National Academy of Sciences of the Republic of Armenia
ՀԱՅ  ENG  РУС
Home academy [@] sci.am
Գլխավոր էջ Ակադեմիայի մասին Կազմակերպություններ Անդամներ Կապ մեզ հետ
«Գիտություն» թերթ
N329 ապրիլ 2019թ.
N329
Կառուցվածք
Բաժանմունքներ
Նախագահության անդամներ
Փաստաթղթեր
Ինովացիոն առաջարկներ
Նորություններ
Գիտաժողովներ
Հրապարակումներ մամուլում
Հայտարարություններ
Լուսանկարներ
Տեսադարան
«Գիտություն» թերթ
Հիմնադրամներ
Հոբելյաններ
Հրատարակություններ
Վեբ ռեսուրսներ
Այլ ակադեմիաներ
Համալսարաններ
Լինդաուում Նոբելյան մրցանակի դափնեկրի հետ հանդիպում
Կայքի քարտեզ
Նորություններ
07/11/2018
Լեզվաբանները հարգանքի տուրք մատուցեցին մեծանուն հայագետին և գիտության հմուտ կազմակերպչին

   Ս.թ. հոկտեմբերի 29-ին ՀՀ ԳԱԱ Հ.Աճառյանի անվան լեզվի ինստիտուտում տեղի ունեցավ միջոցառում՝ նվիրված ՀՀ գիտությունների ազգային ակադեմիայի ակադեմիկոս, գիտության վաստակավոր գործիչ, ՀՀ պետական մրցանակի դափնեկիր, բանասիրական գիտությունների դոկտոր, պրոֆեսոր Գևորգ Բեգլարի Ջահուկյանին: Հանդիսությունը երկրորդն էր ակադեմիայի և լեզվի ինստիտուտի հիմնադրման ու զարգացման ակունքներում կանգնած մեծանուն լեզվաբաններին նվիրված միջոցառումների շարքում, որոնք լեզվի ինստիտուտը կազմակերպում է՝ ի նշանավորումն ՀՀ գիտությունների ազգային ակադեմիայի հիմնադրման 75-ամյակի:
   Լեզվի ինստիտուտին շնորհավորելու էին եկել ՀՀ ԳԱԱ ակադեմիկոս-քարտուղար Հ.Մաթևոսյանը, հայագիտության և հասարակական գիտությունների բաժանմունքի ակադեմիկոս-քարտուղար Յու. Սուվարյանը, ՀՀ լեզվի կոմիտեի նախագահ Դ. Գյուրջին-յանը,  ՀՀ սփյուռքի նախարարության, ԳԱԱ տարբեր հաստատությունների, գրողների միության, բուհերի ներկայացուցիչներ, մտավորականներ, ուսանողներ:
   Իր բացման խոսքում ինստիտուտի տնօրեն Վիկտոր Կատվալյանը համառոտ  ներկայացրեց ինստիտուտի անցած ուղին` ընդգծելով Գ. Ջահուկյանի մեծ ներդրումը հայագիտության և ինստիտուտի զարգացման գործում:
Ողջունելով ներկաներին՝ ակադեմիկոս Յու. Սուվարյանը կարևորեց նմանատիպ միջոցառումների անցկացումը և հույս հայտնեց, որ հայ լեզվաբաններին նվիրված նման անդրադարձները շարունակական կլինեն, մանավանդ որ խնդիր է դրվում ոչ միայն գնահատելու նրանց վաստակը, այլև շարունակելու և զարգացնելու եղած ավանդները: «Ես երջանկություն եմ ունեցել աշխատելու ակադեմիկոս Ջահուկյանի հետ Հայերենի բարձրագույն խորհրդում, – նշեց Յու.Սուվարյանը: – Մեծ է նրա ներդրումը ընդհանուր և համեմատական լեզվաբանության ոլորտում, նրա դիտարկումները արժանի են համաշխարհային ճանաչման»: Իր խոսքում ՀՀ լեզվի կոմիտեի նախագահ Դավիթ Գյուրջինյանը հիշեց Գ. Ջահուկյանի հետ առաջին հանդիպման և ծանոթության դրվագը` նշելով, որ ուսանողական տարիներից Գ. Ջահուկյանը իր համար անվիճելի հեղինակություն էր, հայագիտության հսկան: Շնորհավորելով լեզվի ինստիտուտի հիմնադրման 75 – ամյակը՝ Դ. Գյուրջինյանը ինստիտուտի աշխատակիցներին հաջողություն մաղթեց և ցանկացավ, որ առաջիկայում էլ հայ լեզվաբանները պահպանեն Գ.Ջահուկյանի որդեգրած և կրտսեր գործընկերներին փոխանցած գիտական աշխատանքի սկզբունքներն ու չափանիշները: ՀՀ սփյուռքի նախարարի և նախարարության աշխատակիցների անունից ողջույնի խոսք ասաց Հայկ Ենգիբարյանը: Շնորհավորելով հոբելյանի առիթով` նա մաղթեց, որ իր բարձր առաքելության մեջ ինստիտուտը միշտ հաջողի, և վստահություն հայտնեց, որ Սփյուռքի նախարարության ու լեզվի ինստիտուտի գործակցությունը կշարունակվի՝ ի նպաստ հայերենի տարածման և հայապահպանության: ՀՀ գրողների միության նախագահի, նախագահության վարչության անունից շնորհավորական խոսք ասաց միության քարտուղար Պետրոս Դեմիրճյանը: Համալսարանում աշակերտած լինելով մեծ հայագետին՝ նա մի քանի դրվագ պատմեց Գ.Ջահուկյանի դասախոսություններից: Պրոֆեսոր Լալիկ Խաչատրյանը ողջույնի խոսքում նշեց. «Լեզվի ինստիտուտը կայացած և կարևորագույն հաստատություն է, որն իր գոյության 75 տարիների ընթացքում ստեղծել է մնայուն արժեքներ, և այդ ֆոնին ինստիտուտի կենսագրության մեջ եղել են անձինք, որոնք ոչ միայն նշանավոր գիտնականներ, այլև գիտության մեծ կազմակերպիչներ են եղել, գիտության բարձրագույն արժեքների դավանողներ՝ բարոյական վսեմ կերպարով:  Այդպիսին էր Գ. Ջահուկյանը»:

20181107_body.jpg
   Այնուհետև բանախոսեց ինստիտուտի գիտաշխատող, բ.գ.թ. Մերի Սարգսյանը՝ հանգամանալից ներկայացնելով Գ. Ջահուկյանի կյանքը և գիտական գործունեությունը: Մ. Սարգսյանն անդրադարձավ Գ. Ջահուկյանի հետա¬զոտության բոլոր ոլորտներին՝ հայերենի համեմատական քերականություն, հայ քերականական մտքի պատմություն, հայոց լեզվի պատմություն, հայ բարբառագիտություն, ժամանակակից հայոց լեզվի տեսություն, հնդեվրոպական և նոստրատիկ լեզվաբանություն, ընդհանուր լեզվաբանություն, լեզվաբանության պատմություն, լեզվաբանության տեսություն և այլն : «Հարստացնելով լեզվաբանության բնագավառը նոր մտքերով, որոնք հանդես են գալիս որպես ամբողջական համակարգեր, փորձելով նպաստել հայ և համաշխարհային լեզվաբանական մտքի զարգացմանը՝ Գ. Ջահուկյանն իր աշխատություններում առաջ է քաշել լեզվաբանական զանազան խնդիրների լուծման ճշգրիտ ուղիներ: Կարելի է անվերապահորեն ասել, որ Գ. Ջահուկյանի շնորհիվ մի նոր բարձունքի է հասել հայ և համաշխարհային լեզվաբանական միտքը»,- ասաց նա: Բանախոսը ելույթը եզրափակեց Գ. Ջահուկյանի բանաստեղծություններից մեկով:
   Միջոցառման երկրորդ հատվածում մեծանուն հայագետի գործընկերներն ու սաները պատմեցին դրվագներ ու հուշեր Գ. Ջահուկյանի մասին, կրկին ու կրկին արժևորվեց մեծ գիտնականի վաստակը: ԳԱԱ թղթակից անդամ, բ.գ.դ. Լավրենտի Հովհաննիսյանը նշեց. «Ովքեր ծանոթ են Ջահուկյանին, կփաստեն, որ նա, ինչ մասնագիտություն էլ ընտրեր, լինելու էր առաջինը այդ ասպարեզում: Երջանիկ ենք, որ առիթ ենք ունեցել մոտիկից ծանոթ լինելու նրան, շփվելու նրա հետ, լսելու նրա խորհուրդները: Նա համաշխարհային մեծ ճանաչում ունեցող գիտնական էր, մեծերի շարքում էր»: ԵՊՀ հայ բանասիրության ֆակուլտետի դեկան, պրոֆեսոր Արծրուն Ավագյանն ընդգծեց, որ համալսարանում ևս վառ են պահում Գ. Ջահուկյանի հիշատակը, նրա անունով են անվանակոչել լսարաններից մեկը: Ինստիտուտի ընդհանուր և համեմատական լեզվաբանության բաժնի վարիչ, պրոֆեսոր Վազգեն Համբարձումյանը հուշեր պատմեց Գ. Ջահուկյանի հետ իր աշխատանքային շփումներից: Բ.գ.դ. Ռոբերտ Թոխմախյանը խոսեց Գ. Ջահուկյանի գիտակազմակերպչական գործունեության մասին:
   Միջոցառումը եզրափակվեց «Ջահուկյանական ընթերցումներ» մատենաշարի 13-րդ պրակի շնորհանդեսով: «Ջահուկյանական ընթերցումներ» մատենաշարի ստեղծման պատմությունը ներկայացրեց ինստիտուտի գիտական քարտուղար, բ.գ.թ. Անահիտ Աբրահամյանը: Նա նշեց, որ ՀՀ ԳԱԱ լեզվի ինստիտուտի բազմաթիվ հրատարակությունների շարքում առանձնանում է «Ջահուկյանական ընթերցումները», որը միաժամանակ հարգանքի ու գնահատանքի յուրատեսակ տուրք է վաստակաշատ գիտնականին, ղեկավարին, ավագ գործընկերոջը և մեծ ուսուցչին: 2006-2018 թվականների ընթացքում մատենաշարի պրակներում հրատարակվել է 380 հոդված, որոնց մեջ կան նաև Ջահուկյանի կյանքին և գործունեությանը նվիրված աշխատանքներ: Մատենաշարը թեմատիկ լայն ընդգրկում ունի՝ արդի հայերեն, հայոց լեզվի պատմություն, բարբառագիտություն, ընդհանուր և կիրառական լեզվաբանություն, համեմատական լեզվաբանություն, բառարանագրություն և այլն: Ա. Աբրահամյանը ընդգծեց մատենաշարի խմբագրական խորհրդի, հատկապես՝ ինստիտուտի գիտական գծով փոխտնօրեն Նազիկ Հովհաննիսյանի ջանադիր աշխատանքը յուրաքանչյուր ժողովածուի խմբագրման, սրբագրման և հրատարակության պատրաստելու գործում: «Լեզվաբան-հետազոտողները յուրաքանչյուր միտք թղթին հանձնելիս նորից ու նորից պետք է մտածեն՝ տեսնես Ջահուկյանը ի՞նչ կասեր…»,- ամփոփեց Ա.Աբրահամյանը:

Վերջին հայտարարություններ








Հայագիտական ուսումնասիրություները ֆինանսավորող համահայկական հիմնադրամը 2019 թ. հայտարարում է հայագիտական ուսումնասիրությունների նախագծերի մրցույթ, որոնք պետք է նպատակաուղղված լինեն հայագիտության բնագավառում կարևոր, արդիական հնչեղություն ունեցող խնդիրների լուծմանը

ՀՀ ԳԱԱ-ն հայտարարում է 2019թ-ի «ՀՀ ԳԱԱ համակարգի ինստիտուտների գիտական սարքավորումների սպասարկում, վերազինում, գիտափորձերի իրականացման համար նյութերի ձեռքբերում և չնախատեսված անհետաձգելի ծախսերի կատարում» և «ՀՀ ԳԱԱ համակարգի կազմակերպությունները սարքավորումներով վերազինում» ծրագրերից համակարգի կազմակերպություններին ֆինանսավորում տրամադրելու մրցույթ

ՀՀ ԳԱԱ-ն հայտարարում է «ՀՀ գիտությունների ազգային ակադեմիայի համակարգի գիտական գործուղումների իրականացում» ծրագրի միջոցներից 2019 թ. գիտական գործուղման ֆինանսավորման մրցույթ: Մրցույթն անցկացվելու է «ՀՀ գիտությունների ազգային ակադեմիայի համակարգի գիտական գործուղումների իրականացում» ծրագրի միջոցների օգտագործման կարգին համապատասխան

ՀՀ 2019 թ. պետական բյուջեից ֆինանսավորման երաշխավորված գիտական միջոցառումների ցանկ

ՀՀ ԳԱԱ Փիլիսոփայության, սոցիոլոգիայի և իրավունքի ինստիտուտը Մեսրոպ Մաշտոցի անվան Մատենադարանի հետ համատեղ 2019թ. մայիսի 22-23-ը կազմակերպում են հայագիտական միջազգային գիտաժողով՝ նվիրված անվանի հայագետ, ակադեմիկոս Սեն Արևշատյանի ծննդյան 90-ամյակին: Լրացուցիչ տեղեկությունների համար սեղմեք այստեղ

2019թ. հունիսի 30-ից հուլիսի 5-ը տեղի կունենա Նոբելյան մրցանակակիրների 69-րդ հանդիպումը ֆիզիկայի բնագավառի ներկայացուցիչների հետ

ՀՀ ԳԱԱ Մոլեկուլային կենսաբանության ինստիտուտը Գերմանիայի Լեյպցիգի համալսարանի Կենսաինֆորմատիկայի միջառարկայական կենտրոնի և Հայ-Ռուսական համալսարանի հետ համատեղ ս.թ. հուլիսի 1-5-ը կազմակերպում է կենսաինֆորմատիկայի ամառային դպրոց և աշխատաժողով «Genome Bioinformatics for Health» ուսանողների և երիտասարդ գիտնականների համար։ Գրանցման վերջնաժամկետը՝մայիսի 1, 2019

2019թ. սեպտեմբերի 23-ից 27-ը ՀՀ ԳԱԱ Մ.Գ. Մանվելյանի անվ. ընդհանուր և անօրգանական քիմիայի ինստիտուտը և ՀՀ ԳԱԱ քիմիայի և Երկրի մասին գիտությունների բաժանմունքը Երևանում կազմակերպում են «Քիմիա և քիմիական տեխնոլոգիաներ» VI միջազգային գիտաժողովը

ՀՀ ԳԱԱ Փիլիսոփայության, սոցիոլոգիայի և իրավունքի ինստիտուտը 2019 թ. նոյեմբերի 21-ին կազմակերպում է միջազգային գիտաժողով` նվիրված UNESCO-ի հռչակած փիլիսոփայության համաշխարհային օրվան: Լրացուցիչ տեղեկությունների համար՝ e-mail: jijyan@mail.ru

ՀՀ ԳԱԱ Փիլիսոփայության, սոցիոլոգիայի և իրավունքի ինստիտուտը 2019 թ. նոյեմբերի 26-ին կազմակերպում է գիտաժողով՝ նվիրված ՀՀ ԳԱԱ Փիլիսոփայության, սոցիոլոգիայի և իրավունքի ինստիտուտի 50-ամյակին: Լրացուցիչ տեղեկությունների համար՝ e-mail: jijyan@mail.ru

Հրապարակումներ մամուլում
25/04/2019
Արվեստաբանները երիտասարդներին ընդունելու համար նոր հաստիքներ չեն կարողանում բացել
hetq.am
15/04/2019
Իրավաբանների համար գիտությունը ցատկահարթակ է, իսկ փիլիսոփաներին այն չի ձգում
hetq.am
15/04/2019
ԻԿՐԱՆԵՏ կենտրոնը Հայաստանում նպաստում է ռելատիվիստական աստղաֆիզիկայի ոլորտում երկրի դիրքերի ամրապնդմանը
armenpress.am
26/03/2019
«Ես կարող եմ ասել, թե ինչ է ուզում պետությունը կամ կառավարությունը գիտությունից». Վարչապետը մասնակցել է ԳԱԱ տարեկան ընդհանուր ժողովին
edu.am
26/03/2019
Կարեւոր է գիտության ինտեգրումը երկրի հանրային կյանքի բոլոր ոլորտներում. վարչապետ
news.am
26/03/2019
Հայաստանի Գիտությունների ազգային ակադեմիան շարունակել է բեղուն աշխատանքը. ԳԱԱ նախագահ
news.am
Կայքը հաճախել են
1 731 095

անգամ սկսած 01.01.2005թ.
National Academy of Sciences of the Republic of Armenia
ՀՀ ԳԱԱ լոգոտիպ (սև, կապույտ)
Դեպի վեր Կայքը վերջին անգամ թարմացվել է՝  16:17, 23/05/2019 Դեպի վեր
Գլխավոր էջ - Ակադեմիայի մասին - Կազմակերպություններ - Անդամներ - Կապ մեզ հետ - Կառուցվածք - Բաժանմունքներ
Նախագահության անդամներ - Փաստաթղթեր - Ինովացիոն առաջարկներ - Նորություններ - Գիտաժողովներ - Հրապարակումներ մամուլում
Հայտարարություններ - Լուսանկարներ - Տեսադարան - «Գիտություն» թերթ - Հիմնադրամներ - Հոբելյաններ
Հրատարակություններ - Վեբ ռեսուրսներ - Այլ ակադեմիաներ - Համալսարաններ
Լինդաուում Նոբելյան մրցանակի դափնեկրի հետ հանդիպում - Կայքի քարտեզ
© Copyright 1998-2019, Բոլոր հեղինակային իրավունքները պաշտպանված են:
Կայքը պատրաստված է և սպասարկվում է Հայաստանի ակադեմիական գիտահետազոտական կոմպյուտերային ցանցի կողմից (ASNET-AM):
Հարցերի կամ առաջարկությունների համար կարող եք ուղարկել նամակ webmaster {[ at ]} sci.am էլեկտրոնային փոստին: