National Academy of Sciences of the Republic of Armenia
ՀԱՅ  ENG  РУС
Home academy [@] sci.am Facebook Page
General Page About Academy Divisions Organizations Members Contact us
Vartan Gregorian
Dr., Professor
COVID-19
Structure
Presidium Members
Documents
Innovation Proposals
Publications
Funds
Conferences
Competitions
Photogallery
Videogallery
Web Resources
Other Academies
"Gitutyun" newspaper
"In the World of Science" Journal
Publications in Press
Notices
Anniversaries
Universities
News
Scientific Results
Diaspora Department presents
Young Scientist Tribune
Our Honored Figures
Announcements
Lindau Nobel Laureate Meeting
Sitemap
News
24/11/2022
Երևանում անցկացվում է Եղիշե Չարենցի ծննդյան 125-ամյակին նվիրված «Չարենցը և իր ժամանակաշրջանը» հանրապետական գիտաժողովը

Սույն թվականի նոյեմբերի 23-ին ՀՀ Գիտությունների ազգային ակադեմիայում մեկնարկեց բանաստեղծ Եղիշե Չարենցի ծննդյան 125-ամյակին նվիրված «Չարենցը և իր ժամանակաշրջանը» հանրապետական գիտաժողովը:

Գիտաժողովի մասնակիցներին ողջունեց ՀՀ ԳԱԱ Հայագիտության և հասարակական գիտությունների բաժանմունքի ակադեմիկոս-քարտուղար, ՀՀ ԳԱԱ ակադեմիկոս Յուրի Սուվարյանը: «Հայ բանաստեղծական աշխարհը ստեղծել է տաղանդներ, բայց նրանց միշտ առաջնորդել են հանճարները: Այդ հանճարներից է Եղիշե Չարենցը: Մենք այսօր Չարենցի բանաստեղծական աշխարհում ենք և զգում ենք, թե որքան խորն է նրա մտածելակերպը, որքան ազդեցիկ և հիմնավոր են այն գաղափարները, որ նա արտահայտել է իր երկերում: Չարենցը նորարար է թե՛ բովանդակային առումով բանաստեղծության մեջ, թե՛ ոճական և թե՛ բառերի ընտրության նպատակասլացության առումով»,- իր ելույթում ասաց Յուրի Սուվարյանը: Նա նշեց, որ ՀՀ ԳԱԱ Մանուկ Աբեղյանի անվան գրականության ինստիտուտի նախաձեռնությամբ ակադեմիական հրատարակության են պատրաստվում Չարենցի գործերը: Շուտով լույս կընծայվի առաջին հատորը: 

ՀՀ կրթության, գիտության, մշակույթի և սպորտի նախարար Վահրամ Դումանյանի անունից գիտաժողովի մասնակիցներին ողջունեց ՀՀ կրթության, գիտության, մշակույթի և սպորտի նախարարի տեղակալ Արայիկ Խզմալյանը: Իր ելույթում նա, մասնավորապես, ասաց. «Չարենցը մեզ համար գոյաբանական կողմնորոշիչ է, գոյաբանական հայեցակարգ է և այդ իմաստով ամենաակտուալ դեմքերից մեկն առհասարակ: Ես դժվար եմ պատկերացնում ավելի պատշաճ և ավելի համապատասխան ժամանակներ Չարենցին ընթերցելու և վերընթերցելու, քան մեր ժամանակներն են, որովհետև Չարենցի ժառանգության մեջ խտացված են մեր հավերժական մտորումները, ազգային մտահոգությունները, պատմական մարտահրավերները, բարոյահոգեբանական փակուղիները և հայրենասիրական վերելքներն ու խտացումները: Մեծ հույս ունեմ, որ գիտաժողովն առիթ կդառնա նոր խոսք ասելու այն անսպառ մեծության մասին, որի անունն է Եղիշե Չարենց»:

«Եղիշե Չարենցը ստեղծագործեց պատմական մի քանի ենթաշրջանների բաժանվող դժվարին ժամանակներում և իրար հաջորդող գրական ուղղությունների և աշխարհայացքային հեղաբեկումների շրջանում: Չարենցի ստեղծագործությունը դարձավ ժամանակաշրջանի բանաստեղծական խտացված արտահայտությունը: Նա վստահաբար խորհրդանիշն է ավանդույթի և նորարարության, ներդաշնակ զարգացման»,- իր ելույթում ասաց ՀՀ ԳԱԱ Մանուկ Աբեղյանի անվան գրականության ինստիտուտի տնօրեն, բանասիրական գիտությունների դոկտոր Վարդան Դևրիկյանը: 

Եղիշե Չարենցի տուն-թանգարանի տնօրեն Ժաննա Մանուկյանը նշեց, որ Եղիշե Չարենցին նվիրված հոբելյանական տարվա շրջանակներում իրականացվել և դեռ շարունակվում են իրականացվել տարբեր ծրագրեր, միջոցառումներ թիրախային տարբեր լսարանների համար: ««Չարենցը և իր ժամանակաշրջանը» հանրապետական գիտաժողովը տարվա առանցքային նշանակություն ունեցող նախաձեռնություններից է, որին մասնակցում են Հայաստանի տարբեր մարզերից 40 մասնագետներ: Մասնակիցների թիվը կարծես խորհրդանշական է կյանքի ընդամենը 40 տարիներ ապրած հանճարի հարուստ գրական ժառանգության վերաարժևորման, բացահայտման, հանրայնացման այս կարևոր միջոցառման համատեքստում: Ծննդյան 125-ամյա հոբելյանին զուգընթաց այս տարի՝ նոյեմբերի 27-ին, լրանում է նաև բանաստեղծի մահվան 85-րդ տարելիցը: Այս կապակցությամբ տուն-թանգարանը նոյեմբերը հայտարարել է հիշատակի ամիս: Ամիսը կամփոփվի բանաստեղծի հիշատակը հավերժացնող հուշատախտակի բացմամբ, որը նախատեսվում է Երևան քաղաքի Մաշտոցի 17 հասցեում գտնվող շենքի՝ Եղիշե Չարենցի տուն-թանգարանի առաջնապատին, որտեղ ապրել է բանաստեղծն իր կյանքի վերջին երկու տարիներին՝ 1935-1937թթ.»,- ասաց Եղիշե Չարենցի տուն-թանգարանի տնօրենը: Նա նշեց, որ նախատեսվում է նաև թանգարան-հրատարակչություն-ինստիտուտ փոխգործակցության հուշագրի կնքում, որի նպատակն է հաջորդ տարվանից գիտական համայնքի սեղանին տարեցտարի ունենալ Եղիշե Չարենցի ստեղծագործությունների ամբողջական հրատարակությունը՝ 13 հատորով երկերի ժողովածու: 

Հայաստանի գրողների միության նախագահ Էդվարդ Միլիտոնյանը նշեց, որ Հայաստանի գրողների միությունը մարտ ամսից սկսել է Չարենցյան տարվան նվիրված միջոցառումները: «Չարենցի կիսանդրու մոտ հրավիրեցինք Հայաստանում գործող դեսպանությունների աշխատակիցների, դեսպանների, մշակույթի գործիչների, և նրանք իրենց երկրների լեզուներով արտասանեցին Չարենցի թարգմանությունները՝ հատկապես «Ես իմ անուշ Հայաստանի» բանաստեղծությունը: Իրենք նաև ներկայացրին ծրագրեր հետագայում մեր գրողների հետ աշխատելու, իրենց երկրներում տարբեր թարգմանություններ ներկայացնելու համար: Ծաղկաձորի գրողների տանը ևս կազմակերպվել է հանդիպում, և գրողները, գրականագետները ներկայացրել են իրենց պատկերացումները, նյութերը Չարենցի մասին»,- ասաց Էդվարդ Միլիտոնյանը: Նա նշեց, որ Հայաստանի գրողների միությունը լույս է ընծայել «Ես եմ հիմա» խորագրով գիրքը, որը ներկայացնում է գրողների՝ Չարենցին նվիրված ստեղծագործությունները, գրականագետների գործերը, էսսեներ:

Միջոցառումը նշանավորվեց ՀՀ ԳԱԱ Բնական գիտությունների բաժանմունքի ակադեմիկոս-քարտուղար, ՀՀ ԳԱԱ թղթակից անդամ Ռուբեն Հարությունյանի կողմից՝ իր ընտանեկան արխիվում պահվող Չարենցի ձեռագրային ինքնագրի և այլ վավերագրական նյութերի Եղիշե Չարենցի տուն-թանգարանին նվիրմամբ: «Չարենցը բոլորիս համար սրբություն է, մեր ընտանիքի համար՝ հատկապես, որովհետև տարիների ընթացքում մեր ընտանիքը շատ մոտ էր Չարենցին: Նրա անտիպ երկերում կա իմ տատիկի՝ պրոֆեսոր Աշխեն Հարությունյանի հիշողությունները և երկու բանաստեղծություն, որոնք Չարենցը նվիրել է իմ մայրիկին՝ Մարգարիտ Հարությունյանին: 50-ականներին իր ժողովածուների լուսանկարները մեր տնից էին: Մեծ փաթեթ մենք ժամանակին նվիրել ենք թանգարանին: Այսօր Չարենցի ձեռագրային ինքնագիրը և երեք լուսանկար եմ ուզում նվիրել թանգարանին: Մի լուսանկարում Չարենցն է Սարյանի հետ, մյուսում Չարենցն է իր աղջկա՝ Անահիտի հետ, հաջորդում Արփենիկն է»,- ասաց Ռուբեն Հարությունյանը: Նա ընթերցեց Չարենցի բանաստեղծությունները՝ նվիրված իր մորը՝ Մարգարիտ Հարությունյանին:

Եռօրյա գիտաժողովի ընթացքում կներկայացվեն 44 գիտական զեկուցումներ: Գիտաժողովի կազմակերպիչներն են ՀՀ կրթության, գիտության, մշակույթի և սպորտի նախարարությունը, ՀՀ Գիտությունների ազգային ակադեմիան, ՀՀ ԳԱԱ Մանուկ Աբեղյանի անվան գրականության ինստիտուտը, Երևանի պետական համալսարանը: 

ՀՀ ԳԱԱ գիտության հանրայնացման և հասարակայնության հետ կապերի բաժին 24.11.2022թ


Notices








On April 23, 2024, at 10:30, the Annual General Meeting of NAS RA on the main results of the scientific and scientific-organizational activity of the National Academy of Sciences of the Republic of Armenia for 2023 will be held. The Annual General Meetings of the Divisions of Sciences will be held on April 22 at 10:00

The Institute of Physical Research of NAS of Armenia in collaboration with the IPR Armenia Optica Student Chapter have announced a photo contest entitled "Light through the Eyes of a Photographer" dedicated to the International Day of Light. The registration deadline for the competition is May 1

Ս.թ. ապրիլի 10-ին ժ. 15:00-ին ՀՀ ԳԱԱ նիստերի դահլիճում (Բաղրամյան պող., 24) տեղի կունենա սեմինարների շարքի երրորդ հանդիպումը՝ «Հավաքում ենք փաթիլ. ատոմներից դեպի մոլեկուլ և բյուրեղ» խորագրով: Որպես մոդերատոր հանդես կգա անվանի քիմիկոս, SKOLKOVO-ի գիտության և տեխնոլոգիաների ինստիտուտի պրոֆեսոր Արտեմ Օհանովը

On April 5 2024, a seminar on the topic "Advanced channeling Technologies: Strong external Electromagnetic fields to guide charged and Neutral Beams" will be held at the conference hall of the NAS RA Presidum which will be presented by professor of the Institute of Nuclear Physics (Italy) Sultan Dabagov

On April 1st 2024, a seminar on the topic "Magnetometry with nuclear spin-polarized 14N in NV centers in diamond" will be held at the conference hall of the RA NAS Presidium which will be presented by professor of the University of Latvia Marcis Auzinsh

The Shirak Center for Armenological Studies of NAS RA is starting to publish the 1 (27) volume of the "Scientific Works" journal for 2024. Priority is given to articles in English and Russian. The deadline for receiving articles is March 1, 2024

Международный инновационный центр нанотехнологий СНГ (МИЦНТ СНГ) при поддержке Межгосударственного фонда гуманитарного сотрудничества государств - участников СНГ (МФГС) и Объединенного института ядерных исследований объявляет о проведении конкурса на соискание грантов на разработку проектов в рамках деятельности МИЦНТ СНГ в 2024 году и очередной Стажировки молодых ученых и специалистов стран СНГ в Дубне в апреле - мае 2024года

ՀՀ գիտության և տեխնիկայի զարգացման 2020-2024թթ. գերակայության ՀՀ կառավարության որոշման նախագիծ

Publications in Press
15/04/2024

Ֆինանսական փոխհատուցում կտրամադրվի գիտական աշխատանքների հրատարակության համար․ նոր կարգ
escs.am
12/04/2024

Մեկնարկել է «Երկակի նշանակության գիտական նախագծեր 2024» մրցույթը
escs.am
12/04/2024

Նոր կարգ՝ ուղղված արշավախմբերի կազմակերպանը, գիտական գործուղման ճանապարհածախսի փոխհատուցմանը
escs.am
11/04/2024

Արցախի՝ աղվանական ներկայացվող կոթողները որևէ կապ չունեն աղվանների և կովկասյան բնիկ հանրույթների հետ․ Monument Watch
news.am
This site has been visited
6 952 874

times since 01.01.2005
National Academy of Sciences of the Republic of Armenia
NAS RA Logo (black, blue)
Top Website last updated on:  13:59, 19/04/2024 Top
General Page - About Academy - Divisions - Organizations - Members - Contact us - Structure - COVID-19
Presidium Members - Documents - Innovation Proposals - Publications - Funds - Conferences - Competitions
Photogallery - Videogallery - Web Resources - Other Academies - "Gitutyun" newspaper - "In the World of Science" Journal - Publications in Press
Notices - Anniversaries - Universities - News - Scientific Results - Diaspora Department presents - Young Scientist Tribune
Our Honored Figures - Announcements - Lindau Nobel Laureate Meeting - Sitemap
© Copyright 1998-2024 All Rights Reserved.
Website is created and supported by Academical Scientific Research Computer Network of Armenia (ASNET-AM)
For any suggestions write to webmaster {[ at ]} sci.am