ՀՀ գիտությունների ազգային ակադեմիա
ՀԱՅ  ENG  РУС
Home academy [@] sci.am Facebook Page
Գլխավոր էջ Ակադեմիայի մասին Բաժանմունքներ Կազմակերպություններ Անդամներ Կապ մեզ հետ
Վարդան Գրեգորյան
դոկտոր, պրոֆեսոր
COVID-19
Կառուցվածք
Նախագահության անդամներ
Փաստաթղթեր
Ինովացիոն առաջարկներ
Հրատարակություններ
Հիմնադրամներ
Գիտաժողովներ
Մրցույթներ
Լուսանկարներ
Տեսադարան
Վեբ ռեսուրսներ
Այլ ակադեմիաներ
«Գիտություն» թերթ
«Գիտության աշխարհում» հանդես
Հրապարակումներ մամուլում
Ազդեր
Հոբելյաններ
Համալսարաններ
Նորություններ
Գիտական արդյունքներ
Սփյուռքի բաժինը ներկայացնում է
Երիտասարդ գիտնականի ամբիոն
Մեր երախտավորները
Հայտարարություններ
Լինդաու քաղաքում Նոբելյան մրցանակի դափնեկրի հետ հանդիպում
Կայքի քարտեզ
Երիտասարդ գիտնականի ամբիոն
Տաթևիկ Ալոյան

ԵԳԱԾ-ի «Գիտական հոդվածների տպագրության համար երիտասարդ գիտնականներին խրախուսման մրցույթի» շահառու

«Երիտասարդ գիտնականների աջակցության ծրագրի» շրջանակներում իրականացվող «Գիտական հոդվածների տպագրության համար երիտասարդ գիտնականներին խրախուսման» մրցույթի շահառուներից է Հայաստանի ազգային ագրարային համալսարանի Ագրոկենսատեխնոլոգիայի գիտական կենտրոնի գիտաշխատող Տաթևիկ Ալոյանը։

Նա շահառու է ճանաչվել «Scimago Journal & Country Ranking (SJR)»-ում ամսագրերի դասակարգման ավելի բարձր քառորդում առաջին անգամ տպագրության համար։ Տաթևիկ Ալոյանը ներկայացրել է  «Distribution of Biodiversity of Wild Beet Species (Genus Beta L.) in Armenia under Ongoing Climate Change Conditions» («Ճակնդեղի (Beta L. ցեղ) վայրի տեսակների կենսաբազմազանության տարածվածությունը Հայաստանում կլիմայի շարունակական փոփոխության պայմաններում») հոդվածը։ Այն տպագրվել է «Multidisciplinary Digital Publishing Institute (MDPI)» hրատարակչի «Plants» ամսագրում:

Հոդվածի համահեղինակներն են ՀԱԱՀ Ագրոկենսատոխնոլոգիայի գիտական կենտրոնի տնօրեն Անդրեաս Մելիքյանը, Նորվեգիայի Արկտիկական համալսարանի (UiT) պրոֆեսոր Լաուրա Յակոլան,  գիտաշխատողներ Աննա Ավետիսյանը, Մարգարիտա Հարությունյանը և Ամալյա Իսկանդարյանը: Հետազոտությունները կատարվել են Նորվեգիայի Արկտիկական համալսարանի Կլիմայական հետազոտությունների լաբորատորիայում:

Տաթևիկ Ալոյանը հեղինակ է 16 գիտական հոդվածի և 1 սորտի ստացման արտոնագրի: Հոդվածներից 4-ը տպագրվել են «Scopus» գիտատեղեկատվական շտեմարանի ամսագրերում:

 Ո՞րն է Ձեր աշխատանքի գիտական նորույթը ու արդիականությունը:

- Առաջին անգամ ուսումնասիրվել է ճակնդեղի վայրի տեսակների հայաստանյան բազմազանությունը մոլեկուլային մակարդակով։ Արդյունքում հայտնաբերվել է նոր տեսակ, որը, հավանաբար, բնության մեջ առաջացած բնական հիբրիդ է: Այս ուղղությամբ հետազոտությունները շարունակվում են:

Հայաստանի բուսական պաշարների հարուստ գենոֆոնդը հնագույն ժամանակներից օգտագործվել է մշակաբույսերի ստեղծման համար: Շատ կարևոր են նրանց պահպանումը և արդյունավետ օգտագործումը: Ցավոք սրտի, կլիմայի փոփոխության, մթնոլորտային օդի աղտոտվածության պատճառով մշակովի շատ բույսերի վայրի ազգակիցների տարածման արեալները խիստ կրճատվել են: Այդ առումով կարևոր են սելեկցիոն տեսակետից արժեքավոր բույսերի վայրի ազգակիցների ուսումնասիրությունները։

Ձեր ստացած ո՞ր գիտական արդյունքն եք համարում ամենակարևորը և ինչո՞ւ:

- Կարծում եմ՝ դա կլինի իմ թեկնածուական ատենախոսական աշխատանքը, որն իրականացրել եմ գյուղատնտեսական գիտությունների դոկտոր պրոֆեսոր Անդրեաս Մելիքյանի ղեկավարությամբ և մինչև տարեվերջ կներկայացնեմ հրապարակային պաշտպանության: Աշխատանքիս թեման է «Հայաստանում տարածված ճակնդեղի (Beta L.) վայրի տեսակների և պոպուլյացիոն սորտերի գենետիկական բնութագիրը որպես սելեկցիոն ելանյութ»։ Նպատակն է Հայաստանում տարածված, էվոլյուցիոն զարգացման ընթացքում ձևավորված ճակնդեղի 3 վայրի տեսակների և սեղանի, շաքարի ու կերի ճակնդեղների 11 պոպուլյացիոն սորտերի մորֆո-կենսաբանական և ֆիլոգենետիկական առանձնահատկությունների պարզաբանումը, սպիտակուցային և ԴՆԹ մարկերների հայտնաբերումը, արժեքավոր տեսակների, պոպուլյացիաների առանձնացումը։ Դա կարող է արժեքավոր ելանյութ հանդիսանալ սելեկցիայի համար՝ բարձրարդյունավետ սորտեր ստեղծելու ճանապարհին:

Ի՞նչ դժվարություններ կան երիտասարդ գիտնականների համար Հայաստանում։

- Մինչև վերջին տարիները երիտասարդ գիտնականի հիմնական խնդիրը ցածր վարձատրությունն էր: Շատ քիչ մասնագետներ էին զբաղվում գիտությամբ: Այժմ պետության քաղաքականության փոփոխությունները և գիտնականի դերի բարձրացումը խթանում են երիտասարդների ներգրավումը գիտության մեջ: Պետությունը աջակցություն ցուցաբերում է երիտասարդ գիտնականներին տարբեր մրցույթների և ծրագրերի տեսքով: Կարծում եմ՝ կարելի է որոշ շտկումներ մտցնել մրցույթների պայմաններում, որպեսզի ավելի շատ մասնագետներ կարողանան մասնակցել դրանց:

Բացի մասնագիտականից, ի՞նչ հմտություններ կարող են մրցակցային առավելություն տալ երիտասարդ գիտնականին Ձեր ոլորտում: 

- Երբեք չպետք է բավարարվել իմացածով, միշտ պետք է քայլել ժամանակին համահունչ և անընդհատ սովորել։ Պետք է լինել ճկուն, մի քիչ էլ խենթ միտք ունենալ, քանի որ գիտությունը ստեղծագործություն է: Ժամանակակից գիտնականը պետք է կարողանա մեկ քայլ առաջ նայել և կատարել այնպիսի հետազոտություններ, որոնց արդյունքներն ապագայում խթան կհանդիսանան։  

Ի՞նչ նախադրյալներ ունենք Հայաստանում հետթեկնածուական կարգավիճակի (PostDoc) համակարգի ներդրման համար և ի՞նչ ակնկալիքներ ունեք:

- PostDoc համակարգի ներդրումը Հայաստանում կարևոր և անհրաժեշտ է: Այն կնպաստի փորձի փոխանակմանը, գիտական ներուժի զարգացմանը, մասնագիտական առաջընթացին: 

Հայաստանում գիտության զարգացման համար ի՞նչ դերակատարում ունեն «Գիտուժ»-ը և այլ գիտական նախաձեռնությունները: 

- Ողջունելի է գիտական նախաձեռնությունների գործունեությունը։ «Գիտուժ»-ի ձեռքբերումներից եմ համարում գիտության հանրայնացումը, գիտնականների նկատմամբ ուշադրության ավելացումը, աշխատավարձերի բարձրացման, գիտական թեմաների ֆինանսավորման հարցերի քննարկումն ու առաջ մղումը։

Ի՞նչ նախասիրություններ ունեք։ 

- Սիրում եմ քայլել, երաժշտություն լսել, ընկերներիս հետ ժամանակ անցկացնել, նաև կարդալ։ Արկածային և դրամատիկ գրքեր եմ սիրում, սակայն վերջին շրջանում ժամանակի սղության պատճառով հիմնականում մասնագիտական գրականություն եմ կարդում։

Կբնութագրեք Ձեզ մեկ նախադասությամբ:

- Մարդ, ով փորձում է գտնել դրականը բոլոր հարցերում։

Ո՞րն է Ձեր գիտական երազանքը։

- Հասնել այնպիսի գիտական արդյունքի, որի շնորհիվ կկարողանամ համաշխարհային հայտնիություն բերել մեր երկրին:

Ի՞նչ կարգախոսով եք առաջնորդվում:

- Չընկճվել դժվարություններից, միշտ նայել առաջ:

Մոնիկա Երիցյան


Ազդեր








ՀՀ ԳԱԱ ՖՀԻ-ը IPR Armenia Optica Student Chapter-ի հետ միասին հայտարարում են «Լույսը լուսանկարչի աչքերով» խորագրով ֆոտոմրցույթ՝ նվիրված Լույսի միջազգային օրվան: Մրցույթին գրացման վերջնաժամկետն է՝ ս.թ. մայիսի 1-ը

Ս.թ. ապրիլի 10-ին ժ. 15:00-ին ՀՀ ԳԱԱ նիստերի դահլիճում (Բաղրամյան պող., 24) տեղի կունենա սեմինարների շարքի երրորդ հանդիպումը՝ «Հավաքում ենք փաթիլ. ատոմներից դեպի մոլեկուլ և բյուրեղ» խորագրով: Որպես մոդերատոր հանդես կգա անվանի քիմիկոս, SKOLKOVO-ի գիտության և տեխնոլոգիաների ինստիտուտի պրոֆեսոր Արտեմ Օհանովը

Ս.թ. ապրիլի 5-ին, ժամը 12:00-ին ՀՀ ԳԱԱ Նախագահության նիստերի դահլիճում տեղի կունենա «Կանալացման նորագույն տեխնոլոգիաներ։ Չեզոք և լիցքավորված փնջեր ուղղորդող հզոր արտաքին էլեկտրամագնիսական դաշտեր» թեմայով սեմինար, որը կներկայացնի Միջուկային ֆիզիկայի ազգային ինստիտուտի (Իտալիա) պրոֆեսոր Սուլտան Դաբագովը

Ս.թ. ապրիլի 1-ին, ժամը 12:00-ին ՀՀ ԳԱԱ Նախագահության նիստերի դահլիճում տեղի կունենա «Մագնիսաչափությունը՝ միջուկային սպին-բևեռացված 14N-ով ադամանդում NV-կենտրոնների հիման վրա» թեմայով սեմինար, որը կներկայացնի Լատվիայի համալսարանի պրոֆեսոր Մարցիս Աուզինշը

ՀՀ ԳԱԱ Շիրակի հայագիտական հետազոտությունների կենտրոնը սկսում է «Գիտական աշխատություններ» պարբերականի 2024թ.1 (27) հատորի հոդվածների ընդունումը: Առաջնահերթությունը տրվում է անգլերեն և ռուսերեն լեզուներով հոդվածներին: Հոդվածների ընդունման վերջնաժամկետն է՝ 2024թ. մարտի 1-ը

Международный инновационный центр нанотехнологий СНГ (МИЦНТ СНГ) при поддержке Межгосударственного фонда гуманитарного сотрудничества государств - участников СНГ (МФГС) и Объединенного института ядерных исследований объявляет о проведении конкурса на соискание грантов на разработку проектов в рамках деятельности МИЦНТ СНГ в 2024 году и очередной Стажировки молодых ученых и специалистов стран СНГ в Дубне в апреле - мае 2024года

ՀՀ գիտության և տեխնիկայի զարգացման 2020-2024թթ. գերակայության ՀՀ կառավարության որոշման նախագիծ

Հրապարակումներ մամուլում
12/04/2024

Մեկնարկել է «Երկակի նշանակության գիտական նախագծեր 2024» մրցույթը
escs.am
12/04/2024

Նոր կարգ՝ ուղղված արշավախմբերի կազմակերպանը, գիտական գործուղման ճանապարհածախսի փոխհատուցմանը
hesc.am
11/04/2024

Արցախի՝ աղվանական ներկայացվող կոթողները որևէ կապ չունեն աղվանների և կովկասյան բնիկ հանրույթների հետ․ Monument Watch
news.am
09/04/2024

Ակադեմիական, քաղաքական եւ դիվանագիտական պայքարները պետք է միասին ընթանան. Գիտնական
aravot.am
Կայքը հաճախել են
6 948 906

անգամ սկսած 01.01.2005թ.
National Academy of Sciences of the Republic of Armenia
ՀՀ ԳԱԱ պատկերանիշ (սև, կապույտ)
Ճիշտ տառատեսակի արտապատկերման համար ներբեռնեք և տեղադրեք Arian AMU.ttf
Դեպի վեր Կայքը վերջին անգամ թարմացվել է՝  18:05, 12/04/2024 Դեպի վեր
Գլխավոր էջ - Ակադեմիայի մասին - Բաժանմունքներ - Կազմակերպություններ - Անդամներ - Կապ մեզ հետ - Կառուցվածք - COVID-19
Նախագահության անդամներ - Փաստաթղթեր - Ինովացիոն առաջարկներ - Հրատարակություններ - Հիմնադրամներ - Գիտաժողովներ - Մրցույթներ
Լուսանկարներ - Տեսադարան - Վեբ ռեսուրսներ - Այլ ակադեմիաներ - «Գիտություն» թերթ - «Գիտության աշխարհում» հանդես - Հրապարակումներ մամուլում
Ազդեր - Հոբելյաններ - Համալսարաններ - Նորություններ - Գիտական արդյունքներ - Սփյուռքի բաժինը ներկայացնում է - Երիտասարդ գիտնականի ամբիոն
Մեր երախտավորները - Հայտարարություններ - Լինդաու քաղաքում Նոբելյան մրցանակի դափնեկրի հետ հանդիպում - Կայքի քարտեզ
© Copyright 1998-2024 Բոլոր հեղինակային իրավունքները պաշտպանված են:
Կայքը պատրաստված է և սպասարկվում է Հայաստանի ակադեմիական գիտահետազոտական կոմպյուտերային ցանցի կողմից (ASNET-AM):
Հարցերի կամ առաջարկությունների համար կարող եք ուղարկել նամակ webmaster {[ at ]} sci.am էլեկտրոնային փոստին: