, ֆիզիկա, մաթեմատիկա։

Պահանջվող փաստաթղթերի ցանկը․

• մրցույթի մասնակցության հայտադիմումը (ազատ ոճով)
• ուսանողների անձնական տվյալները (CV)
• տեղեկանք համապատասխան բուհից՝ վճարովի (անվճար) համակարգում սովորելու մասին
• ՄՈԳ-ի վերաբերյալ տեղեկանք, բակալավրական (կամ մագիստրոսական I տարվա, եթե առկա է) ուսումնառության առաջադիմության թերթիկը
• այլ փաստաթղթեր, որոնք կարող են նպաստել հայտի դրական գնահատականին

Ժամանակացույցը․

05.09.2025 – մրցույթի հայտարարության հրապարակումը
15.10.2025 – հայտերի ներկայացման ժամկետը
10.11.2025 – հանձնաժողովի կողմից մրցույթի արդյունքների ամփոփումը և հրապարակումը։   
2025-2026թթ․ ուսումնական տարվա II կիսամյակ և 2026-2027թթ. ուսումնական տարվա I կիսամյակ – կրթաթոշակների տրամադրումը

Ներկայացված հայտերի փորձաքննությունն իրականացնում է «Ակադ․ Վ․ Համբարձումյանի անվան միջազգային գիտական պետական մրցանակի դրամական միջոցները ՀՀ-ում աստղաֆիզիկայի և հարակից բնագավառների հետագա զարգացման համար նախատեսված միջոցառումները համակարգող և վերահսկող հանձնաժողովը»։

Ֆինանսավորման համար հավանություն ստացած ուսանողի և ՀՀ ԳԱԱ միջև կնքվում է պայմանագիր, որը կարգավորում է կրթաթոշակի հատկացումը։

Փաստաթղթերի ներկայացման ընթացակարգը՝

Պահանջվող փաստաթղթերի էլեկտրոնային տարբերակները PDF ֆորմատով ուղարկել info.vaprize@sci.am էլ․ հասցեին մինչև 2025թ. հոկտեմբերի 15-ը ներառյալ։
Տպագիր տարբերակները մինչև 2025թ. հոկտեմբերի 15-ը ներառյալ ներկայացնել ՀՀ ԳԱԱ ակադեմիկոս-քարտուղարի ընդունարան հետևյալ հասցեով՝ ք. Երևան, Մարշալ Բաղրամյան 24, 2-րդ հարկ, 46 սենյակ, ժամը 9։00-ից 17։00, հեռ․՝ +374 10 516085։