ՀՀ գիտությունների ազգային ակադեմիա
ՀԱՅ  ENG  РУС
Home academy [@] sci.am Facebook Page
Գլխավոր էջ Ակադեմիայի մասին Բաժանմունքներ Կազմակերպություններ Անդամներ Կապ մեզ հետ
Գրիգորի Գաբրիելյանց
դոկտոր, պրոֆեսոր
COVID-19
Կառուցվածք
Նախագահության անդամներ
Փաստաթղթեր
Ինովացիոն առաջարկներ
Հրատարակություններ
Հիմնադրամներ
Գիտաժողովներ
Լուսանկարներ
Տեսադարան
Վեբ ռեսուրսներ
Այլ ակադեմիաներ
«Գիտություն» թերթ
«Գիտության աշխարհում» հանդես
Հրապարակումներ մամուլում
Ազդեր
Հոբելյաններ
Համալսարաններ
Նորություններ
Գիտական արդյունքներ
Սփյուռքի բաժինը ներկայացնում է
Երիտասարդ գիտնականի ամբիոն
Մեր երախտավորները
Հայտարարություններ
Լինդաու քաղաքում Նոբելյան մրցանակի դափնեկրի հետ հանդիպում
Կայքի քարտեզ
Երիտասարդ գիտնականի ամբիոն
Բաղիշ Հարությունյան

«Ապագան կախված է գիտությունից»

    ՀՀ Գիտությունների ազգային ակադեմիայի «Հայկենսատեխնոլոգիա» գիտաարտադրական կենտրոնի գիտաշխատող Բաղիշ Հարությունյան. «Ապագան կախված է գիտությունից: Ինչքան զարգացած է այսօր գիտությունը, այդքան լավ ապագա կունենա այդ երկիրը: Հայաստանում գիտությունը մեծ հեռանկարներ ունի»:

    Բաղիշ Հարությունյանը  30 տարեկան է, ծնվել է Տավուշի մարզի Կողբ գյուղում։  Հայաստանի ազգային ագրարային համալսարանի Անասնաբուժական բժշկագիտության և անասնաբուծության ֆակուլտետն ավարտելուց հետո ընդունվել է ասպիրանտուրա ՀՀ Գիտությունների ազգային ակադեմիայի «Հայկենսատեխնոլոգիա» գիտաարտադրական կենտրոնում (գիտական ղեկավար՝ ան․գ․թ․ Վիգեն Գոգինյան): 2018թ-ին ստացել է կենսաբանական գիտությունների թեկնածուի գիտական աստիճան, հեղինակ է 10 հոդվածների և միջազգային գիտաժողովների 5 թեզիսների: Երիտասարդ գիտնականը կարևորում է միջազգային հարթակներում փորձի փոխանակումը՝ նշելով, որ այն մեծ հնարավորություններ է բացում:


Մանկական հետաքրքրությունից դեպի լուրջ գիտություն

    Բաղիշ Հարությունյանը դեռ դպրոցական տարիներից հետաքրքրված էր կենսաբանություն առարկայով: Այսօր արդեն մասնագիտությամբ մանրէաբան է, զբաղվում է ֆոտոսինթեզող միկրոօրգանիզմներով. «Կա այնպիսի միկրոօրգանիզմ, որի միջոցով այդ նյութի սինթեզն առաջին անգամ հայտնաբերել է մեր լաբորատորիան, և փորձել ենք մուտացիաների, կլոնավորման միջոցով բարձրացնել տվյալ նյութի արտադրողականությունը»: 

    2015 թ-ից մինչև այսօր Բաղիշը զբաղվում է ծիրանագույն ծծմբային և ոչ ծծմբային ֆոտոսինթեզող բակտերիաների և ցիանոբակտերիաների մեկուսացման, կենսաբանական հատկությունների ուսումնասիրման և 5-ամինալևուլինաթթվի կենսասինթեզի ուսումնասիրման  հարցերով: «5-ամինալևուլինաթթուն ունի կիրառման լայն հեռանկարներ, օժտված է ուռուցքային բջիջներում կուտակվելու ընդունակությամբ, այդ պատճառով կիրառվում է տարբեր տեղակայման չարորակ նորագոյացությունների, ինչպես նաև ոչ ուռուցքային բնույթի մաշկային հիվանդությունների ֆոտոախտորոշման և ֆոտոդինամիկ թերապիայի համար», - ասում է նա։

Միջազգային փորձը և նոր հնարավորությունները

    Բաղիշ Հարությունյանը վերապատրաստվել է Բուլղարիայի Դոբրիչ քաղաքի Միջազգային Համալսարանական Քոլեջում,  Խորվաթիայի Զագրեբի համալսարանի սննդի տեխնոլոգիայի և կենսատեխնոլոգիայի ֆակուլտետում (գիտական ղեկավար՝ պրոֆեսոր Բոժիդար Շանտեկ), այնուհետև Իտալիայի Պադովայի Համալսարանի Կենսաբանության ֆակուլտետում: Այստեղ պրոֆեսոր Էլիզաբետտա Բերգանտինոյի ղեկավարությամբ իրականացրել է «5-ամինալևուլինաթթվի ռեկոմբինանտ շտամ-արտադրիչների կառուցումը՝ Synechocystis ցիանոբակտերիայի  կիրառմամբ» համատեղ գիտահետազոտական աշխատանքը։ 


    Բաղիշը նշում է, որ կան նախադրյալներ տվյալ աշխատանքի հետագա առաջխաղացման համար, ինչպես նաև Պադովայի Համալսարանի Կեսաբանության ֆակուլտետի հետ համագործակցության:

Պադովայի Համալսարան, պրոֆեսոր Էլիզաբետտա Բերգանտինոյի հետ

Ինչպես ունենալ մրցունակ գիտություն

    Բաղիշ Հարությունյանի կարծիքով՝ գիտությունը զարգացնելու համար անհրաժեշտ է բարձրացնել գիտական կազմակերպությունների, ԲՈՒՀ-երի և արտասահմանյան գործընկերների համագործակցության մակարդակը: «Նաև անհրաժեշտ է զարգացնել  գիտական ենթակառուցվածքների և նյութատեխնիկական բազան, պարզեցնել գիտական կազմակերպությունների և  ԲՈՒՀ-երի համար գնումների գործընթացը և զգալիորեն ավելացել ֆինանսավորումը:

    Զարգացնելով ենթակառուցվածքները և նյութատեխնիկական ռեսուրսները՝ հնարավոր կլինի իրականացնել միջազգային ստանդարտներին համապատասխան բարձր որակի գիտական հետազոտություններ, և ստանալ աշխարհում մրցունակ և արժեքավոր գիտական արդյունքներ: Ինչքան բարձր է գիտության մակարդակը և որքան տեսանելի են կիրառական արդյունքները, այդքան բարձր է գիտության վարկանիշը», - ասում է գիտնականը։

    Բաղիշը շեշտում է, որ իր ապագան տեսնում է Հայաստանում՝ ակտիվ համագործակցելով արտասահմանյան գիտնականների հետ և ստեղծելով նոր կապեր: «Լինեմ լավ գիտնական, իմ աշխատանքը լավ կատարեմ», - վստահ է Բաղիշ Հարությունյանը:

   Մոնիկա Երիցյան


Ազդեր








Международный инновационный центр нанотехнологий СНГ (МИЦНТ СНГ) при поддержке Межгосударственного фонда гуманитарного сотрудничества государств - участников СНГ (МФГС) и Объединенного института ядерных исследований объявляет о проведении конкурса на соискание грантов на разработку проектов в рамках деятельности МИЦНТ СНГ в 2022 году

ՀՀ կառավարությունը հաստատել է 2022 թվականին իրականացվելիք գիտական և գիտատեխնիկական պետական նպատակային ծրագրերը

Աջակցություն պոտենցիալ հայ դիմորդներին` «Հորիզոն Եվրոպա» ծրագրի շրջանկներում նախագծերի առաջարկների մշակման համար

Հայաստանի և սփյուռքի 16-35 տարեկան երիտասարդները կարող են մասնակցել «100 գաղափար Հայաստանի համար» մրցույթին

Ազդարարվել է Մարի Կյուրիի անվան կրթաթոշակային ծրագրի 2021թ. մրցույթի մեկնարկը

Կրթության և հետազոտությունների դաշնային նախարարությունը (BMBF) հայտարարել է «Կանաչ ջրածնի» ոլորտում համատեղ նախագծերի առաջարկների մրցույթ. Հետազոտական համագործակցություն Ուկրաինայի, Հարավային Կովկասի և Կենտրոնական Ասիայի երկրների և Իրանի հետ

ՀՀ ԿԳՄՍՆ գիտության կոմիտեն կազմակերպում է գիտական և գիտատեխնիկական գործունեության պայմանագրային (թեմատիկ) ֆինանսավորման շրջանակներում կիրառական արդյունքի ձեռքբերմանն ուղղված գիտական նախագծերի հայտերի ՄՐՑՈՒՅԹ: Հայտերի ներկայացման վերջնաժամկետն է 2021 թ. օգոստոսի 13-ը ներառյալ:

ILUCIDARE հատուկ մրցանակներ. «Եվրոպական ժառանգության մրցանակ» the European Heritage Awards / Europa Nostra Awards 2021թ. մրցույթը հայտարարված է

ՀՀ գիտության և տեխնիկայի զարգացման 2020-2024թթ. գերակայության ՀՀ կառավարության որոշման նախագիծ

Հրապարակումներ մամուլում
18/01/2022
Հայ գիտնականները Պարկինսոնի հիվանդությունը բուժելու փորձեր են անում 1lurer.am
17/01/2022
Դրամաշնորհներ՝ կենսաբանորեն ակտիվ միացություններ ստանալու համար 1lurer.am
12/01/2022
Անալգինին և դիկլոֆենակին փոխարինող ցավազրկող. հայ գիտնականների բացահայտումը 1lurer.am
12/01/2022
«ՀՀ» օրաթերթի «Հյուրասրահի» հյուրերը Ռուբեն Սաֆրաստյանը և Վիկտոր Անատոլիի Նադեին-Ռաեւսկին են hhpress.am
Կայքը հաճախել են
6 019 544

անգամ սկսած 01.01.2005թ.
National Academy of Sciences of the Republic of Armenia
ՀՀ ԳԱԱ պատկերանիշ (սև, կապույտ)
Ճիշտ տառատեսակի արտապատկերման համար ներբեռնեք և տեղադրեք Arian AMU.ttf
Դեպի վեր Կայքը վերջին անգամ թարմացվել է՝  13:25, 19/01/2022 Դեպի վեր
Գլխավոր էջ - Ակադեմիայի մասին - Բաժանմունքներ - Կազմակերպություններ - Անդամներ - Կապ մեզ հետ - Կառուցվածք - COVID-19
Նախագահության անդամներ - Փաստաթղթեր - Ինովացիոն առաջարկներ - Հրատարակություններ - Հիմնադրամներ - Գիտաժողովներ -
Լուսանկարներ - Տեսադարան - Վեբ ռեսուրսներ - Այլ ակադեմիաներ - «Գիտություն» թերթ - «Գիտության աշխարհում» հանդես - Հրապարակումներ մամուլում
Ազդեր - Հոբելյաններ - Համալսարաններ - Նորություններ - Գիտական արդյունքներ - Սփյուռքի բաժինը ներկայացնում է - Երիտասարդ գիտնականի ամբիոն
Մեր երախտավորները - Հայտարարություններ - Լինդաու քաղաքում Նոբելյան մրցանակի դափնեկրի հետ հանդիպում - Կայքի քարտեզ
© Copyright 1998-2021, Բոլոր հեղինակային իրավունքները պաշտպանված են:
Կայքը պատրաստված է և սպասարկվում է Հայաստանի ակադեմիական գիտահետազոտական կոմպյուտերային ցանցի կողմից (ASNET-AM):
Հարցերի կամ առաջարկությունների համար կարող եք ուղարկել նամակ webmaster {[ at ]} sci.am էլեկտրոնային փոստին: