Ս.թ. նոյեմբերի 30-ին Հայաստանում Իտալիայի արտակարգ և լիազոր դեսպան Ալֆոնսո Դի Ռիզոն և հյուպատոսական ու վարչական բաժնի ղեկավար Աննառոզա Կոլանջելոն այցելեցին ՀՀ գիտությունների ազգային ակադեմիայի ԻԿՐԱՆԵՏ կենտրոն միջազգային կազմակերպություն:
ԻԿՐԱՆԵՏ Հայաստան կենտրոնի տնօրեն Նարեկ Սահակյանը ներկայացրեց կենտրոնի գործունեությունը, հիմնական գիտական հետազոտություններն ու արդյունքները, իտալական գիտահետազոտական ինստիտուտների և համալսարանների հետ համատեղ ծրագրերը։ Ներկայացվեցին բարձր էներգիաների աստղաֆիզիկայի և արբանյակային կայանների տվյալների մշակման բնագավառներում ԻԿԱՐՆԵՏ-ի տարբեր կենտրոնների և Իտալիայի Տիեզերական գործակալության հետ համատեղ իրականացվող ծրագրերը և ապագա նախագծերը:
Կողմերը նշեցին աստղաֆիզիկայի բնագավառում հայ-իտալական գիտական համագործակցության կարևորությունը և քննարկեցին համագործակցության զարգացման ու ընդլայնման հնարավորությունները։
ՀՀ ԳԱԱ տեղեկատվական-վերլուծական ծառայություն
30.11.2021թ.