ՀՀ ԳԱԱ Հ. Բունիաթյանի անվան կենսաքիմիայի ինստիտուտը Ֆրայբուրգի համալսարանի (Շվեյցարիա) հետ համատեղ 2020թ. հունիսի 12-13-ը հրավիրում է մասնակցելու “Սպիտակուցները ԵՎ ՊԵՊՏԻԴՆԵՐԸ ՊԱԹՈԼՈԳԻԱՅՈՒՄ.սինթեզ, կառուցվածք, ֆունկցիա, ախտորոշում, թերապիա” խորագրով միջազգային գիտաժողովին: Գրանցման վերջնաժամկետը՝ մարտի 10-ը, իսկ հոդվածների ներկայացման համար` ապրիլի 30-ը: Գիտաժողովի մասնակցությունը անվճար է

Հայաստանի Հանրապետության ազգային ակադեմիայի նախագահությունը խորին վշտով հայտնում է, որ 2020թ. հունվարի 24-ին 88 տարեկան հասակում կյանքից հեռացել է ՀՀ ԳԱԱ ակադեմիկոս Ռոբերտ Հովսեփի Ավագյանը: Հոգեհանգիստը տեղի կունենա հունվարի 25-ին, ժամը 18.00-20.00-ը, «ՄԱՏՈՒՌ»-հոգեհանգստի սրահում (հասցե` ք.Երևան, Ֆուչիկի 27/34, Մալայան աչքի հիվանդանոցի դիմաց): Հրաժեշտի արարողությունը տեղի կունենա հունվարի 26-ին ՀՀ ԳԱԱ նախագահության շենքից (հասցե` Մարշալ Բաղրամյան պող., 24) ժամը 12.00-13.30-ը: Ցավակցում ենք հարազատներին և բարեկամներին

Հայաստանի Հանրապետության ազգային ակադեմիայի նախագահությունը խորին վշտով հայտնում է, որ 2019թ. դեկտեմբերի 12-ին 95 տարեկան հասակում կյանքից հեռացել է ՀՀ ԳԱԱ ակադեմիկոս Բորիս Կարապետի Կարապետյանը: Հոգեհանգիստը տեղի կունենա դեկտեմբերի 15-ին, ժամը 18:00-ից «Մեմորիալ» սգո սրահում՝ Այվազովսկու փողոց 14/4 (նախկին թաղման բյուրո), հրաժեշտի արարողությունը`դեկտեմբերի 16-ին ժամը 13.00-ին ՀՀ ԳԱԱ նախագահությունում (հասցե` Մարշալ Բաղրամյան պող., 24)

Հայաստանի Հանրապետության ազգային ակադեմիայի նախագահությունը խորին վշտով հայտնում է, որ 2019թ. դեկտեմբերի 1-ին 81 տարեկան հասակում կյանքից հեռացել է ՀՀ ԳԱԱ ակադեմիկոս Դավիթ Մհերի Սեդրակյանը: Հոգեհանգիստը տեղի կունենա դեկտեմբերի 3-ին, ժամը 18.00-20.00-ը Սուրբ Հովհաննես (Կոնդի) եկեղեցում, հրաժեշտի արարողությունը` դեկտեմբերի 4-ին ժամը 12.00-ին ՀՀ ԳԱԱ նախագահությունում (հասցե՝ Մարշալ Բաղրամյան պող., 24)

ՀՀ գիտության և տեխնիկայի զարգացման 2020-2024թթ. գերակայության ՀՀ կառավարության որոշման նախագիծ

Կյանքից հեռացավ ՀՀ ԳԱԱ Մոլեկուլային կենսաբանության ինստիտուտի փոխտնօրեն Հակոբ Դևեջյանը

Ընդունվում են Վիկտոր Համբարձումյանի անվան միջազգային գիտական մրցանակի 2020թ. հայտերը

ՀՀ ԿԳՄՍՆ գիտության կոմիտեն կազմակերպում է գիտական սարքերի և սարքավորումների ձեռքբերման համար ֆինանսական աջակցություն տրամադրելու հայտերի ընտրության ՄՐՑՈՒՅԹ: Հայտերի ներկայացման վերջնաժամկետն է 2019 թվականի սեպտեմբերի 10-ը: Մանրամասները՝ http://scs.am/կայքում

«Հայաստան» համահայկական հիմնադրամը հայտարարում է «Հայաստանի Հանրապետության Նախագահի մրցանակ» մրցույթ, որը ֆինանսավորում է «Պողոսյան» հիմնադրամը (Բելգիա-Շվեյցարիա): Որպես մրցանակ շնորհվում են` մրցանակի դափնեկրի վկայագիր, կրծքանշան և դրամական պարգև` 10.000 (տասը հազար) ԱՄՆ դոլարին համարժեք դրամի չափով: Հայտերն ընդունվում են 2018թ. դեկտեմբերի 3-ից մինչև 2019թ. հունվարի 31-ը ներառյալ: Մանրամասներին ծանոթանալու համար այցելեք` http://himnadram.org կայքը

ՀՀ ԳԱԱ Հայաստանի բժշկագիտություն հանդեսը ընդգրկվել է ԲՈԿ-ի կողմից ընդունելի հրատարակությունների ցանկում

Հայագիտական ուսումնասիրություները ֆինանսավորող համահայկական հիմնադրամը 2019 թ. հայտարարում է հայագիտական ուսումնասիրությունների նախագծերի մրցույթ, որոնք պետք է նպատակաուղղված լինեն հայագիտության բնագավառում կարևոր, արդիական հնչեղություն ունեցող խնդիրների լուծմանը

Փետրվարի 13-ին ՀՀ ԳԱԱ-ում տեղի կունենա Վիկտոր Համբարձումյանի անվան միջազգային գիտական մրցանակի հանձնման արարողությունը

ՀՀ ԳԱԱ Լ. Օրբելու անվան ֆիզիոլոգիայի ինստիտուտը սիրով հրավիրում է մասնակցելու մեծանուն հայ ֆիզիոլոգ, ՀԽՍՀ ԳԱ ակադեմիկոս, ԳԱ փոխնախագահ Վիկտոր Բարդուղիմեոսի Ֆանարջյանի 90-ամյակին նվիրված միջոցառմանը, որը տեղի կունենա ս.թ. մարտի 29-ին ժամը 13:00-ին Լ. Օրբելու անվան ֆիզիոլոգիայի ինստիտուտի դահլիճում

ՀՀ ԳԱԱ-ն հայտարարում է 2019թ-ի «ՀՀ ԳԱԱ համակարգի ինստիտուտների գիտական սարքավորումների սպասարկում, վերազինում, գիտափորձերի իրականացման համար նյութերի ձեռքբերում և չնախատեսված անհետաձգելի ծախսերի կատարում» և «ՀՀ ԳԱԱ համակարգի կազմակերպությունները սարքավորումներով վերազինում» ծրագրերից համակարգի կազմակերպություններին ֆինանսավորում տրամադրելու մրցույթ

ՀՀ ԳԱԱ-ն հայտարարում է «ՀՀ գիտությունների ազգային ակադեմիայի համակարգի գիտական գործուղումների իրականացում» ծրագրի միջոցներից 2019 թ. գիտական գործուղման ֆինանսավորման մրցույթ: Մրցույթն անցկացվելու է «ՀՀ գիտությունների ազգային ակադեմիայի համակարգի գիտական գործուղումների իրականացում» ծրագրի միջոցների օգտագործման կարգին համապատասխան

ՀՀ 2019թ. պետական բյուջեից ֆինանսավորման երաշխավորված գիտական միջոցառումների ցանկ

ՀՀ ԳԱԱ ՕԴՔ ԳՏԿ ՊՈԱԿ-ի աշխատակիցների դիմումը ՀՀ վարչապետի պաշտոնակատար Ն.Փաշինյանին

ՀՀ ԳԱԱ Փիլիսոփայության, սոցիոլոգիայի և իրավունքի ինստիտուտը Մեսրոպ Մաշտոցի անվան Մատենադարանի հետ համատեղ 2019թ. մայիսի 22-23-ը կազմակերպում են հայագիտական միջազգային գիտաժողով՝ նվիրված անվանի հայագետ, ակադեմիկոս Սեն Արևշատյանի ծննդյան 90-ամյակին: Լրացուցիչ տեղեկությունների համար սեղմեք այստեղ

2019թ. հունիսի 24-28-ը ՀՀ ԳԱԱ ֆիզիկայի և աստղաֆիզիկայի բաժանմունքը և ԳԱԱ ԻԿՐԱՆԵՏ կենտրոն ՄԿ-ն Երևանում անց են կացնում "MAGIC" համագործակցության տարեկան գիտաժողովը

2019թ. հունիսի 30-ից հուլիսի 5-ը տեղի կունենա Նոբելյան մրցանակակիրների 69-րդ հանդիպումը ֆիզիկայի բնագավառի ներկայացուցիչների հետ