ՀՀ գիտությունների ազգային ակադեմիա
ՀԱՅ  ENG  РУС
Home academy [@] sci.am Facebook Page
Գլխավոր էջ Ակադեմիայի մասին Բաժանմունքներ Կազմակերպություններ Անդամներ Կապ մեզ հետ
Ազիզյան Ռուբեն Իլյիչի
Բժշկ.գ.դ., պրոֆեսոր
Կառուցվածք
Նախագահության անդամներ
Փաստաթղթեր
Ինովացիոն առաջարկներ
Հրատարակություններ
Հիմնադրամներ
Գիտաժողովներ
Մրցույթներ
Միջազգային համագործակցություն
Երիտասարդական ծրագրեր
Լուսանկարներ
Տեսադարան
Վեբ ռեսուրսներ
Այլ ակադեմիաներ
«Գիտություն» թերթ
«Գիտության աշխարհում» հանդես
Հրապարակումներ մամուլում
Ազդեր
Հոբելյաններ
Համալսարաններ
Նորություններ
Գիտական արդյունքներ
Սփյուռքի գիտնականները
Երիտասարդ գիտնականի ամբիոն
Մեր երախտավորները
Հայտարարություններ
Կայքի քարտեզ
Սփյուռքի գիտնականները
Միխայիլ Պիոտրովսկի

    ՀՀ ԳԱԱ արտասահմանյան անդամ, պատմական գիտությունների դոկտոր, պրոֆեսոր, ՌԳԱ թղթակից անդամ Միխայիլ Պիոտրովսկին ծնվել է 1944 թվականի դեկտեմբերի 9-ին Երևանում:

    Հայրը՝ նշանավոր հնագետ Բորիս Պիոտրովսկին, գործուղվում է Հայաստան Կարմիր բլուրում պեղումներ կատարելու նպատակով: Հնագիտական պեղումների ժամանակ Բորիս Պիոտրովսկին ծանոթանում է հնագիտական խմբի անդամ Հռիփսիմե Ջանփոլադյանի հետ և ինչպես Միխայիլ Պիոտրովսկին է նշում՝ «Ուրարտու պետությունը միավորեց մարդկանց մեկ ընտանիքում»: Հայրը՝   Բորիս Պիոտրովսկին 1964-1990 թթ.զբաղեցրել է Էրմիտաժի տնօրենի պաշտոնը: 

    Միխայիլ Պիոտրովսկու մանկության մի հատվածն անցել է Երևանում, այնուհետև ընտանիքով տեղափոխվել են Լենինգրադ, սակայն, համաձայն իր խոսքի, ամեն տարի ամռանը եղբոր՝ Լևոնի հետ եկել են Երևան՝ տատիկի մոտ, քանի որ մայրը հոր հետ միասին մասնակցում էր հնագիտական տարբեր արշավանքների: Պիոտրովսկու կարծիքով նա մեծացել է հայկական ընտանիքում, որտեղ տիրում էին արևելյան բարքերը: 

    1967 թվականին Միխայիլ Պիոտրովսկին ավարտել է Լենինգրադի պետական համալսարանի արևելյան ֆակուլտետի արաբական բանասիրության բաժինը: 

    1965-1966 թթ. վերապատրաստվել է Եգիպտոսում՝ Կահիրեի համալսարանում: Պատանեկության տարիներին Երևան գալիս՝ նա պարտադիր այցելել է Մատենադարան և փորձել ուսումնասիրել Մատենադարանում պահպանվող արաբական հին ձեռագրերը, որոնք հետագայում հիմք հանդիսացան իր գիտական աշխատանքների համար: 

    1973 թ. Մ. Պիոտրովսկին պաշտպանել է թեկնածուական ատենախոսությունը «Լեգենդ Հիմյարի թագավոր Ասսադ ալ-Կամիլի մասին» թեմայով, ապա 1985 թ.՝ դոկտորական ատենախոսություն «Հարավային Արաբիան վաղ միջնադարում, միջնադարի հասարակության գործընթացները»  թեմայով: 

    1967-1991 թթ. Մ. Պիոտրովսկին աշխատել է արևելագիտության ինստիտուտի Լենինգրադի բաժանմունքում:

    Մ. Պիոտրովսկու գիտական հետաքրքրություններն են՝ Միջին արևելքի հին և միջնադարի պատմությունը, Եմենի պատմությունը, Ղուրանը, իսլամի վաղ պատմությունը, թանգարանային գործը, հնէաբանությունը:

    Նա մասնակցել է հնագիտական պեղումների Կովկասում, Կենտրոնական Ասիայում և Եմենում: 1981-1992 թթ. Մ. Պիոտրովսկին գլխավորել է ԽՍՀՄ-եմենական արշավախմբի ջոկատը, իսկ 1989-1991 թթ. եղելէ արշավախմբի ղեկավարը:

    Հոր՝ Էրմիտաժի տնօրեն, ակադեմիկոս Բորիս Պիոտրովսկու մահից հետո, 1991 թ. նա հրավիրվել է Էրմիտաժ՝ որպես փոխտնօրեն, իսկ 1992 թ. հուլիսին Ռուսաստանի կառավարության որոշմամբ Մ. Պիոտրովսկին նշանակվել է Պետական Էրմիտաժի տնօրեն:

    Մ. Պիոտրովսկին Ռուսաստանի Դաշնության նախագահին կից մշակույթի և արվեստի խորհրդի նախագահի տեղակալն է, ՌԴ նախագահին կից պետական մրցանակներ շնորհող հանձնաժողովի անդամ: Մ. Պիոտրովսկին պետերբուրգցիների համաշխարհային ակումբի նախագահն է, Սանկտ-Պետերբուրգի «Ալյանս Ֆրանսեզի» նախագահը, Սանկտ-Պետերբուրգի Եվրոպական համալսարանի հոգաբարձուների խորհրդի նախագահը: Մ. Պիոտրովսկին «Քրիստոնյա Արևելք» ամսագրի գլխավոր խմբագիրն է, Եվրոպայի խորհրդին կից՝ ցուցահանդեսների գծով փորձագիտական հանձնաժողովի անդամ: Մ. Պիոտրովսկին Սանկտ-Պետերբուրգի մտավորականների համագումարի նախագահն է, Հումանիտար գիտությունների ակադեմիայի իսկական անդամ, Ռուսաստանի գեղարվեստի ակադեմիայի իսկական անդամ, Ռուսաստանի թանգարանների միության նախագահը, թանգարանների միջազգային խորհրդի անդամ է, ՅՈՒՆԵՍԿՕ-ի Ռուսաստանի կոմիտեի անդամ:

    Մ. Պիոտրովսկին ավելի քան 250 գիտական աշխատանքների հեղինակ և համահեղինակ է: 1996 թ. Նիդեռլանդներում նա պարգևատրվել է թագավորական տան Օրանսկ Նասսաու շքանշանով: Մ. Պիոտրովսկին գրականության և արվեստի բնագավառում ՌԴ նախագահի մրցանակի դափնեկիր է, 1997 թ. պարգևատրվել է Ռուսաստանի Դաշնության Պատվո շքանշանով:

    1997 թ. ի հիշատակ հայր և որդի՝ Բորիս և Միխայիլ Պիոտրովսկիների, Աստղագիտական միջազգային խորհուրդը հայտնաբերված մոլորակներից մեկն անվանակոչել է Պիոտրովսկի:  1999 թ. Շվեդիայում նա պարգևատրվել է Հյուսիսային աստղ շքանշանով, իսկ 1998 թ.՝ Ֆրանսիայի Պատվո Լեգեոնի շքանշանով: 2004 թ. դեկտեմբերի 27-ին Միխայիլ Պիոտրովսկին ստացել է «Հայրենիքին մատուցած ծառայությունների համար»  4-րդ աստիճանի շքանշան:

    2001 թ. նա ընտրվել է ԿՀՁ հեռուստաընկերության տնօրենների խորհրդի նախագահ:

    2007 թ. մայիսի 18-ին Ռուսաստանի և Ճապոնիայի ժողովուրդների միջև բարեկամական հարաբերությունների և մշակութային հարաբերությունների ամրապնդման գործում մեծ ներդրում ունենալու համար Միխայիլ Պիոտրովսկուն շնորհեցին Ճապոնիայի պետական պարգևներ «Ծագող արևի աստղ շքանշան», ոսկյա և արծաթյա աստղեր: Այս կապակցությամբ նա նշում էր, որ աշխատանքի այդ բարձր գնահատականն ամբողջ Էրմիտաժինն է և կարևորվում է նրանով, որ այն շնորհվել է Թանգարանների միջազգային օրը:

    2016թ. Երևանի սրտում, հենց այն տանը որտեղ մեծացել է Միխայիլ Պիոտրովսկին, բացվեց հուշատախտակ ի նշան երախտագիտության Միխայիլ Պիոտրովսկու հոր՝ Բորիս Պիոտրովսկու հիշատակին, ով Երկորդ համաշխարհային պատերազմի ծանր օրերին Հովսեփ Օրբելու և Էրմիտաժի անձնակազմի հետ տարհանվել և ապաստան էին գտել Հայաստանում: Այս ծանր տարիներին էր, որ Բորիս Պիոտրովսկին գրեց իր ֆունդամենտալ աշխատանքը՝ «Ուրարտուի պատմությունը և մշակույթը» խորագրով: 

    Մ. Պիոտրովսկին համագործակցում է ՀՀ ԳԱԱ Փորձաքննությունների ազգային բյուրոյի հետ՝ բարելավման ու կատարելագործման մշակութաբանական և նյութագիտական փորձաքննությունների բնագավառում և այդ գիտագործնական ոլորտում իրականացնում առաջավոր փորձի փոխանակում: Պիոտրովսկին ՀՀ ԳԱԱ Փորձաքննությունների ազգային բյուրոյի աշխատակիցների համար վերապատրաստման դասընթացներ է կազմակերպել Էրմիտաժում գործող գիտատեխնիկական փորձաքննությունների բաժնում:

    Հաշվի առնելով Միխայիլ Պիոտրովսկու գիտական ձեռքբերումները և սերտ կապերը Հայաստանի հետ, բարձր գնահատելով նրա ավանդը գիտության մեջ՝ ՀՀ գիտությունների ազգային ակադեմիան 2008 թվականին նրան ընտրել է ԳԱԱ արտասահմանյան անդամ:

    Այսօր էլ Մ.Պիոտրովսկին մեծ ջերմությամբ է խոսում Երևանի, հայկական մշակույթի, հայոց լեզվի մասին՝ իրեն համարելով 100 տոկոս Պիոտրովսկի, 100 տոկոս Ջանփոլադյան: Մինչև այժմ էլ Երևան գալուն պես՝ Պիատրովսկի անդավաճանորեն երկու վայր է այցելում. Կարմիր բլուր՝ ուր ծնողներն են հանդիպել և իր մանկության մի մասը անեցել է այդ հնավայրում և Մատենադարան: 

    Միխայիլ Պիոտրովսկին ամուսնացած է Իրինա Լեոնիդովնայի հետ, որը մասնակգտությամբ տնտեսագետ է և համատեղ կյանքի ընթացքում ունեցել են երկու զավակ՝ Բորիս Պիոտրովսկին, որը Hermitage VR-ի տեղեկատվական և նորարարական նախագծերի ստեղծողն է և այսօր էլ զբաղեցնում է Սանկտ Պետերբուրգի փոխնահանագապետի պաշտոնը և Մարիա Պիատորվսկին, որը զբաղվում է բանկային աշխատանքով:

   Գոհար Իսկանդարյան, պ.գ.թ. դոցենտ
   ՀՀ ԳԱԱ սփյուռքի բաժնի գիտքարտուղար


Ազդեր








2025թ․ սեպտեմբերի 8-11 ՀՀ ԳԱԱ ֆիզիկական հետազոտությունների ինստիտուտը Երևանում անց է կացնում «Մագնիսական և գերհաղորդիչ նյութեր» XIII միջազգային գիտաժողովը (MSM25)

2025թ. սեպտեմբերի 22-26-ը ՀՀ ԳԱԱ Ինֆորմատիկայի և ավտոմատացման պրոբլեմների ինստիտուտը անց է կացնում «Համակարգչային գիտություն և ինֆորմացիոն տեխնոլոգիաներ՝ CSIT-2025» 15-րդ միջազգային գիտաժողով (Երևան, Հայաստան)

2025թ. սեպտեմբերի 22-26-ը ՀՀ ԳԱԱ Մեխանիկայի ինստիտուտը, ՀՀ կիրառական և տեսական մեխանիկայի ազգային կոմիտեն, Ռուսաստանի գիտությունների ակադեմիայի Ա.Յու. Իշլինսկու անվան մեխանիկայի պրոբլեմների ինստիտուտը, Հարավային դաշնային համալսարանը (Դոնի Ռոստով, ՌԴ), Ճարտարապետության և շինարարության Հայաստանի ազգային համալսարանը և Ծաղկաձորի գրողների տունը անց են կացնում «Հոծ միջավայրի մեխանիկայի արդի պրոբլեմները» IX միջազգային գիտաժողով (Ծաղկաձոր, Հայաստան) նվիրված ՀՀ ԳԱԱ թղթակից անդամ Սուրեն Մխիթարյանի հիշատակին

Ս.թ սեպտեմբերի 26-27-ը ՀՀ ԳԱԱ ՇՀՀ կենտրոնը հրավիրում է Ձեզ Գյումրի՝ առկա և հեռավար կարգով մասնակցելու «Շիրակի պատմամշակութային ժառանգությունը. հայագիտության արդի հիմնահարցեր» խորագրով 12-րդ միջազգային գիտաժողովի աշխատանքներին

Ս․թ․ հոկտեմբերի 17-18-ը ՀՀ ԳԱԱ-ն, ՀՀ ԿԳՄՍՆ-ը, ՀՀ ԳԱԱ ԳԿՄԿ-ը ՀՀ ԳԱԱ-ում կազմակերպում են «Բնագիտությունը, մաթեմատիկան, տեխնիկան, ինֆորմատիկան XXI դարում. հանրամատչելիացման և ուսուցման հիմնախնդիրներ ու լուծումներ» խորագրով համահայկական 8-րդ կրթական գիտաժողով

Մեկնարկել է 2026-2027 ուստարվա ասպիրանտուրայի առկա և հեռակա ընդունելության տեղերի ձևավորման գործընթացը։ Հայտերի ներկայացնելու վերջնաժամկետը՝ 2025թ․ հոկտեմբերի 20, ժամը 18:00 (Բարձրագույն կրթության և գիտության կոմիտեի grants.hesc.am համակարգի միջոցով)

2025թ. հոկտեմբերի 22-25-ին ՀՀ ԳԱԱ Մ. Աբեղյանի անվան գրականության ինստիտուտը, ՀՀ ԳԱԱ հայագիտության և հասարակական գիտությունների բաժանմունքը, ՌԳԱ Ա. Մ. Գորկու անվան համաշխարհային գրականության ինստիտուտը, Մխիթարյան միաբանությունը, Երևանի պետական համալսարանը, Ավետիք Իսահակյանի տուն-թանգարանը, ՀՀ ԳԱԱ հիմնարար գիտական գրադարանը հրավիրում են մասնակցելու Ավետիք Իսահակյանի ծննդյան 150-ամյակին նվիրված հոբելյանական միջազգային գիտաժողովին

Международный инновационный центр нанотехнологий СНГ (МИЦНТ СНГ) объявляет о проведении в 2025 году очередного Конкурса на соискание грантов и 18-й научной Стажировки для молодых ученых и специалистов из стран СНГ

Հրապարակումներ մամուլում
09/07/2025

Սա մշակութաստեղծ երեւույթ է. գիտնականները՝ ՀՀ ԳԱԱ մրցանակի մասին
news.am
07/07/2025

Մեր հետազոտությունները վերաբերում են տիեզերքի ամենաարտասովոր աղբյուրներին.ԳԱԱ մրցանակի հաղթող խումբ
news.am
03/07/2025

«Գիտական եւ տեխնոլոգիական լրագրություն» դասընթացն ընդունում է հայտեր
itel.am
30/06/2025

Պեղումներ՝ Արգիշտիխինիլի հնավայրում. ի՞նչ են բացահայտել հնագետները
1lurer.am
Կայքը հաճախել են
7 381 997

անգամ սկսած 01.01.2005թ.
National Academy of Sciences of the Republic of Armenia
ՀՀ ԳԱԱ պատկերանիշ (սև, կապույտ)
Ճիշտ տառատեսակի արտապատկերման համար ներբեռնեք և տեղադրեք Arian AMU.ttf
Դեպի վեր Կայքը վերջին անգամ թարմացվել է՝  19:12, 12/07/2025 Դեպի վեր
Գլխավոր էջ - Ակադեմիայի մասին - Բաժանմունքներ - Կազմակերպություններ - Անդամներ - Կապ մեզ հետ - Կառուցվածք - Նախագահության անդամներ
Փաստաթղթեր - Ինովացիոն առաջարկներ - Հրատարակություններ - Հիմնադրամներ - Գիտաժողովներ - Մրցույթներ - Միջազգային համագործակցություն
Երիտասարդական ծրագրեր - Լուսանկարներ - Տեսադարան - Վեբ ռեսուրսներ - Այլ ակադեմիաներ - «Գիտություն» թերթ - «Գիտության աշխարհում» հանդես
Հրապարակումներ մամուլում - Ազդեր - Հոբելյաններ - Համալսարաններ - Նորություններ - Գիտական արդյունքներ - Սփյուռքի գիտնականները
Երիտասարդ գիտնականի ամբիոն - Մեր երախտավորները - Հայտարարություններ - Կայքի քարտեզ
© Copyright 1998-2025 Բոլոր հեղինակային իրավունքները պաշտպանված են:
Կայքը պատրաստված է և սպասարկվում է Հայաստանի ակադեմիական գիտահետազոտական կոմպյուտերային ցանցի կողմից (ASNET-AM):
Հարցերի կամ առաջարկությունների համար կարող եք ուղարկել նամակ webmaster {[ at ]} sci.am էլեկտրոնային փոստին: