ՀՀ գիտությունների ազգային ակադեմիա
ՀԱՅ  ENG  РУС
Home academy [@] sci.am Facebook Page
Գլխավոր էջ Ակադեմիայի մասին Բաժանմունքներ Կազմակերպություններ Անդամներ Կապ մեզ հետ
Երվանդ Զորյան
դոկտոր, պրոֆեսոր
COVID-19
Կառուցվածք
Նախագահության անդամներ
Փաստաթղթեր
Ինովացիոն առաջարկներ
Հրատարակություններ
Հիմնադրամներ
Գիտաժողովներ
Մրցույթներ
Լուսանկարներ
Տեսադարան
Վեբ ռեսուրսներ
Այլ ակադեմիաներ
«Գիտություն» թերթ
«Գիտության աշխարհում» հանդես
Հրապարակումներ մամուլում
Ազդեր
Հոբելյաններ
Համալսարաններ
Նորություններ
Գիտական արդյունքներ
Սփյուռքի բաժինը ներկայացնում է
Երիտասարդ գիտնականի ամբիոն
Մեր երախտավորները
Հայտարարություններ
Լինդաու քաղաքում Նոբելյան մրցանակի դափնեկրի հետ հանդիպում
Կայքի քարտեզ
Երիտասարդ գիտնականի ամբիոն
Նոնա Մովսիսյան

ԵԳԱԾ-ի «Գիտական հոդվածների տպագրության համար երիտասարդ գիտնականներին խրախուսման մրցույթի» շահառու

ՀՀ Գիտությունների ազգային ակադեմիայի Էկոլոգանոոսֆերային հետազոտությունների կենտրոնի գիտաշխատող Նոնա Մովսիսյանը «Երիտասարդ գիտնականների աջակցության ծրագրի» շրջանակներում իրականացվող «Գիտական հոդվածների տպագրության համար երիտասարդ գիտնականներին խրախուսման մրցույթի» շահառուներից է։

Նոնա Մովսիսյանի աշխատանքը բացառիկ է նրանով, որ տպագրվել է «Scimago Journal & Country Ranking (SJR)»-ում ըստ տվյալ կատեգորիայի ամսագրերի դասակարգման առաջին (Q1) քառորդի առաջին «թոփ» հինգ ամսագրերից մեկում՝ «Elsevier» հրատարակչության «Environmental Pollution» ամսագրում։ Ներկայացվել է «Multifractal features of activity concentration and stochastic risk assessment of naturally occurring and technogenic radionuclides in the soil of Yerevan, Armenia» («Երևան քաղաքի հողերում բնական և տեխնածին ռադիոնուկլիդների ակտիվության մակարդակների մուլտիֆրակտալ առանձնահատկույթունները և ստոխաստիկ ռիսկի գնահատումը») հոդվածը։

Հոդվածի համահեղինակներն են Իտալիայի Նեապոլ քաղաքի Ֆեդերիկո II-ի անվան համալսարանի գիտնականներ Անտոնիո Արուտան և Ստեֆանո Ալբանեզեն, ՀՀ ԳԱԱ Էկոլոգանոոսֆերային հետազոտությունների կենտրոնի տնօրեն Լիլիթ Սահակյանը, էկոկենտրոնի Ռադիոէկոլոգիայի բաժնի ղեկավար Օլգա Բելյաևան և Շրջակա միջավայրի երկրաքիմիայի բաժնի ղեկավար Գևորգ Տեփանոսյանը։

Ո՞րն է Ձեր աշխատանքի գիտական նորույթը, կարևորությունն ու արդիականությունը:

- Շրջակա միջավայրի հետազոտությունների նորարարությունը հաճախ պայմանավորված է միջառարկայական մոտեցմամբ։ Այս դեպքում ռադիոէկոլոգիական հետազոտության տվյալները մշակվել են երկրաքիմիական վիճակագրական վերլուծության գործիքակազմի կիրառմամբ։ Քաղաքային տարածքների բազմաֆունկցիոնալությունը, ինչը կարող է բերել բնական ռադիոակտիվ ֆոնի փոփոխմանը, պայմանավորում է ռադիոնուկլիդների տարածական բաշխվածության օրինաչափությունների և դրա հետ կապված առողջական ռիսկերի որոշման անհրաժեշտությունը։ Հետազոտության առանձնահատկությունն այն է, որ ռադիոնուկլիդների տարածական բաշխվածության համար կիրառվել են բարդ երկրաբանական համակարգում երկրաքիմիական կարգաշեղումների առանձնացման և ֆոնի որոշման համար մշակված վիճակագրական մեթոդներ՝ մուլտիֆրակտալ վերլուծության գործիքը, իրականացվել է ստոխաստիկ մոդելավորում Մոնտե Կառլո մեթոդով։

Ինչպե՞ս ընտրեցիք Ձեր մասնագիտությունը։

- Անկեղծ ասած՝ արագ որոշում էր, բայց կարևոր գործով զբաղվելու ցանկությունը բերեց նման ընտրության։ Ռադիոէկոլոգիան, և, առհասարակ, շրջակա միջավայրի գիտությունները ենթադրում են տարբեր ոլորտների համադրում՝ ապահովելով հետազոտությունների արդիականությունը։ 

Ձեր ստացած ո՞ր գիտական արդյունքն եք համարում ամենակարևորը և ինչո՞ւ:

- Բնականաբար, բոլոր արդյունքները կարևոր են։ Յուրաքանչյուր աշխատանքին ժամանակ է հատկացվում, ջանք է գործադրվում։ Կարող եմ առանձնացնել ասպիրանտական աշխատանքի թեման՝ «Արագած լեռնազանգվածի տարածքում ռադիոէկոլոգիական մոնիթորինգ», որի շրջանակներում հետաքրքիր արդյունքներ ենք ստացել ռադիոնուկլիդների միգրացիայի և տարածաբաշխման առանձնահատկությունների վերաբերյալ։ 

Քանի՞ հրապարակում ունեք:

- 16 հոդվածներում համահեղինակ եմ, որոնցից 8-ը՝ «Scopus» գիտատեղեկատվական շտեմարանի ամսագրերում։ 

Ի՞նչ դժվարությունների հետ է բախվում երիտասարդ գիտնականը Հայաստանում և ի՞նչ է պետք, որպեսզի երիտասարդը զբաղվի գիտությամբ: 

- Դժվարություններ, ըստ իս, բոլոր բնագավառներում կան, բայց եթե ցանկությունը մեծ է, խոչընդոտները հաղթահարվում են։ Պետք է կենտրոնանալ ոչ թե դժվարությունների, այլ այն հնարավորությունների վրա, որոնք առկա են երիտասարդ գիտնականների համար, որոնցից մեկն էլ ԵԳԱԾ-ի կազմակերպած մրցույթներն են։ 

Ըստ Ձեզ՝ ինչպիսի՞ն պետք է լինի ժամանակակից գիտնականը։

- Արագ կողմնորոշվող։

Հայաստանում գիտության զարգացման համար ի՞նչ դերակատարում ունեն «Գիտուժ»-ը և այլ գիտական նախաձեռնությունները: 

- Հայաստանում գիտության զարգացմանն ուղղված ցանկացած քայլ ողջունելի է։

Ի՞նչ նախասիրություններ ունեք։ 

- Զբաղվում եմ սպորտով, արշավներով, մարտարվեստով, ճանապարհորդելով։ 

Ի՞նչ գրքեր եք կարդում: 

- Հիմնականում կարդում եմ մասնագիտական գրականություն։

Մոնիկա Երիցյան


Ազդեր








Սույն թվականի մարտի 6-ին ժամը 15.00-ին ՀՀ ԳԱԱ նիստերի դահլիճում (Բաղրամյան պող., 24) տեղի կունենա Նովա Գորիցայի համալսարանի (Սլովենիա, ԵՄ) դոցենտ Արտեմ Բադասյանի «Ջրում սպիտակուցների կոնֆորմացիաների տեսական և փորձառական հարցեր» թեմայով գիտական զեկուցումը

ՀՀ ԳԱԱ Շիրակի հայագիտական հետազոտությունների կենտրոնը սկսում է «Գիտական աշխատություններ» պարբերականի 2024թ.1 (27) հատորի հոդվածների ընդունումը: Առաջնահերթությունը տրվում է անգլերեն և ռուսերեն լեզուներով հոդվածներին: Հոդվածների ընդունման վերջնաժամկետն է՝ 2024թ. մարտի 1-ը

Международный инновационный центр нанотехнологий СНГ (МИЦНТ СНГ) при поддержке Межгосударственного фонда гуманитарного сотрудничества государств - участников СНГ (МФГС) и Объединенного института ядерных исследований объявляет о проведении конкурса на соискание грантов на разработку проектов в рамках деятельности МИЦНТ СНГ в 2024 году и очередной Стажировки молодых ученых и специалистов стран СНГ в Дубне в апреле - мае 2024года

2024թ․ մարտի 28-30-ը ՀՀ գիտությունների ազգային ակադեմիան և Երևանի պետական համալսարանը անցկացնելու են «Հայաստանը որպես քաղաքակրթական խաչմերուկ․ պատմամշակութային առնչություններ» թեմայով միջազգային գիտաժողով

ՀՀ գիտության և տեխնիկայի զարգացման 2020-2024թթ. գերակայության ՀՀ կառավարության որոշման նախագիծ

Հրապարակումներ մամուլում
28/02/2024

Բելգիայում տեղի կունենա Մարի Սկլոդովսկա-Կյուրի գործողություններ ծրագրի վարպետության դաս
hesc.am
27/02/2024

Հովակիմ Զաքարյան. Կառավարությունն իրավունք չունի մեր հարկերով ձևավորվող բյուջեից միլիարդներ ծախսել մեգանախագծերի վրա
panorama.am
27/02/2024

STEM ոլորտում կանանց հնարավորությունների ընդլայնում. Բրիտանական խորհրդի կրթաթոշակային ծրագիրը
hesc.am
27/02/2024

Գիտարբուք Արսեն Առաքելյանի հետ․ Մոլեկուլային կենսաբանությունն ու հիվանդությունները
infocom.am
Կայքը հաճախել են
6 860 883

անգամ սկսած 01.01.2005թ.
National Academy of Sciences of the Republic of Armenia
ՀՀ ԳԱԱ պատկերանիշ (սև, կապույտ)
Ճիշտ տառատեսակի արտապատկերման համար ներբեռնեք և տեղադրեք Arian AMU.ttf
Դեպի վեր Կայքը վերջին անգամ թարմացվել է՝  16:19, 04/03/2024 Դեպի վեր
Գլխավոր էջ - Ակադեմիայի մասին - Բաժանմունքներ - Կազմակերպություններ - Անդամներ - Կապ մեզ հետ - Կառուցվածք - COVID-19
Նախագահության անդամներ - Փաստաթղթեր - Ինովացիոն առաջարկներ - Հրատարակություններ - Հիմնադրամներ - Գիտաժողովներ - Մրցույթներ
Լուսանկարներ - Տեսադարան - Վեբ ռեսուրսներ - Այլ ակադեմիաներ - «Գիտություն» թերթ - «Գիտության աշխարհում» հանդես - Հրապարակումներ մամուլում
Ազդեր - Հոբելյաններ - Համալսարաններ - Նորություններ - Գիտական արդյունքներ - Սփյուռքի բաժինը ներկայացնում է - Երիտասարդ գիտնականի ամբիոն
Մեր երախտավորները - Հայտարարություններ - Լինդաու քաղաքում Նոբելյան մրցանակի դափնեկրի հետ հանդիպում - Կայքի քարտեզ
© Copyright 1998-2024 Բոլոր հեղինակային իրավունքները պաշտպանված են:
Կայքը պատրաստված է և սպասարկվում է Հայաստանի ակադեմիական գիտահետազոտական կոմպյուտերային ցանցի կողմից (ASNET-AM):
Հարցերի կամ առաջարկությունների համար կարող եք ուղարկել նամակ webmaster {[ at ]} sci.am էլեկտրոնային փոստին: