National Academy of Sciences of the Republic of Armenia
ՀԱՅ  ENG  РУС
Home academy [@] sci.am
General Page About Academy Organisations Members Contact us
"Gitutyun" newspaper
N324 November 2018
N324
Structure
Divisions
Presidium Members
Documents
Innovation Proposals
News
Conferences
All Publications in Press
All Announcements
Photogallery
Videogallery
"Gitutyun" newspaper
Funds
Anniversaries
Publications
Web Resources
Other Academies
Universities
Lindau Nobel Laureate Meeting
Sitemap
News
04/12/2018
«Սպիտակի երկրաշարժ, 30 տարի անց. փորձ և հեռանկարներ» միջազգային գիտաժողովը սկսեց իր աշխատանքը

   Սույն թվականի դեկտեմբերի 4-ին ՀՀ Գիտությունների ազգային ակադեմիայում մեկնարկեց «Սպիտակի երկրաշարժ, 30 տարի անց. փորձ և հեռանկարներ» միջազգային գիտաժողովը՝ նվիրված 1988թ-ի աղետալի երկրաշարժի տարելիցին:
   Գիտաժողովի մասնակիցներին ողջունեց ՀՀ ԳԱԱ նախագահ ակադեմիկոս Ռադիկ Մարտիրոսյանը: «Սպիտակի երկրաշարժը մասնագիտական առումով իր հզորությամբ սովորական երկրաշարժ էր, եթե ի նկատի ունենանք պատմության ընթացքում աշխարհում տեղի ունեցող բազմաթիվ երկրաշարժեր: Բայց այս երկրաշարժն ունի կարևոր բնութագիր` կապված մեր ժողովրդի ունեցած կորուստների հետ: Առաջինը 25000 մարդկային զոհերն են, որ մենք ունեցանք այս երկրաշարժի հետևանքով և մյուսը, հսկայական նյութական կորուստները, որոնք հասան մինչև 15-20 միլիարդ ԱՄՆ դոլարի: Այսինքն, մարդկային և ռեսուրսների կորստի տեսակետից աննախադեպ էր այս երկրաշարժը:

20181204_body4.jpg

Նման կորուստների հիմնական պատճառն  այն էր, որ երկրաշարժի տարածքում շինարարական կառույցների նախագծման և կառուցման ընթացքում թույլ են տրված եղել բազմաթիվ սխալներ: Այդ պրոբլեմի գծով Հայաստանի գիտնականների կողմից մեծ ծավալի աշխատանքներ են կատարվել, և այդ աշխատանքների արդյունքում պետականորեն այժմ հաստատված են շինարարական, սեյսմիկ միանգամայն այլ ցուցանիշներ: Սպիտակի երկրաշարժի մասին բավականին մեծ մշակումներ են արված, և դրանց մի մասը կներկայացվի այս գիտաժողովի ընթացքում»,- իր խոսքում մասնավորապես ասաց ՀՀ ԳԱԱ նախագահը` մաղթելով գիտաժողովի մասնակիցներին հետաքրքիր քննարկումներ: Նա հույս հայտնեց, որ գիտաժողովի ընթացքում մասնագետները կներկայացնեն նորանոր հետազոտություններ և կփոխանակեն իրենց ունեցած փորձը:

20181204_body3.jpg
   Գիտաժողովի մասնակիցներին ողջունեցին նաև ՄԱԶԾ գրասենյակի մշտական ներկայացուցիչ Շոմբի Շարփը և ԱՄՆ էներգետիկայի դեպարտամենտի ներկայացուցիչ Ուիլիամ Վորդերը: Այնուհետև մասնակիցները դիտեցին Սպիտակի ավերիչ երկրաշարժին նվիրված վավերագրական ֆիլմ, որին հաջորդեցին զեկուցումները:
   Սպիտակի 1988թ. երկրաշարժի հետևանքով առաջացած հասարակական ցնցումը նոր մակարդակի է հասցրել սեյսմատեկտոնական գիտելիքները, երկրաշարժերի երկրաբանությունը և սեյսմիկ վտանգների գնահատումը Հայաստանում: Այն կարևոր խթան է հանդիսացել երկրում ակտիվ տեկտոնիկայի և պալեոսեյսմաբանական ուսումնասիրությունների համար և նպաստել է միջազգային համագործակցությանը:

20181204_body2.jpg
«Սպիտակի երկրաշարժ, 30 տարի անց. փորձ և հեռանկարներ» միջազգային գիտաժողովին մասնակցելու համար Հայաստան են ժամանել գիտնականներ Ռուսաստանից, ԱՄՆ-ից, Ֆրանսիայից, Իտալիայից, Վրաստանից, Գերմանիայից, Հունաստանից, Իրանից, Տաջիկստանից, Թուրքիայից, Թուրքմենստանից, Ղազախստանից, Ղրղստանից, Հոլանդիայից, Ճապոնիայից, Քաթարից, Բելգիայից և Կանադայից:

20181204_body1.jpg
   Գիտաժողովն իր աշխատանքները կշարունակի մինչև դեկտեմբերի 7-ը: Գիտաժողովի մասնակիցները կայցելեն Գյումրի և էպիկենտրոնային գոտի:
   Գիտաժողովի կազմակերպիչներն են ՀՀ ԳԱԱ-ն և ՀՀ Արտակարգ իրավիճակների նախարարությունը:

   ՀՀ ԳԱԱ Տեղեկատվական-վերլուծական ծառայություն
   04.12.2018թ.

Latest Announcements
Publications in Press
04/12/2018
Երեւանում ընթանում է միջազգային գիտաժողով՝ «Սպիտակի երկրաշարժը 30 տարի անց. Փորձ եւ հեռանկարներ» թեմայով
news.am
04/12/2018
Ներկայումս կատարվող շինարարությունը հաշվի է առնում Սպիտակի երկրաշարժի դասերը. ՀՀ ԳԱԱ նախագահ
news.am
03/12/2018
Экзитпол Проводить Не Будут
golosarmenii.am
01/12/2018
Իմ խոստումը քո խոստմանը վնաս չէ. ի՞նչ են խոստանում քաղաքական ուժերը գիտնականներին
hetq.am
05/11/2018
Ուսուցիչների եւ գիտնականների աշխատավարձերի բարձրացում 2019 թվականին չենք նախատեսել. Նախարար
armtimes.com
03/11/2018
Գիտնականներն ահազանգում են. Երբեմն Սևանի վերաբերյալ ընդունվում են որոշումներ, որոնք գիտական հիմնավորում չունեն
panorama.am
This site has been visited
1 644 799

times since 01.01.2005
National Academy of Sciences of the Republic of Armenia
NAS RA Logo (black, blue)
Top Website last updated on:  14:13, 13/12/2018 Top
General Page - About Academy - Organisations - Members - Contact us - Structure - Divisions
Presidium Members - Documents - Innovation Proposals - News - Conferences - All Publications in Press
All Announcements - Photogallery - Videogallery - "Gitutyun" newspaper - Funds - Anniversaries
Publications - Web Resources - Other Academies - Universities
Lindau Nobel Laureate Meeting - Sitemap
© Copyright 1998-2018, All Rights Reserved.
Website is created and supported by Academical Scientific Research Computer Network of Armenia (ASNET-AM)
For any suggestions write to webmaster {[ at ]} sci.am