National Academy of Sciences of the Republic of Armenia
ՀԱՅ  ENG  РУС
Home academy [@] sci.am
General Page About Academy Organisations Members Contact us
"Gitutyun" newspaper
N342 June 2020
N342
COVID-19
Structure
Divisions
Presidium Members
Documents
Innovation Proposals
News
Conferences
All Publications in Press
All Announcements
Photogallery
Videogallery
"Gitutyun" newspaper
Funds
Anniversaries
Publications
Web Resources
Other Academies
Universities
Lindau Nobel Laureate Meeting
Sitemap
News
13/12/2019
Կյանքից հեռացավ ՀՀ ԳԱԱ ակադեմիկոս Բորիս Կարապետյանը

   Սույն թվականի դեկտեմբերի 12-ին 95 տարեկան հասակում կյանքից հեռացավ բազմավաստակ գիտնական, ՀՀ ԳԱԱ ակադեմիկոս, տեխնիկական գիտությունների դոկտոր, պրոֆեսոր Բորիս Կարապետյանը:
   Բորիս Կարապետյանի կողմից մանրամասն ուսումնասիրվել են 1949թ. Բյուրականի, 1968թ. Քաջարանի և 1988թ. Սպիտակի երկրաշարժերի ազդեցությունները քաղացիական և արդյունաբերական կառույցների վրա:  Նա հեղինակ է շուրջ 200 գիտական աշխատությունների, այդ թվում` «Բազմաճոճանակ սեյսմոմետրերը և նրանց կիրառումը ինժեներային սեյսմոլոգիայում», «Հայաստանում կառուցված շենքերի տատանումները» և «Ինժեներային սեյսմոլոգիայի և շինարարական կոնստրուկցիաների մատենագիտական տեղեկատու» մենագրությունների և բազմաթիվ մեծարժեք գիտական աշխատությունների, որոնք մինչ օրս մնում են արդիական:
   Բորիս Կարապետյանը ակադեմիկոս Արմենակ Նազարովի հետ համատեղ Լենինականում հիմնադրել է Երկրաֆիզիկայի և ինժեներային սեյսմաբանության ինստիտուտը: 1961-1971թթ. ղեկավարել է ինստիտուտի ինժեներային սեյսմաբանության բաժինը: 1966-1971թթ. Սեմիպալատինսկում ղեկավարել է միջուկային պայթյունների ժամանակ շենքերի և կառուցվածքների վարքագծի ուսումնասիրման աշխատանքները: 1974-1980թթ. զբաղեցրել է ՀԽՍՀ Պետշինի շինանյութերի և շինարարական կառուցվածքների հայկական գիտահետազոտական ինստիտուտի գիտական գծով փոխտնօրենի պաշտոնը: 1994-2001թթ. եղել է ՀՀ ԳԱԱ Երկրի մասին գիտություններ պրոբլեմային գիտական խորհրդի նախագահը, «Գիտություններ Երկրի մասին» տեղեկագրի գլխավոր խմբագիրը:
   Բորիս Կարապետյանը 1964թ. պաշտպանել է դոկտորական ատենախոսությունը, իսկ 1970 թ. ստացել պրոֆեսորի կոչում: 1990թ-ին ընտրվել է ՀՀ ԳԱԱ թղթակից անդամ, 1996թ-ին՝ ՀՀ ԳԱԱ ակադեմիկոս:
   1987թ-ից Բորիս Կարապետյանն ընդամակցել է  ԱՄՆ Սեյսմաբանական ընկերությանը, 1993թ-ից եղել է Ֆրանսիայի «Արարատ» Միգազգային ակադեմիայի թղթակից անդամը:

20191213_body.jpg
   Մեծ է Բորիս Կարապետյանի դերը սերունդների կրթության և կադրերի պատրաստման գործում: 1971-1974թթ. նա դասավանդել է Երևանի պոլիտեխնիկական ինստիտուտում: 1981–1994թթ. եղել է Երևանի Ճարտարապետության և շինարարության պետական համալսարանի «Երկաթբետոնե, քարե կոնստրուկցիաների և կառուցվածքների սեյսմակայունություն» ամբիոնի վարիչը: Նա ղեկավարել է 16 թեկնածուական և 1 դոկտորական ատենախոսական աշխատանք:
   Ակադեմիկոս Կարապետյանն իր բազմաբեղուն գիտական, գիտակազմակերպչական և մանկավարժական գործունեության համար պարգևատրվել է մի շարք կառավարական պարգևներով, մրցանակներով և դիպլոմներով: 1974թ. նրան շնորհվել է ՀԽՍՀ Պետական մրցանակ գիտության և տեխնիկայի ասպարեզում ունեցած նվաճումների համար: Նա նաև ԱՄՆ հայկական գիտական և ճարտարագիտական ընկերության Վ. Համբարձումյանի անվան մրցանակի դափնեկիր է:
   ՀՀ Գիտությունների ազգային ակադեմիան, ՀՀ ԳԱԱ քիմիական և Երկրի մասին գիտությունների բաժանմունքը, ՀՀ ԳԱԱ Ա.Նազարովի անվան երկրաֆիզիկայի և ինժեներային սեյսմաբանության ինստիտուտը, գիտական հանրությունը սգում են անվանի գիտնականի մահը և իրենց ցավակցությունն են հայտնում ակադեմիկոս Բորիս Կարապետյանի հարազատներին և գործընկերներին:
   Ակադեմիկոս Բորիս Կարապետյանի հոգեհանգիստը տեղի կունենա դեկտեմբերի 15-ին՝ ժամը 18:00-ից, «Մեմորիալ» սգո սրահում (հասցե՝ Այվազովսկու փողոց 14/4 (նախկին թաղման բյուրո)), հրաժեշտի արարողությունը տեղի կունենա դեկտեմբերի 16-ին՝ ժամը 13.00-ին, ՀՀ ԳԱԱ նախագահությունում (հասցե` Մարշալ Բաղրամյան պող., 24):

   ՀՀ ԳԱԱ տեղեկատվական-վերլուծական ծառայություն
   13.12.2019թ.

Latest Announcements
Publications in Press
10/08/2020
Սեւրի պայմանագիրը կարող է վավերացվել ցանկացած պահի. պատմաբան
news.am
10/08/2020
Սեւրի պայմանագիրը վկայում է տարածաշրջանում ՌԴ-ի դերի թերագնահատման անթույլատրելիության մասին. պատմաբան
news.am
10/08/2020
Թուրքիան կեղծեց ոչ միայն հարևանների, այլև իր պատմությունը. Ռուբեն Սաֆրաստյան
lragir.am
10/08/2020
Վուդրո Վիլսոնի իրավարար վճիռը մնում է ուժի մեջ. լրացավ Սևրի պայմանագրի 100- ամյակը
armenpress.am
10/08/2020
Նիկոլ Փաշինյանն ուղերձ է հղել Սևրի դաշնագրի ստորագրման 100-ամյակին նվիրված գիտաժողովի մասնակիցներին
factor.am
10/08/2020
Գիտաժողով՝ նվիրված Սևրի դաշնագրի 100-ամյակին. ուղիղ
hy.armradio.am
This site has been visited
2 966 676

times since 01.01.2005
National Academy of Sciences of the Republic of Armenia
NAS RA Logo (black, blue)
Top Website last updated on:  14:40, 12/08/2020 Top
General Page - About Academy - Organisations - Members - Contact us - Structure - COVID-19 - Divisions
Presidium Members - Documents - Innovation Proposals - News - Conferences - All Publications in Press
All Announcements - Photogallery - Videogallery - "Gitutyun" newspaper - Funds - Anniversaries
Publications - Web Resources - Other Academies - Universities
Lindau Nobel Laureate Meeting - Sitemap
© Copyright 1998-2020, All Rights Reserved.
Website is created and supported by Academical Scientific Research Computer Network of Armenia (ASNET-AM)
For any suggestions write to webmaster {[ at ]} sci.am