Հայաստանի Հանրապետության գիտությունների ազգային ակադեմիայի նախագահությունը հայտարարում է ՀՀ ԳԱԱ ասոցացված անդամների և արտասահմանյան անդամների 2026 թվականի ընտրության մրցույթ՝ Հայաստանի Հանրապետության կառավարության 2026 թվականի հունիսի 18-ի N 870-Ն որոշմամբ հաստատված ՀՀ ԳԱԱ կանոնադրության և ՀՀ կրթության, գիտության, մշակույթի և սպորտի նախարարի կողմից հաստատված «ՀՀ ԳԱԱ անդամների 2026 թվականի ընտրության մրցույթի կազմակերպման կարգի» համաձայն։

Մրցույթն անցկացվում է ՀՀ ԳԱԱ նախագահության կողմից հաստատված մասնագիտությունների գծով թափուր տեղերի ցանկին համապատասխան։

Թեկնածուների առաջադրումը

Ասոցացված անդամի թեկնածու կարող են առաջադրել համապատասխան գիտական ոլորտի ՀՀ ԳԱԱ իսկական և թղթակից անդամները, ինչպես նաև Հայաստանի Հանրապետության գիտական կազմակերպություններն ու բարձրագույն ուսումնական հաստատությունները՝ մրցույթի կազմակերպման կարգով սահմանված պահանջներին համապատասխան։

Արտասահմանյան անդամի թեկնածուներն առաջադրվում են ՀՀ ԳԱԱ գիտական բաժանմունքների կողմից՝ մրցույթի կազմակերպման կարգով սահմանված ընթացակարգին համապատասխան։

Փաստաթղթերի ներկայացումը

Թեկնածուների ներկայացվող փաստաթղթերը, գիտական գործունեության նկատմամբ սահմանված չափանիշները, գնահատման կարգը, ընտրության փուլերը և ժամկետները սահմանված են կից հրապարակվող «ՀՀ ԳԱԱ անդամների 2026 թվականի ընտրության մրցույթի կազմակերպման կարգում»։

ՀՀ ԳԱԱ անդամների 2026 թվականի ընտրության մրցույթի կազմակերպման կարգով նախատեսված՝ ասոցացված անդամի թեկնածուի առաջադրման փաստաթղթերի փաթեթին լրացուցիչ կցվում են՝

• թեկնածուի կոնտակտային տվյալները (հեռախոսահամարը և էլեկտրոնային փոստի հասցեն),
• անձնագրի կամ նույնականացման քարտի պատճենը,
• մեկ գունավոր լուսանկար (3×4 սմ),
• բարձրագույն կրթությունը հավաստող դիպլոմի (դիպլոմների) պատճենը,
• գիտական աստիճանը և (կամ) գիտական կոչումը հավաստող փաստաթղթի (փաստաթղթերի) պատճենը։

Փաստաթղթերը ներկայացվում են թղթային և էլեկտրոնային եղանակով։

Թղթային եղանակով ներկայացնելու դեպքում անձնագիրը կամ նույնականացման քարտը, բարձրագույն կրթությունը հավաստող դիպլոմը (դիպլոմները), ինչպես նաև գիտական աստիճանը և (կամ) գիտական կոչումը հավաստող փաստաթուղթը (փաստաթղթերը) ներկայացվում են նաև բնօրինակներով՝ ներկայացված պատճենների համապատասխանությունը ստուգելու նպատակով։ Գործին կցվում են միայն փաստաթղթերի պատճենները։

Էլեկտրոնային եղանակով ներկայացվում են փաստաթղթերի սկանավորված պատճենները։

Հայտերն ընդունվում են 2026 թվականի հուլիսի 8-ից մինչև օգոստոսի 7-ը՝ ներառյալ։

Փաստաթղթերը ներկայացնել հետևյալ հասցեներով՝

թղթային՝ 
0019, ք. Երևան, Մարշալ Բաղրամյան պողոտա 24, 
սենյակներ 45 և 50,

էլեկտրոնային՝
էլ. փոստ՝ elections2026@sci.am

Մրցույթի վերաբերյալ լրացուցիչ տեղեկատվություն և խորհրդատվություն կարելի է ստանալ կապի հետևյալ միջոցներով՝

Հեռախոսներ՝ (010) 516085, (010) 524461, (094) 213238, (099) 774900

Էլեկտրոնային փոստ՝ elections2026@sci.am

Կից հրապարակվում են

1. «ՀՀ ԳԱԱ անդամների 2026 թվականի ընտրության մրցույթի կազմակերպման կարգը»։
2. Ասոցացված անդամների ընտրության թափուր տեղերի ցանկն ըստ մասնագիտությունների։