ՀՀ գիտությունների ազգային ակադեմիա
ՀԱՅ  ENG  РУС
Home academy [@] sci.am Facebook Page
Գլխավոր էջ Ակադեմիայի մասին Բաժանմունքներ Կազմակերպություններ Անդամներ Կապ մեզ հետ
Վարդան Գրեգորյան
դոկտոր, պրոֆեսոր
COVID-19
Կառուցվածք
Նախագահության անդամներ
Փաստաթղթեր
Ինովացիոն առաջարկներ
Հրատարակություններ
Հիմնադրամներ
Գիտաժողովներ
Մրցույթներ
Լուսանկարներ
Տեսադարան
Վեբ ռեսուրսներ
Այլ ակադեմիաներ
«Գիտություն» թերթ
«Գիտության աշխարհում» հանդես
Հրապարակումներ մամուլում
Ազդեր
Հոբելյաններ
Համալսարաններ
Նորություններ
Գիտական արդյունքներ
Սփյուռքի բաժինը ներկայացնում է
Երիտասարդ գիտնականի ամբիոն
Մեր երախտավորները
Հայտարարություններ
Լինդաու քաղաքում Նոբելյան մրցանակի դափնեկրի հետ հանդիպում
Կայքի քարտեզ
Նորություններ
01/11/2021
ՀՀ գիտությունների ազգային ակադեմիան պարգևատրեց «Ազդակ» օրաթերթի գլխավոր խմբագիր Շահան Գանտահարյանին

   Հայաստան-Լիբանան բազմակողմ հարաբերությունների և հայկական սփյուռքի հետ գիտակրթական կապերի ու հայ մշակույթի զարգացմանը նպաստելու համար «Ազդակ» օրաթերթի գլխավոր խմբագիր Շահան Գանտահարյանը պարգևատրվեց ՀՀ գիտությունների ազգային ակադեմիայի պատվոգրով: 
   Շահան Գանտահարյանին պատվոգիրը հանձնեց ՀՀ ԳԱԱ հայագիտության և հասարակական գիտությունների բաժանմունքի ակադեմիկոս-քարտուղար, ՀՀ ԳԱԱ նախագահության անդամ Յուրի Սուվարյանը: «Պարոն Գանտահարյանն արժանացել է այս պատվոգրին իր երկարամյա հայանպաստ գործունեության համար: Մենք պետք է մեր խնդիրները դիտարկենք համահայկական չափանիշներով և Հայաստանը հզորացնենք նաև սփյուռքի աջակցության շնորհիվ: Հայը միշտ պետք է վստահ լինի, որ ցանկացած պարագայում կարող է վերադառնալ իր հայրենիք, պետք է հպարտանա, որ  աշխարհի պետությունների շարքում կա Հայաստան, որը զարգանում և հզորանում է: Մենք սրան կարող ենք հասնել համատեղ ջանքերով, մեր բոլորի հնարավորությունները միագումարելով: Մենք պետք է սովորենք աշխարհաքաղաքական նոր պայմաներում տիրապետել բոլոր այն եղանակներին, որոնք օգնում են հզորացնելու մեր երկիրը, պետականությունը, պաշտպանենք մեր տարածքները, մշակույթը, պատմությունը զանազան նկրտումներից: Այդ գործում ձեր նման գործիչների դերը շատ մեծ է: Ես ձեզ նորանոր հաջողություններ եմ մաղթում ձեր հայանպաստ գործունեության մեջ, իսկ Լիբանանին, որը  մեզ շատ է օգնել, կայունացում և հզորացում եմ ցանկանում», - ասաց ակադեմիկոս Յուրի Սուվարյանը:
   ՀՀ ԳԱԱ արևելագիտության ինստիտուտի տնօրեն Ռոբերտ Ղազարյանը, շնորհավորելով Շահան Գանտահարյանին, ասաց. «Արևելագիտության ինստիտուտի համար պատիվ էր նման նախաձեռնությամբ հանդես գալ և գիտությունների ազգային ակադեմիայի նախագահության անունից այս պատվոգիրը շնորհել ձեզ հայրենանվեր գործունեության համար, որը դուք տարիներ շարունակ ծավալել եք:

   Լիբանանը Մերձավոր Արևելքում հայության ամենակարևոր հենակետերից մեկն է, մեզ համար էական նշանակություն ունի իր ավանդական կուսակցությունների, հայկական եկեղեցիների, լրատվամիջոցների, Հայկազյան համալսարանի, Մեծի Տանն Կիլիկիո Կաթողիկոսության գործունեությամբ: Ցավոք սրտի, վերջին տարիներին քաղաքական, տնտեսական և այլ պատճառներով Լիբանանի հայությունը նույնպես բավականին ծանր վիճակում է հայտնվել, և պարոն Գանտահարյանն այն մարդկանցից է, ով իր եռանդով և էներգիայով աշխատում է պահպանել այնտեղի հայության գոյությունը և կենսագործունեությունը, որը տասնամյակներ շարունակ եղել է մեր հայության հպարտությունը: Արտաքին ուժերը՝ Թուրքիան և մյուսները, ամեն ինչ անում են, որպեսզի հայությանը դուրս մղեն Մերձավոր Արևելքից: Այդ գործընթացներն այսօր էլ ակտիվ շարունակվում են: Ես կարծում եմ, որ Հայաստանի Հանրապետությունը, որպես Մերձավոր Արևելքի ամենահարավային քրիստոնեական պետություն, պետք է շատ ուշադիր հետևի այդ գործընթացներին և փորձի աջակցել հայ համայնքների գործունեության ամրապնդմանը»: 
   ՀՀ ԳԱԱ պատմության ինստիտուտի Հայկական գաղթօջախների և Սփյուռքի պատմության բաժնի վարիչ, պրոֆեսոր Գևորգ Ստեփանյանը, միանալով շնորհավորանքներին, նշեց. «Այս օրինակը պետք է տարածվի այն առաջատար թերթերի խմբագիրների նկատմամբ, ովքեր ծավալում են նման հայանպաստ գործունեություն: Շատ կարևոր է, որ Մերձավոր Արևելքում, հատկապես այս դժվարին պայմաններում, մամուլը կարողանում է շարունակել իր գործունեությունը»:
   Շահան Գանտահարյանը, շնորհակալություն հայտնելով պարգևատրման համար, ասաց. «Տարբեր մրցանակներ, պատվոգրեր, շնորհակալագրեր են եղել, բայց Հայաստանի գիտությունների ազգային ակադեմիայի նախագահության կողմից նման պատվի արժանանալն իսկապես շատ պարտավորեցնող է: Մենք համագործակցության որոշակի ճանապարհ ենք անցել պատմության, արևելագիտության ինստիտուտների հետ, և գիտական հիմքի վրա արված կարևոր ուսոմնասիրություններն ու աշխատանքները մեզ շատ գիտելիք են տվել:

   Գիտական ուղղության մեջ շատ կարևոր է ազգային-քաղաքական բաղադրիչը:  Այսօր մեր հակառակորդներն ամեն ինչ անում են աղավաղելու համար մեր պատականելիությունն ու պատմությունը: Մեզ համար շատ կարևոր է գիտությունների ազգային ակադեմիայի գիտական արտադրանքը, որի հիման վրա մեր ապրած երկրներում մենք կարող ենք ճիշտ լուսաբանել խնդիրների էությունը, վերլուծել դրանք և փոխանցել: Մեր արտաքին քաղաքականության մեջ մենք պետք է անպայման հաշվի նստենք գիտությունների ակադեմիայի կազմակերպած գիտաժողովների քննարկումների և եզրահանգումների հետ: Սփյուռքը պետք է խորացնի իր համագործակցությունը նման գիտական կենտրոնների հետ, մենք հասկանում ենք, որ կարիք ունենք համախմբվելու ակադեմիայի շուրջ, ճիշտ ուղղությամբ ներկայացնելու մեր հրապարակումները, քաղաքական մեկնաբանություններն ու վերլուծությունները: Ճիշտ ուղղությամբ ասելով ես նկատի ունեմ ազգային-պետական քաղաքականության հիմնադրույթները, որը մենք զգացել ենք մեր համագործակցության ճանապարհին: Ես համոզված եմ, որ սփյուռքի մեջ գործող որևէ մամուլ անպայման իր հայացքը պետք է ուղղի Երևան և առաջին հերթին գիտությունների ակադեմիա, որպեսզի մենք կարողանանք համահայկական մտածողությամբ, գիտական բոլոր տվյալների հիման վրա ճիշտ համահայկական օրակարգ մշակել և միասին աշխատել այդ օրակարգը իրականացնելու համար»: 


   01.11.2021թ.
   ՀՀ ԳԱԱ Տեղեկատվական-վերլուծական ծառայություն


Ազդեր








ՀՀ ԳԱԱ ՖՀԻ-ը IPR Armenia Optica Student Chapter-ի հետ միասին հայտարարում են «Լույսը լուսանկարչի աչքերով» խորագրով ֆոտոմրցույթ՝ նվիրված Լույսի միջազգային օրվան: Մրցույթին գրացման վերջնաժամկետն է՝ ս.թ. մայիսի 1-ը

Ս.թ. ապրիլի 10-ին ժ. 15:00-ին ՀՀ ԳԱԱ նիստերի դահլիճում (Բաղրամյան պող., 24) տեղի կունենա սեմինարների շարքի երրորդ հանդիպումը՝ «Հավաքում ենք փաթիլ. ատոմներից դեպի մոլեկուլ և բյուրեղ» խորագրով: Որպես մոդերատոր հանդես կգա անվանի քիմիկոս, SKOLKOVO-ի գիտության և տեխնոլոգիաների ինստիտուտի պրոֆեսոր Արտեմ Օհանովը

Ս.թ. ապրիլի 5-ին, ժամը 12:00-ին ՀՀ ԳԱԱ Նախագահության նիստերի դահլիճում տեղի կունենա «Կանալացման նորագույն տեխնոլոգիաներ։ Չեզոք և լիցքավորված փնջեր ուղղորդող հզոր արտաքին էլեկտրամագնիսական դաշտեր» թեմայով սեմինար, որը կներկայացնի Միջուկային ֆիզիկայի ազգային ինստիտուտի (Իտալիա) պրոֆեսոր Սուլտան Դաբագովը

Ս.թ. ապրիլի 1-ին, ժամը 12:00-ին ՀՀ ԳԱԱ Նախագահության նիստերի դահլիճում տեղի կունենա «Մագնիսաչափությունը՝ միջուկային սպին-բևեռացված 14N-ով ադամանդում NV-կենտրոնների հիման վրա» թեմայով սեմինար, որը կներկայացնի Լատվիայի համալսարանի պրոֆեսոր Մարցիս Աուզինշը

ՀՀ ԳԱԱ Շիրակի հայագիտական հետազոտությունների կենտրոնը սկսում է «Գիտական աշխատություններ» պարբերականի 2024թ.1 (27) հատորի հոդվածների ընդունումը: Առաջնահերթությունը տրվում է անգլերեն և ռուսերեն լեզուներով հոդվածներին: Հոդվածների ընդունման վերջնաժամկետն է՝ 2024թ. մարտի 1-ը

Международный инновационный центр нанотехнологий СНГ (МИЦНТ СНГ) при поддержке Межгосударственного фонда гуманитарного сотрудничества государств - участников СНГ (МФГС) и Объединенного института ядерных исследований объявляет о проведении конкурса на соискание грантов на разработку проектов в рамках деятельности МИЦНТ СНГ в 2024 году и очередной Стажировки молодых ученых и специалистов стран СНГ в Дубне в апреле - мае 2024года

ՀՀ գիտության և տեխնիկայի զարգացման 2020-2024թթ. գերակայության ՀՀ կառավարության որոշման նախագիծ

Հրապարակումներ մամուլում
15/04/2024

Ֆինանսական փոխհատուցում կտրամադրվի գիտական աշխատանքների հրատարակության համար․ նոր կարգ
escs.am
12/04/2024

Մեկնարկել է «Երկակի նշանակության գիտական նախագծեր 2024» մրցույթը
escs.am
12/04/2024

Նոր կարգ՝ ուղղված արշավախմբերի կազմակերպանը, գիտական գործուղման ճանապարհածախսի փոխհատուցմանը
hesc.am
11/04/2024

Արցախի՝ աղվանական ներկայացվող կոթողները որևէ կապ չունեն աղվանների և կովկասյան բնիկ հանրույթների հետ․ Monument Watch
news.am
Կայքը հաճախել են
6 950 411

անգամ սկսած 01.01.2005թ.
National Academy of Sciences of the Republic of Armenia
ՀՀ ԳԱԱ պատկերանիշ (սև, կապույտ)
Ճիշտ տառատեսակի արտապատկերման համար ներբեռնեք և տեղադրեք Arian AMU.ttf
Դեպի վեր Կայքը վերջին անգամ թարմացվել է՝  16:20, 16/04/2024 Դեպի վեր
Գլխավոր էջ - Ակադեմիայի մասին - Բաժանմունքներ - Կազմակերպություններ - Անդամներ - Կապ մեզ հետ - Կառուցվածք - COVID-19
Նախագահության անդամներ - Փաստաթղթեր - Ինովացիոն առաջարկներ - Հրատարակություններ - Հիմնադրամներ - Գիտաժողովներ - Մրցույթներ
Լուսանկարներ - Տեսադարան - Վեբ ռեսուրսներ - Այլ ակադեմիաներ - «Գիտություն» թերթ - «Գիտության աշխարհում» հանդես - Հրապարակումներ մամուլում
Ազդեր - Հոբելյաններ - Համալսարաններ - Նորություններ - Գիտական արդյունքներ - Սփյուռքի բաժինը ներկայացնում է - Երիտասարդ գիտնականի ամբիոն
Մեր երախտավորները - Հայտարարություններ - Լինդաու քաղաքում Նոբելյան մրցանակի դափնեկրի հետ հանդիպում - Կայքի քարտեզ
© Copyright 1998-2024 Բոլոր հեղինակային իրավունքները պաշտպանված են:
Կայքը պատրաստված է և սպասարկվում է Հայաստանի ակադեմիական գիտահետազոտական կոմպյուտերային ցանցի կողմից (ASNET-AM):
Հարցերի կամ առաջարկությունների համար կարող եք ուղարկել նամակ webmaster {[ at ]} sci.am էլեկտրոնային փոստին: