National Academy of Sciences of the Republic of Armenia
ՀԱՅ  ENG  РУС
Home academy [@] sci.am Facebook Page
General Page About Academy Divisions Organizations Members Contact us
Zadig Mouradian
Dr. of Phys.-Math. Sciences
COVID-19
Structure
Presidium Members
Documents
Innovation Proposals
Publications
Funds
Conferences
Competitions
Photogallery
Videogallery
Web Resources
Other Academies
"Gitutyun" newspaper
"In the World of Science" Journal
Publications in Press
Notices
Anniversaries
Universities
News
Scientific Results
Diaspora Department presents
Young Scientist Tribune
Our Honored Figures
Announcements
Lindau Nobel Laureate Meeting
Sitemap
News
18/05/2020
ՀՀ ԳԱԱ-ի Ֆիզիկայի և աստղաֆիզիկայի բաժանմունքն ամփոփեց 2019թ-ի գործունեության արդյունքները բաժանմունքի տարեկան ընդհանուր ժողովում

    Սույն թվականի մայիսի 18-ին տեղի ունեցավ ՀՀ ԳԱԱ-ի Ֆիզիկայի և աստղաֆիզիկայի բաժանմունքի տարեկան ընդհանուր ժողովը հեռավար եղանակով:
    Ժողովի ընթացքում 2019թ-ի գիտական և գիտակազմակերպական գործունեության հիմնական արդյունքները ներկայացրեց բաժանմունքի ակադեմիկոս-քարտուղար ՀՀ ԳԱԱ ակադեմիկոս Ռադիկ Կոստանյանը: Այսպիսով, բաժանմունքի կազմում ընդգրկված են Վ. Համբարձումյանի անվան Բյուրականի աստղադիտարանը, Ֆիզիկական հետազոտությունների, Ֆիզիկայի կիրառական պրոբլեմների, Ռադիոֆիզիկայի և էլեկտրոնիկայի ինստիտուտները, ԻԿՐԱՆԵՏ միջազգային կենտրոնը և «Գալակտիկա» ՓԲԸ-ը:
    Կազմակերպվել է 11 գիտաժողով, տպագրվել են` 5 մենագրություն (1-ն արտասահմանում), 216 հոդված (124-ն արտասահմանում), 118 թեզիս (35-ն արտասահմանում), 2 ուսումնական ձեռնարկ, ստացել են 3 արտոնագիր:
    Բաժանմունքի կազմում ընդգրկված են` ԳԱԱ 6 ակադեմիկոս, 10 թղթակից և 28 արտասահմանյան անդամներ:
    Հաշվետու տարում ՀՀ ԳԱԱ ակադեմիկոս Ալպիկ Մկրտչյանը պարգևատրվել է Պրոխորովի անվան մեդալով (ՌԴ), թղթակից անդամ Արամ Պապոյանը արժանացել է միջազգային Օպտիկական ընկերության (OSA) 2019 թ. «օպտիկայի պաշտպան» կոչման, Վ. Համբարձումյանի անվան Բյուրականի աստղադիտարանի տնօրեն Արեգ Միքայելյանը ստացել է տուրիզմի միջազգային ակադեմիայի մեդալ (ՌԴ), Վ. Համբարձումյանի անվան Բյուրականի աստղադիտարանի փոխտնօրեն Հայկ Հարությունյան՝ Վալերի Բրյուսովի մեդալ (ՌԴ), ՀՀ ԳԱԱ ՖԿՊԻ՝ Պրոխորովի անվան մեդալ (ՌԴ) և “Terra Incognita Award 2019” միջազգային մրցանակ, Ֆիզիկայի կիրառական պրոբլեմների աշխատակիցներ Գայանե Տոնոյանը և Արամ Պետրոսյանը՝ «ԱՐՓԱ հիմնարկի նորարարական մրցույթի երկրորդ մրցանակ»։

Բաժանմունքի կազմակերպությունների կարևորագույն և կիրառական արդյունքներ

Վ.Համբարձումյանի անվան Բյուրականի աստղադիտարան (ԲԱ)

 Կարևոր արդյունքներ
    Երիտասարդ աստղակույտերից մեկում 127 օբյեկտների փոփոխականության վերլուծությունը ցույց է տվել, որ փոփոխականները, որոնք միջինում ունեն ավելի մեծ զանգվածներ, ակրեցիայով ավելի ակտիվ են: Սա հաստատում է, որ ակրեցիան ավելի մեծ զանգված ունեցող օբյեկտների մոտ մարում է ավելի դանդաղ (ղեկ.՝ ֆ.-մ.գ.թ. Ե.Նիկողոսյան):
    200-ից ավելի ռենտգենյան գալակտիկաների սպեկտրային տվյալների միջոցով առաջին անգամ որոշվել են դրանց ակտիվության դասերը: Հայտնաբերվել է շուրջ 50 թաքնված ակտիվ գալակտիկական միջուկ, որոնք օպտիկական տիրույթում չունենալով ակտիվության դրսևորումներ, հանդիսանում են հզոր ռենտգենյան աղբյուրներ: Հայտնաբերվել են 149 աստղառաջացման բռնկումով, 42 ակտիվ միջուկներով և 28 բաղադրյալ սպեկտրներով գալակտիկաներ (ղեկ.՝ ֆ.-մ.գ.թ. Ա.Միքայելյան):
    Ենթակարմիր աղբյուրների ուսումնասիրության հիման վրա հայտնաբերվել է աստղառաջացման նոր տիրույթ, որում, օգտագործելով բազմալիքային տվյալները, հայտնաբերվել է 240 երիտասարդ աստղային օբյեկտ: Գնահատվել է դրանց տարիքը որպես 0.1-3 մլն տարի (ղեկ.՝ Ն.Ազատյան):

Կիրառական աշխատանքների արդյունքներ
    Հայ-ռուսական համատեղ կայանում 230 դիտողական գիշերների ընթացքում ընդհանուր առմամբ արվել է 450.000 չափում և վերականգնվել 640 ուղեծիր արհեստական արբանյակների համար (ղեկ.՝ ֆ.-մ.գ.թ. Հ. Հարությունյան):

Ռադիոֆիզիկայի և էլեկտրոնիկայի ինստիտուտ (ՌՖԷԻ)

Կարևոր արդյունքներ
    Հետազոտվել են երկչափ դիէլեկտրիկ մետանյութերի էլեկտրադինամիկական հատկությունները: Հաստատվել է, որ տվյալ հաճախականային տիրույթի արգելված գոտու պայմանին բավարարող պարբերականության դեպքում կարելի է իրականացնել բևեռացման հարթության պտտիչ, երբ թիթեղի հաստությունը փոքր է ալիքի երկարությունից (ղեկ.՝ թղթ.անդ. Ա. Հախումյան):
    Հայտնաբերվել է ունակայաին կապով «սառը» ռադիոհաճախականային պլազմայի իմպեդանսի կախվածության հիստերեզիսային բնույթը, սնող գեներատորի հզորությունից։ Ուսումնասիրվել են պլազմայում պարպման առաջացման պայմանները և առաջարկվել է որպես պարպման հայտնաբերման չափանիշ օգտագործել պլազմայի էլեկտրական իմպեդանսը (ղեկ.՝ ֆ.-մ.գ.թ. Տ. Զաքարյան, Ն. Պողոսյան):
    Տեսականորեն հետազոտվել է TE ալիքների բևեռացման պտույտը միաչափ նոսր ֆոտոնային բյուրեղներում։ Բացահայտվել է բևեռացման պտույտի ռեզոնանսային բնույթը (ղեկ.՝ թղթ.անդ. Ս.Պետրոսյան):

Կիրառական աշխատանքների արդյունքներ
    Երկչափ դիէլեկտրիկ մետանյութերի  հիման վրա մշակվել են մեկզոնային ֆրենելյան ոսպնյակներ, որոնցում համատեղվում են ինչպես ինտենսիվության ուժեղացումը ֆոկալ տիրույթում, այնպես էլ բևեռացման կառավարումը (ղեկ.՝ թղթ.անդ. Ա. Հախումյան):
    Օպտիմալ տեսքի ընդունիչ մակերեսով երկկորդինատային ֆոտոընդունիչի հիման վրա ստեղծվել է ինֆրակարմիր ճառագայթման աղբյուրի տեղաշարժին հետևող օպտիկա-մեխանիկական համակարգ  և ստեղծվել է ինֆրակարմիր ֆոտոընդունիչների գծային շղթա` բաղկացած 6 ընդունիչներից (ղեկ.՝ թղթ.անդ. Ս. Պետրոսյան):
    Պաշտպանության նախարարության պատվերով կատարվել են պայմանագրային տարբեր աշխատանքներ:

Ֆիզիկական հետազոտությունների ինստիտուտ

Կարևոր  արդյունքներ
    Առաջին անգամ ատոմական գոլորշի պարունակող գերնեղ բջջում ստացվել են էլեկտրամագնիսականորեն հարուցված թափանցիկության ռեզոնանսներ՝ մագնիսականորեն հարուցված անցումների վրա: Գրանցվել է հսկայական դիքրոիզմի երևույթը: Ստացված ռեզոնանսները կարող են օգտագործվել լազերային ճառագայթման հաճախության վերալարվող ամրակապման և օպտիկական մագնիսաչափության համար (ղեկ.՝ ֆ.-մ.գ.դ. Դ.Սարգսյան):
    Թույլ լազերային ճառագայթման ազդեցությամբ ֆոտոռեֆրակտիվ բյուրեղում ձևավորվել են կանոնավոր օպտիկական պատկերներ։ Ստացվել է լազերային փնջի միկրոմետրական չափի կորագիծ հետագծով սոլիտոնաձև տարածում, որը բյուրեղում ձևավորում է ղեկավարվող ալիքատարային տարածման ուղի: Արդյունքը հեռանկարային է օպտիկական ինֆորմացիայի հասցեագրված տեղափոխման համար (ղեկ.՝ ֆ.-մ.գ.դ. Ռ.Դրամփյան):

Կիրառական աշխատանքների արդյունքներ
    Ըստ շառավղի քառակուսային թողանցմամբ զտիչի հիման վրա մշակվել է օբյեկտների օպտիկական մշտադիտարկման նոր եղանակ` հեռավոր օբյեկտների օպտիկական մշտադիտարկման համար, որը չի պահանջում լույսի մատրիցական դետեկտորների օգտագործում։ Մեթոդը կիրառվել է հողածածկ մանրակերտի վրա խոտածածքի տարածման և արհեստական ձյան մակերեսի նվազման հեռահար չափումների համար (ղեկ.՝ ակ. Ռ.Կոստանյան, ֆ.-մ.գ.դ. Ա.Մարտիրոսյան):
    Ցինկի օքսիդի թաղանթի դոնորային և ակցեպտորային խառնուկներով լոկալ դիֆուզիոն լեգիրման տեխնոլոգիայով ստեղծվել են ոչ գծային էլեկտրոնիկայի օպտիկապես թափանցիկ տարրեր, մասնավորապես՝ դաշտային տրանզիստոր, որոնք կարող են օգտագործվել թափանցիկ էլեկտրոնիկայի սարքերի մշակման համար (ղեկ.՝ ֆ.-մ.գ.թ. Ռ. Հովսեփյան):

Ֆիզիկայի կիրառական պրոբլեմների ինստիտուտ

Կարևոր արդյունքներ
    Առաջին անգամ ցույց է տրվել էլեկտրոնների թանձրուկի բնութագրերի կառավարման հնարավորությունը արտաքին ազդակների միջոցով:
    Ցույց է տրվել վերջավոր չափերի շերտավոր դիէլեկտրիկ պարունակող ալիքատարի առանցքով հավասարաչափ շարժվող լիցքավորված մասնիկների թանձրուկի ճառագայթման ինտենսիվության աճի հնարավորությունը: Առաջարկվել է ակնառու մոդել, որը բացատրում է ուժեղացման մեխանիզմը և հնարավորություն է տալիս որոշել ինքնաուժեղացման գործակիցը (ղեկ.՝ ակ. Ա. Մկրտչյան):
    Առաջին անգամ ակուստապլազմայում դիտվել է էլեկտրոնների էներգիայի աննախադեպ աճ` 106 և ավելի անգամ (ղեկ.՝ թղթ.անդ. Ա. Մկրտչյան):

Կիրառական աշխատանքների արդյունքներ
    Մշակվել ու ստեղծվել են տարրական մասնիկների (ալֆա մասնիկ, էլեկտրոն, պոզիտրոն, նեյտրոն) նոր դասի գերարագագործ ու գերզգայուն գրանցիչ փոխակերպիչների լաբորատոր նմուշներ:
    Կատարելագործվել են ինստիտուտում մշակված գերթույլ ակուստիկական և էլեկտրամագնիսական ալիքների գրանցիչ փոխակերպիչ սարքավորումները (ղեկ.՝ թղթ.անդ. Ա.Մկրտչյան):
    Փորձնականորեն ցույց է տրվել, որ ռենտգենյան միկրոտոմոգրաֆիայում բարդ տեսքով ֆիլտրերի կիրառման դեպքում առնվազն երկու անգամ մեծանում է երկրաբանական նմուշների ազդանշան-աղմուկ հարաբերությունը:
    Մշակվել և պատրաստվել է 1÷10 ՄՀց տիրույթի էլեկտրամագնիսական ազդանշանների ուժեղացուցիչ, որը ապահովում է 1÷200Վ ելքային լարում  (ղեկ.՝ ֆ.-մ.գ.թ. Վ.Քոչարյան):
     Սիլիցիումի և ալյումինե բարձրաստիճան կարգավորված մատրիցաների բազայի վրա սինթեզվել են AIIBIV խմբի քիմիական միացություններով ու մետաղական օքսիդներով հարստացված կոմպոզիցիոն տարբեր հարաբերական խտության նոր միջավայրեր (ղեկ.՝ ֆ.-մ.գ.թ. Վ.Նալբանդյան):

ԻԿՐԱՆԵՏ ՄԿ

Կարևոր արդյունքներ
    Գրանցվել է GRB 190114C գամմա բռնկումից առաջին անգամ գերբարձ էներգիաների (ԳԲԷ) գամմա-ճառագայթում MAGIC դիտակների համակարգով: GRB 190114C-ից ԳԲԷ-երի ֆոտոնները գրանցվել են 0.2-1 ՏԷՎ տիրույթում գամմա-բռկման առաջացումից մեկ րոպե հետո: Բազմահաճախային տիրույթում (5x10-6 մինչև 1012 էլեկտրոն-վոլտ) GRB 190114C-ի դիտումները ցույց են տվել, որ ՏԷՎ տիրույթում ճառագայթումը առանձին բաղադրիչ է, որի լուսատվությունը ցածր տիրույթում ճառագայթման բաղադրիչի լուսատվության կարգի է (ղեկ.՝ ֆ.-մ.գ.թ. Ն.Սահակյան)։

ՀՀ ԳԱԱ տեղեկատվական-վերլուծական ծառայություն
18.05.2020թ.


Notices








On 15 May 2024, at 14.00 a seminar on the topic "Astronomy in the crossroads of multidisciplinary and interdisciplinary sciences" will be held at the conference hall of Presidium of the NAS RA, which will be presented by the director of the Byurakan Astrophysical Observatory after V. Ambartsumian, cand.(phys.-math.) Areg Mickaelian

On April 23, 2024, at 10:30, the Annual General Meeting of NAS RA on the main results of the scientific and scientific-organizational activity of the National Academy of Sciences of the Republic of Armenia for 2023 will be held. The Annual General Meetings of the Divisions of Sciences will be held on April 22 at 10:00

The Institute of Physical Research of NAS of Armenia in collaboration with the IPR Armenia Optica Student Chapter have announced a photo contest entitled "Light through the Eyes of a Photographer" dedicated to the International Day of Light. The registration deadline for the competition is May 1

Ս.թ. ապրիլի 10-ին ժ. 15:00-ին ՀՀ ԳԱԱ նիստերի դահլիճում (Բաղրամյան պող., 24) տեղի կունենա սեմինարների շարքի երրորդ հանդիպումը՝ «Հավաքում ենք փաթիլ. ատոմներից դեպի մոլեկուլ և բյուրեղ» խորագրով: Որպես մոդերատոր հանդես կգա անվանի քիմիկոս, SKOLKOVO-ի գիտության և տեխնոլոգիաների ինստիտուտի պրոֆեսոր Արտեմ Օհանովը

On April 5 2024, a seminar on the topic "Advanced channeling Technologies: Strong external Electromagnetic fields to guide charged and Neutral Beams" will be held at the conference hall of the NAS RA Presidum which will be presented by professor of the Institute of Nuclear Physics (Italy) Sultan Dabagov

On April 1st 2024, a seminar on the topic "Magnetometry with nuclear spin-polarized 14N in NV centers in diamond" will be held at the conference hall of the RA NAS Presidium which will be presented by professor of the University of Latvia Marcis Auzinsh

The Shirak Center for Armenological Studies of NAS RA is starting to publish the 1 (27) volume of the "Scientific Works" journal for 2024. Priority is given to articles in English and Russian. The deadline for receiving articles is March 1, 2024

Международный инновационный центр нанотехнологий СНГ (МИЦНТ СНГ) при поддержке Межгосударственного фонда гуманитарного сотрудничества государств - участников СНГ (МФГС) и Объединенного института ядерных исследований объявляет о проведении конкурса на соискание грантов на разработку проектов в рамках деятельности МИЦНТ СНГ в 2024 году и очередной Стажировки молодых ученых и специалистов стран СНГ в Дубне в апреле - мае 2024года

ՀՀ գիտության և տեխնիկայի զարգացման 2020-2024թթ. գերակայության ՀՀ կառավարության որոշման նախագիծ

Publications in Press
19/05/2024

Շիրակի ջրանցքի հետազոտություն՝ կառուցումից մեկ դար անց
1lurer.am
19/05/2024

Այցելուները կդառնան երկրաբաններ. «Թանգարանների գիշեր»-ը՝ Երկրաբանական թանգարանում
1lurer.am
19/05/2024

Հավատարիմ հայրենի ավանդույթներին. «Հայագիտակ»
hy.armradio.am
18/05/2024

ԳԱԱ լաբորատորիաներից մեկը 160 մլն դրամանոց սարք է ստացել. 2024-ին 4.2 մլրդ կտրամադրվի սարքերի համար
1lurer.am
This site has been visited
6 976 792

times since 01.01.2005
National Academy of Sciences of the Republic of Armenia
NAS RA Logo (black, blue)
Top Website last updated on:  16:25, 20/05/2024 Top
General Page - About Academy - Divisions - Organizations - Members - Contact us - Structure - COVID-19
Presidium Members - Documents - Innovation Proposals - Publications - Funds - Conferences - Competitions
Photogallery - Videogallery - Web Resources - Other Academies - "Gitutyun" newspaper - "In the World of Science" Journal - Publications in Press
Notices - Anniversaries - Universities - News - Scientific Results - Diaspora Department presents - Young Scientist Tribune
Our Honored Figures - Announcements - Lindau Nobel Laureate Meeting - Sitemap
© Copyright 1998-2024 All Rights Reserved.
Website is created and supported by Academical Scientific Research Computer Network of Armenia (ASNET-AM)
For any suggestions write to webmaster {[ at ]} sci.am