ՀՀ գիտությունների ազգային ակադեմիա
ՀԱՅ  ENG  РУС
Home academy [@] sci.am Facebook Page
Գլխավոր էջ Ակադեմիայի մասին Բաժանմունքներ Կազմակերպություններ Անդամներ Կապ մեզ հետ
Վարդան Գրեգորյան
դոկտոր, պրոֆեսոր
COVID-19
Կառուցվածք
Նախագահության անդամներ
Փաստաթղթեր
Ինովացիոն առաջարկներ
Հրատարակություններ
Հիմնադրամներ
Գիտաժողովներ
Մրցույթներ
Լուսանկարներ
Տեսադարան
Վեբ ռեսուրսներ
Այլ ակադեմիաներ
«Գիտություն» թերթ
«Գիտության աշխարհում» հանդես
Հրապարակումներ մամուլում
Ազդեր
Հոբելյաններ
Համալսարաններ
Նորություններ
Գիտական արդյունքներ
Սփյուռքի բաժինը ներկայացնում է
Երիտասարդ գիտնականի ամբիոն
Մեր երախտավորները
Հայտարարություններ
Լինդաու քաղաքում Նոբելյան մրցանակի դափնեկրի հետ հանդիպում
Կայքի քարտեզ
Նորություններ
02/11/2021
Ինստիտուտների օպտիմալացումը կրճատումներ չի ենթադրելու

   Գիտությունների ազգային ակադեմիան նախաձեռնել է գիտական համակարգի բարեփոխումներ՝ միաժամանակ օպտիմալացնելով ԳԱԱ մի շարք ինստիտուտներ։ 2022 թ․ հունվարից էլ նախատեսվում է գիտաշխատողների աշխատավարձերի բարձրացում, ինչը որքան աշխուժացրել, նույնքան էլ մտահոգել է գիտական համայնքին․ մի կողմից՝ աշխատավարձերի բարձրացում, մյուս կողմից՝ ինստիտուտների օպտիմալացում՝ կրճատումների հեռանկարով։ 
   ԳԱԱ նախագահ Աշոտ Սաղյանը մեզ հետ զրույցում նշեց, որ գիտաշխատողների աշխատավարձերի բարձրացումն ինստիտուտների օպտիմալացման հետ կապ չունի․ աշխատավարձերի բարձրացումը տեղի է ունենալու ատեստավորման հիման վրա՝ համաձայն կառավարության որոշման․
«Օպտիմալացումը կրճատումներ չի ենթադրելու։ Մենք օպտիմալացնում ենք, որ գերակա ուղղությունները, ինստիտուտների գործունեությունն օպտիմալացնենք, որը կրճատումներ չի նախատեսում։ Դա կարող է բերել տարբեր հիմնարկների վերամիավորման, բայց ո՛չ կրճատման, այն էլ՝ ոչ բոլոր դեպքերում։ Ամեն դեպքում, աշխատավարձի բարձրացումը կրճատումների հաշվին չի կատարվում։ Աշխատավարձերի բարձրացման համար կառավարությունը լրացուցիչ գումարներ է հատկացրել, իսկ օպտիմալացումը նախատեսվում է կատարել ոչ թե 22 թվականին, այլ՝ 5 տարվա մեջ։ Հիմա մենք աշխատում ենք այդ ուղղությամբ, դրա նպատակը գիտական, գերակա ուղղությունների ներքո ինստիտուտների գործունեության օպտիմալացումն է, որոշ ինստիտուտների միավորումը, որոշները կմնան նույն՝ իրենց ձեւի մեջ, բայց կարող է այնպիսի իրավիճակ ստեղծվել, որ որոշ ինստիտուտներ էլ բաժանվեն։ Այսինքն՝ դա այսօրվա գիտության, գիտական տեխնոլոգիաների, գիտատեխնիկական առաջընթացի պահանջին համահունչ՝ ակադեմիական հիմնարկների մեջ իրականացվող բարեփոխումներ են, որը, էլի եմ նշում, ոչ մի կապ չունի կրճատումների հետ։ Բայց, իհարկե, եթե կրճատման ենթակա մարդիկ լինեն, կկրճատվեն, բայց դա՝ ոչ թե օպտիմալացման, այլ ատեստավորման արդյունքում»։
Թե ատեստավորման արդյունքում այդ բարձր աշխատավարձն ինչքան կկազմի, ԳԱԱ նախագահն ասաց․ «Օրինակ՝ առաջատար գլխավոր գիտաշխատողը, որի աշխատավարձը եղել է 150-160 հազարի կարգի, այժմ ստանալու է 360 հազարի կարգի, առաջատար գիտաշխատողը, որ ստացել է 130 հազար, հիմա ստանալու է մոտավորապես 280 հազարի չափ»։
   Բարեփոխումները հենց ակադեմիա՞ն է նախաձեռնել։ «Հիմա մենք նախաձեռնում ենք հենց ակադեմիայի ներսում, որը համաձայնեցված է Գիտության պետական կոմիտեի հետ։ Հետագայում այդ բարեփոխումների՝ օպտիմալացված կենտրոնների հենքի վրա պետք է ստեղծվեն համագործակցային ցանցեր, այսինքն՝ դրանց կարող են միանալ կրթական կառույցներ, տարբեր բուհերի մասնագիտական ֆակուլտետները, կարող են միանալ նաեւ մասնավոր բիզնեսի ներկայացուցիչները՝ արդյունաբերական բաղադրիչը։
Այսինքն՝ մեր նպատակն այն է, որ դրա արդյունքում ունենանք մի համակարգ, որի արդյունքում էլ կրթությունը, գիտությունը, արդյունաբերությունն իրար հետ փոխկապակցված աշխատեն»,- ասում է ակադեմիայի նախագահն ու համոզմունք հայտնում, որ այդ գաղափարը կարող է աշխատել եւ զարգացնել տնտեսությունը, ինչն էլ իր հերթին կբերի գիտական հենքի ստեղծման։
   «Բոլոր երկրներում այդպես է՝ արդյունաբերությունը պատվեր է իջեցնում գիտությանը, կրթությանը։ Գիտությունը ծառայում է արդյունաբերությանը, իսկ կրթությունը կադրեր է պատրաստում ինչպես գիտության, այնպես էլ արդյունաբերության համար։ Մեր վերջնական նպատակը սա է լինելու»,- ասում է ԳԱԱ նախագահն ու նկատում, որ դեռ պարզ չեն օպտիմալացման ժամկետները։ Մինչեւ տարվա վերջ գնալու են ինստիտուտներ, հետո բարեփոխումների ռազմավարական ծրագիր են ներկայացնելու կառավարություն, որը հաստատելուց հետո նոր կսկսեն գործընթացը, ինչը, ընդհանուր առմամբ, 5 տարվա ծրագիր է լինելու՝ համաձայնեցված Գիտպետկոմի հետ։
Աշոտ Սաղյանի համար եւս պարզ չէ, թե որ ինստիտուտները կմիավորվեն, որովհետեւ մոնիթորինգ են անելու․ «Մոնիթորինգի արդյունքում որոշակի գաղափարներ կառաջանան, որոնք կքննարկենք կոլեկտիվների հետ, եւ առանց կոլեկտիվների կարծիքը հաշվի առնելու որեւէ բան իրենց դեմ չի կատարվելու։ Նաեւ կփորձենք որոշակի օպտիմալացում կատարել, որովհետեւ դա էլ է անհրաժեշտ, եւ բարեփոխումներ պետք են։ Այսօր դա նաեւ միջազգային շուկան է պահանջում»։
   Ինչ վերաբերում է գիտական առաջնահերթություններին․ «Մենք միաժամանակ այդ ռազմավարական ծրագրի մեջ կներկայացնենք նաեւ այն գերակա ուղղությունները, որոնք պետք է հաստատվեն կառավարության կողմից, եւ որոնց ներքո պետք է տեղի ունենան գլոբալ փոփոխություններ։ Այսօր այն, ինչ հաստատված է, ինչքանով տեղյակ եմ, նախկինում հաստատված ծրագիր է, որն այնքան էլ համահունչ չէ։ Իսկ գերակա ուղղությունները քիչ պետք է լինեն՝ մոտավորապես 4-5 ուղղություն, որ այսօր անհրաժեշտ են մեր պետությանը, տնտեսությանը, ռազմարդյունաբերությանը»։
   Լաբորատորիաների, սարքավորումների վերազինման համար եւս գումարներ են պետք, որ ուղղությամբ աշխատում են Գիտպետկոմի, կառավարության, նախարարության հետ․ «Մենք դա չենք անում ինքնանպատակ, այլ անում ենք բովանդակային, եւ այդ ստեղծված կենտրոնները, վերջիվերջո, պետք է դառնան հզոր միջազգային ստանդարտներին համահունչ կենտրոններ, հակառակ դեպքում դա անիմաստ գործ կլինի։ Այս գործում մեզ պետք է կառավարության մեծ աջակցությունը, որովհետեւ կապված է ֆինանսական մեծ ներդրումների հետ»։
Կառավարության հատկացրած գումարները բավարա՞ր են գիտության զարգացման համար։ «Այս տարի բավականին մեծ քայլ արվեց, որովհետեւ վերջին տարիներին ոչ մի անգամ գիտաշխատողի աշխատավարձն այդքան չէր բարձրացել։ Նոր տարուց եւ ատեստավորումից հետո գրեթե 2 անգամ բարձրանալու է գիտնականների աշխատավարձը, իսկ, ընդհանուր առմամբ, հիմնարկների ֆինանսավորումը՝ մոտավորապես 80-87 տոկոսով։ Բայց այստեղ մեծ խնդիր կա․ գիտաշխատողի աշխատավարձը բարձրացնում ենք, բայց օժանդակ ծառայությունները մնում են դեռ չլուծված։ Առանց այդ էլ մեր ինստիտուտներում աշխատավարձ եւ այլ ծախսեր հարաբերակցությունը միշտ եղել է 75/25-ի կարգի, որը ճիշտ չէ, եւ 25 տոկոսով չես կարող հիմնարկն այնպես պահել, որ գիտաշխատողներն աշխատեն,- ասում է ակադեմիայի ղեկավարն ու հավելում, որ այդ մասին խոսել են Գիտպետկոմի հետ, եւ մյուս տարվանից նախատեսված է, որ այլ ծախսերի մասով եւս համարժեք բարձրացում կատարվի։- Որովհետեւ գիտությամբ զբաղվելը միայն աշխատավարձ ստանալը չէ, դա գիտական գործ անելն է, իսկ դրա համար պետք են նյութեր, սարքավորումնր, համապատասխան պայմաններ»։
   Թե սերնդափոխության հարցը ԳԱԱ ինստիտուտներում որքանով է սուր դրված, նախագահն ասում է, որ դա ամենակարեւոր խնդիրն է, որը պետք է կատարվի ոչ միայն ինստիտուտներում, այլեւ նախագահությունում։ «Այս տարի նախագահությունում որոշակի փոփոխություններ կլինեն, որոշակի կրճատումներ, առանց դրա չի լինի։ Կան ինստիտուտներ, որտեղ բավականին լավ է սերնդափոխությունը կատարված, կան ինստիտուտներ, որտեղ շատ վատ է վիճակը, երիտասարդներ քիչ կան։ Սերնդափոխություն՝ չի նշանակում երիտասարդներին ընդունել աշխտանքի, այլ ընդունելուց հետո այնպիսի պայմաններ ստեղծել, որ նրանք դառնան փոխարինողներ, պետք է երիտասարդների հետ աշխատել, որպեսզի նրանք, բացի գիտնական դառնալուց, սովորեն նաեւ մենեջմենթ, գիտությունը ղեկավարել, կազմակերպել։ Դրանք գործեր են, որ պետք է կատարենք»։ ԳԱԱ նախագահը ցավով նկատում է, որ շատ քիչ երիտասարդներ կան, որոնք ուզում են զբաղվել գիտությամբ։

Սկզբնաղբյուր՝ hraparak.am 


Ազդեր








2024թ.-ի ապրիլի 23-ին՝ ժամը 10:30-ին, ՀՀ Գիտությունների ազգային ակադեմիայում տեղի կունենա տարեկան ընդհանուր ժողով՝ նվիրված ՀՀ ԳԱԱ 2023թ.-ի գիտական և գիտակազմակերպական գործունեության հիմնական արդյունքներին: Գիտությունների բաժանմունքների տարեկան ընդհանուր ժողովները կանցկացվեն ապրիլի 22-ին՝ ժամը 10:00-ին

ՀՀ ԳԱԱ ՖՀԻ-ը IPR Armenia Optica Student Chapter-ի հետ միասին հայտարարում են «Լույսը լուսանկարչի աչքերով» խորագրով ֆոտոմրցույթ՝ նվիրված Լույսի միջազգային օրվան: Մրցույթին գրացման վերջնաժամկետն է՝ ս.թ. մայիսի 1-ը

Ս.թ. ապրիլի 10-ին ժ. 15:00-ին ՀՀ ԳԱԱ նիստերի դահլիճում (Բաղրամյան պող., 24) տեղի կունենա սեմինարների շարքի երրորդ հանդիպումը՝ «Հավաքում ենք փաթիլ. ատոմներից դեպի մոլեկուլ և բյուրեղ» խորագրով: Որպես մոդերատոր հանդես կգա անվանի քիմիկոս, SKOLKOVO-ի գիտության և տեխնոլոգիաների ինստիտուտի պրոֆեսոր Արտեմ Օհանովը

Ս.թ. ապրիլի 5-ին, ժամը 12:00-ին ՀՀ ԳԱԱ Նախագահության նիստերի դահլիճում տեղի կունենա «Կանալացման նորագույն տեխնոլոգիաներ։ Չեզոք և լիցքավորված փնջեր ուղղորդող հզոր արտաքին էլեկտրամագնիսական դաշտեր» թեմայով սեմինար, որը կներկայացնի Միջուկային ֆիզիկայի ազգային ինստիտուտի (Իտալիա) պրոֆեսոր Սուլտան Դաբագովը

Ս.թ. ապրիլի 1-ին, ժամը 12:00-ին ՀՀ ԳԱԱ Նախագահության նիստերի դահլիճում տեղի կունենա «Մագնիսաչափությունը՝ միջուկային սպին-բևեռացված 14N-ով ադամանդում NV-կենտրոնների հիման վրա» թեմայով սեմինար, որը կներկայացնի Լատվիայի համալսարանի պրոֆեսոր Մարցիս Աուզինշը

ՀՀ ԳԱԱ Շիրակի հայագիտական հետազոտությունների կենտրոնը սկսում է «Գիտական աշխատություններ» պարբերականի 2024թ.1 (27) հատորի հոդվածների ընդունումը: Առաջնահերթությունը տրվում է անգլերեն և ռուսերեն լեզուներով հոդվածներին: Հոդվածների ընդունման վերջնաժամկետն է՝ 2024թ. մարտի 1-ը

Международный инновационный центр нанотехнологий СНГ (МИЦНТ СНГ) при поддержке Межгосударственного фонда гуманитарного сотрудничества государств - участников СНГ (МФГС) и Объединенного института ядерных исследований объявляет о проведении конкурса на соискание грантов на разработку проектов в рамках деятельности МИЦНТ СНГ в 2024 году и очередной Стажировки молодых ученых и специалистов стран СНГ в Дубне в апреле - мае 2024года

ՀՀ գիտության և տեխնիկայի զարգացման 2020-2024թթ. գերակայության ՀՀ կառավարության որոշման նախագիծ

Հրապարակումներ մամուլում
15/04/2024

Ֆինանսական փոխհատուցում կտրամադրվի գիտական աշխատանքների հրատարակության համար․ նոր կարգ
escs.am
12/04/2024

Մեկնարկել է «Երկակի նշանակության գիտական նախագծեր 2024» մրցույթը
escs.am
12/04/2024

Նոր կարգ՝ ուղղված արշավախմբերի կազմակերպանը, գիտական գործուղման ճանապարհածախսի փոխհատուցմանը
hesc.am
11/04/2024

Արցախի՝ աղվանական ներկայացվող կոթողները որևէ կապ չունեն աղվանների և կովկասյան բնիկ հանրույթների հետ․ Monument Watch
news.am
Կայքը հաճախել են
6 952 679

անգամ սկսած 01.01.2005թ.
National Academy of Sciences of the Republic of Armenia
ՀՀ ԳԱԱ պատկերանիշ (սև, կապույտ)
Ճիշտ տառատեսակի արտապատկերման համար ներբեռնեք և տեղադրեք Arian AMU.ttf
Դեպի վեր Կայքը վերջին անգամ թարմացվել է՝  16:24, 18/04/2024 Դեպի վեր
Գլխավոր էջ - Ակադեմիայի մասին - Բաժանմունքներ - Կազմակերպություններ - Անդամներ - Կապ մեզ հետ - Կառուցվածք - COVID-19
Նախագահության անդամներ - Փաստաթղթեր - Ինովացիոն առաջարկներ - Հրատարակություններ - Հիմնադրամներ - Գիտաժողովներ - Մրցույթներ
Լուսանկարներ - Տեսադարան - Վեբ ռեսուրսներ - Այլ ակադեմիաներ - «Գիտություն» թերթ - «Գիտության աշխարհում» հանդես - Հրապարակումներ մամուլում
Ազդեր - Հոբելյաններ - Համալսարաններ - Նորություններ - Գիտական արդյունքներ - Սփյուռքի բաժինը ներկայացնում է - Երիտասարդ գիտնականի ամբիոն
Մեր երախտավորները - Հայտարարություններ - Լինդաու քաղաքում Նոբելյան մրցանակի դափնեկրի հետ հանդիպում - Կայքի քարտեզ
© Copyright 1998-2024 Բոլոր հեղինակային իրավունքները պաշտպանված են:
Կայքը պատրաստված է և սպասարկվում է Հայաստանի ակադեմիական գիտահետազոտական կոմպյուտերային ցանցի կողմից (ASNET-AM):
Հարցերի կամ առաջարկությունների համար կարող եք ուղարկել նամակ webmaster {[ at ]} sci.am էլեկտրոնային փոստին: