National Academy of Sciences of the Republic of Armenia
ՀԱՅ  ENG  РУС
Home academy [@] sci.am
General Page About Academy Organisations Members Contact us
"Gitutyun" newspaper
N323 October 2018
N323
Structure
Divisions
Presidium Members
Documents
News
Conferences
All Publications in Press
All Announcements
Photogallery
"Gitutyun" newspaper
Funds
Anniversaries
Publications
Web Resources
Other Academies
Universities
Lindau Nobel Laureate Meeting
Sitemap
News
19/10/2018
Ալ. Սպենդիարյանի անվան օպերայի և բալետի ազգային ակադեմիական թատրոնում անցկացվեց հանդիսավոր նիստ` նվիրված ՀՀ ԳԱԱ 75-ամյա հոբելյանին

   Սույն թվականի հոկտեմբերի 18-ին Ալեքսանդր Սպենդիարյանի անվան օպերայի և բալետի ազգային ակադեմիական թատրոնում տեղի ունեցավ հանդիսավոր նիստ` նվիրված ՀՀ գիտությունների ազգային ակադեմիայի 75-ամյակին: Նիստին մասնակցեցին Հայաստանի Հանրապետության  նախագահ Արմեն Սարգսյանը, Ն.Ս.Օ.Տ.Տ  Ամենայն Հայոց Գարեգին Բ  կաթողիկոսը, ՀՀ սահմանադրական դատարանի նախագահ Հրայր Թովմասյանը, ՀՀ ազգային անվտանգության խորհրդի քարտուղար Արմեն Գրիգորյանը, Չինաստանի, Ռուսաստանի,  Բելառուսի, Ուկրանիայի, Վրաստանի, Մոլդովայի, Ղազախստանի, Ղրղզստանի, Չեխիայի, Էստոնիայի, Լատվիայի, Լիտվայի ակադեմիաների պատվիրակությունները, ինչպես նաև եվրոպական միջազգային ակադեմիական կառույցների ղեկավարներ, ՀՀ ԳԱԱ-ի արտասահմանյան անդամներ, Հայաստանի գիտական հանրության ներկայացուցիչներ: Նիստը մեկնարկեց Հայաստանի Հանրապետության օրհներգով: Նիստի մասնակիցներին իր հայրապետական օրհնությունը հղեց Ն.Ս.Օ.Տ.Տ Ամենայն Հայոց Գարեգին Բ կաթողիկոսը:
   ՀՀ ԳԱԱ 75-ամյա գործունեության արդյունքները ներկայացրեց ՀՀ ԳԱԱ նախագահ ակադեմիկոս Ռադիկ Մարտիրոսյանը: Նա իր ելույթում մասնավորապես ասաց. «1943 թվականի նոյեմբերին, երբ շարունակվում էր Հայրենական մեծ պատերազմը, ՀԽՍՀ կառավարության որոշմամբ հիմնադրվեց Հայաստանի գիտությունների ակադեմիան: Նորաստեղծ գիտությունների ակադեմիայի նախագահ ընտրվեց հանրահայտ արևելագետ ակադեմիկոս Հովսեփ Օրբելին:
   1947թ. ակադեմիայի պրեզիդենտ ընտրվեց համաշխարհային ճանաչման արժանացած, կազմակերպչական փայլուն ունակությունների տեր Վիկտոր Համբարձումյանը: 1993թ. Հայաստանի գիտությունների ազգային ակադեմիայի նախագահ ընտրվեց ճանաչված պետական գործիչ, գիտության և գիտական արտադրության անվանի կազմակերպիչ Ֆադեյ Սարգսյանը:
   2006 թ. ՀՀ ԳԱԱ նախագահ ընտրվեց Երևանի պետական համալսարանի  ռեկտոր Ռադիկ Մարտիրոսյանը: Գիտությունների ակադեմիայի առաջ ծառացել էին դժվարությամբ ձեռք բերված հաջողություններն ամրապնդելու, խորացնելու, գիտության զարգացման արդի մարտահրավերների ոգով ձեռնարկումներ կատարելու հիմնահարցերը: Նշված դժվարին ու բարդ խնդիրների լուծումը պահանջում էր գիտության բնագավառում իրականացնել բազմակողմանի վերափոխումներ, որոնք կնպաստեին գիտության զարգացմանը:
    2006թ. սկսված բարեփոխումների առաջին փուլը պետք է նպաս¬տեր գիտության զարգացմանը: Անհրաժեշտ էր ունեցած մարդկային, նյութա¬կան և մնացյալ ռեսուրսները կենտրոնացնել գիտական այն ուղղությունների շուրջը, որոնք ունեին ավանդույթներ, ապահովված էին կադրերով և ուրվագծված էին մոտ ապագայում կատարվելիք աշխատանքները: Այս առումով կարևորվում էր գիտության գերակա ուղղությունների հաստատումը, որոնք պետք է դառնային պարտադիր բոլոր գիտատեխնիկական կառույցների համար: Միաժամանակ, կարևորագույն ուղղությունների ընտրության հար¬ցում, ինչպես, օրինակ, հայագիտության դեպքում, անհրաժեշտ էր հաշվի առնել Հայաստանի Հանրապետությանը վերապահված դերակատարումը` որպես աշխարհում գիտության այդ ուղղության լիարժեք զարգացման եզակի ու հիմնական օջախի:
   Բարեփոխումների արդյունքում, նախկինում առանձին-առանձին գործող 18 գիտական կազմակերպությունների հենքի վրա կազմակերպվեցին երեք գիտական կենտրոն և երեք ինստիտուտ` ընդլայնված ուղղություններով:
ԳԱԱ բաժանմունքների և ինստիտուտների գործունեության հիմնական ուղղություններից մեկը երիտասարդ կադրերով հետազոտական աշխատանքների ապահովվածությունն է: Վերականգնվել է ՀՀ ԳԱԱ երիտասարդ գիտնականների խորհուրդը, որն ակտիվ գործունեությամբ հասել է որոշակի հաջողությունների:
Աճել է երիտասարդ կադրերի թիվը հետազոտական աշխատանքներում : Այժմ այն կազմում է ընդհանուր թվի մոտ 30 %-ը :
   Համակարգի հիմնական կադրային պոտենցիալը ձևավորվում է ԲՈՒՀ-երի և ԳԱԱ-ի ուսումնագիտական կենտրոնի շրջանավարտների հաշվին: Ակադեմիան, որպես շահագրգիռ կողմ, ակտիվ համագործակցում է հանրապետության առաջատար ԲՈՒՀ-երի հետ: Վերջին տարիներին էապես բարելավվել է միջազգային գիտակրթական կենտրոնի գործունեությունը:
   Վերջին տարիների ընթացքում մեծապես ակտիվացել է ակադեմիայի միջազգային համագործակցությունը: Նոր պայմանագրեր են ստորագրվել Ռուսաստանի Դաշնության, Լիտվայի, Ռումինիայի, Չինաստանի հասարակական գիտությունների, Հնդկաստանի գիտությունների ակադեմիաների հետ: Երկարատև համագործակցության արդյունքում համատեղ գիտական կառույցներ են ստեղծվել ֆրանսիական մի քանի համալսարանների և մեր՝ Ֆիզիկական հետազոտությունների, Երկրաբանական, Հնագիտության և ազգագրության ինստիտուտների հետ: Վերջին տարիներին ՀՀ ԳԱԱ ինստիտուտները իրականացրել են ավելի քան 80 մեծ ու փոքր դրամաշնորհային ծրագիր:
   Խիստ կարևորելով Մայր Հայրենիքի և սփյուռքահայ գիտնականների հզոր ներուժի համախմբումը, հայ գիտական միտքը Հայաստանի Հանրապետության ու Լեռնային Ղարաբաղի Հանրապետության գիտության և տնտեսության զարգացմանն ուղղորդելը, դրանով իսկ խթանելով հայ գիտնականների համագործակցությունն ամբողջ աշխարհում` ԳԱԱ-ն 2007 թ. ստեղծեց ԳԱԱ Սփյուռքի բաժին: 2018 թվականի սկզբին ՀՀ ԳԱԱ արտասահմանյան անդամներ են ընտրվել 135 հայազգի հանրահայտ գիտնականներ 23 երկրներից:
   ՀՀ ԳԱԱ նախագահության կազմում ստեղծվել է Միջազգային գիտական և տեխնոլոգիական ծրագրերի բաժին, որը համակարգում և տեղեկատվություն է տարածում, աշխատանքներ է տանում մեր հետազոտողներին եվրոպական ծրագրերում ներգրավելու համար:
Կարևորելով պետության տնտեսական և սոցիալական կարիքներին նպաստումը և գիտելիքի հիմքի վրա կառուցվող տնտեսության մեջ ներդրումների կատարումը` ՀՀ ԳԱԱ նախագահության կազմում 2018 թվականին ստեղծվել է Կիրառական ծրագրերի բաժինը:
   ՀՀ ԳԱԱ համակարգի առկա վիճակի վերլուծության անցկացման, ինչպես նաև ունեցած ձեռքբերումները պահպանելու և զարգացնելու համար ԳԱԱ նախագահության որոշմամբ 2017թ. իրականացվել է համակարգի գիտական կազմակերպությունների գործունեության արդյունավետության գնահատումը: Այդ գնահատման հիման վրա մշակվել են բարեփոխումների ծրագրեր:
   ԳԱԱ կադրային ներուժը ունակ է գիտականորեն հետազոտելու և լուծումներ առաջարկելու հանրապետության տնտեսության և ռազմական արդյունաբերության առջև ծառացած շատ-շատ խնդիրների ուղղությամբ, եթե այդպիսի պատվերներ տրվեն:
    Իր գոյության 75 տարիների ընթացքում ակադեմիան կուտակել է գիտագործնական հսկայական փորձ, արժանացել  է միջազգային գիտական հանրության բարձր գնահատականին, վայելում է հարգանք և հեղինակություն: Ակադեմիայի համակարգում ձևավորվել են բազմաթիվ գիտական դպրոցներ, որոնք միշտ էլ պատվով են ներկայացրել Հայաստանը միջազգային ասպարեզում: Ակադեմիայի համակարգի բազմաթիվ գիտական կազմակերպություններ մշտապես գիտական իրենց ձեռքբերումները անհատույց ծառայեցրել են պետությանն ու ժողովրդին:
…Այսօր էլ ակադեմիան իր կազմակերպություններով հանդերձ, գիտական մեծ ուժ է: Այն կարող է էապես նպաստել Հայաստանի Հանրապետության կայուն զարգացմանը պետության և հասարակության բոլոր բնագավառներում»:
   Շնորհավորական ելույթներով հանդես եկան ՀՀ նախագահ Արմեն Սարգսյանը, Ռուսաստանի գիտությունների ակադեմիայի փոխնախագահ Վլադիմիր Չեխոնինը, Չինաստանի  գիտությունների ակադեմիայի նախագահ Բաի Չուն Լին,   Եվրոպական երկրների ակադեմիաների ընկերակցության (ALLEA) փոխնախագահ Գրեհամ Քեյը, Մոլդովայի գիտությունների ակադեմիայի նախագահ Գեորգի Դուկան: Նիստը եզրափակվեց  համերգային ծրագրով, որն ավարտվեց ՀՀ ԳԱԱ օրհներգով:

   ՀՀ ԳԱԱ Տեղեկատվական-վերլուծական ծառայություն
   19.10.2018թ.

Latest Announcements








ՀՀ ԳԱԱ ՕԴՔ ԳՏԿ ՊՈԱԿ-ի աշխատակիցների դիմումը ՀՀ վարչապետի պաշտոնակատար Ն.Փաշինյանին

On 14 November, 2018, the Institute of Philosophy, Sociology and Law of NAS RA is organizing a scientific conference «Humanities and Social Sciences within the academic framework» dedicated to 75th anniversary of the NAS RA

On 15 November, 2018, the Institute of Philosophy, Sociology and Law of NAS RA is organizing a scientific conference dedicated to UNESCO’s World Philosophy Day

On November 28-29, 2018, the Institute of Molecular Biology NAS RA is organizing the workshop "Toxicology: scientific needs and structured education". The course will be conducted in English. Deadline for registration is November 19, 2018

On December 3-7, 2018, the National Academy of Sciences and the Ministry of Emergency Situations of the Republic of Armenia organize “30 years after Spitak Earthquake: Experience and Perspectives” International Conference dedicated to the devastating 1988 Spitak earthquake occurred in north Armenia. The conference is being held within the frameworks of the 75th anniversary of the National Academy of Sciences of Armenia

Hayastan All Armenian Fund announces a competition "PRESIDENT OF REPUBLIC OF ARMENIA PRIZE 2018" funded by the Boghossian Foundation (Belgium-Switzerland). The prize consists of a laureate diploma, a badge and a reward of 10,000$ and in AMD equivalent. Applications are accepted from 3 December 2018 to 31 January 2019. For more information visit: http://himnadram.org website

2019թ. հունիսի 30-ից հուլիսի 5-ը տեղի կունենա Նոբելյան մրցանակակիրների 69-րդ հանդիպումը ֆիզիկայի բնագավառի ներկայացուցիչների հետ

The list of scientific events guaranteed for financing by State Budget for 2018

The list of young scientists’ schools guaranteed for financing by State Budget for 2018

Publications in Press
05/11/2018
Ուսուցիչների եւ գիտնականների աշխատավարձերի բարձրացում 2019 թվականին չենք նախատեսել. Նախարար
armtimes.com
03/11/2018
Գիտնականներն ահազանգում են. Երբեմն Սևանի վերաբերյալ ընդունվում են որոշումներ, որոնք գիտական հիմնավորում չունեն
panorama.am
02/11/2018
Академии Наук-75 Лет.Достижения И Перспективы
golosarmenii.am
01/11/2018
Մեր գիտությունն ու իրականությունն իրարից կտրված են. Նիկոլ Փաշինյան
shantnews.am
31/10/2018
Հայաստանի գիտության զարգացման խոչընդոտները եւ հնարավոր հեռանկարները
aravot.am
31/10/2018
ՀՀ ԳԱԱ նախագահ Ռադիկ Մարտիրոսյանը հյուրընկալել է Հայաստանում Ռուսաստանի նորանշանակ արտակարգ և լիազոր դեսպան Սերգեյ Կոպիրկինին
nt.am
This site has been visited
1 626 385

times since 01.01.2005
National Academy of Sciences of the Republic of Armenia
NAS RA Logo (black, blue)
Top Website last updated on:  16:22, 19/11/2018 Top
General Page - About Academy - Organisations - Members - Contact us - Structure - Divisions
Presidium Members - Documents - News - Conferences - All Publications in Press
All Announcements - Photogallery - "Gitutyun" newspaper - Funds - Anniversaries - Publications
Web Resources - Other Academies - Universities
Lindau Nobel Laureate Meeting - Sitemap
© Copyright 1998-2018, All Rights Reserved.
Website is created and supported by Academical Scientific Research Computer Network of Armenia (ASNET-AM)
For any suggestions write to webmaster {[ at ]} sci.am