ՀՀ գիտությունների ազգային ակադեմիա
ՀԱՅ  ENG  РУС
Home academy [@] sci.am Facebook Page
Գլխավոր էջ Ակադեմիայի մասին Բաժանմունքներ Կազմակերպություններ Անդամներ Կապ մեզ հետ
COVID-19
Կառուցվածք
Նախագահության անդամներ
Փաստաթղթեր
Ինովացիոն առաջարկներ
Հրատարակություններ
Հիմնադրամներ
Գիտաժողովներ
Մրցույթներ
Լուսանկարներ
Տեսադարան
Վեբ ռեսուրսներ
Այլ ակադեմիաներ
«Գիտություն» թերթ
«Գիտության աշխարհում» հանդես
Հրապարակումներ մամուլում
Ազդեր
Հոբելյաններ
Համալսարաններ
Նորություններ
Գիտական արդյունքներ
Սփյուռքի բաժինը ներկայացնում է
Երիտասարդ գիտնականի ամբիոն
Մեր երախտավորները
Հայտարարություններ
Լինդաու քաղաքում Նոբելյան մրցանակի դափնեկրի հետ հանդիպում
Կայքի քարտեզ
Երիտասարդ գիտնականի ամբիոն
Անուշ Հովակիմյան

«Գիտնականները պետք է գրավեն իրենց արժանի տեղը հասարակության սոցիալական սանդղակում»

ՀՀ գիտությունների ազգային ակադեմիայի Օրգանական և դեղագործական քիմիայի գիտատեխնոլոգիական կենտրոնի ավագ գիտաշխատող Անուշ Հովակիմյանի կարգախոսն է. «Ճշմարտության չափանիշը՝ փորձն է»:

Անուշ Հովակիմյանը Երևանից է, 35 տարեկան, մասնագիտությամբ՝ քիմիկոս:  Սովորել է Երևանի պետական համալսարանի քիմիայի ֆակուլտետում: 2009 թ-ից աշխատում է ՀՀ ԳԱԱ Օրգանական և դեղագործական քիմիայի գիտատեխնոլոգիական կենտրոնի Մնջոյանի անվան Նուրբ օրգանական քիմիայի ինստիտուտի «Հոգեմետ միացությունների սինթեզի» թիվ 6 լաբորատորիայում: 2013 թ-ին պաշտպանել է «Կոնդենսված  ֆուրո[2,3-b]պիրիդինների  նոր  կենսաբանորեն ակտիվ  ածանցյալների  սինթեզը  և փոխարկումները» ատենախոսական աշխատանքը, ստացել քիմիական գիտությունների թեկնածուի գիտական աստիճան: Աշխատանքն իրականացրել է քիմիական գիտությունների դոկտոր Սամվել Սիրականյանի գլխավորությամբ:

Անուշն ունի 45 գիտական հոդված, որոնք տպագրվել են արտասահմանյան մի շարք հեղինակավոր ամսագրերում (Tetrahedron; Tetrahedron Lett.; Molecules; RSC Advances; Emerging Microbes and Infections; Curr. Top. Med. Chem.; Arch. der Pharm.; Mendeleev Commun.; J. Pharm. and Pharmacol.; Annals of the Brazilian Academy of Sciences; Curr. Org. Chem.; Chem. Select; Synth. Commun.; Chem. Heterocycl. Compd.; J. Heterocycl. Chem.; Arkivoc; Pharm. Chem. J.; Russ. J. Org. Chem.) և 34 թեզիս տեղական և միջազգային գիտաժողովների թեզիսների ժողովածուներում: 
   Անուշ Հովակիմյանը 2013 թ-ին ճանաչվել է Համաշխարհային հայկական կոնգրեսի, Ռուսաստանի հայերի միության, ՀՀ Սփյուռքի նախարարության և ՀՀ ԳԱԱ կողմից հայտարարված «Լավագույն գիտական աշխատանք» մրցույթի հաղթողը «քիմիայի» բնագավառում: Իսկ 2018 թ-ին նա և Սամվել Սիրականյանը միասին արժանացել են ՀՀ նախագահի մրցանակի: Մրցույթին ներկայացվել է «Հետազոտություններ համակցված ալիցիկլո և հետերոցիկլո[c]պիրիդինների բնագավառում. քիմիական և կենսաբանական հատկությունները» վերնագրով տասներկու գիտական հոդվածների շարք` տպագրված բարձր ազդեցության գործակից ունեցող հեղինակավոր գիտական ամսագրերում:

   Գիտական համագործակցության մասին

   - Ավելի քան մեկ տասնամյակ մեր գիտական խումբը՝ Սամվել Սիրականյանի ղեկավարությամբ, համագործակցում է Սալոնիկի Արիստոտելի անվան համալսարանի պրոֆեսոր Աֆինա Գերոնիկակիի, Բոլոնիայի համալսարանի պրոֆեսոր Դոմենիկո Սպինելլիի, ռուս ակադեմիկոս Վիկտոր Կարցևի, Էրլանգեն-Նյուրնբերգի համալսարանի պրոֆեսոր Սվետլանա Ցոգոևայի, Բելգրադի Կենսաբանական հետազոտությունների ինստիտուտի պրոֆեսոր Մարինա Սոկովիչի գիտական խմբերի հետ: Նրանք Եվրոպայում հայտնի մասնագետներ են քիմիայի և կենսաբանության ոլորտներում: Այս համագործակցությունների շնորհիվ իրականացրել ենք հետազոտություններ, որոնք բարձրացրել են մեր աշխատանքի որակը: Արդյունքում, համատեղ տպագրվել է ավելի քան 30 գիտական հոդված բարձր ազդեցության գործակից ունեցող միջազգային պարբերականներում:
   Հայաստանում համագործակցում ենք ՀՀ ԳԱԱ Նուրբ օրգանական քիմիայի, Մոլեկուլային կենսաբանության ինստիտուտների հետ, Երևանի պետական համալսարանի և Հայկական պետական մանկավարժական համալսարանի քիմիկոսների ու կենսաբանների հետ, ունենք համատեղ տպագրված աշխատանքներ:
   Վերջերս մեր գիտական խումբը շահել է «Առաջատար հետազոտությունների աջակցության» մրցույթում, որի շրջանակներում սկսել ենք համագործակցել նաև Նուրբ օրգանական քիմիայի ինստիտուտի հակաբիոտիկների և հակաքաղցկեղային միացությունների սինթեզի լաբորատորիաների երիտասարդ քիմիկոսների հետ:

   Գիտական արդյունքների մասին

   - Մեր բնագավառում գիտնականի ամենամեծ հաջողությունը, արդյունքը նոր, ավելի արդյունավետ դեղամիջոցների ստեղծումն է: Մենք  սինթեզել ենք մի քանի միացություններ, որոնք, համապատասխան ֆինանսավորման դեպքում, ունեն դեղամիջոց դառնալու լավ նախադրյալներ: Օրինակ, սինթեզել ենք բարձր հակաթրոմբոցիտային ակտիվությամբ օժտված միացություն, որն իր ակտիվությամբ գերազանցել է ասպիրինին և պակաս թունավոր է: Սինթեզել ենք բարձր հակավիրուսային ակտիվությամբ միացություններ, որոնք հանդիսանում են արդյունավետ միջոց խոզի աֆրիկյան ժանտախտի դեմ: Սինթեզել ենք նաև միացություններ, որոնք ցուցաբերում են բարձր նեյրոտրոպ հատկություններ և հակացնցումային ակտիվությամբ գերազանցում են զարոնտին դեղամիջոցին և պակաս թունավոր են: Կան նաև հակաբակտերիալ ակտիվությամբ միացություններ: Այս բոլոր արդյունքները տպագրվել են արտասահմանյան հեղինակավոր, բարձր ազդեցության գործակից ունեցող պարբերականներում: 
   
   https://www.scopus.com/authid/detail.uri?authorId=55606936000 
   https://www.researchgate.net/profile/Anush-Hovakimyan 
   https://publons.com/researcher/1708877/anush-hovakimyan/
 
   Գիտնականի վարկանիշի մասին

   - Գիտնականի վարկանիշը բարձրացնելու համար առաջին հերթին պետք է սերմանել հանրության մեջ հարգանք գիտնականի և նրա կատարած աշխատանքի հանդեպ:  Յուրաքանչյուր մարդ պետք է գիտակցի, որ իր երկրի զարգացման հիմքը գիտությունն է, որ գիտնական դառնալը մեծ պատիվ է: Գիտնականն էլ իր հերթին պետք է կատարի միջազգային մակարդակի աշխատանք և ապացուցի, որ արժանի է դրան: Գիտնականները պետք է գրավեն իրենց արժանի տեղը հասարակության սոցիալական սանդղակում: Բարձրացնելով գիտնականի վարկանիշը՝ մենք կլուծենք մարդկային ներուժի խնդիրը, բանիմաց և խոստումնալից երիտասարդ մասնագետները ոչ թե կլքեն երկիրը կամ գիտությունը, այլ կմնան իրենց երկրում և կզարգացնեն այն: Մարդկային միտքն է զարգացման համար գլխավոր ռեսուրսը:
 
   Գիտության զարգացման առաջնահերթությունների մասին

   - Մեզ մոտ պետք է գերակա լինեն գիտարար ուղղությունները, օրինակ, դեղագործական քիմիան, համակարգչային տեխնոլոգիաները, արհեստական բանականությունը և այլն: 
   Մեր բնագավառում կիրառվող տեխնոլոգիաները քիմիա-կենսաբանական համակարգչային ծրագրերն են, որոնք էականորեն ազդում են գիտական հետազոտությունների արագացման և որակի բարձրացման վրա: Մեր հետազոտություններն էլ հարստացնում և ավելի ճշգրիտ են դարձնում նման ծրագրերը:
   Գիտության զարգացման առաջնահերթ քայլերից  է պատշաճ ֆինանսավորումը, ժամանակակից սարքավորումների, նյութերի առկայությունը: Վերջին 2-3 տարիների ընթացքում Գիտության կոմիտեի կողմից կազմակերպվել են բազմաթիվ մրցույթներ, որոնց շնորհիվ հնարավոր է եղել ձեռք բերել անհրաժեշտ ռեակտիվներ և սարքավորումներ, իսկ այս տարի պետությունը բարձրացրեց գիտաշխատողների աշխատավարձերը:
 
   ԲՈՒՀ-երի և ԳԱԱ համագործակցության մասին

   - Ինչպես կրթությունն ու գիտությունը, այնպես էլ հետազոտողն ու դասախոսը, իրար շատ մոտ լինելով հանդերձ, շատ տարբեր են և իրականացնում են տարբեր գործունեություն: Այդ համագործակցությունն ավելի իրատեսական եմ համարում փորձարարական գիտությունների ժամանակ՝ փորձարարական աշխատանքներն իրականացնել ինստիտուտներում, իսկ դասախոսությունները՝ ԲՈՒՀ-երում: Ինչ վերաբերում է PostDoc համակարգին, ապա, իմ կարծիքով, այն, միանշանակ, պետք է լինի:

   «Գիտուժ»-ի մասին

   - Ցանկացած նախաձեռնություն, որի գործունեությունն ուղղված է գիտության ոլորտի ֆինանսավորման բարձրացմանը, զարգացմանն ու հանրայնացմանը, իմ կարծիքով, արժանի է միայն գովեստի և պետք է ունենա անվերապահ աջակցություն:
 
   Գենդերային անհավասարության մասին

   - Իմ կարծիքով, գենդերային անհավասարության խնդիր մեզ մոտ չկա:  Կանայք ունեն իրենց կարևոր տեղը գիտության ոլորտում:

   Մոնիկա Երիցյան


Ազդեր








Հունիսի 24-ին, ժամը 14։00-ին, ՀՀ ԳԱԱ Հր. Բունիաթյանի անվ. կենսաքիմիայի ինստիտուտի դահլիճում տեղի կունենա ինստիտուտի կողմից կազմակերպած սեմինարների շարքի առաջին հանդիպումը

ԵՄ-բիզնեսի համար նախաձեռնության «Նորարական տուրիզմի և տեխնոլոգիաների զարգացում Հայաստանի համար» ծրագրի շրջանակներում Գերմանական միջազգային համագործակցության ընկերության և «Գիտական և նորարարական գործընկերությանն աջակցման կենտրոն» հիմնադրամի հետ համագործակցությամբ հայտարարվում է «Հորիզոն Եվրոպա» ԵՄ շրջանակային ծրագրի հայաստանյան հնարավոր մասնակիցների նախագծերի նախապատրաստման աջակցության ծրագրի մեկնարկը

Международный инновационный центр нанотехнологий СНГ (МИЦНТ СНГ) при поддержке Межгосударственного фонда гуманитарного сотрудничества государств-участников СНГ (МФГС) и Объединенного института ядерных исследований (ОИЯИ) с 19 июня по 19 июля 2022 г. проводит очередную 15-ю Стажировку молодых ученых и специалистов из стран Содружества в Дубне (Россия)

ՀՀ գիտությունների ազգային ակադեմիան, Համաշխարհային հայկական կոնգրեսը և Ռուսաստանի հայերի միությունը հայտարարում են «Լավագույն գիտական աշխատանք» մրցույթ երիտասարդ գիտնականների համար

Международный инновационный центр нанотехнологий СНГ (МИЦНТ СНГ) при поддержке Межгосударственного фонда гуманитарного сотрудничества государств - участников СНГ (МФГС) и Объединенного института ядерных исследований объявляет о проведении конкурса на соискание грантов на разработку проектов в рамках деятельности МИЦНТ СНГ в 2022 году

ՀՀ կառավարությունը հաստատել է 2022 թվականին իրականացվելիք գիտական և գիտատեխնիկական պետական նպատակային ծրագրերը

Աջակցություն պոտենցիալ հայ դիմորդներին` «Հորիզոն Եվրոպա» ծրագրի շրջանկներում նախագծերի առաջարկների մշակման համար

ՀՀ գիտության և տեխնիկայի զարգացման 2020-2024թթ. գերակայության ՀՀ կառավարության որոշման նախագիծ

Հրապարակումներ մամուլում
21/06/2022

Հայաստանից տաղանդավոր գիտնականների արտահոսքը նույնպես կապված է ցածր աշխատավարձերի հետ․ Անի Մարկոսյան
news.am
21/06/2022

Հաճույքով պատրաստ եմ համագործակցել Հայաստանից ասպիրանտների հետ. STARMUS-ի կազմակերպիչ
news.am
20/06/2022

Մենք ընտանիքում առաջին հերթին որպես հայ ենք մեծացել. Նոբելյան մրցանակակիր
1lurer.am
19/06/2022

2021 թ. գիտության ֆինանսավորման ավելացման շնորհիվ իրականացվել են նոր ծրագրեր. Վահրամ Դումանյան
1lurer.am
Կայքը հաճախել են
6 186 766

անգամ սկսած 01.01.2005թ.
National Academy of Sciences of the Republic of Armenia
ՀՀ ԳԱԱ պատկերանիշ (սև, կապույտ)
Ճիշտ տառատեսակի արտապատկերման համար ներբեռնեք և տեղադրեք Arian AMU.ttf
Դեպի վեր Կայքը վերջին անգամ թարմացվել է՝  17:32, 24/06/2022 Դեպի վեր
Գլխավոր էջ - Ակադեմիայի մասին - Բաժանմունքներ - Կազմակերպություններ - Անդամներ - Կապ մեզ հետ - Կառուցվածք - COVID-19
Նախագահության անդամներ - Փաստաթղթեր - Ինովացիոն առաջարկներ - Հրատարակություններ - Հիմնադրամներ - Գիտաժողովներ - Մրցույթներ
Լուսանկարներ - Տեսադարան - Վեբ ռեսուրսներ - Այլ ակադեմիաներ - «Գիտություն» թերթ - «Գիտության աշխարհում» հանդես - Հրապարակումներ մամուլում
Ազդեր - Հոբելյաններ - Համալսարաններ - Նորություններ - Գիտական արդյունքներ - Սփյուռքի բաժինը ներկայացնում է - Երիտասարդ գիտնականի ամբիոն
Մեր երախտավորները - Հայտարարություններ - Լինդաու քաղաքում Նոբելյան մրցանակի դափնեկրի հետ հանդիպում - Կայքի քարտեզ
© Copyright 1998-2022 Բոլոր հեղինակային իրավունքները պաշտպանված են:
Կայքը պատրաստված է և սպասարկվում է Հայաստանի ակադեմիական գիտահետազոտական կոմպյուտերային ցանցի կողմից (ASNET-AM):
Հարցերի կամ առաջարկությունների համար կարող եք ուղարկել նամակ webmaster {[ at ]} sci.am էլեկտրոնային փոստին: