ՀՀ գիտությունների ազգային ակադեմիա
ՀԱՅ  ENG  РУС
Home academy [@] sci.am Facebook Page
Գլխավոր էջ Ակադեմիայի մասին Բաժանմունքներ Կազմակերպություններ Անդամներ Կապ մեզ հետ
Ալեքսանդր Չուբարյան
պատմական գիտությունների դոկտոր, պրոֆեսոր
COVID-19
Կառուցվածք
Նախագահության անդամներ
Փաստաթղթեր
Ինովացիոն առաջարկներ
Հրատարակություններ
Հիմնադրամներ
Գիտաժողովներ
Մրցույթներ
Լուսանկարներ
Տեսադարան
Վեբ ռեսուրսներ
Այլ ակադեմիաներ
«Գիտություն» թերթ
«Գիտության աշխարհում» հանդես
Հրապարակումներ մամուլում
Ազդեր
Հոբելյաններ
Համալսարաններ
Նորություններ
Գիտական արդյունքներ
Սփյուռքի բաժինը ներկայացնում է
Երիտասարդ գիտնականի ամբիոն
Մեր երախտավորները
Հայտարարություններ
Լինդաու քաղաքում Նոբելյան մրցանակի դափնեկրի հետ հանդիպում
Կայքի քարտեզ
Նորություններ
28/04/2022
ՀՀ ԳԱԱ Մաթեմատիկական և տեխնիկական գիտությունների բաժանմունքն ամփոփեց 2021թ-ի գործունեության արդյունքները

Սույն թվականի ապրիլի 28-ին տեղի ունեցավ ՀՀ ԳԱԱ Մաթեմատիկական և տեխնիկական գիտությունների բաժանմունքի տարեկան ընդհանուր ժողովը: Բաժանմունքի կազմում ընդգրկված են Մաթեմատիկայի, Մեխանիկայի, Ինֆորմատիկայի և ավտոմատացման պրոբլեմների ինստիտուտները, «Հիդրոմեխանիկայի և վիբրոտեխնիկայի բաժին» ՓԲԸ-ն: Բաժանմունքի կազմում ընդգրկված են ՀՀ ԳԱԱ 12 ակադեմիկոս, 7 թղթակից անդամ, 26 արտասահմանյան անդամ, 5 պատվավոր դոկտոր: 

ՀՀ ԳԱԱ Մաթեմատիկական և տեխնիկական գիտությունների բաժանմունքի ակադեմիկոս-քարտուղար Լենսեր Աղալովյանը ներկայացրեց 2021թ-ի գիտական և գիտակազմակերպական գործունեության հիմնական արդյունքները:

ՀՀ ԳԱԱ Մաթեմատիկական և տեխնիկական գիտությունների բաժանմունքի գիտաշխատողները 2021թ-ին հրապարակել են 148 հոդված, որից 99-ը՝ գրախոսվող ամսագրերում (50-ն արտասահմանում), 49 հոդված գիտաժողովների նյութերի ժողովածուներում (10-ն արտասահմանում), 21 թեզիս (10-ն արտասահմանում):

Ակադեմիկոս Լենսեր Աղալովյանը նշեց, որ բաժանմունքի գիտական կազմակերպությունների գործունեությունը նպատակաուղղված է եղել հիմնարար և կիրառական բնույթի գիտական նոր կարևորագույն արդյունքների ստացմանը, միջազգային և միջդիսցիպլինար գիտական կապերի ամրապնդմանը:

Մաթեմատիկայի ինստիտուտը շահել է 2 հանրապետական դրամաշնորհ՝ առաջատար հետազոտությունների աջակցության գիտական թեմա  և 1 թեմատիկ ֆինանսավորմամբ, Մեխանիկայի ինստիտուտը շահել է 6 հանրապետական դրամաշնորհ՝ պայմանագրային թեմատիկ ֆինանսավորմամբ, Ինֆորմատիկայի և ավտոմատացման պրոբլեմների ինստիտուտը շահել է 1 առաջատար հետազոտությունների աջակցության գիտական դրամաշնորհ և 11 թեմատիկ ֆինանսավորմամբ դրամաշնորհ, 6 միջազգային դրամաշնորհ: «Հիդրոմեխանիկայի և վիբրոտեխնիկայի բաժին» ՓԲԸ-ն ունեցել է 2 տնտեսական պայմանագիր:

ՀՀ ԳԱԱ Մաթեմատիկական և տեխնիկական գիտությունների բաժանմունքի ինստիտուտները կազմակերպել են 3 միջազգային գիտաժողով, իսկ Ինֆորմատիկայի և ավտոմատացման պրոբլեմների ինստիտուտը նաև 3 հանրապետական աշխատաժողովներ:

ՀՀ ԳԱԱ Ինֆորմատիկայի և ավտոմատացման պրոբլեմների ինստիտուտում իրականացվել են և շարունակվում են հետևյալ գիտական թեմաները.

  • Կոլեկտիվ արհեստական բանականությամբ ինքնակազմակերպված անօդաչու թռչող սարքերի երամի վթարակայուն մշտադիտարկման և նպատակային առաջադրանքների իրականացման ծրագրային համակարգ
  • Ինքնակազմակերպվող ԱԹՍ-երի երամի խելացի ամպային հիմնահարթակ՝ բազմա-ագենտային ալգորիթմների և համակարգերի ներգրավմամբ
  • Դեպի հայաստանյան գիտության միջազգայնացում. գիտական հղման հայկական ցուցիչ
  • Ճանաչողության բազմամակարդակ մոդելներ օպտիմալ լուծումների դինամիկ որոնման խնդիրներում
  • Միջազգային գիտական համագործակցություն» ծրագրի «Եղանակային երևույթների փոփոխություններ և օդի աղտոտվածության կանխատեսման համար հեռազննման տվյալների մշակման մեթոդներ՝ օգտագործելով նեյրոնային ցանցեր և խորը ուսուցում
  • Պատկերների տեքստուրային հատկությունների հետ համաձայնեցված ինֆորմատիվ հայտանիշների հավաքակազմի ձևավորման արդյունավետ հաշվողական ընթացակարգերի կառուցում
  • Նորարարական լուծումներ մոնոտոն և գծային կոմբինատոր օպտիմիզացիայում՝ ուղղված կիրառություններին 
  • էլէկտրոնային քվեարկության համակարգեր, ստեգանոգրաֆիկ մոդելներ, վարկածների ստուգում, ունակություն, հուսալիություն
  • Հայ ազգի գիտական ներուժի զարգացման հմնական մարտահրավերներից մեկը. ինչպե՞ս ուղեղների արտահոսքը վերածել ուղեղների ներհոսքի
  • Անօդաչու թռչող սարքի ավտոմատ տեղորոշման և վերալիցքավորման բանական համալիր 
  • Ռազմադաշտում արդյունավետ ինքնուրույն որոշումներ կայացնող համակարգի մշակում:

ՀՀ ԳԱԱ Մեխանիկայի ինստիտուտում իրականացվել են և շարունակվում են հետևյալ գիտական թեմաները.

  • Կապակցված ֆիզիկական հատկություններով նյութերից պատրաստված բաղադրյալ ալիքատարերում  տարաբնույթ առաձգական տատանոմների և ալիքների տարածման ղեկավարում
  • Օդային ռոբոտ մանիպուլյատորի դինմիկան, կառավարումը և լաբորատոր նմուշի ստեղծումը
  • Քայքայմանմեխանիկայի, շփագիտության և լարոմների կոնցենտրացիաների տեսության ճշգրտված ինտեգրալ  հավասարոմների արտածում և նրանց լուծման համար թվային‐վելուծականմեթոդների մշակում
  • Սեյմիկ պրոցեսների մոդելավորում և մոնիտորինգ համաձայն առաձգականության տեսության և ինկլինմետրերի ցանցի տվյալների: Կիրառություններ Հայաստանում
  • Կոմպոզիցիոն և մագնիսաակտիվ սալերի և գլանային թաղանթների դինմիկայի խնդիրներ
  • Տատանման էներգիայի կուտակումը պեզոէլեկտրիկմետանյութերի միջոցով

ՀՀ ԳԱԱ Մաթեմատիկայի ինստիտուտում իրականացվել են «Մեքենայական ուսուցմամբ հզորացված կանխազգուշացնող անալիտիկա ամպային տվյալների կենտրոնների համար» և «Իրական անալիզի մեթոդները կիրառական հավանականությունների տեսության մեջ» թեմաները:

ՀՀ ԳԱԱ Ինֆորմատիկայի և ավտոմատացման պրոբլեմների ինստիտուտի կողմից իրականացվել են և շարունակվում են հետևյալ դրամաշնորհային ծրագրերը.

  • «Համաեվրոպական գիտակրթական մուլտիգիգաբիթ ցանց և հարակից ծառայություններ», Հորիզոն 2020-ի (GEANT) ֆինանսավորմամբ
  • «Արևելյան համագործակցության կապուղիներ», ԵՄ ԱլԳ-ի ֆինանսավորմամբ
  • «Նպաստել գիտական և արդյունաբերական դաշինքների R&D զարգացմանը` համագործակցային և բաց նորարարական պլատֆորմի միջոցով», ERASMUS+ ALL4R&D-ի ֆինանսավորմամբ
  • «Եվրոպայում բաց գիտության ազգային նախաձեռնություններ», Հորիզոն 2020-ի ֆինանսավորմամբ
  • «Դոկտորական կրթության բարեփոխումը Հայաստանում ակադեմիական համայնքի, արդյունաբերության պահանջներին և ԵՄ փորձին համապատասխան», ARMDOCT-ի ֆինանսավորմամբ:
  • Ժողովի ընթացքում ներկայացվեցին հետևյալ գիտական զեկուցումները՝
  • «Էներգիայի և հավանականության փոխկապակցվածությունը դասական վիճակագրական ֆիզիկայի մոդելներում», զեկուցող՝ ՀՀ ԳԱԱ թղթակից անդամ Բ. Նահապետյան
  • «Տարբեր ծագման ճեղքերով, հին սողանքային սահեցման մակերևույթով լանջերի կայունության գնահատման որոշ հարցեր», զեկուցող՝ ե.գ.դ., Ս. Հայրոյան
  • «էլեկտրոնային քվեարկության համակարգերի անվտանգության և հուսալիության բարելավման խնդիրներ», զեկուցող՝ ֆ․-մ․գ․դ․ Մ. Հարությունյան: 

ՀՀ ԳԱԱ Մաթեմատիկական և տեխնիկական գիտությունների բաժանմունքի ստացված գիտական և կիրառական արդյունքներն առանձին հրապարակումներով կներկայացվեն ՀՀ ԳԱԱ պաշտոնական կայքում:

ՀՀ ԳԱԱ գիտության հանրայնացման և հասարակայնության հետ կապերի բաժին
28.04.2022թ.


Ազդեր








Ս.թ. ապրիլի 1-ին, ժամը 12:00-ին ՀՀ ԳԱԱ Նախագահության նիստերի դահլիճում տեղի կունենա «Մագնիսաչափությունը՝ միջուկային սպին-բևեռացված 14N-ով ադամանդում NV-կենտրոնների հիման վրա» թեմայով սեմինար, որը կներկայացնի Լատվիայի համալսարանի պրոֆեսոր Մարցիս Աուզինշը

Ս.թ. մարտի 21-ին ժամը 11:00-ին ՀՀ ԳԱԱ հիմնարար գիտական գրադարանը կազմակերպում է «Ֆրանսերեն տպագիր ժառանգության ոսկե ֆոնդը» խորագրով միջոցառում՝ նվիրված Ֆրանկոֆոնիայի միջազգային օրվան: Միջոցառումը տեղի կունենա ՀՀ ԳԱԱ նախագահության շենքի կլոր դահլիճում

Սույն թվականի մարտի 6-ին ժամը 15.00-ին ՀՀ ԳԱԱ նիստերի դահլիճում (Բաղրամյան պող., 24) տեղի կունենա Նովա Գորիցայի համալսարանի (Սլովենիա, ԵՄ) դոցենտ Արտեմ Բադասյանի «Ջրում սպիտակուցների կոնֆորմացիաների տեսական և փորձառական հարցեր» թեմայով գիտական զեկուցումը

ՀՀ ԳԱԱ Շիրակի հայագիտական հետազոտությունների կենտրոնը սկսում է «Գիտական աշխատություններ» պարբերականի 2024թ.1 (27) հատորի հոդվածների ընդունումը: Առաջնահերթությունը տրվում է անգլերեն և ռուսերեն լեզուներով հոդվածներին: Հոդվածների ընդունման վերջնաժամկետն է՝ 2024թ. մարտի 1-ը

Международный инновационный центр нанотехнологий СНГ (МИЦНТ СНГ) при поддержке Межгосударственного фонда гуманитарного сотрудничества государств - участников СНГ (МФГС) и Объединенного института ядерных исследований объявляет о проведении конкурса на соискание грантов на разработку проектов в рамках деятельности МИЦНТ СНГ в 2024 году и очередной Стажировки молодых ученых и специалистов стран СНГ в Дубне в апреле - мае 2024года

2024թ․ մարտի 28-30-ը ՀՀ գիտությունների ազգային ակադեմիան և Երևանի պետական համալսարանը անցկացնելու են «Հայաստանը որպես քաղաքակրթական խաչմերուկ․ պատմամշակութային առնչություններ» թեմայով միջազգային գիտաժողով

ՀՀ գիտության և տեխնիկայի զարգացման 2020-2024թթ. գերակայության ՀՀ կառավարության որոշման նախագիծ

Հրապարակումներ մամուլում
27/03/2024

«Օպերային թատրոնի ստեղծագործական անձնակազմի արածը սխրանք է»
aravot.am
27/03/2024

Կլիմայի փոփոխության ազդեցությունը Հայաստանի ջրային ռեսուրսների վրա
1lurer.am
25/03/2024

Ակադեմիական քաղաքի պարագայում գիտական համակարգի 2/3-ը կկրճատվի
hraparak.am
25/03/2024

Այդ կարգի ցնցումների կարիք ո՛չ երկիրն ունի, ո՛չ էլ մեր գիտությունը
hraparak.am
Կայքը հաճախել են
6 933 211

անգամ սկսած 01.01.2005թ.
National Academy of Sciences of the Republic of Armenia
ՀՀ ԳԱԱ պատկերանիշ (սև, կապույտ)
Ճիշտ տառատեսակի արտապատկերման համար ներբեռնեք և տեղադրեք Arian AMU.ttf
Դեպի վեր Կայքը վերջին անգամ թարմացվել է՝  16:20, 29/03/2024 Դեպի վեր
Գլխավոր էջ - Ակադեմիայի մասին - Բաժանմունքներ - Կազմակերպություններ - Անդամներ - Կապ մեզ հետ - Կառուցվածք - COVID-19
Նախագահության անդամներ - Փաստաթղթեր - Ինովացիոն առաջարկներ - Հրատարակություններ - Հիմնադրամներ - Գիտաժողովներ - Մրցույթներ
Լուսանկարներ - Տեսադարան - Վեբ ռեսուրսներ - Այլ ակադեմիաներ - «Գիտություն» թերթ - «Գիտության աշխարհում» հանդես - Հրապարակումներ մամուլում
Ազդեր - Հոբելյաններ - Համալսարաններ - Նորություններ - Գիտական արդյունքներ - Սփյուռքի բաժինը ներկայացնում է - Երիտասարդ գիտնականի ամբիոն
Մեր երախտավորները - Հայտարարություններ - Լինդաու քաղաքում Նոբելյան մրցանակի դափնեկրի հետ հանդիպում - Կայքի քարտեզ
© Copyright 1998-2024 Բոլոր հեղինակային իրավունքները պաշտպանված են:
Կայքը պատրաստված է և սպասարկվում է Հայաստանի ակադեմիական գիտահետազոտական կոմպյուտերային ցանցի կողմից (ASNET-AM):
Հարցերի կամ առաջարկությունների համար կարող եք ուղարկել նամակ webmaster {[ at ]} sci.am էլեկտրոնային փոստին: