Հիմնական աշխատ. վերաբերում են հայ հին գրականության պատմությանը, բանագիտությանը, համեմատական տեսքտաբանությանը, գրական, գիտական և բանահյուսական հուշարձանների թարգմանությանը, «Սասնա ծռեր» հերոսապատումի ուսումնասիրությանը, արևելագիտությանը, հայ ժողովրդի պատմության հարցերին:

Սովորել է Մոսկվայի արևելյան լեզուների Լազարյան ին-տում (1911–1914), ազատ ունկնդիր Բեռլինի համալսարանում (1915–1917): Բ.գ.դ.՝ honoris causa (1942), պրոֆ. (1935): ակադ. (1965):

«Կարմիր բանակ» թերթի խմբագիր (1920): Երևանի արական գիմնազիայի ուսուցիչ (1920): ԵՊՀ-ի հիմնադիր դասախոսներից (1920, 1921–1925), պրոֆ. (1935–1937): Դասավանդել է նաև Երևանի ռուսական մանկավարժական ին-տում (1946–1948): Էջմիածնի մշակութային-պատմական ին-տի նախագահ (1921), ՀԽՍՀ գիտությունների ին-տի գիտքարտուղար (1930-1931), ՀԽՍՀ նյութական մշակույթի պատմության ին-տի գիտքարտուղար (1932–1934), ապա՝ պատմության և գրականության ին-տի բաժնի վարիչ (1935–1937): ՀՀ ԳԱԱ Մ. Աբեղյանի անվ. գրականության ին-տի ավ. գիտաշխատող (1944–1948):

ՀԽՍՀ գիտության վաստակավոր գործիչ (1962): Ենթարկվել է հալածանքների (1937–1944): Կ.Մելիք-Օհանջանյանի անվամբ է կոչվում ՀՀ Սյունիքի մարզի Լիճք գյուղի միջնակարգ դպրոցը: