ՀՀ գիտությունների ազգային ակադեմիա
ՀԱՅ  ENG  РУС
Home academy [@] sci.am Facebook Page
Գլխավոր էջ Ակադեմիայի մասին Բաժանմունքներ Կազմակերպություններ Անդամներ Կապ մեզ հետ
Վարդան Գրեգորյան
դոկտոր, պրոֆեսոր
COVID-19
Կառուցվածք
Նախագահության անդամներ
Փաստաթղթեր
Ինովացիոն առաջարկներ
Հրատարակություններ
Հիմնադրամներ
Գիտաժողովներ
Մրցույթներ
Լուսանկարներ
Տեսադարան
Վեբ ռեսուրսներ
Այլ ակադեմիաներ
«Գիտություն» թերթ
«Գիտության աշխարհում» հանդես
Հրապարակումներ մամուլում
Ազդեր
Հոբելյաններ
Համալսարաններ
Նորություններ
Գիտական արդյունքներ
Սփյուռքի բաժինը ներկայացնում է
Երիտասարդ գիտնականի ամբիոն
Մեր երախտավորները
Հայտարարություններ
Լինդաու քաղաքում Նոբելյան մրցանակի դափնեկրի հետ հանդիպում
Կայքի քարտեզ
Երիտասարդ գիտնականի ամբիոն
Աննա Զաքոյան

ԵԳԱԾ-ի «Երիտասարդ գիտնականների վերապատրաստման ծրագրի» հաղթող

Ամփոփվել են «Երիտասարդ գիտնականների աջակցության ծրագրի» (ԵԳԱԾ) շրջանակներում իրականացվող «Երիտասարդ գիտնականների վերապատրաստման ծրագրի» մրցույթի արդյունքները: ԵԳԱԾ մասնագիտական փորձագիտական խորհրդի կողմից ընտրվել և ֆինանսավորման է երաշխավորվել 15 հայտ: ՀՀ Գիտությունների ազգային ակադեմիան ներկայացնում է հարցազրույցների շարք մրցույթի հաղթող երիտասարդ գիտնականների հետ:

Մեր զրուցակիցը ՀՀ ԳԱԱ Բունիաթյանի անվան կենսաքիմիայի ինստիտուտի և «‎Հայկենսատեխնոլոգիա»‎ գիտաարտադրական կենտրոնի գիտաշխատող Աննա Զաքոյանն է: Աննան 10 հոդվածի համահեղինակ է, որոնցից 5-ը՝ «Scopus» գիտական շտեմարանի ամսագրերում:

Զբաղվում է ուռուցքների ֆոտոդինամիկ թերապիայում կիրառվելիք նոր կոմպլեքսների ստացմամբ:

Ո՞րն է եղել Ձեր մոտիվացիան, որը ներկայացրել եք մրցույթի հայտում: Ո՞ր գիտական կենտրոնը և ի՞նչ թեմա եք ընտրել:

- Իմ մոտիվացիոն նամակի և ծրագրի հիմքում դրված էր մեր լաբորատորիայում ստացված սպիտակուց-պորֆիրին նանոկառուցվածքների ուսումնասիրությունը և դրանց հակաուռուցքային հատկությունների բարելավումը, ինչպես նաև արդի տեխնիկայով հագեցած Սարատովի գիտահետազոտական կենտրոնում ուսումնասիրություններ կատարելը: Ես կարևորում եմ այլ երկրների առաջատար գիտնականների հետ փորձի փոխանակումը, ինչը հնարավորություն է տալիս սովորել նոր մեթոդներ և կիրառել դրանք մեր երկրում: Մրցույթին ներկայացրել եմ «‎Միկրոօրգանիզմների և ուռուցքների ֆոտոդինամիկ թերապիայի համար սպիտակուց-պորֆիրին նոր կոմպլեքսներ» թեման: Ակնկալում եմ ընտրել լավագույն հատկություններ ունեցող սպիտակուց-պորֆիրին կոմպլեքսը, որի հիման վրա ստացված դեղամիջոցը հետագայում հնարավոր կլինի փորձարկել ՀՀ ուռուցքաբանական կլինիկաներում:

Հրավիրող կողմը Ռուսաստանի գիտությունների ակադեմիայի թղթակից անդամ, Օպտիկայի և բիոֆոտոնիկայի գիտակրթական ինստիտուտի տնօրեն, պրոֆեսոր Վալերի Տուչինն է: Պրոֆեսոր Տուչինին դիմած նամակում ներկայացրել էի Հայաստանում ստացած կոմպլեքսների հետագա հետազոտությունների ամբողջական ծրագիրը:

Միջազգային ո՞ր գիտական կենտրոնների հետ եք համագործակցում:

- Աշխատանքի բերումով համագործակցում եմ նաև Բելառուսի ԳԱԱ-ի Ֆիզիկայի ինստիտուտի հետ, մասնավորապես, ֆիզ.մաթ. գիտությունների դոկտոր, պրոֆեսոր Բորիս Ջագարովի, ֆիզ.մաթ. գիտությունների թեկնածու Մարինա Պարխոցի, Գերմանիայի Ֆիլիպս համալսարանի դեղագիտության և կենսադեղագիտության ամբիոնի վարիչ, պրոֆեսոր Ուդո Բակովսկու և դոկտոր Էդուարդ Պրեյսի հետ:

Ինչպե՞ս ընտրեցիք գիտության ոլորտը, ի՞նչը ոգեշնչեց Ձեզ:

- Սերը դեպի գիտություն, նոր գիտելիքներ ստանալու գայթակղությունը դրդեց զբաղվել գիտությամբ: Աշխարհում մահացության հաճախականության տեսանկյունից առաջատար դիրք է զբաղեցնում քաղցկեղը, և դրա բուժման նորագույն մոտեցումների և դեղամիջոցների մշակումն արդիական է և հեռանկարային:

Ձեր ստացած ո՞ր գիտական արդյունքն եք համարում ամենակարևորը և ինչո՞ւ:

- Հակաուռուցքային հատկություններ ունեցող սպիտակուց-պորֆիրին կոմպլեքսների ստացումը: Դրանց հիման վրա ստացված պրեպարատներն ունեն մեծ պոտենցիալ ուռուցքների ֆոտոդինամիկ թերապիայում կիրառելու համար:

Ի՞նչ նախադրյալներ ունենք Հայաստանում հետթեկնածուական կարգավիճակի (PostDoc) համակարգի ներդրման համար և ի՞նչ ակնկալիքներ ունեք:

- Ակնկալում եմ, որ Հայաստանը կունենա միջազգային ստանդարտներին համապատասխան լաբորատորիաներ և արտասահմանյան գիտնականների հետ սերտ կապեր, ինչը նախադրյալ կստեղծի հետթեկնածուական կարգավիճակի համակարգի ներդրման համար:

Հայաստանում գիտության զարգացման գործում ի՞նչ դերակատարում ունեն գիտական նախաձեռնությունները, օրինակ՝ «Գիտուժ»-ը:

- «‎Գիտուժ»-ի նպատակն է, որպեսզի պետությունն ավելացնի գիտության ոլորտի ֆինանսավորումը, երիտասարդ գիտնականների համար ստեղծվեն պայմաններ մասնագիտական զարգացման համար։ Երկրի տնտեսության, ռազմաարդյունաբերության, բժշկության և այլ կարևոր բնագավառների զարգացման համար անհրաժեշտ է ունենալ բարձրորակ և ժամանակակից գիտահետազոտական լաբորատորիաներ, համագործակցել ու ամրապնդել կապերն առաջատար արտասահմանյան գիտական կենտրոնների հետ։ Այս առումով շատ կարևոր է ավելացնել գիտության ոլորտի ֆինանսավորումը, ինչը կօգնի երիտասարդ գիտնականներին բարձրացնել որակական հատկանիշները և գիտությամբ հզորացնել մեր պետությունը։

Կբնութագրեք Ձեզ մեկ նախադասությամբ:

- Սիրում եմ բացահայտել դեռ չբացահայտվածը:

Ի՞նչ գրքեր եք կարդում, ո՞վ է Ձեր սիրելի հեղինակը:

- Մասնագիտականից բացի, կարդում եմ նաև գեղարվեստական գրականություն: Իմ սիրելի հեղինակներից են Անտուան դը Սենտ-Էքզյուպերին, Հերման Հեսսեն, Ստեֆան Ցվայգը, Րաֆֆին, Ստեփան Զորյանը:

Եթե չզբաղվեիք գիտությամբ, ինչո՞վ կզբաղվեիք:

- Կարծում եմ՝ նկարչությամբ:

Որտե՞ղ եք տեսնում Ձեզ ապագայում:

- Ապագայում ինձ տեսնում եմ հզոր, տեխնիկապես հագեցած և արդի գիտահետազոտական պաշար ունեցող մեր հայրենիքում:

Մոնիկա Երիցյան


Ազդեր








ՀՀ ԳԱԱ ՖՀԻ-ը IPR Armenia Optica Student Chapter-ի հետ միասին հայտարարում են «Լույսը լուսանկարչի աչքերով» խորագրով ֆոտոմրցույթ՝ նվիրված Լույսի միջազգային օրվան: Մրցույթին գրացման վերջնաժամկետն է՝ ս.թ. մայիսի 1-ը

Ս.թ. ապրիլի 10-ին ժ. 15:00-ին ՀՀ ԳԱԱ նիստերի դահլիճում (Բաղրամյան պող., 24) տեղի կունենա սեմինարների շարքի երրորդ հանդիպումը՝ «Հավաքում ենք փաթիլ. ատոմներից դեպի մոլեկուլ և բյուրեղ» խորագրով: Որպես մոդերատոր հանդես կգա անվանի քիմիկոս, SKOLKOVO-ի գիտության և տեխնոլոգիաների ինստիտուտի պրոֆեսոր Արտեմ Օհանովը

Ս.թ. ապրիլի 5-ին, ժամը 12:00-ին ՀՀ ԳԱԱ Նախագահության նիստերի դահլիճում տեղի կունենա «Կանալացման նորագույն տեխնոլոգիաներ։ Չեզոք և լիցքավորված փնջեր ուղղորդող հզոր արտաքին էլեկտրամագնիսական դաշտեր» թեմայով սեմինար, որը կներկայացնի Միջուկային ֆիզիկայի ազգային ինստիտուտի (Իտալիա) պրոֆեսոր Սուլտան Դաբագովը

Ս.թ. ապրիլի 1-ին, ժամը 12:00-ին ՀՀ ԳԱԱ Նախագահության նիստերի դահլիճում տեղի կունենա «Մագնիսաչափությունը՝ միջուկային սպին-բևեռացված 14N-ով ադամանդում NV-կենտրոնների հիման վրա» թեմայով սեմինար, որը կներկայացնի Լատվիայի համալսարանի պրոֆեսոր Մարցիս Աուզինշը

ՀՀ ԳԱԱ Շիրակի հայագիտական հետազոտությունների կենտրոնը սկսում է «Գիտական աշխատություններ» պարբերականի 2024թ.1 (27) հատորի հոդվածների ընդունումը: Առաջնահերթությունը տրվում է անգլերեն և ռուսերեն լեզուներով հոդվածներին: Հոդվածների ընդունման վերջնաժամկետն է՝ 2024թ. մարտի 1-ը

Международный инновационный центр нанотехнологий СНГ (МИЦНТ СНГ) при поддержке Межгосударственного фонда гуманитарного сотрудничества государств - участников СНГ (МФГС) и Объединенного института ядерных исследований объявляет о проведении конкурса на соискание грантов на разработку проектов в рамках деятельности МИЦНТ СНГ в 2024 году и очередной Стажировки молодых ученых и специалистов стран СНГ в Дубне в апреле - мае 2024года

ՀՀ գիտության և տեխնիկայի զարգացման 2020-2024թթ. գերակայության ՀՀ կառավարության որոշման նախագիծ

Հրապարակումներ մամուլում
12/04/2024

Մեկնարկել է «Երկակի նշանակության գիտական նախագծեր 2024» մրցույթը
escs.am
12/04/2024

Նոր կարգ՝ ուղղված արշավախմբերի կազմակերպանը, գիտական գործուղման ճանապարհածախսի փոխհատուցմանը
hesc.am
11/04/2024

Արցախի՝ աղվանական ներկայացվող կոթողները որևէ կապ չունեն աղվանների և կովկասյան բնիկ հանրույթների հետ․ Monument Watch
news.am
09/04/2024

Ակադեմիական, քաղաքական եւ դիվանագիտական պայքարները պետք է միասին ընթանան. Գիտնական
aravot.am
Կայքը հաճախել են
6 947 577

անգամ սկսած 01.01.2005թ.
National Academy of Sciences of the Republic of Armenia
ՀՀ ԳԱԱ պատկերանիշ (սև, կապույտ)
Ճիշտ տառատեսակի արտապատկերման համար ներբեռնեք և տեղադրեք Arian AMU.ttf
Դեպի վեր Կայքը վերջին անգամ թարմացվել է՝  18:05, 12/04/2024 Դեպի վեր
Գլխավոր էջ - Ակադեմիայի մասին - Բաժանմունքներ - Կազմակերպություններ - Անդամներ - Կապ մեզ հետ - Կառուցվածք - COVID-19
Նախագահության անդամներ - Փաստաթղթեր - Ինովացիոն առաջարկներ - Հրատարակություններ - Հիմնադրամներ - Գիտաժողովներ - Մրցույթներ
Լուսանկարներ - Տեսադարան - Վեբ ռեսուրսներ - Այլ ակադեմիաներ - «Գիտություն» թերթ - «Գիտության աշխարհում» հանդես - Հրապարակումներ մամուլում
Ազդեր - Հոբելյաններ - Համալսարաններ - Նորություններ - Գիտական արդյունքներ - Սփյուռքի բաժինը ներկայացնում է - Երիտասարդ գիտնականի ամբիոն
Մեր երախտավորները - Հայտարարություններ - Լինդաու քաղաքում Նոբելյան մրցանակի դափնեկրի հետ հանդիպում - Կայքի քարտեզ
© Copyright 1998-2024 Բոլոր հեղինակային իրավունքները պաշտպանված են:
Կայքը պատրաստված է և սպասարկվում է Հայաստանի ակադեմիական գիտահետազոտական կոմպյուտերային ցանցի կողմից (ASNET-AM):
Հարցերի կամ առաջարկությունների համար կարող եք ուղարկել նամակ webmaster {[ at ]} sci.am էլեկտրոնային փոստին: