National Academy of Sciences of the Republic of Armenia
ՀԱՅ  ENG  РУС
Home academy [@] sci.am Facebook Page
General Page About Academy Divisions Organizations Members Contact us
Anaïd Donabédian
Dr. of Philological Sciences
Structure
Presidium Members
Documents
Innovation Proposals
Publications
Funds
Conferences
Competitions
Photogallery
Videogallery
Web Resources
Other Academies
"Gitutyun" newspaper
"In the World of Science" Journal
Publications in Press
Notices
Anniversaries
Universities
News
Scientific Results
Diaspora Department presents
Young Scientist Tribune
Our Honored Figures
Announcements
Lindau Nobel Laureate Meeting
Sitemap
COVID-19
Diaspora Department presents
Garegin Markarian

    Ռադիոկապի ոլորտում գիտությունների դոկտոր, պրոֆեսոր ՀՀ ԳԱԱ արտասահմանյան անդամ Գարեգին Մարկարյանը ծնվել է 1954թ. հունիսի 5-ին Վրաստանի Բաթումի քաղաքում: Տատիկը և պապիկը Թուրքիայից գաղթած հայեր էին, որոնք ծանոթացել էին մանկատանը և 14-15 տարեկանում ամուսնացել:    Գարեգին Մարկարյանն առաջինն էր ընտանիքում, որ ստացել է բարձրագույն կրթություն: Թեև ո՛չ տատիկն ու պապիկը, ոչ էլ ծնողները բարձրագույն կթրություն չէին ստացել, բայց նրանք բոլորը մի բանում համոզված էին՝ Գարեգինը պետք է ստանար բարձրագույն կրթություն, ինչի համար էլ ստեղծում էին բարենպաստ պայմաններ:  Նրան անգամ ստիպում էին պատանի Գարեգինին հաճախել երաժշտական դպրոց, որպեսզի վերջինս դառնար բազմակողմանի զարգացած երիտասարդ: 

    Գերազանցությամբ ավարտելով Բաթումիի թիվ 5-րդ միջնակարգ մաթեմատիկական ուղության դպրոցը, Գարեգինը ցանկություն է հայտնում շարունակել կրթությունը Մոսկվայում՝ Ֆիզիկատեխնիկական համալսարանում, մասնագիտանալով տիեզերքի ուսումնասիրության մեջ, սակայն նա մրցույթից դուրս մնաց:

    1971թ. Գարեգինն ընդունվեց Օդեսայի համալսարանի Ռադիոկապ և հեռուստատեսություն բաժինը, որն էլ ավարտեց 1976թ. գերազանցությամբ: Համալսարանում Գարեգինը ունեցավ դասախոսներ, որոնք ամբողջովին փոխեցին նրա աշխարհայացքը: Առաջիններից մեկը Լև Ալեքսանդր Յուլևիչն էր, ով հետագայում դառնում է իր գիտական ղեկավարը:  

    Բուհ-ն ավարտելուց հետո Գարեգինին՝ իբրև խոստումնալից գիտնականի, առաջարկեցին մնալ և շարունակել կրթությունն ասպիրանտուրայում, թեև Գարեգինն այլ ծրագրեր ուներ: Նա հստակ գիտեր, որ ցանկանում է աշխատել, այն էլ՝ Հայաստանում: Նա ծնվել էր Վրաստանում, կրթություն ստացել Ուկրաինայում, սակայն ցանկանում էր աշխատել Հայաստանոմ:

    1976 թ. Գարեգինը ժամանեց Երևան և աշխատանքի անցավ հեռուստատեսային կայանում, որտեղ աշխատեց մեկ տարի՝ հսկելով Հայաստանի բոլոր հեռուստատեսային աշտարակների աշխատանքները: 1977թ. նա կրկին հանդիպեց իր դասախոսին՝ Լև Ալեքսանդր Յուլևիչին, ով նորից առաջարկեց կրթությունը շարունակել ասպիրանտուրայում: Այս անգամ Գարեգինը համաձայնվեց և 1979թ. մեկնեց Օդեսա՝ շարունակելու գիտական ուղին և մի քանի տարի անց պաշտպանեց գիտական ատենախոսությունը, որը վերաբերում էր կապի թվայնացման համակարգին:

    Գիտական աստիճանը ստանալուն պես նա առաջարկ ստացավ աշխատելու համալսարանում: Հենց այս ժամանակ էր, որ Գարեգինը հանդիպեց  իր երկրորդ կեսին՝ Կարինե Ադբաշյանին, որը Կիևում ուսանողուհի էր, և կես տարի անց նրանք որոշեցին ամուսնանալ: Այս ընթացքում Գարեգինի կյանքում տեղի ունեցավ կարևոր իրադարձություններ, որոնք կանխորոշեցին նրա ողջ գիտական հետագա ուղին: Երիտասարդ ամուսինները որոշեցին այցելության գալ Կարինեի ծնողներին և այդ այցելության ժամանակ հանդիպեցին և ծանոթացան ՀՀ ԳԱԱ Ռադիոֆիզիկայի և էլեկտրոնիկայի ինստիտուտի տնօրեն ակադեմիկոս Ռադիկ Մարտիրոսյանի հետ, որն առաջարկեց Գարեգինին գալ Հայաստան, քանզի այստեղ է նրա իրական տեղը: Գարեգինը երկար չմտածեց և համաձայնվեց թողնել Օդեսայում հեռանկարային աշխատանքը և ժամանեց Հայաստան՝ աշխատանքի անցնելով ՀՀ ԳԱԱ Ռադիոֆիզիկայի և էլեկտրոնիկայի ինստիտուտում: Քանի որ ինստիտուտում ռադիոկապի ուղղությունն այնքան էլ զարգացած չէր, Ռ. Մարտիրոսյանը երիտասարդ, սակայն գիտության մեջ արդեն իր ուրույն խոսքն ասած Գարեգինին,  կարելի է ասել, տվեց քարտ բլանշ, որպեսզի վերջինս ոտքի հանի այդ ուղղությունը: Ռ. Մարտիրոսյանը Գարեգինի առաջ մի պահանջ էլ էր դրել՝ ներգրավել այդ աշխատանքներում առաջին հերթին երիտասարդ կադրերի: Գարեգինը դիմեց Պոլիտեխնիկ ինստիտուտ, որպեսզի իրեն դասաժամեր տան, անգամ պատրաստ էր անվճար աշխատել. նպատակը մեկն էր՝ հավաքել լավագույն ուսանողներին: Կարճ ժամանակահատվածում նա հավաքեց մասնագետների մի լուրջ խումբ, որը բաղկացած էր լավագույն ուսանողներից և կայացած գիտնականներից: Այնուհետև, սկսեց համագործակցել Գիտությունների ակադեմիայի Հաշվողական կենտրոնի աշխատակիցներ Գ. Վարշամովի, Յու. Շուքուրյանի հետ: 

    Այդ ժամանակ ԽՍՀՄ-ում ամբողջ թափով ընթանում էր «Վերակառուցման/ պերեստրոյկա» Գորբաչովյան ծրագիրը, և երկաթյա վարագույրը աստիճանաբար զիջում էր իր տեղը: Շուտով Գարեգին Մարկարյանին տեղեկացնում են, որ Մեծ Բրիտանիայից ժամանել են մասնագետներ և ցանկություն ունեն իրականացնել փորձի փոխանակում հենց այդ ոլորտում: Այդ հանդիպումները, քննարկումները 1988-89թթ. պարբերական բնույթ կրեցին, որի արդյուքնում սկզբից Դիլիջանում իրականացրեցին գիտական սիմպոզիում, որին մասնակցեցին ավելի քան 30  գիտնական և այնուհետև՝ մեկ տարի անց, կազմակերպվեց առաջին միջազգային հայ-անգլիական գիտական սիմպոզիումը Շոտլանդիայում, որին մասնակցեցին 15 գիտնական Հայաստանից:

    1980-ականների վերջերին, երբ Հայաստանում սկսվեցին ծանր ժամանակներ, Գարեգին Մարկարյանն աշխատանքային հրավեր ստացավ անգլիացի իր գործընկերներից, մեկնելու և շարունակելու համագործակցությունը հենց այնտեղ: Կես տարի անց Գարեգինը տվեց իր համաձայնությունը և կնոջ ու երկու փոքրիկ աղջիկների հետ միասին մեկ տարով մեկնեցին Մեծ Բրիտանիա: Սակայն մեկ տարի անց Խորհրդային Միությունը քայքայվեց, իսկ Գարեգին Մարկարյանն էլ աշխատանքային պայմանագրի երկարաձգման առաջարկ ստացավ Լանկաստերի համալսարանից, ինչպես նաև նրան տրամադրվեց բնակարան: Մարգարյանների ընտանիքը որոշեց ևս մի քանի տարի մնալ Մեծ Բրիտանիայում, ետ վերադառնալու հույսով: Նրա ջանքերով Լանկաստերի համալսարանում հիմնվեց կապի համակարգերի բաժինը, որը և մինչև 2013 թ. գլխավորում էր Գարեգին Մարկարյանը: 

    1997 թ. Գարեգին Մարկարյանը տպագրեց իր մենագրությունը, որի համար արժանացավ Մեծ Բրիտանիայում պրոֆեսորի կոչման: Ընդհանուր առմամբ, Գարեգին Մարկարյանի հրատարակած գիտական աշխատությունների թիվն այսօր անցնում է 500-ը, որտեղ մեծ թիվ են կազմում հատկապես ցիտվող ամսագրերում տպագրված հոդվածները:Գարեգին Մարկարյանը նաև զբաղվում է գիտական կադրերի պատրաստման ծանր և պատասխանատու գործով, նա Երևանում ղեկավարել է 4 գիտական աշխատություն, իսկ Մեծ Բրիտանիայում՝ 30-ից ավելին: Այս պահին Գարեգին Մարկարյանը Մեծ Բրիտանիայի Լանկաստերի համալսարանում հետազոտական խմբի ղեկավար է, համալսարանի պրոֆեսոր և անլար լայնաշերտ տեխնոլոգիաներում արդյունաբերական համագործակցության կենտրոնի տնօրեն:

    Այդ տարիներին նա ստեղծեց Ռենկոմ ընկերությունը, (որի անվանումը Գարեգինի աղջիկների անունների հապավումն է) և այդ ընկերությունում աշխատում են շուրջ 40 աշխատակիցներ, այն իր մասնաճյուղերն ունի Մոսկվայում և Սինգապուրում և նպատակ ունի դրա մասնաճյուղը բացել Հայաստանում: Նրա աղջիկները՝ Ռիփսիմեն և Նինան նախընտրեցին գնալ իրենց ուղով և երկուսն էլ այսօր Մեծ Բրիտանիայում առաջնակարգ բժիշկներ են: 
Հատկանշական է, որ Գարեգինը աշխատանքներ է իրականացրել նաև Մեծ Բրիտանիայի կառավարության հետ՝ հիմնականում անվտանգության պահպանման ուղղությամբ, և 2013 թ. Ռենկոմ ընկերությունն արժանացավ Մեծ Բրիտանիայի թերևս ամենաբարձր պարգևին՝ Թագուհու պարգևին, որով ընդունվում էր ընկերության մատուցած ծառայությունների խիստ կարևորությունը: 

    Հաշվի առնելով  Գարեգին Մարկարյանի գիտական, մանկավարժական մեծ վաստակը և Հայաստանի գիտական կառույցների հետ սերտ համագործակցության բարձր ակտիվությունը՝ 2011թ. ՀՀ ԳԱԱ-ն նրան ընտրեց ԳԱԱ արտասահմանյան անդամ: 

    Գարեգին Մարկարյանը 2012թ. ՀՀ ԳԱԱ-ում երիտասարդ գիտնականների համար սահմանեց խրախուսական մրցանակ, որը տրամադրվեց տեղեկատվական տեխնոլոգիաների բնագավառում իրականացված լավագույն հետազոտության համար: Մինչև այսօր էլ Գարեգին Մարկարյանն իր նպատակն է համարում զարգացնել ՀՀ-ում  հեռահաղորդակցության և տեղեկատվական տեխնոլոգիաների բնագավառը և, առաջին հերթին, ներգրավվել գիտության այդ ճյուղում երիտասարդ և բանիմաց գիտնականներին:

Գոհար Իսկանդարյան, պ.գ.թ. դոցենտ
ՀՀ ԳԱԱ սփյուռքի բաժնի գիտքարտուղար


Notices








On 15-19 October, 2024, we invite to take part in the 12th international symposium "Optics and its applications", which will be held in Yerevan (Armenia). The deadline of registration is August 15, 2024

From October 11-13, 2024, a pan-Armenian scientific conference on "Natural Sciences, Mathematics, Technology, Computer Science in the 21st century: problems of popularization and education and their solutions" will take place at the National Academy of Sciences of the Republic of Armenia

On 16–17 September, 2024, the Institute of Literature after M. Abeghyan of the National Academy of Sciences of the Republic of Armenia, The Institute of World Literature after M. Gorky of the RF National Academy of Sciences invite you to participate in the international scientific conference dedicated to the 100th anniversary of the death of V. Bryusov which will take place in Yerevan

On August 29–30, an international conference titled "Issues of Historical and Cultural Heritage in the Post-Soviet Period" will be held in the Round Hall of the National Academy of Sciences

On July 12 , at 12:00 PM, in the Round Hall of the Presidium of the Armenian National Academy of Sciences (24 Baghramyan ave., Yerevan, Armenia), the presentation of the bilingual book by geographer and cartographer Rouben Galichian titled A Cartographic Examination of "Historical" Maps in the National Atlas of Azerbaijan, 2014 and the Invented Terminology of "Western Azerbaijan" will take place

Международный инновационный центр нанотехнологий СНГ (МИЦНТ СНГ) при поддержке Межгосударственного фонда гуманитарного сотрудничества государств - участников СНГ (МФГС) и Объединенного института ядерных исследований объявляет о проведении конкурса на соискание грантов на разработку проектов в рамках деятельности МИЦНТ СНГ в 2024 году и очередной Стажировки молодых ученых и специалистов стран СНГ в Дубне в апреле - мае 2024года

ՀՀ գիտության և տեխնիկայի զարգացման 2020-2024թթ. գերակայության ՀՀ կառավարության որոշման նախագիծ

Publications in Press
24/07/2024

Археологи открыли неизвестный храм Урарту. Дневная поверхность
proshloe.com
23/07/2024

Քիմիան՝ շոշափելի արդյունքներով. միջազգային գործակցության նոր սահմաններ
1lurer.am
22/07/2024

«Երիտասարդ գիտաշխատողների հետազոտությունների աջակցության ծրագիր-2025» մրցույթի հայտերի ընդունման փուլը մեկնարկել է
hesc.am
18/07/2024

Գիտական թափուր հաստիքները համալրվում են
1lurer.am
This site has been visited
7 041 447

times since 01.01.2005
National Academy of Sciences of the Republic of Armenia
NAS RA Logo (black, blue)
Top Website last updated on:  15:50, 24/07/2024 Top
General Page - About Academy - Divisions - Organizations - Members - Contact us - Structure - Presidium Members
Documents - Innovation Proposals - Publications - Funds - Conferences - Competitions
Photogallery - Videogallery - Web Resources - Other Academies - "Gitutyun" newspaper - "In the World of Science" Journal - Publications in Press
Notices - Anniversaries - Universities - News - Scientific Results - Diaspora Department presents - Young Scientist Tribune
Our Honored Figures - Announcements - Lindau Nobel Laureate Meeting - Sitemap - COVID-19
© Copyright 1998-2024 All Rights Reserved.
Website is created and supported by Academical Scientific Research Computer Network of Armenia (ASNET-AM)
For any suggestions write to webmaster {[ at ]} sci.am