National Academy of Sciences of the Republic of Armenia
ՀԱՅ  ENG  РУС
Home academy [@] sci.am
General Page About Academy Organisations Members Contact us
"Gitutyun" newspaper
N355-356 July 2021
N355-356
COVID-19
Structure
Divisions
Presidium Members
Documents
Innovation Proposals
News
Conferences
All Publications in Press
All Announcements
Photogallery
Videogallery
"Gitutyun" newspaper
Funds
Anniversaries
Publications
Web Resources
Other Academies
Universities
Lindau Nobel Laureate Meeting
Sitemap
News
06/07/2021
Չինաստանի կոմունիստական կուսակցության հիմնադրման 100-ամյակին նվիրված միջազգային գիտաժողով՝ ՀՀ ԳԱԱ-ում

   Հուլիսի 2-ին Չինաստանի կոմունիստական կուսակցության հիմնադրման 100-ամյակին նվիրված միջազգային գիտաժողով անցկացվեց ՀՀ գիտությունների ազգային ակադեմիայում (ԳԱԱ): Գիտաժողովին մասնակցեցին ՀՀ ԳԱԱ նախագահ, ակադեմիկոս Աշոտ Սաղյանը, ՀՀ ԳԱԱ հայագիտության և հասարակական գիտությունների բաժանմունքի ակադեմիկոս-քարտուղար, ակադեմիկոս Յուրի Սուվարյանը,  Հայաստանի Հանրապետությունում Չինաստանի Ժողովրդական Հանրապետության արտակարգ և լիազոր դեսպան Ն. Գ. պարոն Ֆան Յունը, ՀՀ աշխատանքի և սոցիալական հարցերի նախարարի պարտականությունները կատարող Նարեկ Մկրտչյանը, Շանհայի համագործակցության կազմակերպության չինական «Բարիդրացիականության, բարեկամության և համագործակցության կոմիտեի ղեկավար» Ն.Գ. տիկին Ջըն Վեյը, ՀՀ ԳԱԱ արևելագիտության ինստիտուտի տնօրեն Ռոբերտ Ղազարյանը, «Չինաստան-Եվրասիա» քաղաքական և ռազմավարական հետազոտությունների խորհրդի տնօրեն Մհեր Սահակյանը, գիտնականներ Հայաստանից, Չինաստանից, Ռուսաստանից, Արաբական Միացյալ Էմիրություններից, Սերբիայից, Վրաստանից:   
   Գիտաժողովի մասնակիցներին ողջույնի ուղերձ հղեց ՀՀ նախագահ Արմեն Սարգսյանը: Ուղերձում մասնավորապես նշված է.
«Ողջունում եմ «Չինաստան-Եվրասիա» քաղաքական և ռազմավարական հետազոտությունների խորհրդի և ՀՀ գիտությունների ազգային ակադեմիայի արևելագիտության ինստիտուտի նախաձեռնությունը Հայաստանում նման գիտաժողով կազմակերպելու համար: Արդի անորոշ, գլոբալ ռազմավարական միջավայրում գնալով աճում է Չինաստանի՝ որպես համագործակցության, խաղաղության, կայունության զարգացման կարևորագույն դերակատարներից մեկի նշանակությունը: Հայաստանը մեծապես կարևորում է Չինաստանի հետ հարաբերությունների շարունակական զարգացումն ու ամրապնդումը տարբեր ոլորտներում, և մեզ գոհունակություն է պատճառում, որ դիվանագիտական հարաբերությունների հաստատումից ի վեր մեր երկրների միջև փոխադարձ հարգանքի ու վստահության վրա հիմնված համագործակցությունն էական առաջընթաց է արձանագրել: Վստահ եմ, որ նման միջոցառումները լավ հնարավորություն են ընձեռում քննարկել այս և այլ հարցեր, հանդես գալ նոր գաղափարներով: Մեկ անգամ ևս ողջունում եմ գիտաժողովի մասնակիցներին և մաղթում բեղմնավոր աշխատանք»:
   Հայաստանի Հանրապետությունում Չինաստանի Ժողովրդական Հանրապետության արտակարգ և լիազոր դեսպան Ն. Գ. պարոն Ֆան Յունն իր ելույթում, մասնավորապես, նշեց.  «Այս տարի լրանում է Չինաստանի կոմունիստական կուսակցության 100-ամյակը, իսկ հաջորդ տարի նշվելու է Հայաստանի և Չինաստանի միջև դիվանագիտական հարաբերությունների հաստատման 30-ամյակը: Հայ-չինական հարաբերությունների զարգացմանը նոր ու կարևոր հնարավորություններ են սպասվում: Աշխարհը ներկայումս բախվում է մեծ փոփոխությունների: Խաղաղությունն ու զարգացումը դեռ բոլոր ժամանակների համար գլխավոր թեմաներն են: Նոր պատմական պայմաններում Չինաստանի կոմունիստական կուսակցությունը պատրաստակամ է շարունակել ամրապնդել փոխանակումները և համագործակցությունը Հայաստանի բարեկամ կուսակցությունների հետ, կիսել կուսակցության կառավարման փորձը, նպաստել երկկողմ բարեկամական համագործակցության հետագա զարգացմանը, բարելավել երկու երկրների բարեկեցությունը, ժողովուրդների բարեկեցությունը, նպաստել մարդկության համար ընդհանուր ապագա ունեցող համայնքի կառուցմանը և միասին աշխատել մարդկության համար ընդհանուր ապագա, նոր արժեքներ կերտելու գործում»:
   ՀՀ ԳԱԱ նախագահ, ակադեմիկոս Աշոտ Սաղյանը, ողջունելով գիտաժողովի մասնակիցներին, կարևորեց գիտաժողովի անցկացումը: «Այս գիտաժողովը միջանկյալ կամրջակ է՝ համախմբելու, մերձեցնելու հատկապես երիտասարդ գիտնականներին»,- ասաց ՀՀ ԳԱԱ նախագահը: Նա անդրադարձավ Չինաստանի հետ համագործակցության սեփական փորձին: «Խորհրդային Միության փլուզումից հետո, երբ Հայաստանն անկախացավ, Չինաստանն աջակցություն ցուցաբերեց Հայաստանի գիտությանը: Ստեղծվեց հայ-չինական կենսատեխնոլոգիական կենտրոն, որը 4 տարի ֆինանսավորվում էր Չինաստանի կառավարության կողմից»,- ասաց նա: Աշոտ Սաղյանը նշեց, որ չինացի գործընկերների հետ համագործակցության շրջանակներում Չինաստանի մի շարք պրովինցիաներում պատրաստվել են մասնագետներ, մագիստրոսներ, գիտության թեկնածուներ: «5 տեխնոլոգիա է ներդրվել այդ ժամանակ Չինաստանում, երկու հզոր գործարաններում այսօր բազմատոննաժ արտադրություն է կազմակերպված մեր ներդրած տեխնոլոգիաներով»,- նշեց նա: 2002թ-ին Աշոտ Սաղյանն  արժանացել է Չինաստանի Կառավարական «Բարեկամություն» շքանշանի Չինաստանում քիմիայի և կենսատեխնոլոգիական գիտությունների  զարգացումը խթանելու համար: «Լինելով ԳԱԱ նախագահի պաշտոնում՝ ես ամեն ինչ կանեմ ՀՀ ԳԱԱ համակարգի ինստիտուտների և Չինաստանի տարբեր ակադեմիաների ինստիտուտների և գիտական կենտրոնների հետ համագործակցության ընդլայնման համար»,- ասաց ՀՀ ԳԱԱ նախագահը:  
   ՀՀ ԳԱԱ հայագիտության և հասարակական գիտությունների բաժանմունքի ակադեմիկոս-քարտուղար, ակադեմիկոս Յուրի Սուվարյանն իր ողջույնի խոսքում նշեց. «Չինաստանի ակադեմիայի հետ մեր ԳԱԱ-ի համագործակցությունը բավականին սերտ է: Երկու տարի առաջ մեր ակադեմիա էր այցելել Չինաստանի հասարակական գիտությունների ակադեմիայի նախագահն իր պատվիրակության հետ միասին:  Կնքվել են համաձայնագրեր, և մեր Արևելագիտության ինստիտուտն առաջիններից մեկն է, որ համագործակցում է չինական գիտահետազոտական կազմակերպությունների հետ»: 
   Գիտաժողովի մասնակիցներին ողջունեցին նաև ՀՀ աշխատանքի և սոցիալական հարցերի նախարարի պարտականությունները կատարող Նարեկ Մկրտչյանը, Շանհայի համագործակցության կազմակերպության չինական «Բարիդրացիականության, բարեկամության և համագործակցության կոմիտեի ղեկավար» Ն.Գ. տիկին Ջըն Վեյը, ՀՀ ԳԱԱ արևելագիտության ինստիտուտի տնօրեն Ռոբերտ Ղազարյանը, «Չինաստան-Եվրասիա» քաղաքական և ռազմավարական հետազոտությունների խորհրդի տնօրեն Մհեր Սահակյանը: Գիտաժողովի 4 պանելներում հայ և օտարերկրացի գիտնականները ներկայացրեցին զեկուցումներ՝ նվիրված «Չինաստանի կոմունիստական կուսակցությունը և աշխարհը», «Առողջապահական, թվային մետաքսի ճանապարհների և արդյունաբերական քաղաքականության դերը  Չինաստանի զարգացման համատեքստում», «Չինաստանի դերը նոր բազմաբևեռ աշխարհում», «Չինաստան, Հարավային Կովկկաս և Թուրքիա» թեմաներին:
   Գիտաժողովը կազմակերպել էին «Չինաստան-Եվրասիա» քաղաքական և ռազմավարական հետազոտությունների խորհուրդը և ՀՀ գիտությունների ազգային ակադեմիայի արևելագիտության ինստիտուտը Հայաստանի Հանրապետությունում Չինաստանի Ժողովրդական Հանրապետության դեսպանատան աջակցությամբ:

   ՀՀ ԳԱԱ տեղեկատվական-վերլուծական ծառայություն
   06.07.2021թ.

Latest Announcements








Հայաստանում գիտության հանրայնացմանը նպաստելու և իրենց հետազոտությունները հանրամատչելի լեզվով ներկայացնելու գործիքակազմին ծանոթանալու համար Հայաստանում կանցկացվի գիտական և տեխնոլոգիական լրագրության թեմայով սեմինար: Մանրամասների համար սեղմեք այստեղ

ՀՀ ԳԱԱ գիտակրթական միջազգային կենտրոնը հայտարարում է 2021-2022 ուս տարվա ընդունելություն մագիստրատուրայում

Federal Ministry of Education and Research (BMBF) has launched a call for proposals for joint projects in the field of “Green Hydrogen” - Research cooperation with Ukraine, the countries of the South Caucasus and Central Asia and Iran

ՀՀ ԿԳՄՍՆ գիտության կոմիտեն կազմակերպում է գիտական և գիտատեխնիկական գործունեության պայմանագրային (թեմատիկ) ֆինանսավորման շրջանակներում կիրառական արդյունքի ձեռքբերմանն ուղղված գիտական նախագծերի հայտերի ՄՐՑՈՒՅԹ: Հայտերի ներկայացման վերջնաժամկետն է 2021 թ. օգոստոսի 13-ը ներառյալ

ILUCIDARE Special Prizes - European Heritage Awards / Europa Nostra Awards 2021 call has been launched

ՀՀ գիտության և տեխնիկայի զարգացման 2020-2024թթ. գերակայության ՀՀ կառավարության որոշման նախագիծ

Publications in Press
12/07/2021
ՀՀ ԳԱԱ-ում քննարկվել է գիտաշխատողների աշխատավարձերի բարձրացման հարցը
12/07/2021
Ադրբեջանից եկող գետերի ջրի որակը պետք է թունաբանական մոնիթորինգի ենթարկվի. Գաբրիելյան
11/07/2021
Կառավարությունը գիտության ոլորտում կատարել է երկու աննախադեպ քայլ, բայց դա բավարար չէ, կիսաքայլեր են
01/07/2021
«Գնումների մասին» օրենքը խոչընդոտում է Հայաստանում գիտական առաջընթացը
26/04/2021
Գիտությունների ազգային ակադեմիայի մասին engineeringassociation.am
08/04/2021
Մենք շատ անելիք ունենք, որ մեր երկիրը ոտքի կանգնեցնենք, և դրա ճանապարհը գիտությունն ու կրթությունն են. նախագահ Արմեն Սարգսյանը մասնակցել է ՀՀ ԳԱԱ խորհրդի նիստին president.am
This site has been visited
5 775 176

times since 01.01.2005
National Academy of Sciences of the Republic of Armenia
NAS RA Logo (black, blue)
Top Website last updated on:  18:41, 23/07/2021 Top
General Page - About Academy - Organisations - Members - Contact us - Structure - COVID-19 - Divisions
Presidium Members - Documents - Innovation Proposals - News - Conferences - All Publications in Press
All Announcements - Photogallery - Videogallery - "Gitutyun" newspaper - Funds - Anniversaries
Publications - Web Resources - Other Academies - Universities
Lindau Nobel Laureate Meeting - Sitemap
© Copyright 1998-2021, All Rights Reserved.
Website is created and supported by Academical Scientific Research Computer Network of Armenia (ASNET-AM)
For any suggestions write to webmaster {[ at ]} sci.am