National Academy of Sciences of the Republic of Armenia
ՀԱՅ  ENG  РУС
Home academy [@] sci.am
Գլխավոր էջ Ակադեմիայի մասին Կազմակերպություններ Անդամներ Կապ մեզ հետ
«Գիտություն» թերթ
N334 հոկտեմբեր 2019թ.
N334
Կառուցվածք
Բաժանմունքներ
Նախագահության անդամներ
Փաստաթղթեր
Ինովացիոն առաջարկներ
Նորություններ
Գիտաժողովներ
Հրապարակումներ մամուլում
Հայտարարություններ
Լուսանկարներ
Տեսադարան
«Գիտություն» թերթ
Հիմնադրամներ
Հոբելյաններ
Հրատարակություններ
Վեբ ռեսուրսներ
Այլ ակադեմիաներ
Համալսարաններ
Լինդաու քաղաքում Նոբելյան մրցանակի դափնեկրի հետ հանդիպում
Կայքի քարտեզ
Նորություններ
20/12/2018
Սիրիայի գիտնականների և ՀՀ ԳԱԱ Արևելագիտության ինստիտուտի գիտական հարաբերությունները նոր փուլ են մտնում

   Սույն թվականի նոյեմբերի 28-ին ՀՀ ԳԱԱ Արևելագիտության ինստիտուտում տեղի ունեցավ հանդիպում Հայաստանի Հանրապետությունում Սիրիայի Արաբական Հանրապետության դեսպան արտակարգ և լիազոր դեսպան պարոն Մուհամմեդ Հաջ Իբրահիմի և սիրիացի պատգամավորների հետ, որին մասնակցեցին նաև  արաբական երկրների գիտաշխատողներ: Պատվիրակության կազմում էին Սիրիայի խորհրդարանի հայազգի պատգամավոր դոկտոր Նորա Արիսյանը, հայտնի վերլուծաբան դոկտորա Աշվակ Աբբասը, Մահիր Խայաթան և Ջալալ Դարվիշը:
    Հանդիպման ընթացքում քննարկվեցին հայ-արաբական, այդ թվում՝ անցյալում և ներկայում հայ-սիրիական հարաբերությունները: Նշվեց, որ ՀՀ ԳԱԱ Արևելագիտության ինստիտուտն այն եզակի գիտական հաստատությունն է, որը տասնամյակներ շարունակ զբաղվել է Սիրիայի արտաքին և ներքին քաղաքական հիմնախնդիրների, նաև՝ սիրիահայ համայնքի վերլուծությամբ, ինչն ունի ինչպես քաղաքական, այնպես էլ գիտական կարևորություն: Արևելագիտության ինստիտուտի տնօրեն ակադեմիկոս Ռուբեն Սաֆրաստյանը նշեց, որ Արևելագիտության ինստիտուտը պատրաստ է այսուհետ ևս նպաստել հայ-սիրիական գիտական կապերի էլ ավելի զարգացմանն ու ընդլայնմանը՝ դառնալով կարևոր հարթակ հայ-արաբական համագործակցության համար:

  20181220_body.jpg
    ՀՀ-ում Սիրիայի դեսպան Մուհամմեդ Հաջ Իբրահիմը շեշտեց, որ իր երկիրը ևս պատրաստակամ է Հայաստան-Սիրիա գիտակրթական և մշակթային կապերի ընդլայնման հարցում` շեշտելով Արևելագիտության ինստիտուտի դերը:  Պատվիրակության կազմում ընդգրկված դոկտոր Աշվակ Աբբասն ընդգծեց, որ ՀՀ ԳԱԱ Արևելագիտության ինստիտուտն արաբական աշխարհում, այդ թվում նաև Սիրիայում ունի բարձր հեղինակություն և համարվում է Մոսկվայի Արևելագիտության ինստիտուտից հետո երկրորդը հետխորհրդային երկրների արևելագիտական հաստատությունների շարքում: Նա խոսեց հայ արաբագետների և Դամասկոսի ու Հալեպի համալսարանների մասնագետների միջև սերտ համագործակցության ու համատեղ գիտահետազոտական ծրագրեր իրականացնելու կարևորության մասին: Մասնավորապես կարևորվեց ցեղասպանագիտության ոլորտում երկու երկրների մասնագետների համագործակցությունը: 
Սիրիայի պատգամավորները Հայաստանից վերադառնալուց հետո Սիրիայի Ազգային ժողովում զեկուցել են Արևելագիտության ինստիտուտ այցի մասին, նշել են Արևելագիտության ինստիտուտի` որպես Մերձավոր Արևելքի արդի հետազոտություններ իրականացնող ակադեմիական կենտրոնի հետ համագործակցության կարևորությունը:

    ՀՀ ԳԱԱ Տեղեկատվական-վերլուծական ծառայություն
    20.12.2018թ.

Վերջին հայտարարություններ








Ընդունվում են Վիկտոր Համբարձումյանի անվան միջազգային գիտական մրցանակի 2020թ. հայտերը

ՀՀ ԳԱԱ Փիլիսոփայության, սոցիոլոգիայի և իրավունքի ինստիտուտը 2019 թ. նոյեմբերի 26-ին կազմակերպում է գիտաժողով՝ նվիրված ՀՀ ԳԱԱ Փիլիսոփայության, սոցիոլոգիայի և իրավունքի ինստիտուտի 50-ամյակին: Լրացուցիչ տեղեկությունների համար՝ e-mail: jijyan@mail.ru

«Մատենադարանի երիտասարդ գիտաշխատողների միավորում» ՀԿ-ն 2019թ. նոյեմբերի 28-30-ը կազմակերպում է երիտասարդական 5-րդ գիտաժողովը, որն այս տարի նվիրված է Մաշտոցյան Մատենադարանի հիմնադրման 60-ամյակին

Լինդաու քաղաքում Նոբելյան մրցանակակիրների հետ 70-րդ հանդիպում

Հրապարակումներ մամուլում
07/11/2019
«Երբ որոշենք՝ բուհը մասնագետ պատրաստելու տեղ է, թե հայրենասեր երիտասարդ դաստիարակելու, կհասկանանք, թե ինչ ենք անում». Պավել Ավետիսյան
168.am
06/11/2019
ԱԺ-ում քննարկվում են Հայաստանում գիտության ֆինանսավորման հիմնախնդիրները
armenpress.am
06/11/2019
ԳԱԱ նախագահը գիտության ֆինանսավորման մեջ մասնավորի մասնակցության անհրաժեշտություն է տեսնում
armenpress.am
06/11/2019
Գիտության կոմիտեն գիտական սարքավորումները մաքսատուրքից ազատելու առաջարկ կպատրաստի
armenpress.am
03/11/2019
«Որևէ պատճառաբանություն չկա, թե ինչու պետք է Ակադեմիայի վերաբերյալ օրենքը, որը տարիներ շարունակ մշակվել էր, գրչի մեկ հարվածով վերանա». Աշոտ Մելքոնյան
168.am
01/11/2019
«Այս նախագիծը բոլորովին չի նպաստի գիտության զարգացմանը». Ռադիկ Մարտիրոսյանը՝ աղմկահարույց օրինագծի մասին
168.am
Կայքը հաճախել են
1 807 948

անգամ սկսած 01.01.2005թ.
National Academy of Sciences of the Republic of Armenia
ՀՀ ԳԱԱ պատկերանիշ (սև, կապույտ)
Ճիշտ տառատեսակի արտապատկերման համար ներբեռնեք և տեղադրեք Arian AMU.ttf
Դեպի վեր Կայքը վերջին անգամ թարմացվել է՝  11:48, 22/11/2019 Դեպի վեր
Գլխավոր էջ - Ակադեմիայի մասին - Կազմակերպություններ - Անդամներ - Կապ մեզ հետ - Կառուցվածք - Բաժանմունքներ
Նախագահության անդամներ - Փաստաթղթեր - Ինովացիոն առաջարկներ - Նորություններ - Գիտաժողովներ - Հրապարակումներ մամուլում
Հայտարարություններ - Լուսանկարներ - Տեսադարան - «Գիտություն» թերթ - Հիմնադրամներ - Հոբելյաններ
Հրատարակություններ - Վեբ ռեսուրսներ - Այլ ակադեմիաներ - Համալսարաններ
Լինդաու քաղաքում Նոբելյան մրցանակի դափնեկրի հետ հանդիպում - Կայքի քարտեզ
© Copyright 1998-2019, Բոլոր հեղինակային իրավունքները պաշտպանված են:
Կայքը պատրաստված է և սպասարկվում է Հայաստանի ակադեմիական գիտահետազոտական կոմպյուտերային ցանցի կողմից (ASNET-AM):
Հարցերի կամ առաջարկությունների համար կարող եք ուղարկել նամակ webmaster {[ at ]} sci.am էլեկտրոնային փոստին: