National Academy of Sciences of the Republic of Armenia
ՀԱՅ  ENG  РУС
Home academy [@] sci.am
Գլխավոր էջ Ակադեմիայի մասին Կազմակերպություններ Անդամներ Կապ մեզ հետ
«Գիտություն» թերթ
N333 սեպտեմբեր 2019թ.
N333
Կառուցվածք
Բաժանմունքներ
Նախագահության անդամներ
Փաստաթղթեր
Ինովացիոն առաջարկներ
Նորություններ
Գիտաժողովներ
Հրապարակումներ մամուլում
Հայտարարություններ
Լուսանկարներ
Տեսադարան
«Գիտություն» թերթ
Հիմնադրամներ
Հոբելյաններ
Հրատարակություններ
Վեբ ռեսուրսներ
Այլ ակադեմիաներ
Համալսարաններ
Լինդաու քաղաքում Նոբելյան մրցանակի դափնեկրի հետ հանդիպում
Կայքի քարտեզ
Նորություններ
22/10/2018
ՀՀ կրթության և գիտության նախարարի պաշտոնակատար Արայիկ Հարությունյանի շնորհավորանքի խոսքը ՀՀ ԳԱԱ 75 ամյակի կապակցությամբ

Հարգելի՛ գործընկերներ,
Թույլ տվեք շնորհավորել ձեզ Հայաստանի Գիտությունների ազգային ակադեմիայի հիմնադրման 75-ամյա տարեդարձի առթիվ։
Հիմնադրված լինելով ականավոր գիտնականներ Հովսեփ Օրբելու, Ստեփան Մալխասյանցի և Վիկտոր Համբարձումյանի անմիջական մասնակցությամբ՝ ակադեմիան իր ստեղծման պահից նշանակալի դերակատարություն է ունեցել Հայաստանի գիտական և տեխնոլոգիական ներուժի զարգացման, գիտակրթական կանոնավոր գործունեության ձևավորման և կայացման, ժամանակի պահանջներին համապատասխանող գիտաարդյունաբերական հզորությունների, տարածաշրջանում նախադեպը չունեցող գիտատեխնոլոգիական ենթակառուցվածքների ստեղծման գործում։ Բնական և ճշգրիտ գիտությունների բնագավառում միջազգային մակարդակի նվաճումներ ունենալով հանդերձ՝ ակադեմիան մեծ ներդրում է ունեցել նաև հումանիտար գիտելիքի ասպարեզում, մասնավորաբար՝ հայագիտությունը զարգացնելու, հայ ժողովրդի պատմամշակութային ժառանգությունը ուսումնասիրելու և համաշխարհային գիտական հանրությանը ներկայացնելու գործում։
Անցած տասնամյակների բարձունքից գնահատելով այդ դերն ու նշանակությունը՝ կարելի է վստահորեն հաստատել, որ ակադեմիան իր գործունեության արդյունքում ձևավորել է գիտական և կրթական մի ավանդույթ, որը վերաիմաստավորվելու, այսօրվա պահանջներին և մարտահրավերներին համապատասխանեցնելու լուրջ կարիք ունի։ Ակադեմիական համակարգի արդիականացումը, ձևավորված գիտական դպրոցների բնականոն ժառանգականությունն ապահովելու, ենթակառուցվածքների կառավարումը բարելավելու և երիտասարդացնելու հրամայականը մեր գիտակրթական ոլորտի այլևս անհետաձգելի խնդիր է։ Նոր Հայաստանում մեզ համար օրախնդիր է ունենալ նոր և նորացված ակադեմիա:
Տեխնոլոգիաների սրընթաց զարգացումը, գիտելիքի արագ նորացումն ու տարածումը, գիտության և կրթության համաշխարհայնացումը ակադեմիայի առկա ենթակառուցվածքների և մարդկային ռեսուրսների կառավարման նկատմամբ նոր՝ արդիական և մրցակցային մոտեցումներ որոնելու, այդ մոտեցումների հիման վրա խորքային ինստիտուցիոնալ բարեփոխումներ իրականացնելու կենսական անհրաժեշտություն են առաջացնում։ Համոզված եմ, որ այդ բարեփոխումների պահանջը գիտակցվում է ակադեմիայի համակարգում միավորված ինստիտուտների հարյուրավոր գիտնականների, գիտության ասպարեզում իրենց առաջին քայլերն անող երիտասարդների կողմից, և վստահ եմ, որ մենք անհրաժեշտ կամք ունենք դրանք իրականացնելու՝ ի շահ Հայաստանի գիտության հզորացման և առաջանցիկ զարգացման։

Եվս մեկ անգամ շնորհավորում եմ ձեզ այս նշանավոր հոբելյանի առթիվ։


Սկզբնաղբյուր՝ http://edu.am/index.php/am/news/view/7275

Վերջին հայտարարություններ








2019թ. հոկտեմբերի 15-ից 18-ը ՀՀ ԳԱԱ Մ. Աբեղյանի անվան գրականության ինստիտուտը, ՀՀ ԳԱԱ Հայագիտության և հասարակական գիտությունների բաժանմունքը և Երևանի պետական համալսարանը Երևանում կազմակերպում են հոբելյանական միջազգային գիտական նստաշրջան` նվիրված Հովհաննես Թումանյանի ծննդյան 150-ամյակին

2019թ. հոկտեմբերի 21-26-ը ՀՀ ԳԱԱ Ֆիզիկայի կիրառական պրոբլեմների ինստիտուտը Երևանում և Մեղրիում կազմակերպում է «Էլեկտրոնների, պոզիտրոնների, նեյտրոնների և ռենտգենյան ճառագայթների ցրումն արտաքին ազդակների առկայությամբ» ավանդական միջազգային գիտաժողով և Գ.Ա. Ասկարյանի անվան երիտասարդ գիտնականների դպրոցը

2019թ. հոկտեմբերի 24-ին ՀՀ ԳԱԱ Մ. Աբեղյանի անվան գրականության ինստիտուտը կազմակերպում է հոբելյանական գիտական նստաշրջան՝ նվիրված Ակսել Բակունցի ծննդյան 120-ամյակին

ՀՀ ԳԱԱ Փիլիսոփայության, սոցիոլոգիայի և իրավունքի ինստիտուտը 2019 թ. նոյեմբերի 21-ին կազմակերպում է միջազգային գիտաժողով` նվիրված UNESCO-ի հռչակած փիլիսոփայության համաշխարհային օրվան: Լրացուցիչ տեղեկությունների համար՝ e-mail: jijyan@mail.ru

ՀՀ ԳԱԱ Փիլիսոփայության, սոցիոլոգիայի և իրավունքի ինստիտուտը 2019 թ. նոյեմբերի 26-ին կազմակերպում է գիտաժողով՝ նվիրված ՀՀ ԳԱԱ Փիլիսոփայության, սոցիոլոգիայի և իրավունքի ինստիտուտի 50-ամյակին: Լրացուցիչ տեղեկությունների համար՝ e-mail: jijyan@mail.ru

«Մատենադարանի երիտասարդ գիտաշխատողների միավորում» ՀԿ-ն 2019թ. նոյեմբերի 28-30-ը կազմակերպում է երիտասարդական 5-րդ գիտաժողովը, որն այս տարի նվիրված է Մաշտոցյան Մատենադարանի հիմնադրման 60-ամյակին

Լինդաու քաղաքում Նոբելյան մրցանակակիրների հետ 70-րդ հանդիպում

Հրապարակումներ մամուլում
16/09/2019
ՀՀ-ում կգործի սողունների պահպանման ու բազմացման կենտրոն
news.1tv.am
23/07/2019
Գիտության տոն նոր ուսումնական տարում
hhpress.am
13/06/2019
Հայաստանի պատուհանը Բաշկիրիայում
hhpress.am
12/06/2019
«Ես նախկին իշխանությունների պալատական երգիչը չեմ եղել և չեմ էլ լինելու»
a1plus.am
11/06/2019
РАЗВИТИЕ ОСНОВАНО НА ИНТЕЛЛЕКТЕ
golosarmenii.am
08/06/2019
ИЗВЕРЖЕНИЕ ВУЛКАНА В ХХI ВЕКЕ МОЖЕТ ИЗМЕНИТЬ КЛИМАТ
golosarmenii.am
Կայքը հաճախել են
1 791 759

անգամ սկսած 01.01.2005թ.
National Academy of Sciences of the Republic of Armenia
ՀՀ ԳԱԱ պատկերանիշ (սև, կապույտ)
Ճիշտ տառատեսակի արտապատկերման համար ներբեռնեք և տեղադրեք Arian AMU.ttf
Դեպի վեր Կայքը վերջին անգամ թարմացվել է՝  22:35, 14/10/2019 Դեպի վեր
Գլխավոր էջ - Ակադեմիայի մասին - Կազմակերպություններ - Անդամներ - Կապ մեզ հետ - Կառուցվածք - Բաժանմունքներ
Նախագահության անդամներ - Փաստաթղթեր - Ինովացիոն առաջարկներ - Նորություններ - Գիտաժողովներ - Հրապարակումներ մամուլում
Հայտարարություններ - Լուսանկարներ - Տեսադարան - «Գիտություն» թերթ - Հիմնադրամներ - Հոբելյաններ
Հրատարակություններ - Վեբ ռեսուրսներ - Այլ ակադեմիաներ - Համալսարաններ
Լինդաու քաղաքում Նոբելյան մրցանակի դափնեկրի հետ հանդիպում - Կայքի քարտեզ
© Copyright 1998-2019, Բոլոր հեղինակային իրավունքները պաշտպանված են:
Կայքը պատրաստված է և սպասարկվում է Հայաստանի ակադեմիական գիտահետազոտական կոմպյուտերային ցանցի կողմից (ASNET-AM):
Հարցերի կամ առաջարկությունների համար կարող եք ուղարկել նամակ webmaster {[ at ]} sci.am էլեկտրոնային փոստին: