Սույն թվականի մայիսի 11-ին և 12-ին` ՀՀ Գիտությունների ազգային ակադեմիայում,Սրտաբանների հայկական ասոցիացիան անցկացրեց իր XI վեհաժողովը` նվիրված ասոցիացիայի նախագահ ՀՀ ԳԱԱ ակադեմիկոս, պրոֆեսոր Կառլեն Ադամյանի 80-ամյա հոբելյանին:

Վեհաժողովի հիմնական զեկուցումները նվիրված էին սրտի իշեմիկ հիվանդություններին, սրտի ռիթմի խանգարումներին, զարկերակային գերճնշմանը և սրտաբանության արդի այլ հարցերին:
    Վեհաժողովին մասնակցելու և ակադեմիկոս Կառլեն Ադամյանին շնորհավորելու էին եկել գործընկերներ Ռուսաստանից, Ուկրաինայից, Իսպանիայից:

     Կառլեն Ադամյանը Սրտաբանների Եվրոպական Միության պատվավոր անդամ է, Եվրասիական երկրների սրտաբանների ասոցիացիայի նախագահության անդամ: Պարգևատրվել է Ժողովուրդների բարեկամության շքանշանով, Մխիթար Հերացու անվան մեդալով, Եվգենի Չազովի անվան ոսկե մեդալով «Սրտաբանության ասպարեզում ակնառու ձեռքբերումների համար»: Նա ՀԽՍՀ Գիտության և տեխնիկայի բնագավառի պետական մրցանակի դափնեկիր  է:

12.05.2017թ.
ՀՀ ԳԱԱ Տեղեկատվական-վերլուծական ծառայություն