National Academy of Sciences of the Republic of Armenia
ՀԱՅ  ENG  РУС
Home academy [@] sci.am
General Page About Academy Organisations Members Contact us
"Gitutyun" newspaper
N353 May 2021
N353
COVID-19
Structure
Divisions
Presidium Members
Documents
Innovation Proposals
News
Conferences
All Publications in Press
All Announcements
Photogallery
Videogallery
"Gitutyun" newspaper
Funds
Anniversaries
Publications
Web Resources
Other Academies
Universities
Lindau Nobel Laureate Meeting
Sitemap
News
02/06/2021
Երևանում կանցկացվի «Երկրաջերմային էներգետիկ ռեսուրսների և բնական վտանգների գնահատումը Հայաստանում» գիտահետազոտական նախագիծի վերաբերյալ հանդիպում

   Սույն թվականի հունիսի 3-ին՝ ժամը 10:00-ին, Երևանի «Անի պլազա» հյուրանոցում (Սայաթ-Նովա 19) կմեկնարկի «Երկրաջերմային էներգետիկ ռեսուրսների և բնական վտանգների գնահատումը Հայաստանում» գիտահետազոտական նախագիծի վերաբերյալ հանդիպում: Նախագիծը ֆինանսավորվել է ԱՄՆ Գիտությունների ազգային ակադեմիայի PEER Science-ի կողմից:
   Հանդիպման նպատակը նախագծի, Հայաստանում երկրաջերմային էներգետիկ ներուժի, երկրաջերմային էներգիային վերաբերող համաշխարհային և տարածաշրջանային փորձառության, ինչպես նաև երկրաջերմային ռեսուրսների բացահայտման և ուսումնասիրման Հայաստանի փորձի ամփոփագրի ներկայացումն է:
   Հայաստանը հայտնի է իր ակտիվ խզվածքներով, ակտիվ և պոտենցիալ ակտիվ  հրաբխային համակարգերով: Վտանգի աղբյուր հանդիսանալուց բացի Հայաստանի հրաբուխները և ակտիվ խզվածքները ներկայացնում են նաև երկրաջերմային էներգետիկ ներուժ՝ հաշվի առնելով այն հանգամանքը, որ ներկայումս Հայաստանի էներգիայի արտադրության մեծ մասը ստացվում է ներմուծված բրածո և միջուկային վառելիքներից, ինչպես նաև հիդրոէլեկտրակայաններից: Հայաստանի երկրաջերմային էներգետիկ աղբյուրներին վերաբերող  այս գիտահետազոտությունը նշանակալիորեն կխթանի երկրագիտության միջառարկայական ուսումնասիրությունները՝ հրաբխագիտություն, սեյսմոլոգիա, երկրաֆիզիկա, երկրաքիմիա և թվային մոդելավորում, և կբարելավի Հայաստանում երկրաջերմային էներգետիկ ռեսուրսների որոնման և բնական վտանգների հավանական գնահատման վերաբերյալ գիտելիքները: 
   Նախագծի արդյունքում ԱՄՆ-Հայաստան համատեղ գիտահետազոտական թիմը ՀՀ կառավարությանը կներկայացնի առաջարկներ երկրաջերմային էներգետիկ ռեսուրսների օգտագործման, ինչպես նաև ռիսկերի նվազեցման վերաբերյալ:
   Հանդիպման ժամանակ «Երկրաջերմային էներգետիկ ռեսուրսների և բնական վտանգների գնահատումը Հայաստանում» նոր գիտահետազոտական նախագիծը կներկայացնի ՀՀ ԳԱԱ երկրաբանական գիտությունների ինստիտուտի տնօրեն, նախագծի գլխավոր հետազոտող Խաչատուր Մելիքսեթյանը: ՄԱԿ-ի էներգետիկայի ազգային փորձագետ Արա Մարջանյանը  կներկայացնի ակնարկ աշխարհում և տարածաշրջանում երկրաջերմային էներգիայի օգտագործման մասին: «Գեոռիսկ» գիտահետազոտական ընկերության տնօրեն, ՀՀ ԳԱԱ երկրաբանական գիտությունների ինստիտուտի գիտաշխատող Սուրեն Առաքելյանը հանդես կգա «Կարկառ երկրաջերմային դաշտը Հայաստանի հարավ-արևելքում. միջառարկայական ուսումնասիրություն և հետախուզական հորատման նախագիծ, 2009-2017թթ.» զեկուցմամբ:
   Հանդիպմանը կմասնակցեն ՀՀ ԳԱԱ-ի, ՀՀ տարածքային կառավարման և ենթակառուցվածքների, ՀՀ շրջակա միջավայրի, ՀՀ կրթության, գիտության, մշակույթի և սպորտի նախարարությունների, Համաշխարհային բանկի, ՄԱԿ-ի, էներգետիկ ոլորտի կազմակերպությունների և բիզնեսի ներկայացուցիչներ:

   ՀՀ ԳԱԱ տեղեկատվական-վերլուծական ծառայություն
   02.06.2021թ.

Latest Announcements
Publications in Press
26/04/2021
Գիտությունների ազգային ակադեմիայի մասին
engineeringassociation.am
08/04/2021
Մենք շատ անելիք ունենք, որ մեր երկիրը ոտքի կանգնեցնենք, և դրա ճանապարհը գիտությունն ու կրթությունն են. նախագահ Արմեն Սարգսյանը մասնակցել է ՀՀ ԳԱԱ խորհրդի նիստին
president.am
17/02/2021
«Ակադեմիական ինստիտուտները կհալվեն ու ի վերջո կփոշիանան». ԳԱԱ ինստիտուտները ցանկանում են մնալ ԳԱԱ կազմում
armtimes.com
16/02/2021
ՏԵՍԱՆՅՈՒԹ. Վահրամ Դումանյանի հետ խոսակցություն ենք ունեցել. Ռադիկ Մարտիրոսյանը փակագծեր է բացում
armlur.am
16/02/2021
Գիտությունների ազգային ակադեմիայի կարգավիճակի էական փոփոխություն, ենթադրում ենք, որ չի լինի. Մարտիրոսյան (Տեսանյութ)
aysor.am
16/02/2021
Հայաստանը կործանիչների հանգույցներ է ստեղծել, Ռուսաստանի հետ համագործակցությունը կամրապնդեր մեր ներուժը. Ռադիկ Մարտիրոսյան
aysor.am
This site has been visited
5 637 435

times since 01.01.2005
National Academy of Sciences of the Republic of Armenia
NAS RA Logo (black, blue)
Top Website last updated on:  16:08, 16/06/2021 Top
General Page - About Academy - Organisations - Members - Contact us - Structure - COVID-19 - Divisions
Presidium Members - Documents - Innovation Proposals - News - Conferences - All Publications in Press
All Announcements - Photogallery - Videogallery - "Gitutyun" newspaper - Funds - Anniversaries
Publications - Web Resources - Other Academies - Universities
Lindau Nobel Laureate Meeting - Sitemap
© Copyright 1998-2021, All Rights Reserved.
Website is created and supported by Academical Scientific Research Computer Network of Armenia (ASNET-AM)
For any suggestions write to webmaster {[ at ]} sci.am