National Academy of Sciences of the Republic of Armenia
ՀԱՅ  ENG  РУС
Home academy [@] sci.am
Գլխավոր էջ Ակադեմիայի մասին Կազմակերպություններ Անդամներ Կապ մեզ հետ
«Գիտություն» թերթ
N326 Հունվար 2019թ.
N326
Կառուցվածք
Բաժանմունքներ
Նախագահության անդամներ
Փաստաթղթեր
Ինովացիոն առաջարկներ
Նորություններ
Գիտաժողովներ
Բոլոր հրապարակումները մամուլում
Բոլոր հայտարարությունները
Լուսանկարներ
Տեսադարան
«Գիտություն» թերթ
Հիմնադրամներ
Հոբելյաններ
Հրատարակություններ
Վեբ ռեսուրսներ
Այլ ակադեմիաներ
Համալսարաններ
Լինդաույում Նոբելյան մրցանակի դափնեկրի հետ հանդիպում
Կայքի քարտեզ
Նորություններ
06/07/2018
Ակադեմիկոս Յուրի Ալեքսանյանի ծննդյան 80-ամյակը

   Հուլիսի 9-ին լրանում է ՀՀ ԳԱԱ ակադեմիկոս, բժշկական գիտությունների դոկտոր, պրոֆեսոր Յուրի Թադևոսի Ալեքսանյանի ծննդյան 80-ամյակը և նրա գիտա-մանկավարժական և հասարակական գործունեության 55-ամյակը: 
   Ակադեմիկոսը ծնվել է Ստեփանավանում և 1961թ.-ին, ավարտելով Երևանի պետական բժշկական ինստիտուտը՝ որպես բժիշկ աշխատել է իր ծննդավայրում: 1963թ.-ին Յու.Ալեքսանյանն ընդունվել է ասպիրանտուրա նույն ինստիտուտում, ինչպես նաև կրթություն է ստացել Մոսկվայի Փորձարարական կենսաբանության ինստիտուտում: 1967թ.-ին Յու.Ալեքսանյանը պաշտպանել է իր ատենախոսությունը, որը նվիրված էր միաշերտ կուլտուրաներում քաղցկեղային բջիջների իմունային հատկությունների ուսումնասիրմանը: 1968-1985թթ.-ին Յու.Ալեքսանյանը գլխավորել է Հայաստանի Փորձարարական կենսաբանության ինստիտուտի (ներկայիս ՀՀ ԳԱԱ Մոլեկուլային կենսաբանության ինստիտուտի) մոլեկուլա-բջջային իմունոլոգիայի լաբորատորիան: 1985թ.-ին պաշտպանել է դոկտորական ատենախոսություն Մոսկվայի Իմունոլոգիայի ինստիտուտում՝ «Քաղցկեղային բջիջների իմունոլոգիան երկարատև կուլտիվացման և հիբրիդացմանմ ժամանակ» թեմայով:

20180706_body.jpg
   1986 թ.-ից ի վեր Յու. Ալեքսանյանը ղեկավարել է ՀՀ ԱՆ Ա.Բ.Ալեքսանյանի անվան համաճարակաբանության, վիրուսաբանության և բժշկական մակաբուծաբանության ԳՀԻ-ում իրականացվող Հայաստանում տարածված մի շարք հիվանդությունների համաճարակաբանությանը, էկոլոգիային, կանխարգելմանը և ախտորոշմանը նվիրված աշխատանքները (1986-2006 թթ.՝ որպես ինստիտուտի տնօրեն, 2007-2017թթ.՝ որպես ինստիտուտի գիտական խորհրդատու): 2018թ.-ից Յու.Ալեքսանյանը հանդիսանում է ՀՀ ԱՆ Հիվանդությունների վերահսկման և կանխարգելման ազգային կենտրոնի գիտական խորհրդատու:

   Ակադեմիկոս Յու. Ալեքսանյանի ղեկավարությամբ իրականացված աշխատանքները մեծ կարևորություն ունեն ժամանականից բժշկության և առողջապահության համար: Մեծ արժեք ունեն նրա՝ մարդու կուլտիվացված լիմֆոցիտների իմունային պատասխանի ձևավորման մոլեկուլա-բջջային մեխանիզմների ուսումնասիրությունները: 1986թ.-ին Յու. Ալեքսանյանն ընտրվում է թղթակից անդամ, իսկ 1996թ.-ին՝ ՀՀ ԳԱԱ ակադեմիկոս: 1993թ.-ին նրան շնորհվել է պրոֆեսորի կոչում:
   Յու.Ալեքսանյանը հանդիսանում է 518 գիտական աշխատանքների հեղինակ, այդ թվում՝ 5 մենագրության, և նրա ղեկավարությամբ պաշտպանվել են 17 թեկնածուական և 4 դոկտորական աշխատանքներ:
   Երկար տարիներ Յու.Ալեքսանյանը զբաղվում է ոչ միայն գիտական և գիտա-կազմակերպական, այլ նաև մանկավարժական գործունեությամբ: Իր մանկավարժական գործունեությունը նա ծավալել է Երևանի Պետական Համալսարանում, Երևանի բժշկական ինստիտուտում, Առողջապահության ազգային ինստիտուտում, ինչպես նաև Ռուս-հայկական (Սլավոնական) համալսարանում:
   Յու.Ալեքսանյանը «Հայաստանի բժշկագիտություն» հանդեսի գլխավոր խմբագիրն է, մի շարք խմբագրական և ատենախոսությունների պաշտպանության մասնագիտական խորհուրդների անդամ է:
   2000թ.-ին Յու. Ալեքսանյանն ընտրվեց Ռուսաստանի բնական գիտությունների ակադեմիայի և Էկոլոգիայի ու կենսագործունեության անվտանգության Միջազգային ակադեմիայի, իսկ 2003թ.-ին՝ «Արարատ» Միջազգային ակադեմիայի իսկական անդամ: 2007թ.-ին Էկոլոգիայի և կենսագործունեության անվտանգության Միջազգային ակադեմիայի կողմից նրան է շնորհվել «Գիտության վաստակավոր գործիչ» կոչումը և «Գիտնականի Աստղ»  շքանշանը:
   ՀՀ ԳԱԱ նախագահությունը և բնական գիտությունների բաժանմունքը շնորհավորում են Յուրի Ալեքսանյանի հոբելյանը, ցանկանալով նրան առողջություն, երջանկություն և նորանոր հաջողություններ:

Վերջին հայտարարություններ
Հրապարակումներ մամուլում
13/02/2019
Կփորձեմ ջանքերս ներդնել գիտության նկատմամբ հարգանքն ու գնահատանքը բարձրացնելու համար. Նիկոլ Փաշինյանը պարգևատրել է Վ. Համբարձումյանի անվան միջազգային մրցանակի արժանացած գիտնականներին
primeminister.am
13/02/2019
Նիկոլ Փաշինյանը պարգևատրել է Վ. Համբարձումյանի անվան միջազգային մրցանակի արժանացած գիտնականներին
hetq.am
13/02/2019
Երևանում 300 հազար դոլար հանձնվեց երեք աստղաֆիզիկոսների
shantnews.am
13/02/2019
Միջազգային գիտական մրցանակները հանձնեց Նիկոլ Փաշինյանը
news.1tv.am
13/02/2019
Աստղագիտության մեջ Հայաստանը մեծ երկիր է. մրցնակակիր գիտնական
panorama.am
11/02/2019
Կյանքից հեռացավ ականավոր բանագետ Սարգիս Հարությունյանը
shoghakat.am
Կայքը հաճախել են
1 684 634

անգամ սկսած 01.01.2005թ.
National Academy of Sciences of the Republic of Armenia
ՀՀ ԳԱԱ լոգոտիպ (սև, կապույտ)
Դեպի վեր Կայքը վերջին անգամ թարմացվել է՝  15:55, 18/02/2019 Դեպի վեր
Գլխավոր էջ - Ակադեմիայի մասին - Կազմակերպություններ - Անդամներ - Կապ մեզ հետ - Կառուցվածք - Բաժանմունքներ
Նախագահության անդամներ - Փաստաթղթեր - Ինովացիոն առաջարկներ - Նորություններ - Գիտաժողովներ - Բոլոր հրապարակումները մամուլում
Բոլոր հայտարարությունները - Լուսանկարներ - Տեսադարան - «Գիտություն» թերթ - Հիմնադրամներ - Հոբելյաններ
Հրատարակություններ - Վեբ ռեսուրսներ - Այլ ակադեմիաներ - Համալսարաններ
Լինդաույում Նոբելյան մրցանակի դափնեկրի հետ հանդիպում - Կայքի քարտեզ
© Copyright 1998-2019, Բոլոր հեղինակային իրավունքները պաշտպանված են:
Կայքը պատրաստված է և սպասարկվում է Հայաստանի ակադեմիական գիտահետազոտական կոմպյուտերային ցանցի կողմից (ASNET-AM):
Հարցերի կամ առաջարկությունների համար կարող եք ուղարկել նամակ webmaster {[ at ]} sci.am էլեկտրոնային փոստին: