ՀՀ գիտությունների ազգային ակադեմիա
ՀԱՅ  ENG  РУС
Home academy [@] sci.am Facebook Page
Գլխավոր էջ Ակադեմիայի մասին Բաժանմունքներ Կազմակերպություններ Անդամներ Կապ մեզ հետ
Վարդան Գրեգորյան
դոկտոր, պրոֆեսոր
COVID-19
Կառուցվածք
Նախագահության անդամներ
Փաստաթղթեր
Ինովացիոն առաջարկներ
Հրատարակություններ
Հիմնադրամներ
Գիտաժողովներ
Մրցույթներ
Լուսանկարներ
Տեսադարան
Վեբ ռեսուրսներ
Այլ ակադեմիաներ
«Գիտություն» թերթ
«Գիտության աշխարհում» հանդես
Հրապարակումներ մամուլում
Ազդեր
Հոբելյաններ
Համալսարաններ
Նորություններ
Գիտական արդյունքներ
Սփյուռքի բաժինը ներկայացնում է
Երիտասարդ գիտնականի ամբիոն
Մեր երախտավորները
Հայտարարություններ
Լինդաու քաղաքում Նոբելյան մրցանակի դափնեկրի հետ հանդիպում
Կայքի քարտեզ
Նորություններ
10/10/2018
ֆրանսիան աջակցում է Հայաստանի թվայնացման գործընթացին

    Սույն թվականի հոկտեմբերի 10-ին ՀՀ գիտությունների ազգային ակադեմիան և Ֆրանսիայի Թուլուզի դաշնային, Պոլ Սաբատիեի անվան Թուլուզ III համալսարաններն ու Թուլուզի ազգային պոլիտեխնիկական ինստիտուտը համաձայնության արձանագրություն ստորագրեցին ֆրանսիական ԲՈՒՀ-երի կողմից ՀՀ ԳԱԱ-ին նվիրաբերվող Գերհամակարգչի վերաբերյալ:
    Արձանագրությունը ստորագրեցին  ՀՀ ԳԱԱ նախագահ ակադեմիկոս Ռադիկ Մարտիրոսյանը, Թուլուզի դաշնային համալսարանի նախագահ Ֆիլիպ Ռեմբոն, Պոլ Սաբատիեի անվան  Թուլուզ III համալսարանի նախագահ Ժան Պիեռ Վինելը, Թուլուզի ազգային պոլիտեխնիկական ինստիտուտի նախագահ Օլիվիե Սիմոնենը Հայաստանում Ֆրանսիայի դեսպանատանը տեղի ունեցած հանդիպման ժամանակ:

20181010_3.jpg
    «Մենք ցանկացանք մեր բաժին մասնակցությունն ունենալ բացառիկ այն պահերին, որն այսօր ապրում է Հայաստանը Ֆրանկոֆոնիայի գագաթաժողովի այս ժամանակահատվածում Հայաստանի Հանրապետությունում գերարագ ճշգրիտ հաշվողական կենտրոնի հիմնադրմանն ուղղված փաստաթղթի ստորագրմամբ: Այս արձանագրությունը գալիս է իր բաժին ամրապնդումն ու հզորացումը բերելու այն համագործակցության փաստաթղթին, որը ստորագրվել է Թուլուզի ԲՈՒՀ-ական հաստատությունների և ՀՀ գիտությունների ազգային ակադեմիայի միջև: Նմանատիպ արձանագրության ստորագրությամբ կարելի է փուլանշել երկարամյա համագործակցություն, որը ցանկանում է Հայաստանը վարել Ֆրանսիայի հետ այնպիսի ուղղություններում, ինչպիսիք են` բարձր ճշգրտությամբ հաշվարկներ, մեծածավալ տվյալների հավաքագրում և վերլուծություն և արհեստական ինտելեկտ: Շնորհիվ թուլուզյան համալսարանական միջավայրի այս նախաձեռնության` Ֆրանսիան կարող է իր բաժին մասնակցությունը ցուցաբերել Հայաստանում մեկ այլ հեղափոխական դրսևորման, որն է թվայնացմանը միտված հեղափոխությանը»,- իր ողջույնի ելույթում ասաց Հայաստանում Ֆրանսիայի դեսպան Ժոնաթան Լաքոտը:

20181010_2.jpg
    «Այսօր մեր Գիտությունների ազգային ակադեմիայի համար, մեր գիտական հանրության համար պատմական օր է, որովհետև մենք լրացնում ենք մեր համագործակցության պատմության մի նոր էջ: Վերջին 15 տարիների ընթացքում Թուլուզի տարածաշրջանի համալսարանների և Գիտությունների ազգային ակադեմիայի մի քանի ինստիտուտների միջև ստեղծվել է ջերմ համագործակցություն: Այդ համագործակցության արդյունքներից են` բարձր որակավորման կադրերի պատրաստումը, գիտական ծրագրերի մշակումը և այն ծրագրերը, որոնք նախատեսվում են առաջիկայում: Այս արարողությունը կատարվում է երկու շատ կարևոր միջոցառումների ժամանակահատվածում, մեկը Ֆրանկոֆոնիայի համաժողովն է, տնտեսական համագործակցության համաժողովը, և ընդամենը մեկ շաբաթ հետո մենք նշելու ենք Գիտությունների ազգային ակադեմիայի հիմնադրման 75 –ամյա հոբելյանը: Մեր գործընկեր համալսարանների կողմից, Ֆրանսիայի կառավարության կողմից ակադեմիայի ծննդյան օրվա նախօրեին նվիրվում է  շատ կարևոր գերհամակարգիչ, որը մենք մինչև հիմա չունեինք, բայց ցանկանում էինք ունենալ: Այդ գերհամակարգիչը կօգտագործվի Հայաստանի հիմնարար գիտության տարբեր բնագավառներում և կնպաստի մեր գիտական արդյունքների ներդրմանը երկրի տնտեսության մեջ: Թույլ տվեք մեր խորին շնորհակալությունը հայտնել Ֆրանսիայի ղեկավարին, Ֆրանսիական համալսարաններին, Ֆրանսիայի դեսպանատանը, դեսպանին, դեսպանատան բոլոր աշխատակիցներին»,- իր ելույթում ասաց ՀՀ ԳԱԱ նախագահ ակադեմիկոս Ռադիկ Մարտիրոսյանը:

    Թուլուզի ազգային պոլիտեխնիկական ինստիտուտի նախագահ Օլիվիե Սիմոնենն իր խոսքում նշեց, որ, գերհզոր համակարգիչը նվիրաբերելով, փորձում են  գիտական զարգացման նոր տեսլական ու նոր հորիզոն բացել Հայաստանի ապագայի համար: Ինֆորմատիկայի և համացանցի հիմնադիրներից Լուի Պուզենն էլ հույս հայտնեց, որ մի քանի տարի հետո Երևանը կլինի գերապահով տվյալների գծով մասնագետների պատրաստման արժանավոր, հավաստի քաղաք: 

Ստորագրված արձանագրության նպատակներով նախատեսվում են համագործակցային հետևյալ գործողությունները.

• ստեղծել Հայաստանի Հանրապետությունում Բարձր արտադրողականությամբ հաշվարկների կենտրոն 
• մասնակցել ազգային թվային հարթակի զարգացման աշխատանքներին երաշտի սեզոնային թվային կառավարման նպատակով
• հնարավորություն ստեղծել հայ օգտագործողների համար` օգտվելու Թուլուզի համալսարանների զանազան հաստատությունների` բարձր արտադրողականությամբ հաշվարկների փորձից 
• աջակցել հայկական խմբերին` պատրաստելու մասնագետներ Բարձր արտադրողականության, Մետատվյալների և Արհեստական Բանականության ուղղություններով:

    Գերհամակարգչային համակարգերը ձեռնարկությունների, գիտահետազոտողների և պետական գերատեսչությունների կարողությունների ընդլայնման կարևոր միջավայր են, որոնք  նոր ՏՀՏ ծառայությունների և արտադրանքների օգնությամբ խթանում են նորմուծությունները և հայտանգործությունները։ Գերհամակարգիչները զգալիորեն նպաստում են գիտական  առաջընթացին, արդյունաբերական մրցունակությանը, ազգային անվտանգությանը և կյանքի որակի բարելավմանը:

    Հայաստանում ազգային գերհամակարգչային կենտրոնի հիմնումը թույլ կտա փորձնական, ոչ արհեստավարժ, անվտանգությունը չապահոված համակարգերից անցնել ժամանակակից գերհամակարգչային համակարգերի, ինչպես նաև կխթանի ՏՀՏ ոլորտում ինովացիոն առաջընթացին և կնպաստի Հայաստանի գիտատեխնիկական ներուժի զարգացմանը։ Հետազոտական միջավայրերը և արհեստավարժ ծառայությունները Հայաստանում մեծ ազդեցություն կունենան տնտեսության, բժշկության, գիտության, կրթության, մշակութային և այլ ոլորտներում:

20181010_1.jpg
ՀՀ ԳԱԱ Տեղեկատվական-վերլուծական ծառայություն
10.10.2018թ.

Լուսանկարներ

Ազդեր








2024թ.-ի ապրիլի 23-ին՝ ժամը 10:30-ին, ՀՀ Գիտությունների ազգային ակադեմիայում տեղի կունենա տարեկան ընդհանուր ժողով՝ նվիրված ՀՀ ԳԱԱ 2023թ.-ի գիտական և գիտակազմակերպական գործունեության հիմնական արդյունքներին: Գիտությունների բաժանմունքների տարեկան ընդհանուր ժողովները կանցկացվեն ապրիլի 22-ին՝ ժամը 10:00-ին

ՀՀ ԳԱԱ ՖՀԻ-ը IPR Armenia Optica Student Chapter-ի հետ միասին հայտարարում են «Լույսը լուսանկարչի աչքերով» խորագրով ֆոտոմրցույթ՝ նվիրված Լույսի միջազգային օրվան: Մրցույթին գրացման վերջնաժամկետն է՝ ս.թ. մայիսի 1-ը

Ս.թ. ապրիլի 10-ին ժ. 15:00-ին ՀՀ ԳԱԱ նիստերի դահլիճում (Բաղրամյան պող., 24) տեղի կունենա սեմինարների շարքի երրորդ հանդիպումը՝ «Հավաքում ենք փաթիլ. ատոմներից դեպի մոլեկուլ և բյուրեղ» խորագրով: Որպես մոդերատոր հանդես կգա անվանի քիմիկոս, SKOLKOVO-ի գիտության և տեխնոլոգիաների ինստիտուտի պրոֆեսոր Արտեմ Օհանովը

Ս.թ. ապրիլի 5-ին, ժամը 12:00-ին ՀՀ ԳԱԱ Նախագահության նիստերի դահլիճում տեղի կունենա «Կանալացման նորագույն տեխնոլոգիաներ։ Չեզոք և լիցքավորված փնջեր ուղղորդող հզոր արտաքին էլեկտրամագնիսական դաշտեր» թեմայով սեմինար, որը կներկայացնի Միջուկային ֆիզիկայի ազգային ինստիտուտի (Իտալիա) պրոֆեսոր Սուլտան Դաբագովը

Ս.թ. ապրիլի 1-ին, ժամը 12:00-ին ՀՀ ԳԱԱ Նախագահության նիստերի դահլիճում տեղի կունենա «Մագնիսաչափությունը՝ միջուկային սպին-բևեռացված 14N-ով ադամանդում NV-կենտրոնների հիման վրա» թեմայով սեմինար, որը կներկայացնի Լատվիայի համալսարանի պրոֆեսոր Մարցիս Աուզինշը

ՀՀ ԳԱԱ Շիրակի հայագիտական հետազոտությունների կենտրոնը սկսում է «Գիտական աշխատություններ» պարբերականի 2024թ.1 (27) հատորի հոդվածների ընդունումը: Առաջնահերթությունը տրվում է անգլերեն և ռուսերեն լեզուներով հոդվածներին: Հոդվածների ընդունման վերջնաժամկետն է՝ 2024թ. մարտի 1-ը

Международный инновационный центр нанотехнологий СНГ (МИЦНТ СНГ) при поддержке Межгосударственного фонда гуманитарного сотрудничества государств - участников СНГ (МФГС) и Объединенного института ядерных исследований объявляет о проведении конкурса на соискание грантов на разработку проектов в рамках деятельности МИЦНТ СНГ в 2024 году и очередной Стажировки молодых ученых и специалистов стран СНГ в Дубне в апреле - мае 2024года

ՀՀ գիտության և տեխնիկայի զարգացման 2020-2024թթ. գերակայության ՀՀ կառավարության որոշման նախագիծ

Հրապարակումներ մամուլում
15/04/2024

Ֆինանսական փոխհատուցում կտրամադրվի գիտական աշխատանքների հրատարակության համար․ նոր կարգ
escs.am
12/04/2024

Մեկնարկել է «Երկակի նշանակության գիտական նախագծեր 2024» մրցույթը
escs.am
12/04/2024

Նոր կարգ՝ ուղղված արշավախմբերի կազմակերպանը, գիտական գործուղման ճանապարհածախսի փոխհատուցմանը
hesc.am
11/04/2024

Արցախի՝ աղվանական ներկայացվող կոթողները որևէ կապ չունեն աղվանների և կովկասյան բնիկ հանրույթների հետ․ Monument Watch
news.am
Կայքը հաճախել են
6 956 620

անգամ սկսած 01.01.2005թ.
National Academy of Sciences of the Republic of Armenia
ՀՀ ԳԱԱ պատկերանիշ (սև, կապույտ)
Ճիշտ տառատեսակի արտապատկերման համար ներբեռնեք և տեղադրեք Arian AMU.ttf
Դեպի վեր Կայքը վերջին անգամ թարմացվել է՝  20:07, 23/04/2024 Դեպի վեր
Գլխավոր էջ - Ակադեմիայի մասին - Բաժանմունքներ - Կազմակերպություններ - Անդամներ - Կապ մեզ հետ - Կառուցվածք - COVID-19
Նախագահության անդամներ - Փաստաթղթեր - Ինովացիոն առաջարկներ - Հրատարակություններ - Հիմնադրամներ - Գիտաժողովներ - Մրցույթներ
Լուսանկարներ - Տեսադարան - Վեբ ռեսուրսներ - Այլ ակադեմիաներ - «Գիտություն» թերթ - «Գիտության աշխարհում» հանդես - Հրապարակումներ մամուլում
Ազդեր - Հոբելյաններ - Համալսարաններ - Նորություններ - Գիտական արդյունքներ - Սփյուռքի բաժինը ներկայացնում է - Երիտասարդ գիտնականի ամբիոն
Մեր երախտավորները - Հայտարարություններ - Լինդաու քաղաքում Նոբելյան մրցանակի դափնեկրի հետ հանդիպում - Կայքի քարտեզ
© Copyright 1998-2024 Բոլոր հեղինակային իրավունքները պաշտպանված են:
Կայքը պատրաստված է և սպասարկվում է Հայաստանի ակադեմիական գիտահետազոտական կոմպյուտերային ցանցի կողմից (ASNET-AM):
Հարցերի կամ առաջարկությունների համար կարող եք ուղարկել նամակ webmaster {[ at ]} sci.am էլեկտրոնային փոստին: