Ստեղծագործությունները վերաբերում են Հայաստանի պատմական անցյալի, մարդկային հարաբերությունների և մասնավոր սեփականության հետ կապված երևույթների, հեղափոխության առաջացրած տեղաշարժերի, մարդու էության տարբեր կողմերի գեղարվեստական պատկերմանը: Հեղինակ է գրականագիտական, պատմագիտական, արվեստաբանական մի շարք հոդվածների:

Ավարտել է Ժնևի համալսարանը (1910), ակադ. (1953):

Աշխատել է Արդահանի օդերևութաբանական կայանում (1897-1899), մասնակցել Վերնատուն գրական ընկերության աշխատանքներին (1899–1903): Դասավանդել է Թիֆլիսի հայ օրիորդաց Մարիամյան-Հովնանյան ուսումնարանում (1910–1911) և Հայարտանը կից դրամատիկական ստուդիայում (1923): ՀԽՍՀ գիտության և արվեստի ին-տի գեղարվեստական մասնաճյուղի գիտքարտուղար (1925–1928), հայ աշխատավորական ԳՄ նախագահ (1927–1929):

ԽՍՀՄ ԳՄ անդամ (1934):

Պարգևատրվել է Լենինի և Աշխատանքային կարմիր դրոշի (2) շքանշաններով:

ՀԽՍՀ արվեստի վաստակավոր գործիչ (1940): Դ.Դեմիրճյանի անունով են կոչվում Երևանի թիվ 27, Ախալքալաքի թիվ 4 միջնակարգ դպրոցները: Երևանում գործում է նրա տուն-թանգարանը (1977): Նրա անունով սահմանվել է Հայաստանի ԳՄ ամենամյա գրական մրցանակ (1980):