National Academy of Sciences of the Republic of Armenia
ՀԱՅ  ENG  РУС
Home academy [@] sci.am Facebook Page
General Page About Academy Divisions Organizations Members Contact us
Zadig Mouradian
Dr. of Phys.-Math. Sciences
COVID-19
Structure
Presidium Members
Documents
Innovation Proposals
Publications
Funds
Conferences
Competitions
Photogallery
Videogallery
Web Resources
Other Academies
"Gitutyun" newspaper
"In the World of Science" Journal
Publications in Press
Notices
Anniversaries
Universities
News
Scientific Results
Diaspora Department presents
Young Scientist Tribune
Our Honored Figures
Announcements
Lindau Nobel Laureate Meeting
Sitemap
News
23/02/2018
ՀՀ ԳԱԱ-ում անցկացվեց «Արցախը Հայոց պետականության համար պայքարի քառուղիներում» միջազգային գիտաժողովը

   Սույն թվականի փետրվարի 23-ին ՀՀ ԳԱԱ-ում անցկացվեց «Արցախը Հայոց պետականության համար պայքարի քառուղիներում» միջազգային գիտաժողովը` նվիրված արցախյան շարժման նոր շրջափուլի 30-ամյակին:
   Գիտաժողովին մասնակցեցին ՀՀ ԳԱԱ նախագահ ակադեմիկոս Ռադիկ Մարտիրոսյանը, Տ. Նաթան արքեպիսկոպոս Հովհաննիսյանը, Արցախի Հանարապետության Ազգային ժողովի նախագահ Աշոտ Ղուլյանը, ՀՀ սփյուռքի նախարար Հրանուշ Հակոբյանը, ՀՀ արտաքին գործերի նախարարի տեղակալ Շավարշ Քոչարյանը, ՀՀ Ազգային ժողովի Հայաստանի Հանրապետական կուսակցության խմբակցության ղեկավար Վահրամ Բաղդասարյանը, գրող, հրապարակախոս  Զորի Բալայանը, ՀՀ ԳԱԱ ակադեմիկոսներ, նախագահության անդամներ, ՀՀ ԳԱԱ գիտական կազմակերպությունների,  ԲՈՒՀ-երի ղեկավարներ, գիտնականներ, մտավորականներ:

20182302_main_2.jpg
   Գիտաժողովը բացեց ՀՀ ԳԱԱ նախագահ ակադեմիկոս Ռադիկ Մարտիրոսյանը:
   Գիտաժողովի մասնակիցները մեկ րոպե լռությամբ հարգեցին կյանքից հեռացած արցախյան շարժման ակունքներում կանգնածների հիշատակը:
   «Հայ ժողովրդի այսօրվա սերնդի կյանքում արցախյան շարժումն ունեցավ մեծ նշանակություն, որովհետև ավարտվեց ազատագրական պայքարի հաղթանակով: Այդ կարևոր հաղթանակն ամբողջ աշխարհում բարձրացրեց մեր ժողովրդի արժանապատվությունը: Ամբողջ աշխարհում սկսեցին ազատագրական, ինքնավարական տարբեր շարժումներ, որոնց համար այս շարժումն ունի կարևոր նախնական նշանակություն:

20182302_body4.jpg
   Արցախյան շարժման մեջ մեծ դեր ունի նաև մտավորականությունը, որովհետև մեր մտավորականությունը ծանոթացրեց մեր ժողովրդին այն պատմությանը, այն կարևոր խնդիրներին, որոնք առկա էին մեր պետականության կառուցման հարցերում:
   Այս կարևոր միջոցառման ընթացքում մենք նշում ենք այն դասերը, որոնք ունեցանք մեր երկու հայկական պետություննների կառուցման ընթացքում և հետևությունները, որ պետք է անենք առաջիկա խնդիրների լուծման և պետականության ամրապնդման համար»,- իր ելույթում ասաց ՀՀ ԳԱԱ նախագահ ակադեմիկոս Ռադիկ Մարտիրոսյանը:

20182302_body2.jpg
   Արցախի Հանրապետության նախագահ Բակո Սահակյանի ողջույնի խոսքն ընթերցեց  Արցախի Հանրապետության Ազգային ժողովի նախագահ Աշոտ Ղուլյանը:
   «Հարգելի ներկաներ,
ողջունում եմ «Արցախը Հայոց պետականության համար պայքարի քառուղիներում» միջազգային գիտաժողովի բոլոր մասնակիցներին:  Նման միջոցառումները կարևոր են պատմության տարբեր ժամանակահատվածներում հայ ժողովրդի հաղթանակներում ձեռքբերումներին, նրա անցած ուղու արժևորման ու գնահատման տեսանկյունից: Պետականության ձգտումը մեր ժողովուրդը փայփայել է դարեր շարունակ և միշտ վառ պահել օտարի լուծի դեմ պայքարի կրակը: Այդ պայքարն իր կիզակետին հասավ 1988թ-ին, երբ արցախցին ոտքի ելավ` պաշտպանելու իր ոտնահարված իրավունքներն ու ազատությունները և միավորեց համայն հայությանը մեկ գաղափարի շուրջ` հայը պետք է ապրի իր սեփական հողում, ազատ ու անկախ, շենացնի իր պապերի երկիրը և կերտի սերունդների ապագան: Եվ արդեն 30 տարի է, ինչ մայր Հայաստանի և Սփյուռքի մեր քույրերի ու եղբայրների հետ միասին կառուցում ենք ժողովրդավարական պետություն միջազգային իրավունքի նորմերին ու սկզբունքներին համապատասխան, օրենքի տառին ու ոգուն համահունչ:
   Արցախի զարգացման ուղին անկասելի է, մեր կամքը` անսասան: Մենք կատարել ենք մեր ընտրությունը և հետ դարձի ճանապարհ չունենք: Ողջունում եմ բոլորիդ և մաղթում հաջող և արդյունավետ աշխատանք»:
Գիտաժողովի մասնակիցներին ողջույնի խոսք էին հղել  Ն.Ս.Օ.Տ.Տ. Գարեգին Բ Ամենայն Հայոց Կաթողիկոսը և Ն.Ս.Օ.Տ.Տ. Արամ Ա Մեծի Տան Կիլիկիո Կաթողիկոսը:

  20182302_body1.jpg
   Գիտաժողովի մասնակիցներին ողջունեցին նաև ՀՀ ԳԱԱ հայագիտության և հասարակական գիտությունների ակադեմիկոս-քարտուղար Յուրի Սուվարյանը, ԵՊՀ ռեկտոր ՀՀ ԳԱԱ թղթակից անդամ Արամ Սիմոնյանը: ՀՀ ԳԱԱ Պատմության ինստիտուտի տնօրեն ակադեմիկոս Աշոտ Մելքոնյանը:
   Ցուցադրվեցին կադրեր, թե ինչպես 1988թ-ի փետրվարի 23-ին Գիտությունների ակադեմիայի բակում հավաքված ժողովրդի առաջ Աշոտ Մելքոնյանն ընթերցում է Պատմության ինստիտուտի որոշումն այն մասին, որ հայ պատմաբանները պատրաստ են պատմական տեղեկանք ներկայացնել Արցախի հայկականության վերաբերյալ:
Այնուհետև գիտաժողովի մասնակիցները հանդես եկան զեկուցումներով` ներկայացնելով Հայոց պետականության կայացման ու պահպանման համար համընդհանուր պայքարի համատեքստում Արցախի հիմնահարցերը:
   Գիտաժողովի  կազմակերպիչներն են ՀՀ ԳԱԱ հայագիտության և հասարական գիտությունների բաժանմունքը և Երևանի պետական համալսարանը:

   ՀՀ ԳԱԱ Տեղեկատվական-վերլուծական ծառայություն
   23.02.2018թ.


Notices








Ս.թ. հունիսի 5-ին ժամը 15:00 ՀՀ ԳԱԱ նիստերի կլոր դահլիճում տեղի կունենա գիտական զեկուցում հետևյալ թեմայով`«ԳԵՈՊԱՐԿԻ ՍՏԵՂԾՄԱՆ ՆԱԽԱԴՐՅԱԼՆԵՐԸ ՀՀ-ՈՒՄ»

On 15 May 2024, at 14.00 a seminar on the topic "Astronomy in the crossroads of multidisciplinary and interdisciplinary sciences" will be held at the conference hall of Presidium of the NAS RA, which will be presented by the director of the Byurakan Astrophysical Observatory after V. Ambartsumian, cand.(phys.-math.) Areg Mickaelian

Международный инновационный центр нанотехнологий СНГ (МИЦНТ СНГ) при поддержке Межгосударственного фонда гуманитарного сотрудничества государств - участников СНГ (МФГС) и Объединенного института ядерных исследований объявляет о проведении конкурса на соискание грантов на разработку проектов в рамках деятельности МИЦНТ СНГ в 2024 году и очередной Стажировки молодых ученых и специалистов стран СНГ в Дубне в апреле - мае 2024года

ՀՀ գիտության և տեխնիկայի զարգացման 2020-2024թթ. գերակայության ՀՀ կառավարության որոշման նախագիծ

Publications in Press
19/05/2024

Շիրակի ջրանցքի հետազոտություն՝ կառուցումից մեկ դար անց
1lurer.am
19/05/2024

Այցելուները կդառնան երկրաբաններ. «Թանգարանների գիշեր»-ը՝ Երկրաբանական թանգարանում
1lurer.am
19/05/2024

Հավատարիմ հայրենի ավանդույթներին. «Հայագիտակ»
hy.armradio.am
18/05/2024

ԳԱԱ լաբորատորիաներից մեկը 160 մլն դրամանոց սարք է ստացել. 2024-ին 4.2 մլրդ կտրամադրվի սարքերի համար
1lurer.am
This site has been visited
6 980 496

times since 01.01.2005
National Academy of Sciences of the Republic of Armenia
NAS RA Logo (black, blue)
Top Website last updated on:  17:42, 24/05/2024 Top
General Page - About Academy - Divisions - Organizations - Members - Contact us - Structure - COVID-19
Presidium Members - Documents - Innovation Proposals - Publications - Funds - Conferences - Competitions
Photogallery - Videogallery - Web Resources - Other Academies - "Gitutyun" newspaper - "In the World of Science" Journal - Publications in Press
Notices - Anniversaries - Universities - News - Scientific Results - Diaspora Department presents - Young Scientist Tribune
Our Honored Figures - Announcements - Lindau Nobel Laureate Meeting - Sitemap
© Copyright 1998-2024 All Rights Reserved.
Website is created and supported by Academical Scientific Research Computer Network of Armenia (ASNET-AM)
For any suggestions write to webmaster {[ at ]} sci.am