ՀՀ գիտությունների ազգային ակադեմիա
ՀԱՅ  ENG  РУС
Home academy [@] sci.am Facebook Page
Գլխավոր էջ Ակադեմիայի մասին Բաժանմունքներ Կազմակերպություններ Անդամներ Կապ մեզ հետ
Զադիգ Մկրտիչ Մուրադյան
Ֆիզ.-մաթ. գիտությունների դոկտոր
COVID-19
Կառուցվածք
Նախագահության անդամներ
Փաստաթղթեր
Ինովացիոն առաջարկներ
Հրատարակություններ
Հիմնադրամներ
Գիտաժողովներ
Մրցույթներ
Լուսանկարներ
Տեսադարան
Վեբ ռեսուրսներ
Այլ ակադեմիաներ
«Գիտություն» թերթ
«Գիտության աշխարհում» հանդես
Հրապարակումներ մամուլում
Ազդեր
Հոբելյաններ
Համալսարաններ
Նորություններ
Գիտական արդյունքներ
Սփյուռքի բաժինը ներկայացնում է
Երիտասարդ գիտնականի ամբիոն
Մեր երախտավորները
Հայտարարություններ
Լինդաու քաղաքում Նոբելյան մրցանակի դափնեկրի հետ հանդիպում
Կայքի քարտեզ
Սփյուռքի բաժինը ներկայացնում է
Ալեքսանդր Սերգեյի Բաղդասարյան

ՀՀ ԳԱԱ արտասահմանյան անդամ, տեխնիկական գիտությունների դոկտոր, պրոֆեսոր, Ալեքսանդր Սերգեյի Բաղդասարյանը խոշոր գիտնական էր, ակուստաէլեկտրոնիկայի ոլորտի և հեռահաղորդակցման տեխնոլոգիաներում դրանց բազմաթիվ կիրառումների հայտնի մասնագետ: Ա. Ս. Բաղդասարյանը ծնվել է 1946 թվականի փետրվարի 10-ին Բաքու քաղաքում: 

Նրա հայրը` Սերգեյ Սամսոնի Բաղդասարյանը (ծնվել է 10.08.1913 Լեռնային Ղարաբաղի Հադրութի շրջանի Ազոխ գյուղում), ականավոր գիտնական էր հեղուկների ֆիզիկայի և քիմիայի ոլորտներում, տ.գ.դ., պրոֆեսոր, գիտության վաստակավոր գործիչ: Մայրը` Զինաիդա Իվանովնա Բելյաևան աշխատել է որպես բժիշկ, Հայրենական Մեծ պատերազմի մասնակից էր: 

1964 թվականին Ալեքսանդր Բաղդասարյանը ընդունվել է Մոսկվայի Ֆիզիկա-տեխնիկական ինստիտուտ: 1967 թվականին փոխադրվել է Մոսկվայի պետհամալսարանի ֆիզիկայի ֆակուլտետ, որն ավարտել է 1969 թվականին՝ Տեսական ֆիզիկա մասնագիտությամբ: Կյանքի այդ շրջանը նրա համար եղել է ընտրության առավել բարդ շրջան, քանի որ դպրոցում և ԲՈՒՀ-ում գերազանց ուսման հետ միասին նա փայլուն հաջողությունների էր հասել շախմատում, որտեղ նա հանրապետության բազմակի չեմպիոն էր և մի շարք համամիութենական մրցումների հաղթող, ինչպես անհատական մրցաշարերում, այնպես էլ թիմային առաջնություններում: 

1969-ից 1974 թվականներին Ալեքսանդր Բաղդասարյանն աշխատել է միկրոսխեմատեխնիկայի Հատուկ կոնստրուկտորական բյուրոյում, Երևանի միկրոէլեկտրոնիկայի գիտահետազոտական տեխնոլոգիական ինստիտուտում, որտեղ եղել է մի շարք աշխատանքների կատարող և պատասխանատու կատարող, որոնք վերաբերվում էին ինտեգրալ սխեմաների, ճնշման, խոնավության, ջերմաստիճանի միկրոտվիչների և ակուստաէլէկտրոնային սարքերի մշակմանը: Նա միշտ ջերմությամբ է արտահայտվում այդ շրջանի իր ընկերների և մտերիմների մասին, որոնք ԽՍՀՄ-ում առաջին անգամ Մեքենաշինության գիտահետազոտական տեխնիկական ինստիտուտում (ՄԳՀՏԻ) (տնօրենն էր Գ. Ս. Չոլախյանը) ձեռնամուխ եղան այն ժամանակների համար եզակի մշակումների: 

1974 թվականին ասպիրանտուրա ընդունվելուց հետո Ա. Բաղդասարյանի հետագա բոլոր աշխատանքները կապված են եղել Ռադիոտեխնիկայի և էլեկտրոնիկայի ինստիտուտի (ՌԷԻ) հետ: Նրա հետաքրքրությունների ոլորտում են ինչպես գիտական խնդիրների շատ լայն շրջանակ, այնպես էլ հարցեր կապված դրանց ինժեներական մշակման և արտադրության մեջ ներդրման հետ:

Այս կապակցությամբ բավական է թվարկել փայլուն պաշտպանած թեկնածուականը` «Ամպլիտուդով մոդուլացված մակերևութային ակուստիկ ալիքների (ՄԱԱ) փոխակերպիչների հետազոտությունը և դրանց հիման վրա ակուստաէլեկտրոնային սարքերի մշակումը» և դոկտորական ատենախոսությունը` «Ակուստաէլեկտրոնային սարքերի մշակումը և նրանց օգտագործումը ինֆորմացիայի ընդունման, հաղորդման և մշակման սարքավորումներում»: Ալեքսանդր Սերգեյի Բաղդասարյանի ատենախոսությունները ճանաչվել են տարվա լավագույն աշխատանքների թվում:

ԽՍՀՄ ԳԱ Կատելնիկովի անվան ՌԷԻ-ում աշխատանքի տարիներին, նա բախտ է ունեցել լինել ականավոր գիտնական, ակադեմիկոս Յուրի Վասիլևիչ Գուլյաևի աշակերտը և բեղմնավոր համագործակցություն է ունեցել նրա հետ: Այսպես` նրանց համատեղ ստեղծագործական, գիտական և ինժեներական համագործակցության շնորհիվ կազմակերպվել են «Ակուստաէլեկտրոնային սարքեր» ճյուղային լաբորատորիան և ՌԷԻ-ին կից ԽՍՀՄ կապի միջոցների արդյունաբերության փորձարարական արտադրություն ճապոնական «Murata և ֆրանսիական «Tomson-CSF» ֆիրմաների հետ համատեղ, Մինսկի «Գորիզոնտ» արտադրական միավորման և Չերկասկի ռադիոգործարանում կազմակերպվել է հեռուտացույցերի ֆիլտրերի խոշոր սերիական արտադրություն, հեռահողարդակցության տեխնոլոգիաների ոլորտում իրականացվել են մի շարք գիտահետազոտական և փորձնական կոնստրուկտորական մշակումներ և կազմակերպվել են արտադրություններ՝ հետևյալ կոոպերացիաների հետ. ԳՀԻ «Ֆոնոն» (հետագայում ԲԲԸ «ԲՈՒՏԻՍ»), ԳՄ «Անգստրեմ», ԳԱՄ «Իստոկ», ԱՄ «Էլեկտրոպրիբոր», ԳԱՄ «Վեկտոր», ԼԳԱՄ «Սեվերնայա զարյա», ԽՍՀՄ Կապի միջոցների նախարարություն, ԽՍՀՄ Էլեկտրոնային արդյունաբերության նախարարություն, ԽՍՀՄ Կապի նախարարություն, ՌԴ Պաշտարդպետկոմ, ՌԴ Պաշտպանական արդյունաբերության նախարարություն, ՌԴ Էկոնոմիկայի նախարարության Կառավարման համակարգերի գործակալություն: Այս համագործակցությունն ընթանում է ավելի քան 25 տարի` 1984 թվականից մինչ օրս: 

1984-ից մինչև 1987 թվականները Ա. Ս. Բաղդասարյանը ղեկավարել է մի շարք աշխատանքներ, որոնք վերաբերվում են ֆունկցիոնալ էլեկտրոնիկային և կապի միջոցների զարգացման հեռանկարների կանխատեսմանը, մասնակցել է ճյուղային միկրո և ֆունկցիոնալ էլեկտրոնիկայի զարգացման համակարգային նպատակային ծրագրերի նախապատրաստմանը, եղել է գիտքարտուղար, ԽՍՀՄ Կապի միջոցների արդյունաբերության նախարարության՝ «Կապի միջոցների ֆունկցիոնալ էլեկտրոնիկա» ԳՏԽ-ի կոորդինացիոն խորհրդի բաժանմունքի նախագահի տեղակալ: 

1987 թվականից մինչ 2021թ. (իսկ 1990-ից որպես «Էլկո» ԳԱՄ գլխավոր տնօրեն) Ա. Ս. Բաղդասարյանը գիտահետազոտական և փորձարարակոնստրուկտորական մի շարք մշակումների ղեկավարն ու գլխավոր կոնստրուկտորն էր: Աշխատանքներն իրականացվել են կառավարման համակարգերի ռուսական գործակալության (ԿՀՌԳ) սարքավորում արտադրող ձեռնարկությունների, ՌԴ Պաշտպանության նախարարության, ՌԴ Կապի պետկոմի, ՌԴ նախագահին կից պետտեխկոմի, ՌԳԱ Կիրառական պրոբլեմների բաժանմունքի և Մոսկվայի կառավարության կարիքների համար: Այս աշխատանքների շրջանակներում նրա կողմից լուծված հիմնարար խնդիրները բազմիցս նշվել են որպես ԽՍՀՄ ԳԱ և ՌԳԱ-ի նվաճումներ: 

Ա. Ս. Բաղդասարյանի գիտական հետազոտությունների և ինժեներական մշակումների հիմնական արդյունքները հրատարակվել են ավելի քան 300 գիտական հոդվածներում, միջազգային գիտաժողովների բազմաթիվ աշխատանքներում, ձևակերպվել են ավելի քան 70 հեղինակային վկայագրերում և  Մեծ Բրիտանիայի, Գերմանիայի, ԱՄՆ-ի, Ֆրանսիայի, Ճապոնիայի և այլ երկրների ավելի քան 40 արտոնագրերում և ութ մենագրություններում, ուսումնական ձեռնարկներում: 

Ա. Ս. Բաղդասարյանն իրականացնում էր մեծ գիտակազմակերպչական, մանկավարժական և հասարակական աշխատանք: Լինելով Ա. Մ. Պռոխորովի անվան ինժեներական գիտությունների ակադեմիայի գլխավոր գիտական քարտուղարը՝ նա մասնակցում էր ակադեմիայի ինժեներական հետազոտությունների կոորդինացման աշխատանքներին ակադեմիայի բոլոր ուղղություններով: Ակնառու գիտատեխնիկական նվաճումների համար ինժեներական ակադեմիայի կողմից Ալեքսանդր Սերգեյի Բաղդասարյանը պարգևատրվել էր Ա. Մ. Պռոխորովի, Ա. Ի. Բերգի մեդալներով: Պռոխորովի մրցանակի դափնեկիր էր: Ակադեմիայի Ուրալի միջմարզային բաժանմունքի կողմից պարգևատրվել էր Ա. Ս. Պապովի անվան մեդալով և մրցանակով: 

1993-ից 1997 թվականներին Ա. Ս. Բաղդասարյանը Յու. Ա. Գագարինի հիմնադրամի տնօրենն էր: Նրա անմիջական ղեկավարությամբ մշակվել է «Միր» ուղեծրային կայանի օպերատոր-հետազոտողի աշխատանքային տեղը, որը հաջողությամբ ցուցադրվել է մի շարք միջազգային ցուցահանդեսներում` Ժնևում «Տելեկոմ-91», «Տելեկոմ-95», Ռիո-դե-Ժանեյրոյում «Տելեկոմ-Ամերիկա-96»,  Սինգապուրում՝ «Տելեկոմ-Ասիա-97»: Այդ նույն ժամանակահատվածում նա կազմակերպել է մի շարք հեռուստակամուրջներ «Միր» ուղղեծրային կայանի, «Էներգիա» ՀՏԿ-ի, «Տելեկոմ» ԲԲԸ-ի, Պաշտարդպետկոմ-ի, «Ռոստելեկոմ» ԲԲԸ-ի և Յու. Ա. Գագարինի անվան հիմնադրամի մասնակցությամբ: 

Մինչ 2021թ. Ա. Ս. Բաղդասարյանը ՌԳԱ Վ. Ա. Կոտելնիկովի անվան ՌԷԻ-ում գլխավոր գիտաշխատող էր, Ա. Մ. Պռոխորովի անվան ինժեներական գիտությունների ակադեմիայի գլխավոր գիտական քարտուղարն էր, Մոսկվայի Ֆիզիկա-տեխնիկական ինստիտուտի պրոֆեսոր էր, Մոսկվայի ռադիոտեխնիկայի, էլեկտրոնիկայի և ավտոմատիկայի ինստիտուտի պրոֆեսոր էր, Յա. Մուդրիի անվան Նովգորոդի համալսարանի պրոֆեսոր, Էլեկտրոնիկայի և ռադիոտեխնիկայի մասնագիտացման ԲՈՀ-ի փորձագիտական խորհրդի անդամ էր, մի շարք ամսագրերի խմբագրական խորհուրդների անդամ էր, դոկտորական ատենախոսությունների պաշտպանության խորհրդի անդամ էր: 2008 թվականին նա ընտրվել էր Հայաստանի Հանրապետության Գիտությունների Ազգային ակադեմիայի արտասահմանյան անդամ:

Ա. Ս. Բաղդասարյանը գիտակազմակերպչական, ինժեներական և հասարակական աշխատանքների համար պարգևատրվել էր` «Լենինի 100 տարին», «Աշխատանքի վետերան», «Մոսկվայի 850-ամյակ», «Ռուսաստանի նավտորմի 300-ամյակի» մեդալներով և «ԽՍՀՄ կապի միջոցների արդյունաբերության պատվավոր աշխատող», «ԽՍՀՄ գյուտարար», «Ռուսաստանի պատվավոր ռադիստ» շքանշաններով: Նա ՌԴ կառավարության գիտության և տեխնիկայի ոլորտի դափնեկիր էր նոր սերնդի պետական հեռուստատեսային ցանցի կառուցման գիտական, տեխնիկական և կազմակերպչական լուծումների մշակման և ներդրման համար: Միջազգային աստղագիտական խորհրդի որոշմամբ՝ N10002 փոքր մոլորակը կրում է «Բաղդասարյան» անունը: 

Ա. Ս. Բաղդասարյանը իր տիկնոջ` Վերա Պետրովնա Բալաշովայի հետ, դաստիարակել է երեք երեխաների և ունի չորս թոռ: Ա. Ս. Բաղդասարյանի որդին` Սերգեյ Բաղդասարյանը (1982 թվականին ծնված), 2004 թվականին ավարտել է Ն. Է. Բաումանի անվան Մոսկվայի բարձրագույն տեխնիկական ուսումնարանը «Ռադիոլոկացի» մասնագիտացմամբ: 2005 թվականին պաշտպանել է թեկնածուական ատենախոսություն: Ներկայումս Սերգեյ Բաղդասարյանը «Ռադիոհաճախային իդենտիֆիկացիայի և կապի տեխնոլոգիաների» գիտաարտադրական ձեռնարկության գլխավոր տնօրենն է:

2021թ. փետրվարի 11-ին հայազգի մեծանուն գիտնական Ալեքսանդր Սերգեյի Բաղդասարյանը կնքեց իր մահկանացուն, սակայն իր գործը այսօր էլ շարունակում են իր ասպիրանտները, զավակները:


Ազդեր








Ս.թ. մայիսի 15-ին, ժամը 14:00-ին ՀՀ ԳԱԱ Նախագահության նիստերի դահլիճում տեղի կունենա «Աստղագիտությունը միջճյուղային և բազմաճյուղային գիտությունների խաչմերուկներում» թեմայով սեմինար, որը կներկայացնի ՀՀ ԳԱԱ Վ.Համբարձումյանի անվ. Բյուրականի աստղադիտարանի տնօրեն՝ ֆ.-մ.գ.թ. Արեգ Միքայելյանը

2024թ.-ի ապրիլի 23-ին՝ ժամը 10:30-ին, ՀՀ Գիտությունների ազգային ակադեմիայում տեղի կունենա տարեկան ընդհանուր ժողով՝ նվիրված ՀՀ ԳԱԱ 2023թ.-ի գիտական և գիտակազմակերպական գործունեության հիմնական արդյունքներին: Գիտությունների բաժանմունքների տարեկան ընդհանուր ժողովները կանցկացվեն ապրիլի 22-ին՝ ժամը 10:00-ին

ՀՀ ԳԱԱ ՖՀԻ-ը IPR Armenia Optica Student Chapter-ի հետ միասին հայտարարում են «Լույսը լուսանկարչի աչքերով» խորագրով ֆոտոմրցույթ՝ նվիրված Լույսի միջազգային օրվան: Մրցույթին գրացման վերջնաժամկետն է՝ ս.թ. մայիսի 1-ը

Ս.թ. ապրիլի 10-ին ժ. 15:00-ին ՀՀ ԳԱԱ նիստերի դահլիճում (Բաղրամյան պող., 24) տեղի կունենա սեմինարների շարքի երրորդ հանդիպումը՝ «Հավաքում ենք փաթիլ. ատոմներից դեպի մոլեկուլ և բյուրեղ» խորագրով: Որպես մոդերատոր հանդես կգա անվանի քիմիկոս, SKOLKOVO-ի գիտության և տեխնոլոգիաների ինստիտուտի պրոֆեսոր Արտեմ Օհանովը

Ս.թ. ապրիլի 5-ին, ժամը 12:00-ին ՀՀ ԳԱԱ Նախագահության նիստերի դահլիճում տեղի կունենա «Կանալացման նորագույն տեխնոլոգիաներ։ Չեզոք և լիցքավորված փնջեր ուղղորդող հզոր արտաքին էլեկտրամագնիսական դաշտեր» թեմայով սեմինար, որը կներկայացնի Միջուկային ֆիզիկայի ազգային ինստիտուտի (Իտալիա) պրոֆեսոր Սուլտան Դաբագովը

Ս.թ. ապրիլի 1-ին, ժամը 12:00-ին ՀՀ ԳԱԱ Նախագահության նիստերի դահլիճում տեղի կունենա «Մագնիսաչափությունը՝ միջուկային սպին-բևեռացված 14N-ով ադամանդում NV-կենտրոնների հիման վրա» թեմայով սեմինար, որը կներկայացնի Լատվիայի համալսարանի պրոֆեսոր Մարցիս Աուզինշը

ՀՀ ԳԱԱ Շիրակի հայագիտական հետազոտությունների կենտրոնը սկսում է «Գիտական աշխատություններ» պարբերականի 2024թ.1 (27) հատորի հոդվածների ընդունումը: Առաջնահերթությունը տրվում է անգլերեն և ռուսերեն լեզուներով հոդվածներին: Հոդվածների ընդունման վերջնաժամկետն է՝ 2024թ. մարտի 1-ը

Международный инновационный центр нанотехнологий СНГ (МИЦНТ СНГ) при поддержке Межгосударственного фонда гуманитарного сотрудничества государств - участников СНГ (МФГС) и Объединенного института ядерных исследований объявляет о проведении конкурса на соискание грантов на разработку проектов в рамках деятельности МИЦНТ СНГ в 2024 году и очередной Стажировки молодых ученых и специалистов стран СНГ в Дубне в апреле - мае 2024года

ՀՀ գիտության և տեխնիկայի զարգացման 2020-2024թթ. գերակայության ՀՀ կառավարության որոշման նախագիծ

Հրապարակումներ մամուլում
07/05/2024

ОИЯИ и НАН РА - Сотрудничество Расширяется
golosarmenii.am
07/05/2024

Աղակալած հողերը բարելավող պարարտանյութ է մշակվում
1lurer.am
06/05/2024

Միջազգային մրցույթ՝ գիտության և տեխնոլոգիաների ոլորտներում Հայաստան-Իտալիա համագործակցության շրջանակում
shantnews.am
03/05/2024

Ազգային Ակադեմիան պետք է պահպանվի, զարգացվի ու ծառայեցվի երկրի զարգացմանը
azg.am
Կայքը հաճախել են
6 975 644

անգամ սկսած 01.01.2005թ.
National Academy of Sciences of the Republic of Armenia
ՀՀ ԳԱԱ պատկերանիշ (սև, կապույտ)
Ճիշտ տառատեսակի արտապատկերման համար ներբեռնեք և տեղադրեք Arian AMU.ttf
Դեպի վեր Կայքը վերջին անգամ թարմացվել է՝  17:39, 17/05/2024 Դեպի վեր
Գլխավոր էջ - Ակադեմիայի մասին - Բաժանմունքներ - Կազմակերպություններ - Անդամներ - Կապ մեզ հետ - Կառուցվածք - COVID-19
Նախագահության անդամներ - Փաստաթղթեր - Ինովացիոն առաջարկներ - Հրատարակություններ - Հիմնադրամներ - Գիտաժողովներ - Մրցույթներ
Լուսանկարներ - Տեսադարան - Վեբ ռեսուրսներ - Այլ ակադեմիաներ - «Գիտություն» թերթ - «Գիտության աշխարհում» հանդես - Հրապարակումներ մամուլում
Ազդեր - Հոբելյաններ - Համալսարաններ - Նորություններ - Գիտական արդյունքներ - Սփյուռքի բաժինը ներկայացնում է - Երիտասարդ գիտնականի ամբիոն
Մեր երախտավորները - Հայտարարություններ - Լինդաու քաղաքում Նոբելյան մրցանակի դափնեկրի հետ հանդիպում - Կայքի քարտեզ
© Copyright 1998-2024 Բոլոր հեղինակային իրավունքները պաշտպանված են:
Կայքը պատրաստված է և սպասարկվում է Հայաստանի ակադեմիական գիտահետազոտական կոմպյուտերային ցանցի կողմից (ASNET-AM):
Հարցերի կամ առաջարկությունների համար կարող եք ուղարկել նամակ webmaster {[ at ]} sci.am էլեկտրոնային փոստին: