National Academy of Sciences of the Republic of Armenia
ՀԱՅ  ENG  РУС
Home academy [@] sci.am Facebook Page
General Page About Academy Divisions Organizations Members Contact us
Zadig Mouradian
Dr. of Phys.-Math. Sciences
COVID-19
Structure
Presidium Members
Documents
Innovation Proposals
Publications
Funds
Conferences
Competitions
Photogallery
Videogallery
Web Resources
Other Academies
"Gitutyun" newspaper
"In the World of Science" Journal
Publications in Press
Notices
Anniversaries
Universities
News
Scientific Results
Diaspora Department presents
Young Scientist Tribune
Our Honored Figures
Announcements
Lindau Nobel Laureate Meeting
Sitemap
Young Scientist Tribune
Սիրանուշ Փարսադանյան

«Աշխատանքում հիմնավորելու ենք, որ այս հետազոտությունը կարևոր է և՛ հայագիտության զարգացման առումով, և՛ եվրոպական հետաքրքրվածության»

Սիրանուշ Փարսադանյանը ՀՀ ԳԱԱ Մանուկ Աբեղյանի անվան գրականության ինստիտուտի Հայ նոր գրականության բաժնի գիտաշխատող [1] է։ Վերջին տարիներին հետազոտություն է իրականացրել ՀՀ Գիտության կոմիտեի կողմից ֆինանսավորվող թեմատիկ ծրագրով, որի ղեկավարի հետ համատեղությամբ հոդվածներ են հրապարակել Web of Science [2] գիտատեղեկատվական շտեմարանում ընդգրկված ամսագրում։ Արդյունքում փորձառությունը բավարարել է ինստիտուտի ևս մեկ երիտասարդ գիտական կադրի հետ մասին գիտական խումբ կազմելուն և Երիտասարդ գիտնականների աջակցության ծրագրով հայտարարված «Հասարակական, հայագիտական և հումանիտար ոլորտներում հետազոտությունների» մրցույթին դիմելուն։ Մրցույթում հաջողություն են գրանցել և ներկայում ծրագրի շահառու [3] են․

- Մրցույթում շահել ենք «Հայկական լեգենդների գերմանական գրառումները և մեկնաբանությունները» թեմայով։ Այս աշխատանքը կարող է դառնալ բնագրային, աղբյուրագիտական հիմք, որի շնորհիվ կկատարվեն հարցի վերաբերյալ տեսական բոլոր ուսումնասիրությունները։ Հետազոտությունը կմեծացնի նաև միջազգային հետաքրքրությունը հայկական թեմաներով եվրոպական, մասնավորապես գերմանական ստեղծագործությունների նկատմամբ՝ լուսաբանելով դրանց ստեղծման և տարածման մշակութային պատճառները: Ես և խմբի մյուս կատարող անդամը տիրապետում ենք գերմաներենին [4]։ Դա հնարավորություն է տալիս միջազգային գիտատեղեկատվական շտեմարանների ամսագրերում ընդգրկված գերմաներեն հոդվածները ևս ներառելու հետազոտության նյութի մեջ։ 

- Ի՞նչ կարծիք կարող եք հայտնել "Scopus" [5], "Web of science" [6]  գիտատեղեկատվական շտեմարաններում ընդգրկված պարբերականների հոդվածների ուսումնասիրության վերաբերյալ:

- Ուսումնասիրությունը և այնտեղ տպագրվելը կարևոր են երկու տեսանկյունից: Նախ ծանոթանում ենք արտերկրի մեր գործընկերների գիտական  նորամուծություններին: Այնուհետև տվյալ գիտատեղեկատվական շտեմարաններում տպագրվելով՝ մեր գիտական միտքը կարող ենք հասանելի դարձնել միջազգային գիտական հանրությանը, ստեղծել նոր կապեր և դրանք ծառայեցնել ի նպաստ հայագիտության զարգացման: Այս նպատակով առաջնային է քայլեր ձեռնարկելը գիտաչափական շտեմարաններում ընդգրկված պարբերականների հոդվածներն ուսումնասիրելու, մեր գիտական աշխատանքներում հղումներ կատարելու, կապեր ստեղծելու և ապա հոդվածներ տպագրելու ուղղությամբ [7]:

- Ձեր թեմայի շրջանակներում "Scopus"-ի պարբերականներում հրապարկվող ո՞ր հեղինակի հոդվածներին եք անհրաժեշտ համարում ծանոթանալ և հետագա աշխատանքներում հղումներ անել: 

- Ուսումնասիրում ենք մեր հետազոտական թեմային առնչվող հոդվածները, ծանոթանում ենք միջազգային գործընկերների տեսական մտքին, առաջ քաշած դրույթներին: Միևնույն ժամանակ, դեռևս չենք հստակեցրել, թե որ հեղինակի որ հոդվածներին հղում կտանք մեր գիտական արդյունքներն ամփոփող հոդվածներում, քանի որ դեռևս հայկական լեգենդների գերմաներեն գրառումների մատենագիտության ցանկն ենք կազմում և ներկա փուլում զբաղված ենք նյութի հավաքման աշխատանքով: 

- Ի՞նչ հետազոտական խմբով եք շահել մրցույթում: 

-Աշխատանքը կատարում ենք հետազոտական փոքր խմբով՝ Գրականության ինստիտուտի ասպիրանտ Թերեզա Թադևոսյանի հետ: Վստահ ենք, որ առաջիկայում գոհացնող արդյունքներ կունենանք:

- Ի՞նչ աշխատանք եք նախատեսել հետազոտության ընթացքում։  

- Հետազոտական աշխատանքում մի կողմից խնդիր ենք դրել ցույց տալու, թե ինչպիսի տարբերակներով են նույն զրույցներն ու լեգենդներն արտահայտվել հայ և գերմանացի հեղինակների ստեղծագործություններում և ինչ մշակումների են ենթարկվել: Մյուս կողմից նպատակ ունենք ցույց տալու, թե հայկական լեգենդները, գերմանական ուղեգրողների կողմից գրառվելով, ինչ արժևորման ու բնորոշումների են ենթարկվել: Դրանք կազմել են միայն իրենց ուղեգրությունների մաս, թե նաև երկրորդ կյանք են ստացել՝ օգտագործվելով գերմանական գրականության և բանագիտության մեջ: Աշխատանքում պետք է հիմնավորվի, որ այս հետազոտությունը կարևոր է և՛ հայագիտության զարգացման  առումով, և՛ եվրոպական հետաքրքրվածության: 

- Ո՞րն է Ձեր կանխատեսած առաջանցիկ քայլն այս աշխատանքի շնորհիվ։  

- Ուսումնասիրությունը կարևոր է գրական կապերի վերհանման տեսանկյունից։  Նախ՝ ցույց տալու հայկական լեգենդների ունեցած ազդեցությունը գերմանական գրականության վրա, վեր հանելու գրական փոխառնչությունները։ Շարունակելով՝ պարզելու ինչպես են հայկական ավանդությունները ինքնուրույն զարգացում ապրել և նոր ստեղծագործություններով շարունակվել գերմանական գրականության շրջանակում՝ հասնելով անգամ նոր շրջանի գրականություն: Այս հարցերը ենթադրում են գիտական փոխգործակցություն:  

Հղումներ

  1. "Аcademia.edu" հարթակում Սիրանուշ Փարսադանյանի հոդվածների շարքը՝ https://independent.academia.edu/SiranushParsadanyan։
  2. "Web of Science" գիտատեղեկատվական շտեմարանում Սիրանուշ Փարսադանյանի հոդվածների շարքը՝ https://www.webofscience.com/wos/author
  3. ԵԳԱԾ «Հասարակական, հայագիտական և հումանիտար ոլորտներում հետազոտությունների» մրցույթի շահառուների ցանկը՝ https://drive.google.com/file/։
  4. Սիրանուշ Փարսադանյան, Վոլֆգանգ Բորխերտի «Հացը» պատմվածքների ժողովածույի հայերեն թարգմանության մասին՝ https://www.aravot.am/2021/07/08/։  
  5. "Scopus" գիտատեղեկատվական շտեմարանում ընդգրկված ամսագրեր` https://www.scopus.com/sources.uri։ 
  6. "Web of Science" գիտատեղեկատվական շտեմարանում ամսագրերի որոնման հարթակ՝ https://mjl.clarivate.com/home։  
  7. "Scimago"-ն ընդգրկում է սկսած 1996 թ.-ից "Scopus" տվյալների բազայում թվարկված ամսագրերի արխիվը: Հղումով գրականագիտական հանդեսներն են՝ https://www.scimagojr.com/journalrank:

Հերմինե Օհանյան


Notices








Ս.թ. հունիսի 5-ին ժամը 15:00 ՀՀ ԳԱԱ նիստերի կլոր դահլիճում տեղի կունենա գիտական զեկուցում հետևյալ թեմայով`«ԳԵՈՊԱՐԿԻ ՍՏԵՂԾՄԱՆ ՆԱԽԱԴՐՅԱԼՆԵՐԸ ՀՀ-ՈՒՄ»

On 15 May 2024, at 14.00 a seminar on the topic "Astronomy in the crossroads of multidisciplinary and interdisciplinary sciences" will be held at the conference hall of Presidium of the NAS RA, which will be presented by the director of the Byurakan Astrophysical Observatory after V. Ambartsumian, cand.(phys.-math.) Areg Mickaelian

Международный инновационный центр нанотехнологий СНГ (МИЦНТ СНГ) при поддержке Межгосударственного фонда гуманитарного сотрудничества государств - участников СНГ (МФГС) и Объединенного института ядерных исследований объявляет о проведении конкурса на соискание грантов на разработку проектов в рамках деятельности МИЦНТ СНГ в 2024 году и очередной Стажировки молодых ученых и специалистов стран СНГ в Дубне в апреле - мае 2024года

ՀՀ գիտության և տեխնիկայի զարգացման 2020-2024թթ. գերակայության ՀՀ կառավարության որոշման նախագիծ

Publications in Press
19/05/2024

Շիրակի ջրանցքի հետազոտություն՝ կառուցումից մեկ դար անց
1lurer.am
19/05/2024

Այցելուները կդառնան երկրաբաններ. «Թանգարանների գիշեր»-ը՝ Երկրաբանական թանգարանում
1lurer.am
19/05/2024

Հավատարիմ հայրենի ավանդույթներին. «Հայագիտակ»
hy.armradio.am
18/05/2024

ԳԱԱ լաբորատորիաներից մեկը 160 մլն դրամանոց սարք է ստացել. 2024-ին 4.2 մլրդ կտրամադրվի սարքերի համար
1lurer.am
This site has been visited
6 979 590

times since 01.01.2005
National Academy of Sciences of the Republic of Armenia
NAS RA Logo (black, blue)
Top Website last updated on:  17:42, 24/05/2024 Top
General Page - About Academy - Divisions - Organizations - Members - Contact us - Structure - COVID-19
Presidium Members - Documents - Innovation Proposals - Publications - Funds - Conferences - Competitions
Photogallery - Videogallery - Web Resources - Other Academies - "Gitutyun" newspaper - "In the World of Science" Journal - Publications in Press
Notices - Anniversaries - Universities - News - Scientific Results - Diaspora Department presents - Young Scientist Tribune
Our Honored Figures - Announcements - Lindau Nobel Laureate Meeting - Sitemap
© Copyright 1998-2024 All Rights Reserved.
Website is created and supported by Academical Scientific Research Computer Network of Armenia (ASNET-AM)
For any suggestions write to webmaster {[ at ]} sci.am