ՀՀ գիտությունների ազգային ակադեմիա
ՀԱՅ  ENG  РУС
Home academy [@] sci.am Facebook Page
Գլխավոր էջ Ակադեմիայի մասին Բաժանմունքներ Կազմակերպություններ Անդամներ Կապ մեզ հետ
Երվանդ Զորյան
դոկտոր, պրոֆեսոր
COVID-19
Կառուցվածք
Նախագահության անդամներ
Փաստաթղթեր
Ինովացիոն առաջարկներ
Հրատարակություններ
Հիմնադրամներ
Գիտաժողովներ
Մրցույթներ
Լուսանկարներ
Տեսադարան
Վեբ ռեսուրսներ
Այլ ակադեմիաներ
«Գիտություն» թերթ
«Գիտության աշխարհում» հանդես
Հրապարակումներ մամուլում
Ազդեր
Հոբելյաններ
Համալսարաններ
Նորություններ
Գիտական արդյունքներ
Սփյուռքի բաժինը ներկայացնում է
Երիտասարդ գիտնականի ամբիոն
Մեր երախտավորները
Հայտարարություններ
Լինդաու քաղաքում Նոբելյան մրցանակի դափնեկրի հետ հանդիպում
Կայքի քարտեզ
Երիտասարդ գիտնականի ամբիոն
Աստղիկ Ղազարյան

«Միայն գիտակից և խելացի սերունդը կարող է օգնել պետությանը հաղթահարել մարտահրավերները»

   ՀՀ գիտությունների ազգային ակադեմիայի ֆիզիկական հետազոտությունների ինստիտուտի գիտաշխատող Աստղիկ Ղազարյան. «Հաջողության հասնելու առաջին քայլը հավատն է ինքդ քո հանդեպ»:

   Աստղիկ Ղազարյանը 23 տարեկան է, Արմավիրից է, մասնագիտությամբ՝ ֆիզիկոս-տեսաբան: Սովորել է Հայկական պետական մանկավարժական համալսարանի մաթեմատիկայի, ֆիզիկայի և ինֆորմատիկայի ֆակուլտետի ֆիզիկա բաժնում: Ներկայում Աստղիկն աշխատում է ՀՀ ԳԱԱ ֆիզիկական հետազոտությունների ինստիտուտի նյութական ալիքների ֆիզիկայի լաբորատորիայում, նաև Արմավիրի պետական բժշկական քոլեջում որպես ֆիզիկայի դասախոս: Մասնակցում է «Ասպիրանտների և երիտասարդ հայցորդների հետազոտությունների աջակցության ծրագիր-2021»-ին, որի շրջանակներում նախատեսվում են գիտական հոդվածների հրապարակումներ: Աստղիկի ատենախոսության թեման է «Բոզե կոնդենսատների երկմակարդակ դինամիկան», որը նա պատրաստում է ՀՀ ԳԱԱ ակադեմիկոս-քարտուղար Արթուր Իշխանյանի ղեկավարմամբ:
 
   Ինչո՞ւ ֆիզիկա

   - Ի սկզբանե ուզում էի դառնալ հաշվապահ կամ տնտեսագետ, բայց մանկավարժական համալսարանում՝ երրորդ կուրսում, հանդիպեցի Արթուր Իշխանյանին, ով այնքան հետաքրքիր ներկայացրեց ֆիզիկան, որ որոշեցում կայացրեցի հենց այս ոլորտում մնալու, այս ուղղությամբ շարունակելու: Եվ, իհարկե, չեմ զղջում:

   Պետություն-գիտություն-հասարակություն շղթան ու խնդիրները

   - Խորն են մեր խնդիրները: Մենք պատերազմող երկիր ենք, ուրիշ տարբերակ չունենք, պետք է զարգացնենք գիտությունը: Ոլորտը գրավիչ դարձնելու համար պետք է աջակցել գիտնականներին, խրախուսել, գնահատել նրանց աշխատանքը, զարգացնել ենթակառուցվածքները: Գիտությամբ զբաղվելը պետք է երիտասարդների համար դառնա անհրաժեշտություն և առաջնահերթություն։ Մեզ պետք են այնպիսի ծրագրեր, որոնք կապահովեն արտասահմանում մասնագետների վերապատրաստումը և նրանց վերադարձը, որպեսզի զարգացնեն գիտությունը հայրենիքում։ 
   Նաև  պետք է փոխել հասարակության վերաբերմունքը գիտության և գիտնականի նկատմամբ, փոխել այս անտարբեր մթնոլորտը: Տարիներ շարունակ հասարակության մեջ ձևավորվել է գիտության հանդեպ թերհավատություն։ Միայն գիտակից և խելացի սերունդը կարող է օգնել պետությանը հաղթահարել մարտահրավերները և դուրս գալ ներկայիս իրավիճակից։

   Գիտական համագործակցության մասին

   - Շատ եմ կարևորում միջազգային և ներքին համագործակցությունը: Գիտությունների ազգային ակադեմիայի համակարգի կազմակերպությունները և բարձրագույն ուսումնական հաստատությունները պետք է սերտ կապեր ստեղծեն։ Ուսանողները պետք է օգտվեն Հայաստանում առկա բոլոր հնարավորություններից, ռեսուրսներից, ինչը կապահովի նրանց բարձրորակ կրթությունը։ Նրանք պետք է տեսնեն այնպիսի օրինակներ, որ ձգտեն դառնալ լավագույնը իրենց ոլորտում։ Ուսանողները պետք է ներգրավված լինեն տարբեր գիտական ծրագրերի և միջոցառումների մեջ, նրանց օրը հագեցած լինի գիտական նորություններով։ Հիմա անտարբերությունը, ցավոք, շատ է ուսանողների մոտ:


   PostDoc-ի մասին

   - Հայաստանում հետթեկնածուական կարգավիճակի (PostDoc) համակարգի ներդրումը կօգնի զարգացնել գիտությունը և երիտասարդացնել այն: Յուրաքանչյուր փոփոխության արդյունքները տեսնելու համար անհրաժեշտ է ժամանակ։

   «Գիտուժ»-ի մասին

   -  Շատ կարևոր և ահռելի աշխատանք են կատարում: Ես ինքս աջակցում եմ «Գիտուժ»-ի նախաձեռնություններին և կարծում եմ, որ կհաջողվի մեծ փոփոխություններ իրականացնել գիտության ոլորտում, փոխել հասարակության և կառավարության վերաբերմունքը գիտության և գիտությամբ զբաղվող մարդկանց հանդեպ։

    Մոնիկա Երիցյան


Ազդեր








Սույն թվականի փետրվարի 21-ին Հր. Աճառյանի անվան լեզվի ինստիտուտը սիրով հրավիրում է մասնակցելու «Հայոց լեզվի ուսումնասիրության և ուսուցման արդի խնդիրներ» խորագրով միջազգային գիտաժողովին: Գիտաժողովը տեղի կունենա Լեզվի ինստիտուտում

Ս.թ. փետրվարի 23-ին ժ. 15:00-ին ՀՀ ԳԱԱ նիստերի դահլիճում (Բաղրամյան պող., 24) տեղի կունենա «Չընդհատված ծածկագիր. հայեր» գիտական ֆիլմի ցուցադրությունը և քննարկումը

ՀՀ ԳԱԱ Շիրակի հայագիտական հետազոտությունների կենտրոնը սկսում է «Գիտական աշխատություններ» պարբերականի 2024թ.1 (27) հատորի հոդվածների ընդունումը: Առաջնահերթությունը տրվում է անգլերեն և ռուսերեն լեզուներով հոդվածներին: Հոդվածների ընդունման վերջնաժամկետն է՝ 2024թ. մարտի 1-ը

Международный инновационный центр нанотехнологий СНГ (МИЦНТ СНГ) при поддержке Межгосударственного фонда гуманитарного сотрудничества государств - участников СНГ (МФГС) и Объединенного института ядерных исследований объявляет о проведении конкурса на соискание грантов на разработку проектов в рамках деятельности МИЦНТ СНГ в 2024 году и очередной Стажировки молодых ученых и специалистов стран СНГ в Дубне в апреле - мае 2024года

2024թ․ մարտի 28-30-ը ՀՀ գիտությունների ազգային ակադեմիան և Երևանի պետական համալսարանը անցկացնելու են «Հայաստանը որպես քաղաքակրթական խաչմերուկ․ պատմամշակութային առնչություններ» թեմայով միջազգային գիտաժողով

ՀՀ գիտության և տեխնիկայի զարգացման 2020-2024թթ. գերակայության ՀՀ կառավարության որոշման նախագիծ

Հրապարակումներ մամուլում
20/02/2024

«Գիտուժի» ներկայացուցիչների հետ քննարկվել են գիտահետազոտական ոլորտում պետական պատվերների ձևակերպման հարցեր
1lurer.am
19/02/2024

Երբ գիտության մեջ ես, շարժման մեջ ես. Լուսինե Համբարյան
ankakh.com
19/02/2024

Սևանի ձկնային պաշարները վտանգված են. իշխանի 2 տեսակ արհեստական պայմաններում է բազմացվում
1lurer.am
16/02/2024

Հայաստանը ես եմ. Նարինե Հայրապետյան
1tv.am
Կայքը հաճախել են
6 848 007

անգամ սկսած 01.01.2005թ.
National Academy of Sciences of the Republic of Armenia
ՀՀ ԳԱԱ պատկերանիշ (սև, կապույտ)
Ճիշտ տառատեսակի արտապատկերման համար ներբեռնեք և տեղադրեք Arian AMU.ttf
Դեպի վեր Կայքը վերջին անգամ թարմացվել է՝  17:17, 20/02/2024 Դեպի վեր
Գլխավոր էջ - Ակադեմիայի մասին - Բաժանմունքներ - Կազմակերպություններ - Անդամներ - Կապ մեզ հետ - Կառուցվածք - COVID-19
Նախագահության անդամներ - Փաստաթղթեր - Ինովացիոն առաջարկներ - Հրատարակություններ - Հիմնադրամներ - Գիտաժողովներ - Մրցույթներ
Լուսանկարներ - Տեսադարան - Վեբ ռեսուրսներ - Այլ ակադեմիաներ - «Գիտություն» թերթ - «Գիտության աշխարհում» հանդես - Հրապարակումներ մամուլում
Ազդեր - Հոբելյաններ - Համալսարաններ - Նորություններ - Գիտական արդյունքներ - Սփյուռքի բաժինը ներկայացնում է - Երիտասարդ գիտնականի ամբիոն
Մեր երախտավորները - Հայտարարություններ - Լինդաու քաղաքում Նոբելյան մրցանակի դափնեկրի հետ հանդիպում - Կայքի քարտեզ
© Copyright 1998-2024 Բոլոր հեղինակային իրավունքները պաշտպանված են:
Կայքը պատրաստված է և սպասարկվում է Հայաստանի ակադեմիական գիտահետազոտական կոմպյուտերային ցանցի կողմից (ASNET-AM):
Հարցերի կամ առաջարկությունների համար կարող եք ուղարկել նամակ webmaster {[ at ]} sci.am էլեկտրոնային փոստին: