ՀՀ գիտությունների ազգային ակադեմիա
ՀԱՅ  ENG  РУС
Home academy [@] sci.am Facebook Page
Գլխավոր էջ Ակադեմիայի մասին Բաժանմունքներ Կազմակերպություններ Անդամներ Կապ մեզ հետ
Երվանդ Զորյան
դոկտոր, պրոֆեսոր
COVID-19
Կառուցվածք
Նախագահության անդամներ
Փաստաթղթեր
Ինովացիոն առաջարկներ
Հրատարակություններ
Հիմնադրամներ
Գիտաժողովներ
Մրցույթներ
Լուսանկարներ
Տեսադարան
Վեբ ռեսուրսներ
Այլ ակադեմիաներ
«Գիտություն» թերթ
«Գիտության աշխարհում» հանդես
Հրապարակումներ մամուլում
Ազդեր
Հոբելյաններ
Համալսարաններ
Նորություններ
Գիտական արդյունքներ
Սփյուռքի բաժինը ներկայացնում է
Երիտասարդ գիտնականի ամբիոն
Մեր երախտավորները
Հայտարարություններ
Լինդաու քաղաքում Նոբելյան մրցանակի դափնեկրի հետ հանդիպում
Կայքի քարտեզ
Երիտասարդ գիտնականի ամբիոն
Հովհաննես Հայրապետյան

«Հայաստանում գիտությանը ուշադրություն է պետք»

   ՀՀ գիտությունների ազգային ակադեմիայի Նազարովի անվան երկրաֆիզիկայի և ինժեներային սեյսմաբանության ինստիտուտի գիտաշխատող Հովհաննես Հայրապետյան. «Գիտատեխնիկական առաջընթաց, համարձակություն, աշխատասիրություն, փոխադարձ հարգանք, մրցակցություն. այս մոտեցմամբ է հնարավոր հասնել նոր նվաճումների և ձեռքբերումների»:

   Հովհաննես Հայրապետյանը 28 տարեկան է, մասնագիտությամբ՝ ճարտարագետ-կոնստրուկտոր: Ավարտել է Երևանի պետական համալսարանին առընթեր Շահինյանի անվան Ֆիզմաթ հատուկ դպրոցը: Այնուհետև սովորել է Երևանի ճարտարապետության և շինարարության պետական համալսարանի շենքերի նախագծման բաժնում: Ներկայում ՀՀ ԳԱԱ Նազարովի անվան երկրաֆիզիկայի և ինժեներային սեյսմաբանության ինստիտուտի գիտաշխատող է: Գործունեության հիմնական ուղղությունը հասարակական նշանակության շենքերի, հիդրոտեխնիկական կառույցների սեյսմազինվածության բարձրացման և կառուցման նախագծերի մշակումն է: «Մեր ինստիտուտում իրականացրել ենք Հայաստանում տարբեր կոնստրուկտիվ համակարգերի թվով 15 շենքերի դինամիկ բնութագրերի հետազոտությունները, որի արդյունքների հիման վրա թեկնածուական ատենախոսություն եմ պաշտպանել», - ասում է երիտասարդ գիտնականը:
   Հովհաննես Հայրապետյանը վերապատրաստվել է Ռուսաստանում՝ Դուբնայի Միջուկային հետազոտությունների միացյալ ինստիտուտում: «Մասնակցել եմ սեմինարներին, այցելել եմ լաբորատորիաներ, արտադրամասեր, տեղեկացել եմ, թե ինչպիսի գիտատեխնիկական նվաճումներ և նորարարություններ կան: Արդյունքում ինձ մոտ հետաքրքրասիրությունը գիտության հանդեպ ավելի է մեծացել, նոր մտքեր և գաղափարներ են ի հայտ եկել, ինչը օգնեց ինձ ավելի արդյունավետ իրականացնել հետազոտություններս», - ասում է Հովհաննես Հայրապետյանը:

   Որպես կարևոր գիտական արդյունք նա նշում է. «Շենքերի միկրոսեյսմերի գրանցումներից ստացված տվյալների վերլուծությունների արդյունքները ցույց տվեցին, որ շարժական սեյսմիկ կայանի միջոցով հնարավորություն է ստեղծվում հետազոտել շենքի փաստացի վիճակը, որոշել դինամիկ բնութագրերը և պարբերաբար հետևել այդ բնութագրերի փոփոխությանը, բացահայտել շենքի խոցելի կետերը։ Այս հետազոտությունները թույլ կտան արագորեն իրականացնել շենքերի գործիքային հետազննություն, կազմել անձնագրավորում և վերլուծության արդյունքում եզրահանգումներ կատարել, թե ինչպիսի միջոցառումներ են հարկավոր շենքի սեյսմակայունության բարձրացման կամ ապահով շահագործման համար»։ 
   Անդրադառնալով իր ոլորտում առկա խնդիրներին՝ Հովհաննեսը նշում է. «Սեյսմակայուն շինարարության և կառուցվածքների սեյսմակայունության ոլորտում գիտահետազոտական աշխատանքի հրապարակումից հետո կա խնդիր, որ կարևոր գիտական արդյունքները չմնան թղթի վրա: Օրինակ, կառաջարկեի պետական ծրագրերում ներառել գիտահետազոտական եզրակացություն, որն անդրադառնում է վերականգնվող շենքերի փաստացի վիճակին և դինամիկ պարամետրերին»:

   Գիտության աջակցության մասին

   Հովհաննես Հայրապետյանը վստահ է՝ միայն գիտնականի ձգտումով, հայտնագործություններ անելու ցանկությամբ գիտությունը զարգանալ չի կարող. «Հայաստանում գիտությանը ուշադրություն է պետք: Բացի գիտնականի անհատական հատկանիշներից, համապատասխան աջակցություն և ֆինանսավորում է պետք գիտության ոլորտում: Գիտական լաբորատորիաները պետք է հագեցած լինեն անհրաժեշտ սարքավորումներով, որպեսզի հնարավոր լինի իրականացնել հետազոտություններ և փաստացի արդյունքներ ստանալ։ Եթե հնարավորություն չկա արտասահմանյան թանկարժեք սարքավորումներ գնելու, ապա տեղական արտադրանք ստեղծել, որի միջոցով հնարավոր կլինի լուծել գիտատեխնիկական խնդիրները» - ասում է երիտասարդ գիտնականը:
   Ըստ նրա՝ խնդիր է նաև, որ գիտական հայտնագործությունները մնում են լաբորատորիայի ներսում, պատշաճ կերպով չեն ներկայացվում միջազգային հանրությանը: «Դժվար է գտնել ներդրողներ, ովքեր գիտական պրոդուկտի արտադրություն կձեռնարկեն։ Այստեղ նաև իրենց դերը պետք է ունենան գիտահանրամատչելի հաղորդումները, որոնք պետք է ներկայացնեն գիտության նվաճումները»:
   Կարևորելով կիրառական գիտության զարգացումը՝ Հովհաննես Հայրապետյանը նշում է. «Հայաստանում կիրառական գիտության զարգացման համար անհրաժեշտ են ներդրողներ և որակյալ մասնագետներ, ովքեր վարժ տիրապետում են մաթեմատիկական անալիզին, ֆիզիկային և կարողանում են այդ ոլորտները համադրելով` լուծել գիտական խնդիրներ կամ անել հայտնագործություններ, որոնք գիտական նորույթ կպարունակեն և կլինեն կիրառելի սպառման տեսանկյունից»։

   PostDoc-ի մասին

   «Գիտությունների թեկնածու դառնալը ցանկալի է, որ լինի ոչ թե վերջնանպատակ, այլ միջանկյալ գործընթաց, քանի որ դրանով դեռ նոր պետք է սկսվեն գիտության մեջ նվաճումները։ Կարևոր է, որպեսզի գիտության ոլորտում լինեն միջին տարիքի գիտաշխատողներ, իսկ Հայաստանում գիտաշխատողների մեծ մասը երիտասարդ և տարեց մարդիկ են», - ասում է Հովհաննես Հայրապետյանը։

   «Գիտուժ»-ի մասին

   ««Գիտուժ»-ը  հետաքրքիր և օգտակար նախաձեռնություն է, որը Հայաստանում գիտության և գիտաշխատողների վերաբերյալ տվյալներ է վերլուծում և լուծումներ առաջարկում՝ պետության դերը գիտության ոլորտում բարձրացնելու համար։ Այն լավ հարթակ է հայ գիտնականներին համախմբելու համար, ովքեր ունեն տարբեր ծրագրեր գիտության զարգացման վերաբերյալ և կարող են համագործակցել», - ասում է Հովհաննես Հայրապետյանը։

    Մոնիկա Երիցյան 


Ազդեր








Սույն թվականի փետրվարի 21-ին Հր. Աճառյանի անվան լեզվի ինստիտուտը սիրով հրավիրում է մասնակցելու «Հայոց լեզվի ուսումնասիրության և ուսուցման արդի խնդիրներ» խորագրով միջազգային գիտաժողովին: Գիտաժողովը տեղի կունենա Լեզվի ինստիտուտում

Ս.թ. փետրվարի 23-ին ժ. 15:00-ին ՀՀ ԳԱԱ նիստերի դահլիճում (Բաղրամյան պող., 24) տեղի կունենա «Չընդհատված ծածկագիր. հայեր» գիտական ֆիլմի ցուցադրությունը և քննարկումը

ՀՀ ԳԱԱ Շիրակի հայագիտական հետազոտությունների կենտրոնը սկսում է «Գիտական աշխատություններ» պարբերականի 2024թ.1 (27) հատորի հոդվածների ընդունումը: Առաջնահերթությունը տրվում է անգլերեն և ռուսերեն լեզուներով հոդվածներին: Հոդվածների ընդունման վերջնաժամկետն է՝ 2024թ. մարտի 1-ը

Международный инновационный центр нанотехнологий СНГ (МИЦНТ СНГ) при поддержке Межгосударственного фонда гуманитарного сотрудничества государств - участников СНГ (МФГС) и Объединенного института ядерных исследований объявляет о проведении конкурса на соискание грантов на разработку проектов в рамках деятельности МИЦНТ СНГ в 2024 году и очередной Стажировки молодых ученых и специалистов стран СНГ в Дубне в апреле - мае 2024года

2024թ․ մարտի 28-30-ը ՀՀ գիտությունների ազգային ակադեմիան և Երևանի պետական համալսարանը անցկացնելու են «Հայաստանը որպես քաղաքակրթական խաչմերուկ․ պատմամշակութային առնչություններ» թեմայով միջազգային գիտաժողով

ՀՀ գիտության և տեխնիկայի զարգացման 2020-2024թթ. գերակայության ՀՀ կառավարության որոշման նախագիծ

Հրապարակումներ մամուլում
20/02/2024

«Գիտուժի» ներկայացուցիչների հետ քննարկվել են գիտահետազոտական ոլորտում պետական պատվերների ձևակերպման հարցեր
1lurer.am
19/02/2024

Երբ գիտության մեջ ես, շարժման մեջ ես. Լուսինե Համբարյան
ankakh.com
19/02/2024

Սևանի ձկնային պաշարները վտանգված են. իշխանի 2 տեսակ արհեստական պայմաններում է բազմացվում
1lurer.am
16/02/2024

Հայաստանը ես եմ. Նարինե Հայրապետյան
1tv.am
Կայքը հաճախել են
6 848 154

անգամ սկսած 01.01.2005թ.
National Academy of Sciences of the Republic of Armenia
ՀՀ ԳԱԱ պատկերանիշ (սև, կապույտ)
Ճիշտ տառատեսակի արտապատկերման համար ներբեռնեք և տեղադրեք Arian AMU.ttf
Դեպի վեր Կայքը վերջին անգամ թարմացվել է՝  17:17, 20/02/2024 Դեպի վեր
Գլխավոր էջ - Ակադեմիայի մասին - Բաժանմունքներ - Կազմակերպություններ - Անդամներ - Կապ մեզ հետ - Կառուցվածք - COVID-19
Նախագահության անդամներ - Փաստաթղթեր - Ինովացիոն առաջարկներ - Հրատարակություններ - Հիմնադրամներ - Գիտաժողովներ - Մրցույթներ
Լուսանկարներ - Տեսադարան - Վեբ ռեսուրսներ - Այլ ակադեմիաներ - «Գիտություն» թերթ - «Գիտության աշխարհում» հանդես - Հրապարակումներ մամուլում
Ազդեր - Հոբելյաններ - Համալսարաններ - Նորություններ - Գիտական արդյունքներ - Սփյուռքի բաժինը ներկայացնում է - Երիտասարդ գիտնականի ամբիոն
Մեր երախտավորները - Հայտարարություններ - Լինդաու քաղաքում Նոբելյան մրցանակի դափնեկրի հետ հանդիպում - Կայքի քարտեզ
© Copyright 1998-2024 Բոլոր հեղինակային իրավունքները պաշտպանված են:
Կայքը պատրաստված է և սպասարկվում է Հայաստանի ակադեմիական գիտահետազոտական կոմպյուտերային ցանցի կողմից (ASNET-AM):
Հարցերի կամ առաջարկությունների համար կարող եք ուղարկել նամակ webmaster {[ at ]} sci.am էլեկտրոնային փոստին: