News
20/05/2017
Մեկնարկում է «Տեր-մանրէ փոխազդեցությունների մոլեկուլային և բջջային հիմունքներ-2017» խորագրով երիտասարդ գիտնականների վեցերորդ միջազգային դպրոցը

    ՀՀ ԳԱԱ Մոլեկուլային կենսաբանության ինստիտուտը մայիսի 22-26-ին անցկացնում է «Տեր-մանրէ փոխազդեցությունների մոլեկուլային և բջջային հիմունքներ-2017» խորագրով երիտասարդ գիտնականների վեցերորդ միջազգային դպրոցը:

    Դպրոցի հիմնական նպատակն է համախմբել մանրէների և տիրոջ օրգանիզմի փոխազդեցություններով զբաղվող երիտասարդ գիտնականներին՝ հնարավորություն ընձեռելով քննարկել սեփական հետազոտությունների արդյունքները հանրաճանաչ գիտնականների հետ, ստանալ նոր գիտելիքներ նշված բնագավառում և ստեղծել համագործակցության նոր ուղիներ:

    Դասախոսություններով հանդես կգան` պրոֆեսոր Բանա Ջաբրին (Չիկագոյի համալսարան, ԱՄՆ), պրոֆեսոր Դիանա Բարբերը (Կալիֆորնիայի համալսարան, ԱՄՆ), պրոֆեսոր Ալեքս Հաջնալը (Ցյուրիխի համալսարան, Շվեյցարիա) և դոկտր Հայկ Էսկանդարյանը (Դաշնային ճարտարագիտական դպրոց, Շվեյցարիա): Վեցերորդ դպրոցում ներկայացվելու են առողջ և հիվանդ պայմաններում աղիքային մանրէների դերի վերաբերյալ նորագույն նվաճումները և մոտեցումները:

    Դպրոցին մասնակցելու են ավելի քան 50 երիտասարդ գիտնականներ հայաստանյան և արտերկրյա գիտական կենտրոններից:

    Հնգօրյա դպրոցն անցկացվում է Երիտասարդ գիտնականների աջակցության ծրագրի և ՀՀ ԿԳՆ Գիտության պետական կոմիտեի աջակցությամբ:

   Դպրոցի բացումը տեղի կունենա մայիսի 22-ին` ժամը 10:00-ին, ՀՀ ԳԱԱ Մոլեկուլային կենսաբանության ինստիտուտի դահլիճում (ք. Երևան, 0014, Հասրաթյան 7, 2-րդ հարկ):


20.05.2017թ.
ՀՀ ԳԱԱ Տեղեկատվական-վերլուծական ծառայություն



Website last updated on:  10:09, 19/10/2021

General Page - About Academy - Divisions - Organisations - Members - Contact us - COVID-19 - Structure - Presidium Members
Documents - Innovation Proposals - News - Scientific Results - Diaspora Department presents - Young Scientist Tribune - Conferences - Publications in Press - Announcements - Photogallery -
"Gitutyun" newspaper - "In the World of Science" Journal - Funds - Anniversaries - Publications - Web Resources -
Other Academies Universities - Lindau - Sitemap - Search