National Academy of Sciences of the Republic of Armenia
ՀԱՅ  ENG  РУС
Home academy [@] sci.am
Գլխավոր էջ Ակադեմիայի մասին Կազմակերպություններ Անդամներ Կապ մեզ հետ
«Գիտություն» թերթ
N319 Հունիս 2018թ.
N319
Կառուցվածք
Բաժանմունքներ
Նախագահության անդամներ
Փաստաթղթեր
Նորություններ
Գիտաժողովներ
Բոլոր հրապարակումները մամուլում
Բոլոր հայտարարությունները
Լուսանկարներ
«Գիտություն» թերթ
Հիմնադրամներ
Հոբելյաններ
Հրատարակություններ
Վեբ ռեսուրսներ
Այլ ակադեմիաներ
Համալսարաններ
Լինդաույում Նոբելյան մրցանակի դափնեկրի հետ հանդիպում
Կայքի քարտեզ
Նորություններ
13/11/2017
ՀՀ ԳԱԱ-ում մեկնարկեց «Մերձավոր Արևելքի աստղագիտական ժառանգությունը» միջազգային գիտաժողովը

   Նոյեմբերի 13-ին ՀՀ ԳԱԱ-ում մեկնարկեց «Մերձավոր Արևելքի աստղագիտական ժառանգությունը» միջազգային գիտաժողովը` նվիրված հնագույն քաղաքակրթությունների օրրանի` Մերձավոր Արևելքի աստղագիտական ժառանգությանը, որի մասն է կազմում Հայաստանը: Գիտաժողովի նպատակն է մեկտեղել աստղագետների, պատմաբանների, հնագետների, գրականագետների, լեզվաբանների, հումանիտար ոլորտի այլ մասնագետների և համատեղ քննարկումների միջոցով մշակել միջճյուղային գիտությունների, մասնավորապես պատմաաստղագիտության և մշակութային աստղագիտության հիմնահարցերը և հիմք նախապատրաստել հետագա հնարավոր համագործակցության համար:
   Գիտաժողովին մասնակցում են գիտնականներ աշխարհի 19 երկրներից` ԱՄՆ-ից, Ֆրանսիայից, Իսպանիայից, Իտալիայից, Իրանից,  Չինաստանից, Իսրայելից, Հնդկաստանից, Հորդանանից, Վրաստանից, Թուրքիայից, Էկվադորից, Գերմանիայից, Եգիպտոսից, Ճապոնիայից,   Ռումինիայից, Նեպալից, Չեխիայից, Հայաստանից:
Գիտաժողովի զեկուցումները նվիրված են հետևյալ թեմաներին` Աստղագիտական ժառանգությունը ապագայի համար, Աստղագիտական ժառանգությունը գիտության համար, Աստղագիտական ժառանգությունը գրականության և մշակույթի մեջ, Աստղագիտական ժառանգությունը «Լեզվի» մեջ:

20171113_1_body.jpg
   Գիտաժողովի բացման արարաողությանը մասնակցեցին ՀՀ ԳԱԱ նախագահ ակադեմիկոս Ռադիկ Մարտիրոսյանը, ՀՀ արտաքին գործերի նախարարի տեղակալ Աշոտ Հովակիմյանը, Միջազգային աստղագիտական միության գլխավոր քարտուղար Պիերո Բենվենուտին,  Հայաստանում Իտալիայի արտակարգ և լիազոր դեսպան Ջովաննի Ռիչուլլին, Հայաստանում Ղազախստանի արտակարգ և լիազոր դեսպան Թիմուր Ուրազաևը, ՀՀ ԳԱԱ Վիկտոր Համբարձումյանի անվան Բյուրականի աստղադիտարանի տնօրեն Արեգ Միքայելյանը, ՀՀ ԳԱԱ նախագահության անդամներ, պատվավոր հյուրեր:
   Միջոցառման ժամանակ ՀՀ ԳԱԱ նախագահ ակադեմիկոս Ռադիկ Մարտիրոսյանը պարգևատրվեց Միջազգային անվտանգության ասպետաց ակադեմիայի «Տիգրան Մեծ» շքանշանով` Հայաստանի գիտական արժեքների պահպանման ու գիտության զարգացմանը մեծապես նպաստելու համար:

20171113_2_body.jpg 
   Միջազգային անվտանգության ասպետաց ակադեմիայի «Տիգրան Մեծ» շքանշանով պարգևատրվեցին նաև` ՀՀ ԳԱԱ Վիկտոր Համբարձումյանի անվան Բյուրականի աստղադիտարանի տնօրեն Արեգ Միքայելյանը` Հայաստանի աստղագիտական արժեքների պահպանմանը, ժամանակակից աստղագիտության զարգացմանը և այլ գիտությունների և մշակույթի հետ աստղագիտության համագործակցությանը մեծապես նպաստելու համար,  Աշխարհի Հայ Նկարիչների Միության համանախագահ Անահիտ Մխիթարյանը`  Հայոց պատմությունը մշակույթի միջոցով հանրայնացնելու, պատմական գիտահանրամատչելի պատկերագրքեր հրատարակելու և փորձությունների միջով դեպի աստղեր ցուցահանդեսի կազմակերպման համար: Հայ քրիստոնեական և ժողովրդական արժեքների պահպանման և կերպարվեստի միջոցով տարածման համար Աշխարհի Հայ Նկարիչների Միության համանախագահ Ղազար Միրզոյանը պարգևատրվեց Միջազգային անվտանգության ասպետաց ակադեմիայի «Վարդան Մամիկոնյան» մեդալով:
Գիտաժողովն իր աշխատանքները կշարունակի մինչև նոյեմբերի 17-ը:
   Գիտաժողովը կազմակերպել են` ՀՀ Գիտությունների ազգային ակադեմիան, Հայկական աստղագիտական ընկերությունը, ՀՀ ԳԱԱ Վիկտոր Համբարձումյանի անվան Բյուրականի աստղադիտարանը և Միջազգային աստղագիտական միության Հարավ-արևմտյան ու Կենտրոնական Ասիայի տարածաշրջանային աստղագիտական կենտրոնը: 

   ՀՀ ԳԱԱ Տեղեկատվական-վերլուծական ծառայություն
   13.11.2017թ.

Վերջին հայտարարություններ
2018 թ. հուլիսի 26-ին, ժամը 15:00-ին ՀՀ ԳԱԱ Լ. Օրբելու անվան ֆիզիոլոգիայի ինստիտուտի նիստերի դահլիճում (Երևան, Օրբելի եղբայրների 22, 1-ին հարկ) տեղի կունենա պրոֆ. Ստանիսլավ Եմելյանովի (ԱՄՆ) «Լույս, ձայն, նանոգործոններ. զարգացնելով վիզուալիզացիան և թերապևտիկ տեխնոլոգիաները» թեմայով դասախոսությունը: Մուտքն ազատ է

2018թ.-ի սեպտեմբերի 9-15-ը ՀՀ ԳԱԱ Մաթեմատիկայի ինստիտուտը, ՌԳԱ Վ. Ա. Ստեկլովի անվան մաթեմատիկական ինստիտուտը, Ռուս-Հայկական համալսարանը անց են կացնում Ռուս-Հայկական “7-րդ խորհրդակցություն մաթեմատիկական ֆիզիկայի, կոմպլեքս անալիզի և հարակից հարցերի գծով” միջազգային գիտաժողով նվիրված ՀՀ ԳԱԱ 75-ամյակին (Երևան, Հայաստան): Մանրամասներին կարելի է ծանոթանալ www.mathnet.ru/conf1298 կայքում

2018թ.-ի սեպտեմբերի 16-22-ը ՀՀ ԳԱԱ Մաթեմատիկայի ինստիտուտը,Երևանի պետական համալսարանը անց են կացնում Ալեքսանդր Թալալյանի 90-ամյակին նվիրված «Հարմոնիկ անալիզ և մոտավորություններ, VII » միջազգային գիտաժողով (Ծաղկաձոր, Հայաստան): Մանրամասներին կարելի է ծանոթանալ http://mathconf.sci.am/haa2018 կայքում

ՀՀ ԳԱԱ Լ.Օրբելու անվան ֆիզիոլոգիայի ինստիտուտը ս.թ. սեպտեմբերի 22-26-ը Երևանում կազմակերպում է «Կենդանական, բուսական և մանրէաբանական թույների հետազոտական և կլինիկական ասպեկտները» խորագրով Թունաբանության միջազգային միության եվրոպական բաժանմունքի 19-րդ կոնգրեսը

2018թ. սեպտեմբերի 25-ից 29-ը ՀՀ ԳԱԱ Ա.Բ. Նալբանդյանի անվ. քիմիական ֆիզիկայի ինստիտուտը ք. Երևանում կազմակերպում է «Քիմիական ֆիզիկայի արդի խնդիրները» V միջազգային գիտաժողով

2018թ.-ի հոկտեմբերի 1-6-ը ՀՀ ԳԱԱ Մեխանիկայի ինստիտուտը, ՀՀ կիրառական և տեսական մեխանիկայի ազգային կոմիտեն, Ռուսաստանի գիտությունների ակադեմիայի Ա.Յու. Իշլինսկու անվան մեխանիկայի պրոբլեմների ինստիտուտը, Գորիսի պետական համալսարանը, Արցախի պետական համալսարանը, Հայաստանի ազգային պոլիտեխնիկական համալսարանը, Ճարտարապետության և շինարարության Հայաստանի ազգային համալսարանը, անց են կացնում "Դեֆորմացվող միջավայրերի փոխազդեցության պրոբլեմները" 9-րդ միջազգային գիտաժողով (Գորիս, Հայաստան): Մանրամասներին կարելի է ծանոթանալ http://www.mechins.sci.am կայքում

ՀՀ ԳԱԱ Փիլիսոփայության, սոցիոլոգիայի և իրավունքի ինստիտուտը 2018 թ. նոյեմբերի 14-ին կազմակերպում է «Հումանիտար և հասարակական գիտությունները ակադեմիական համակարգում» թեմայով գիտաժողով` նվիրված ՀՀ ԳԱԱ 75-ամյակին

ՀՀ ԳԱԱ Փիլիսոփայության, սոցիոլոգիայի և իրավունքի ինստիտուտը 2018 թ. նոյեմբերի 15-ին կազմակերպում է գիտաժողով նվիրված UNESCO-ի հռչակած փիլիսոփայության միջազգային օրվան

ՀՀ 2018 թ. պետական բյուջեից ֆինանսավորման երաշխավորված գիտական միջոցառումների ցանկ

ՀՀ 2018 թ. պետական բյուջեից ֆինանսավորման երաշխավորված երիտասարդ գիտնականների դպրոցների ցանկ

Հրապարակումներ մամուլում
26/07/2018
Ակադեմիան խանութ չէ, որ այսօր բացես, վաղը՝ փակես. Ռադիկ Մարտիրոսյանը՝ նախարար Հարությունյանի հայտարարության մասին
haydzayn.am
28/06/2018
Երբեք չհնացող արժեքներ
hhpress.am
28/06/2018
Մեկնարկել է Մատենադարանի հիմնադիր տնօրեն Լեւոն Խաչիկյանի 100-ամյակին նվիրված գիտաժողովը
aravot.am
27/06/2018
НАН: Планы И Надежды
golosarmenii.am
26/06/2018
Էրդողանը ստացավ թուրք ընտրողների մանդատը նոր Թուրքիա կառուցելու համար. Ռուբեն Սաֆրաստյան
ankakh.com
25/06/2018
Развитая Наука - Развитая Страна
golosarmenii.am
Կայքը հաճախել են
1 551 680

անգամ սկսած 01.01.2005թ.
National Academy of Sciences of the Republic of Armenia
ՀՀ ԳԱԱ լոգոտիպ (սև, կապույտ)
Դեպի վեր Կայքը վերջին անգամ թարմացվել է՝  20:46, 16/08/2018 Դեպի վեր
Գլխավոր էջ - Ակադեմիայի մասին - Կազմակերպություններ - Անդամներ - Կապ մեզ հետ - Կառուցվածք - Բաժանմունքներ
Նախագահության անդամներ - Փաստաթղթեր - Նորություններ - Գիտաժողովներ - Բոլոր հրապարակումները մամուլում
Բոլոր հայտարարությունները - Լուսանկարներ - «Գիտություն» թերթ - Հիմնադրամներ - Հոբելյաններ - Հրատարակություններ
Վեբ ռեսուրսներ - Այլ ակադեմիաներ - Համալսարաններ
Լինդաույում Նոբելյան մրցանակի դափնեկրի հետ հանդիպում - Կայքի քարտեզ
© Copyright 1998-2018, Բոլոր հեղինակային իրավունքները պաշտպանված են:
Կայքը պատրաստված է և սպասարկվում է Հայաստանի ակադեմիական գիտահետազոտական կոմպյուտերային ցանցի կողմից (ASNET-AM)
Հարցերի կամ առաջարկությունների համար կարող եք գրել webmaster {[ at ]} sci.am էլեկտրոնային փոստին: